శ్రీమద్వాల్మీకీయ రామాయణే యుద్ధకాండమ్ ।
అథ అశీతితమస్సర్గః ।
మకరాక్షంహతంశ్రుత్వారావణస్సమితింజయః ।
రోషేణమహతావిష్టోదంతాంకటకటాయ్య చ ॥ 1 ॥
కోపితశ్చతదాతత్రకింకార్యమితిచింతయన్ ।
ఆదిదేశాథసంక్రుద్ధోరణాయేజితంసుతమ్ ॥ 2 ॥
జహివీర మహావీర్యౌభ్రాతరౌరామలక్ష్మణౌ ।
అదృశ్యోదృశ్యమానోవాసర్వథాత్వంబలాధికః ॥ 3 ॥
త్వమప్రతిమకర్మాణమింద్రంజయసిసంయుగే ।
కింపునర్మానుషౌదృష్టవా న వధిష్యసిసంయుగే ॥ 4 ॥
తథోక్తోరాక్షసేంద్రేణప్రతిగృహ్యపితుర్వచః ।
యజ్ఞభూమౌ స విధివత్ పావకంజుహవేంద్రజిత్ ॥ 5 ॥
జుహ్వతశ్చాపితత్రాగ్నింరక్తోష్ణీషధరాస్త్రిరియః ।
ఆజగ్ముస్తత్రసంభ్రాంతారాక్షస్యోయత్రరావణిః ॥ 6 ॥
శస్త్రాణిశరపత్రాణిసమిధోఽథవిభీతకాః ।
లోహితాని చ వాసాంహిస్రువంకార్ష్ణాయసంతథా ॥ 7 ॥
సర్వతో ।
అగ్నిం సమాస్తీర్య శరపత్రైః సతోమరైః ।
చాగస్య సర్వకృష్ణస్య గలం జగ్రాహ జీవతః ॥ 8 ॥
సకృదేవసమిద్ధస్యవిధూమస్యమహార్చిషః ।
బభూవుస్తానిలింగానివిజయందర్శయంతి చ ॥ 9 ॥
ప్రదక్షిణావర్తశిఖస్తప్తహాటకసన్నిభః ।
హవిస్తత్ప్రతిజగ్రాహపావకస్స్వయముత్థితః ॥ 10 ॥
హుత్వాగ్నింతర్పయిత్వాథదేవదానవరాక్షసాన్ ।
ఆరురోహరథశ్రేష్ఠమంతర్థానగతంశుభమ్ ॥ 11 ॥
స వాజిభిశ్చతుర్భిస్తుబాణైశ్చనిశితైర్యుతః ।
ఆరోపితమహాచాపశ్శుశుభేస్యందనోత్తమః ॥ 12 ॥
జాజ్వల్యమానోవపుషాతపనీయపరిచ్ఛదః ।
మృగైశ్చంద్రార్ధచంద్రైశ్చ స రథస్సమలంకృతః ॥ 13 ॥
జాంబూనదమహాకంబుర్దీప్తపావకసన్నిభః ।
బభూవేంద్రజితఃకేతుర్వైదూర్యసమలంకృతః ॥ 14 ॥
తేనచాదిత్యకల్పేనబ్రహ్మాస్త్రణ చ పాలితః ।
స బభూవదురాధర్షోరావణిస్సుమహాబలః ॥ 15 ॥
సోఽభినిర్యాయనగరాదింద్రజిత్సమితింజయః ।
హత్వాగ్నింరాక్షసైర్మంత్రైరంతర్ధానగతోఽబ్రవీత్ ॥ 16 ॥
అద్యహత్వారణేయౌతౌమిథ్యాప్రవ్రజితౌవనే ।
జయంపిత్రేప్రదాస్యామిరావణాయరణార్జితమ్ ॥ 17 ॥
అద్యనిర్వానరముర్వీంహత్వారామంసలక్ష్మణమ్ ।
కరిష్యేపరమాంప్రీతిమిత్యుక్త్వాంతరధీయత ॥ 18 ॥
ఆపపాతథసంకృద్ధోదశగ్రీవేణచోదితః ।
తీక్షణకార్ముకనారాచైస్తీక్షణస్త్వింద్రరిపూరణే ॥ 19 ॥
స దదర్శమహావీర్యౌనాగౌత్రిశిరసానివ ।
సృజంతావిషుజాలానివీరౌవానరమధ్యగౌ ॥ 20 ॥
ఇమౌ తావితి సంచింత్య సజ్యం కృత్వా చ కార్ముకమ్ ।
సంతతానేషుధారాభిః పర్జన్య ఇవ వృష్టిమాన్ ॥ 21 ॥
తువైహాయసంప్రాప్యసరథోరామలక్ష్మణౌ ।
ఆచక్షుర్విషయేతిష్ఠవనివ్యాధనిశితైశ్శరైః ॥ 22 ॥
