శ్రీమద్వాల్మీకీయ రామాయణే యుద్ధకాండమ్ ।
అథ సప్తసప్తతితమస్సర్గః ।
నికుంభోభ్రాతరందృష్టవాసుగ్రీవేణనిపాతితమ్ ।
ప్రదహన్నివకోపేనవానరేంద్రమవైక్షత ॥ 1 ॥
తతస్స్రగ్దామసన్నద్ధందత్తపంచాంగులంశుభమ్ ।
ఆదదేపరిఘంవీరోమహేంద్రశిఖరోపమమ్ ॥ 2 ॥
హేమపట్టపరిక్షిప్తంవజ్రవిద్రుమభూషితమ్ ।
యమదండోపమంభీమంరక్షసాంభయనాశనమ్ ॥ 3 ॥
తమావిధ్యమహాతేజాశ్శక్రధ్వజసమంతదా ।
నిననాదవివృత్తాస్యోనికుంభోభీమవిక్రమః ॥ 4 ॥
ఉరోగతేననిష్కేణభుజస్థైరంగదైరపి ।
కుండలాభ్యాం చ చిత్రాభ్యాంమాలయా చ విచిత్రయా ॥ 5 ॥
నికుంభోభూషణైర్భాతితేనస్మపరిఘేణ చ ।
యథేంద్రధనుషామేఘస్సవిద్యుత్స్తనయిత్నుమాన్ ॥ 6 ॥
పరిఘాగ్రేణ పుస్ఫోట వాతగ్రంథిర్మహాత్మనః ।
ప్రజజ్వాల సఘోషశ్చ విధూమ ఇవ పావకః ॥ 7 ॥
నగర్యావిటపావత్యాగంధర్వభవనోత్తమైః ।
సతారగ్రహనక్షత్రంసచంద్రంసమహాగ్రహమ్ ॥ 8 ॥
నికుంభపరిఘాఘూర్ణంభ్రమతీవనభస్థ్సలమ్ ।
దురాసదశ్చసంజజ్ఞేపరిఘాభరణప్రభః ॥ 9 ॥
కపీనాంసనికుంభాగ్నిర్యుగాంతాగ్నిరివోత్థితః ।
రాక్షసావానరాశ్చాపి న శేకుస్స్పందితుంభయాత్ ॥ 10 ॥
హనూమాంస్తువివృత్యోరస్తస్థౌతస్యాగ్రతోబలీ ।
పరిఘోపమబాహుస్తుపరిఘంభాస్కరప్రభమ్ ॥ 11 ॥
బలీబలవతస్తస్యపాతయామాసవక్షసి ।
స్థిరేతస్యోరసివ్యూఢేపరిఘశ్శతధాకృతః ॥ 12 ॥
వికీర్యమాణస్సహసాఉల్కాశతమివాంబరే ।
స తుతేనప్రహారేణవిచచాలమహాకపిః ॥ 13 ॥
పరిఘేణసమాధూతోయథాభూమిచలేఽచలః ।
తథాభిహతస్తేనహనుమాన్ ప్లవగోత్తమః ॥ 14 ॥
ముష్టింసమ్వర్తయామాసబలేనాతిమహాబలః ।
తముద్యమ్యమహాతేజానికుంభోరసివీర్యవాన్ ॥ 15 ॥
అభిచిక్షేపవేగేనవేగవాన్ వాయువిక్రమః ।
తతఃపుస్ఫోటచర్మాస్యప్రసుస్రావ చ శోణితమ్ ॥ 16 ॥
ముష్టినాతేనసంజజ్ఞేమేఘేవిద్యుదివోత్థితా ।
సఃతుతేనప్రహారేణనికుంభోవిచచాల హ ॥ 17 ॥
స్వస్థశ్చాపినిజగ్రాహహనూమంతంమహాబలమ్ ।
చుక్రుశుస్తదాసంఖ్యేభీమంలంకానివాసినః ॥ 18 ॥
నికుంభేనోద్యతందృష్టవాహనూమంతంమహాబలమ్ ।
తదాహ్రియమాణోఽపికుంభకర్ణాత్మజేన హ ॥ 19 ॥
ఆజఘానానిలసుతోవజ్రకల్పేనముష్టినా ।
ఆత్మానంమోక్షయిత్వాథక్షితావభ్యవపద్యత ॥ 20 ॥
హనూమానున్మమాథాశునికుంభంమారుతాత్మజః ।
నిక్షిప్యపరమాయత్తోనికుంభంనిష్పిపేష హ ॥ 21 ॥
ఉత్పత్యచాస్యవేగేనపపాతోరసివీర్యవాన్ ।
పరిగృహ్య చ బాహుభ్యాంపరివృత్యశిరోధరామ్ ॥ 22 ॥
ఉత్పాటయామానశిరోభైరవంనదతోమహత్ ।
అథనినదతిసాదితేనికుంభేపవనసుతేనరణేబభూవయుద్ధమ్ ।
దశరథసుతరాక్షసేంద్రసూన్వోర్భృశతరమాగతరోషయోస్సుభీమమ్ ॥ 23 ॥
వ్యపేతేతుజీవేనికుంభస్యహృష్టావినేదుఃప్లవంగాదిశస్సస్వనుశ్చ ।
చచాలేవచోర్వీపఫాలేవచద్యౌర్భయంరాక్షసానాంబలంచావివేశ ॥ 24 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే సప్తసప్తతితమస్సర్గః ॥
