শ্রীমদ্বাল্মীকীয রামাযণে যুদ্ধকাংডম্ ।
অথ সপ্তসপ্ততিতমস্সর্গঃ ।
নিকুংভোভ্রাতরংদৃষ্টবাসুগ্রীবেণনিপাতিতম্ ।
প্রদহন্নিবকোপেনবানরেংদ্রমবৈক্ষত ॥ 1 ॥
ততস্স্রগ্দামসন্নদ্ধংদত্তপংচাংগুলংশুভম্ ।
আদদেপরিঘংবীরোমহেংদ্রশিখরোপমম্ ॥ 2 ॥
হেমপট্টপরিক্ষিপ্তংবজ্রবিদ্রুমভূষিতম্ ।
যমদংডোপমংভীমংরক্ষসাংভযনাশনম্ ॥ 3 ॥
তমাবিধ্যমহাতেজাশ্শক্রধ্বজসমংতদা ।
নিননাদবিবৃত্তাস্যোনিকুংভোভীমবিক্রমঃ ॥ 4 ॥
উরোগতেননিষ্কেণভুজস্থৈরংগদৈরপি ।
কুংডলাভ্যাং চ চিত্রাভ্যাংমালযা চ বিচিত্রযা ॥ 5 ॥
নিকুংভোভূষণৈর্ভাতিতেনস্মপরিঘেণ চ ।
যথেংদ্রধনুষামেঘস্সবিদ্যুত্স্তনযিত্নুমান্ ॥ 6 ॥
পরিঘাগ্রেণ পুস্ফোট বাতগ্রংথির্মহাত্মনঃ ।
প্রজজ্বাল সঘোষশ্চ বিধূম ইব পাবকঃ ॥ 7 ॥
নগর্যাবিটপাবত্যাগংধর্বভবনোত্তমৈঃ ।
সতারগ্রহনক্ষত্রংসচংদ্রংসমহাগ্রহম্ ॥ 8 ॥
নিকুংভপরিঘাঘূর্ণংভ্রমতীবনভস্থ্সলম্ ।
দুরাসদশ্চসংজজ্ঞেপরিঘাভরণপ্রভঃ ॥ 9 ॥
কপীনাংসনিকুংভাগ্নির্যুগাংতাগ্নিরিবোত্থিতঃ ।
রাক্ষসাবানরাশ্চাপি ন শেকুস্স্পংদিতুংভযাত্ ॥ 10 ॥
হনূমাংস্তুবিবৃত্যোরস্তস্থৌতস্যাগ্রতোবলী ।
পরিঘোপমবাহুস্তুপরিঘংভাস্করপ্রভম্ ॥ 11 ॥
বলীবলবতস্তস্যপাতযামাসবক্ষসি ।
স্থিরেতস্যোরসিব্যূঢেপরিঘশ্শতধাকৃতঃ ॥ 12 ॥
বিকীর্যমাণস্সহসাউল্কাশতমিবাংবরে ।
স তুতেনপ্রহারেণবিচচালমহাকপিঃ ॥ 13 ॥
পরিঘেণসমাধূতোযথাভূমিচলেঽচলঃ ।
তথাভিহতস্তেনহনুমান্ প্লবগোত্তমঃ ॥ 14 ॥
মুষ্টিংসম্বর্তযামাসবলেনাতিমহাবলঃ ।
তমুদ্যম্যমহাতেজানিকুংভোরসিবীর্যবান্ ॥ 15 ॥
অভিচিক্ষেপবেগেনবেগবান্ বাযুবিক্রমঃ ।
ততঃপুস্ফোটচর্মাস্যপ্রসুস্রাব চ শোণিতম্ ॥ 16 ॥
মুষ্টিনাতেনসংজজ্ঞেমেঘেবিদ্যুদিবোত্থিতা ।
সঃতুতেনপ্রহারেণনিকুংভোবিচচাল হ ॥ 17 ॥
স্বস্থশ্চাপিনিজগ্রাহহনূমংতংমহাবলম্ ।
চুক্রুশুস্তদাসংখ্যেভীমংলংকানিবাসিনঃ ॥ 18 ॥
নিকুংভেনোদ্যতংদৃষ্টবাহনূমংতংমহাবলম্ ।
তদাহ্রিযমাণোঽপিকুংভকর্ণাত্মজেন হ ॥ 19 ॥
আজঘানানিলসুতোবজ্রকল্পেনমুষ্টিনা ।
আত্মানংমোক্ষযিত্বাথক্ষিতাবভ্যবপদ্যত ॥ 20 ॥
হনূমানুন্মমাথাশুনিকুংভংমারুতাত্মজঃ ।
নিক্ষিপ্যপরমাযত্তোনিকুংভংনিষ্পিপেষ হ ॥ 21 ॥
উত্পত্যচাস্যবেগেনপপাতোরসিবীর্যবান্ ।
পরিগৃহ্য চ বাহুভ্যাংপরিবৃত্যশিরোধরাম্ ॥ 22 ॥
উত্পাটযামানশিরোভৈরবংনদতোমহত্ ।
অথনিনদতিসাদিতেনিকুংভেপবনসুতেনরণেবভূবযুদ্ধম্ ।
দশরথসুতরাক্ষসেংদ্রসূন্বোর্ভৃশতরমাগতরোষযোস্সুভীমম্ ॥ 23 ॥
ব্যপেতেতুজীবেনিকুংভস্যহৃষ্টাবিনেদুঃপ্লবংগাদিশস্সস্বনুশ্চ ।
চচালেবচোর্বীপফালেবচদ্যৌর্ভযংরাক্ষসানাংবলংচাবিবেশ ॥ 24 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে সপ্তসপ্ততিতমস্সর্গঃ ॥
