ශ්රීමද්වාල්මීකීය රාමායණේ යුද්ධකාංඩම් ।
අථ සප්තසප්තතිතමස්සර්ගඃ ।
නිකුංභෝභ්රාතරංදෘෂ්ටවාසුග්රීවේණනිපාතිතම් ।
ප්රදහන්නිවකෝපේනවානරේංද්රමවෛක්ෂත ॥ 1 ॥
තතස්ස්රග්දාමසන්නද්ධංදත්තපංචාංගුලංශුභම් ।
ආදදේපරිඝංවීරෝමහේංද්රශිඛරෝපමම් ॥ 2 ॥
හේමපට්ටපරික්ෂිප්තංවජ්රවිද්රුමභූෂිතම් ।
යමදංඩෝපමංභීමංරක්ෂසාංභයනාශනම් ॥ 3 ॥
තමාවිධ්යමහාතේජාශ්ශක්රධ්වජසමංතදා ।
නිනනාදවිවෘත්තාස්යෝනිකුංභෝභීමවික්රමඃ ॥ 4 ॥
උරෝගතේනනිෂ්කේණභුජස්ථෛරංගදෛරපි ।
කුංඩලාභ්යාං ච චිත්රාභ්යාංමාලයා ච විචිත්රයා ॥ 5 ॥
නිකුංභෝභූෂණෛර්භාතිතේනස්මපරිඝේණ ච ।
යථේංද්රධනුෂාමේඝස්සවිද්යුත්ස්තනයිත්නුමාන් ॥ 6 ॥
පරිඝාග්රේණ පුස්ඵෝට වාතග්රංථිර්මහාත්මනඃ ।
ප්රජජ්වාල සඝෝෂශ්ච විධූම ඉව පාවකඃ ॥ 7 ॥
නගර්යාවිටපාවත්යාගංධර්වභවනෝත්තමෛඃ ।
සතාරග්රහනක්ෂත්රංසචංද්රංසමහාග්රහම් ॥ 8 ॥
නිකුංභපරිඝාඝූර්ණංභ්රමතීවනභස්ථ්සලම් ।
දුරාසදශ්චසංජජ්ඤේපරිඝාභරණප්රභඃ ॥ 9 ॥
කපීනාංසනිකුංභාග්නිර්යුගාංතාග්නිරිවෝත්ථිතඃ ।
රාක්ෂසාවානරාශ්චාපි න ශේකුස්ස්පංදිතුංභයාත් ॥ 10 ॥
හනූමාංස්තුවිවෘත්යෝරස්තස්ථෞතස්යාග්රතෝබලී ।
පරිඝෝපමබාහුස්තුපරිඝංභාස්කරප්රභම් ॥ 11 ॥
බලීබලවතස්තස්යපාතයාමාසවක්ෂසි ।
ස්ථිරේතස්යෝරසිව්යූඪේපරිඝශ්ශතධාකෘතඃ ॥ 12 ॥
විකීර්යමාණස්සහසාඋල්කාශතමිවාංබරේ ।
ස තුතේනප්රහාරේණවිචචාලමහාකපිඃ ॥ 13 ॥
පරිඝේණසමාධූතෝයථාභූමිචලේऽචලඃ ।
තථාභිහතස්තේනහනුමාන් ප්ලවගෝත්තමඃ ॥ 14 ॥
මුෂ්ටිංසම්වර්තයාමාසබලේනාතිමහාබලඃ ।
තමුද්යම්යමහාතේජානිකුංභෝරසිවීර්යවාන් ॥ 15 ॥
අභිචික්ෂේපවේගේනවේගවාන් වායුවික්රමඃ ।
තතඃපුස්ඵෝටචර්මාස්යප්රසුස්රාව ච ශෝණිතම් ॥ 16 ॥
මුෂ්ටිනාතේනසංජජ්ඤේමේඝේවිද්යුදිවෝත්ථිතා ।
සඃතුතේනප්රහාරේණනිකුංභෝවිචචාල හ ॥ 17 ॥
ස්වස්ථශ්චාපිනිජග්රාහහනූමංතංමහාබලම් ।
චුක්රුශුස්තදාසංඛ්යේභීමංලංකානිවාසිනඃ ॥ 18 ॥
නිකුංභේනෝද්යතංදෘෂ්ටවාහනූමංතංමහාබලම් ।
තදාහ්රියමාණෝऽපිකුංභකර්ණාත්මජේන හ ॥ 19 ॥
ආජඝානානිලසුතෝවජ්රකල්පේනමුෂ්ටිනා ।
ආත්මානංමෝක්ෂයිත්වාථක්ෂිතාවභ්යවපද්යත ॥ 20 ॥
හනූමානුන්මමාථාශුනිකුංභංමාරුතාත්මජඃ ।
නික්ෂිප්යපරමායත්තෝනිකුංභංනිෂ්පිපේෂ හ ॥ 21 ॥
උත්පත්යචාස්යවේගේනපපාතෝරසිවීර්යවාන් ।
පරිගෘහ්ය ච බාහුභ්යාංපරිවෘත්යශිරෝධරාම් ॥ 22 ॥
උත්පාටයාමානශිරෝභෛරවංනදතෝමහත් ।
අථනිනදතිසාදිතේනිකුංභේපවනසුතේනරණේබභූවයුද්ධම් ।
දශරථසුතරාක්ෂසේංද්රසූන්වෝර්භෘශතරමාගතරෝෂයෝස්සුභීමම් ॥ 23 ॥
ව්යපේතේතුජීවේනිකුංභස්යහෘෂ්ටාවිනේදුඃප්ලවංගාදිශස්සස්වනුශ්ච ।
චචාලේවචෝර්වීපඵාලේවචද්යෞර්භයංරාක්ෂසානාංබලංචාවිවේශ ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ සප්තසප්තතිතමස්සර්ගඃ ॥
