ශ්රීමද්වාල්මීකීය රාමායණේ යුද්ධකාංඩම් ।
අථ අශීතිතමස්සර්ගඃ ।
මකරාක්ෂංහතංශ්රුත්වාරාවණස්සමිතිංජයඃ ।
රෝෂේණමහතාවිෂ්ටෝදංතාංකටකටාය්ය ච ॥ 1 ॥
කෝපිතශ්චතදාතත්රකිංකාර්යමිතිචිංතයන් ।
ආදිදේශාථසංක්රුද්ධෝරණායේජිතංසුතම් ॥ 2 ॥
ජහිවීර මහාවීර්යෞභ්රාතරෞරාමලක්ෂ්මණෞ ।
අදෘශ්යෝදෘශ්යමානෝවාසර්වථාත්වංබලාධිකඃ ॥ 3 ॥
ත්වමප්රතිමකර්මාණමිංද්රංජයසිසංයුගේ ।
කිංපුනර්මානුෂෞදෘෂ්ටවා න වධිෂ්යසිසංයුගේ ॥ 4 ॥
තථෝක්තෝරාක්ෂසේංද්රේණප්රතිගෘහ්යපිතුර්වචඃ ।
යජ්ඤභූමෞ ස විධිවත් පාවකංජුහවේංද්රජිත් ॥ 5 ॥
ජුහ්වතශ්චාපිතත්රාග්නිංරක්තෝෂ්ණීෂධරාස්ත්රිරියඃ ।
ආජග්මුස්තත්රසංභ්රාංතාරාක්ෂස්යෝයත්රරාවණිඃ ॥ 6 ॥
ශස්ත්රාණිශරපත්රාණිසමිධෝऽථවිභීතකාඃ ।
ලෝහිතානි ච වාසාංහිස්රුවංකාර්ෂ්ණායසංතථා ॥ 7 ॥
සර්වතෝ ।
අග්නිං සමාස්තීර්ය ශරපත්රෛඃ සතෝමරෛඃ ।
චාගස්ය සර්වකෘෂ්ණස්ය ගලං ජග්රාහ ජීවතඃ ॥ 8 ॥
සකෘදේවසමිද්ධස්යවිධූමස්යමහාර්චිෂඃ ।
බභූවුස්තානිලිංගානිවිජයංදර්ශයංති ච ॥ 9 ॥
ප්රදක්ෂිණාවර්තශිඛස්තප්තහාටකසන්නිභඃ ।
හවිස්තත්ප්රතිජග්රාහපාවකස්ස්වයමුත්ථිතඃ ॥ 10 ॥
හුත්වාග්නිංතර්පයිත්වාථදේවදානවරාක්ෂසාන් ।
ආරුරෝහරථශ්රේෂ්ඨමංතර්ථානගතංශුභම් ॥ 11 ॥
ස වාජිභිශ්චතුර්භිස්තුබාණෛශ්චනිශිතෛර්යුතඃ ।
ආරෝපිතමහාචාපශ්ශුශුභේස්යංදනෝත්තමඃ ॥ 12 ॥
ජාජ්වල්යමානෝවපුෂාතපනීයපරිච්ඡදඃ ।
මෘගෛශ්චංද්රාර්ධචංද්රෛශ්ච ස රථස්සමලංකෘතඃ ॥ 13 ॥
ජාංබූනදමහාකංබුර්දීප්තපාවකසන්නිභඃ ।
බභූවේංද්රජිතඃකේතුර්වෛදූර්යසමලංකෘතඃ ॥ 14 ॥
තේනචාදිත්යකල්පේනබ්රහ්මාස්ත්රණ ච පාලිතඃ ।
ස බභූවදුරාධර්ෂෝරාවණිස්සුමහාබලඃ ॥ 15 ॥
සෝऽභිනිර්යායනගරාදිංද්රජිත්සමිතිංජයඃ ।
හත්වාග්නිංරාක්ෂසෛර්මංත්රෛරංතර්ධානගතෝऽබ්රවීත් ॥ 16 ॥
අද්යහත්වාරණේයෞතෞමිථ්යාප්රව්රජිතෞවනේ ।
ජයංපිත්රේප්රදාස්යාමිරාවණායරණාර්ජිතම් ॥ 17 ॥
අද්යනිර්වානරමුර්වීංහත්වාරාමංසලක්ෂ්මණම් ।
කරිෂ්යේපරමාංප්රීතිමිත්යුක්ත්වාංතරධීයත ॥ 18 ॥
ආපපාතථසංකෘද්ධෝදශග්රීවේණචෝදිතඃ ।
තීක්ෂණකාර්මුකනාරාචෛස්තීක්ෂණස්ත්විංද්රරිපූරණේ ॥ 19 ॥
ස දදර්ශමහාවීර්යෞනාගෞත්රිශිරසානිව ।
සෘජංතාවිෂුජාලානිවීරෞවානරමධ්යගෞ ॥ 20 ॥
ඉමෞ තාවිති සංචිංත්ය සජ්යං කෘත්වා ච කාර්මුකම් ।
සංතතානේෂුධාරාභිඃ පර්ජන්ය ඉව වෘෂ්ටිමාන් ॥ 21 ॥
තුවෛහායසංප්රාප්යසරථෝරාමලක්ෂ්මණෞ ।
ආචක්ෂුර්විෂයේතිෂ්ඨවනිව්යාධනිශිතෛශ්ශරෛඃ ॥ 22 ॥
