શ્રીમદ્વાલ્મીકીય રામાયણે યુદ્ધકાંડમ્ ।
અથ સપ્તસપ્તતિતમસ્સર્ગઃ ।
નિકુંભોભ્રાતરંદૃષ્ટવાસુગ્રીવેણનિપાતિતમ્ ।
પ્રદહન્નિવકોપેનવાનરેંદ્રમવૈક્ષત ॥ 1 ॥
તતસ્સ્રગ્દામસન્નદ્ધંદત્તપંચાંગુલંશુભમ્ ।
આદદેપરિઘંવીરોમહેંદ્રશિખરોપમમ્ ॥ 2 ॥
હેમપટ્ટપરિક્ષિપ્તંવજ્રવિદ્રુમભૂષિતમ્ ।
યમદંડોપમંભીમંરક્ષસાંભયનાશનમ્ ॥ 3 ॥
તમાવિધ્યમહાતેજાશ્શક્રધ્વજસમંતદા ।
નિનનાદવિવૃત્તાસ્યોનિકુંભોભીમવિક્રમઃ ॥ 4 ॥
ઉરોગતેનનિષ્કેણભુજસ્થૈરંગદૈરપિ ।
કુંડલાભ્યાં ચ ચિત્રાભ્યાંમાલયા ચ વિચિત્રયા ॥ 5 ॥
નિકુંભોભૂષણૈર્ભાતિતેનસ્મપરિઘેણ ચ ।
યથેંદ્રધનુષામેઘસ્સવિદ્યુત્સ્તનયિત્નુમાન્ ॥ 6 ॥
પરિઘાગ્રેણ પુસ્ફોટ વાતગ્રંથિર્મહાત્મનઃ ।
પ્રજજ્વાલ સઘોષશ્ચ વિધૂમ ઇવ પાવકઃ ॥ 7 ॥
નગર્યાવિટપાવત્યાગંધર્વભવનોત્તમૈઃ ।
સતારગ્રહનક્ષત્રંસચંદ્રંસમહાગ્રહમ્ ॥ 8 ॥
નિકુંભપરિઘાઘૂર્ણંભ્રમતીવનભસ્થ્સલમ્ ।
દુરાસદશ્ચસંજજ્ઞેપરિઘાભરણપ્રભઃ ॥ 9 ॥
કપીનાંસનિકુંભાગ્નિર્યુગાંતાગ્નિરિવોત્થિતઃ ।
રાક્ષસાવાનરાશ્ચાપિ ન શેકુસ્સ્પંદિતુંભયાત્ ॥ 10 ॥
હનૂમાંસ્તુવિવૃત્યોરસ્તસ્થૌતસ્યાગ્રતોબલી ।
પરિઘોપમબાહુસ્તુપરિઘંભાસ્કરપ્રભમ્ ॥ 11 ॥
બલીબલવતસ્તસ્યપાતયામાસવક્ષસિ ।
સ્થિરેતસ્યોરસિવ્યૂઢેપરિઘશ્શતધાકૃતઃ ॥ 12 ॥
વિકીર્યમાણસ્સહસાઉલ્કાશતમિવાંબરે ।
સ તુતેનપ્રહારેણવિચચાલમહાકપિઃ ॥ 13 ॥
પરિઘેણસમાધૂતોયથાભૂમિચલેઽચલઃ ।
તથાભિહતસ્તેનહનુમાન્ પ્લવગોત્તમઃ ॥ 14 ॥
મુષ્ટિંસમ્વર્તયામાસબલેનાતિમહાબલઃ ।
તમુદ્યમ્યમહાતેજાનિકુંભોરસિવીર્યવાન્ ॥ 15 ॥
અભિચિક્ષેપવેગેનવેગવાન્ વાયુવિક્રમઃ ।
તતઃપુસ્ફોટચર્માસ્યપ્રસુસ્રાવ ચ શોણિતમ્ ॥ 16 ॥
મુષ્ટિનાતેનસંજજ્ઞેમેઘેવિદ્યુદિવોત્થિતા ।
સઃતુતેનપ્રહારેણનિકુંભોવિચચાલ હ ॥ 17 ॥
સ્વસ્થશ્ચાપિનિજગ્રાહહનૂમંતંમહાબલમ્ ।
ચુક્રુશુસ્તદાસંખ્યેભીમંલંકાનિવાસિનઃ ॥ 18 ॥
નિકુંભેનોદ્યતંદૃષ્ટવાહનૂમંતંમહાબલમ્ ।
તદાહ્રિયમાણોઽપિકુંભકર્ણાત્મજેન હ ॥ 19 ॥
આજઘાનાનિલસુતોવજ્રકલ્પેનમુષ્ટિના ।
આત્માનંમોક્ષયિત્વાથક્ષિતાવભ્યવપદ્યત ॥ 20 ॥
હનૂમાનુન્મમાથાશુનિકુંભંમારુતાત્મજઃ ।
નિક્ષિપ્યપરમાયત્તોનિકુંભંનિષ્પિપેષ હ ॥ 21 ॥
ઉત્પત્યચાસ્યવેગેનપપાતોરસિવીર્યવાન્ ।
પરિગૃહ્ય ચ બાહુભ્યાંપરિવૃત્યશિરોધરામ્ ॥ 22 ॥
ઉત્પાટયામાનશિરોભૈરવંનદતોમહત્ ।
અથનિનદતિસાદિતેનિકુંભેપવનસુતેનરણેબભૂવયુદ્ધમ્ ।
દશરથસુતરાક્ષસેંદ્રસૂન્વોર્ભૃશતરમાગતરોષયોસ્સુભીમમ્ ॥ 23 ॥
વ્યપેતેતુજીવેનિકુંભસ્યહૃષ્ટાવિનેદુઃપ્લવંગાદિશસ્સસ્વનુશ્ચ ।
ચચાલેવચોર્વીપફાલેવચદ્યૌર્ભયંરાક્ષસાનાંબલંચાવિવેશ ॥ 24 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે સપ્તસપ્તતિતમસ્સર્ગઃ ॥