తౌతస్యశరవేగేనపరీతౌరామలక్ష్మణౌ ।
ధనుషీసశరేకృత్వాదివ్యమస్త్రంప్రచక్రతుః ॥ 23 ॥
ప్రచ్ఛాదయంతౌగగనంశరజాలైర్మహాబలౌ ।
తమస్త్రఃసూర్యసంకాశైర్నైవపస్పృశతుశ్శరైః ॥ 24 ॥
స హిధూమాంధకారం చ చక్రేప్రచ్చాదయన్నభః ।
దిశశ్చాంతర్దధేశ్రీమాన్నీహారతమసావృతాః ॥ 25 ॥
నైవజ్యాతలనిర్ఘోషా న చ నేమిఖురస్వనః ।
శుశ్రువేచరతస్తస్య న చ రూపంప్రకాశతే ॥ 26 ॥
ఘనాంధకారేతిమిరేశరావర్షమివాద్భుతమ్ ।
స వవర్షమహాబాహుర్నారాచశరవృష్టిభిః ॥ 27 ॥
స రామంసూర్యసంకాశైశ్శరైర్ధత్తవరోర్భృశమ్ ।
వివ్యాధసమరేక్రుద్ధఃసర్వగాత్రేషురావణిః ॥ 28 ॥
తౌహన్యమానౌనారాచైర్ధారాభిరివపర్వతౌ ।
హేమపుంఖాన్నరవ్యాఘ్రౌతిగ్మాన్ముముచతుఃశరాన్ ॥ 29 ॥
అంతరిక్షేసమాసాద్యరావణింకంకపత్రిణః ।
నికృత్యపతగాభూమౌసేతుస్తేశోణితోక్షితాః ॥ 30 ॥
అతిమాత్రంశరౌఘేణపీడ్యమానౌనరోత్తమౌ ।
తానిషూన్పతతోభల్లైరనేకైర్విచకర్తతుః ॥ 31 ॥
యతోహిదదృశాతేతౌశరాన్ నిపతితాన్శితాన్ ।
తతస్తుతౌదాశరథీససృజాతేఽస్త్రముత్తమమ్ ॥ 32 ॥
రావణిస్తుదిశస్సర్వారథేనాతిరథోఽపతత్ ।
వివ్యాధతౌదాశరథీలఘ్వస్త్రనిశితైఃశరైః ॥ 33 ॥
తేనాతివిద్ధౌతౌవీరౌరుక్మపుంఖైఃసుసమ్హతైః ।
బభూవతుర్ధాశరథీపుష్పితామివకింశుకౌ ॥ 34 ॥
నాస్యవేగగతింకచశిన్న చ రూపంధనుశ్శరాన్ ।
న చాన్యద్విదితంకించిత్సూర్యస్యేవాభ్రసంప్లవే ॥ 35 ॥
తేనవిద్ధాశ్చహరయోనిహతాశ్చగతాసవః ।
బభూవుఃశతశస్తత్రపతితాధరణీతలే ॥ 36 ॥
లక్ష్మణస్తుతతస్సుంక్రృద్ధోభ్రాతరంవాక్యమబ్రవీత్ ।
బ్రాహ్మమస్త్రంప్రయోక్ష్యామివధార్థంసర్వరక్షసామ్ ॥ 37 ॥
తమువాచతతోరామోలక్ష్మణంశుభలక్షణమ్ ।
నైకస్యహేతోరక్షాంసిపృథివ్యాంహంతుమర్హసి ॥ 38 ॥
అయుధ్యమానంప్రచ్ఛన్నంప్రాంజలింశరణాగతమ్ ।
పలాయమానంమత్తంవా న హంతుంత్వమిహార్హసి ॥ 39 ॥
అస్యైవతువధేయత్నంకరిష్యావోమహాభుజ ।
ఆదేక్ష్యావోమహావేగావస్త్రానాశీవిషోపమాన్ ॥ 40 ॥
తమేనంమాయినంక్షుద్రమంతర్హితరథంబలాత్ ।
రాక్షసంనిహనిష్యంతిదృష్టవావానరయూథపాః ॥ 41 ॥
యద్యేషభూమింవిశతేదివంవారసాతలంవాపినభస్స్థలంవా ।
ఏవంనిగూఢోఽమమాస్త్రదగ్ధఃపతిష్యతేభూమితలేగతాసుః ॥ 42 ॥
ఇత్యేవముక్త్వావచనంమహాత్మారఘుప్రవీరఃప్లవగర్షభైర్వృతః ।
వధాయరౌద్రస్యనృశంసకర్మణస్తదామహాత్మాత్వరితంనిరీక్షతే ॥ 43 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే అశీతితమస్సర్గః ॥