තෞතස්යශරවේගේනපරීතෞරාමලක්ෂ්මණෞ ।
ධනුෂීසශරේකෘත්වාදිව්යමස්ත්රංප්රචක්රතුඃ ॥ 23 ॥
ප්රච්ඡාදයංතෞගගනංශරජාලෛර්මහාබලෞ ।
තමස්ත්රඃසූර්යසංකාශෛර්නෛවපස්පෘශතුශ්ශරෛඃ ॥ 24 ॥
ස හිධූමාංධකාරං ච චක්රේප්රච්චාදයන්නභඃ ।
දිශශ්චාංතර්දධේශ්රීමාන්නීහාරතමසාවෘතාඃ ॥ 25 ॥
නෛවජ්යාතලනිර්ඝෝෂා න ච නේමිඛුරස්වනඃ ।
ශුශ්රුවේචරතස්තස්ය න ච රූපංප්රකාශතේ ॥ 26 ॥
ඝනාංධකාරේතිමිරේශරාවර්ෂමිවාද්භුතම් ।
ස වවර්ෂමහාබාහුර්නාරාචශරවෘෂ්ටිභිඃ ॥ 27 ॥
ස රාමංසූර්යසංකාශෛශ්ශරෛර්ධත්තවරෝර්භෘශම් ।
විව්යාධසමරේක්රුද්ධඃසර්වගාත්රේෂුරාවණිඃ ॥ 28 ॥
තෞහන්යමානෞනාරාචෛර්ධාරාභිරිවපර්වතෞ ।
හේමපුංඛාන්නරව්යාඝ්රෞතිග්මාන්මුමුචතුඃශරාන් ॥ 29 ॥
අංතරික්ෂේසමාසාද්යරාවණිංකංකපත්රිණඃ ।
නිකෘත්යපතගාභූමෞසේතුස්තේශෝණිතෝක්ෂිතාඃ ॥ 30 ॥
අතිමාත්රංශරෞඝේණපීඩ්යමානෞනරෝත්තමෞ ।
තානිෂූන්පතතෝභල්ලෛරනේකෛර්විචකර්තතුඃ ॥ 31 ॥
යතෝහිදදෘශාතේතෞශරාන් නිපතිතාන්ශිතාන් ।
තතස්තුතෞදාශරථීසසෘජාතේऽස්ත්රමුත්තමම් ॥ 32 ॥
රාවණිස්තුදිශස්සර්වාරථේනාතිරථෝऽපතත් ।
විව්යාධතෞදාශරථීලඝ්වස්ත්රනිශිතෛඃශරෛඃ ॥ 33 ॥
තේනාතිවිද්ධෞතෞවීරෞරුක්මපුංඛෛඃසුසම්හතෛඃ ।
බභූවතුර්ධාශරථීපුෂ්පිතාමිවකිංශුකෞ ॥ 34 ॥
නාස්යවේගගතිංකචශින්න ච රූපංධනුශ්ශරාන් ।
න චාන්යද්විදිතංකිංචිත්සූර්යස්යේවාභ්රසංප්ලවේ ॥ 35 ॥
තේනවිද්ධාශ්චහරයෝනිහතාශ්චගතාසවඃ ।
බභූවුඃශතශස්තත්රපතිතාධරණීතලේ ॥ 36 ॥
ලක්ෂ්මණස්තුතතස්සුංක්රෘද්ධෝභ්රාතරංවාක්යමබ්රවීත් ।
බ්රාහ්මමස්ත්රංප්රයෝක්ෂ්යාමිවධාර්ථංසර්වරක්ෂසාම් ॥ 37 ॥
තමුවාචතතෝරාමෝලක්ෂ්මණංශුභලක්ෂණම් ।
නෛකස්යහේතෝරක්ෂාංසිපෘථිව්යාංහංතුමර්හසි ॥ 38 ॥
අයුධ්යමානංප්රච්ඡන්නංප්රාංජලිංශරණාගතම් ।
පලායමානංමත්තංවා න හංතුංත්වමිහාර්හසි ॥ 39 ॥
අස්යෛවතුවධේයත්නංකරිෂ්යාවෝමහාභුජ ।
ආදේක්ෂ්යාවෝමහාවේගාවස්ත්රානාශීවිෂෝපමාන් ॥ 40 ॥
තමේනංමායිනංක්ෂුද්රමංතර්හිතරථංබලාත් ।
රාක්ෂසංනිහනිෂ්යංතිදෘෂ්ටවාවානරයූථපාඃ ॥ 41 ॥
යද්යේෂභූමිංවිශතේදිවංවාරසාතලංවාපිනභස්ස්ථලංවා ।
ඒවංනිගූඪෝऽමමාස්ත්රදග්ධඃපතිෂ්යතේභූමිතලේගතාසුඃ ॥ 42 ॥
ඉත්යේවමුක්ත්වාවචනංමහාත්මාරඝුප්රවීරඃප්ලවගර්ෂභෛර්වෘතඃ ।
වධායරෞද්රස්යනෘශංසකර්මණස්තදාමහාත්මාත්වරිතංනිරීක්ෂතේ ॥ 43 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අශීතිතමස්සර්ගඃ ॥
