ശ്രീമദ്വാല്മീകീയ രാമായണേ യുദ്ധകാംഡമ് ।
അഥ അശീതിതമസ്സര്ഗഃ ।
മകരാക്ഷംഹതംശ്രുത്വാരാവണസ്സമിതിംജയഃ ।
രോഷേണമഹതാവിഷ്ടോദംതാംകടകടായ്യ ച ॥ 1 ॥
കോപിതശ്ചതദാതത്രകിംകാര്യമിതിചിംതയന് ।
ആദിദേശാഥസംക്രുദ്ധോരണായേജിതംസുതമ് ॥ 2 ॥
ജഹിവീര മഹാവീര്യൌഭ്രാതരൌരാമലക്ഷ്മണൌ ।
അദൃശ്യോദൃശ്യമാനോവാസർവഥാത്വംബലാധികഃ ॥ 3 ॥
ത്വമപ്രതിമകര്മാണമിംദ്രംജയസിസംയുഗേ ।
കിംപുനര്മാനുഷൌദൃഷ്ടവാ ന വധിഷ്യസിസംയുഗേ ॥ 4 ॥
തഥോക്തോരാക്ഷസേംദ്രേണപ്രതിഗൃഹ്യപിതുർവചഃ ।
യജ്ഞഭൂമൌ സ വിധിവത് പാവകംജുഹവേംദ്രജിത് ॥ 5 ॥
ജുഹ്വതശ്ചാപിതത്രാഗ്നിംരക്തോഷ്ണീഷധരാസ്ത്രിരിയഃ ।
ആജഗ്മുസ്തത്രസംഭ്രാംതാരാക്ഷസ്യോയത്രരാവണിഃ ॥ 6 ॥
ശസ്ത്രാണിശരപത്രാണിസമിധോഽഥവിഭീതകാഃ ।
ലോഹിതാനി ച വാസാംഹിസ്രുവംകാര്ഷ്ണായസംതഥാ ॥ 7 ॥
സർവതോ ।
അഗ്നിം സമാസ്തീര്യ ശരപത്രൈഃ സതോമരൈഃ ।
ചാഗസ്യ സർവകൃഷ്ണസ്യ ഗലം ജഗ്രാഹ ജീവതഃ ॥ 8 ॥
സകൃദേവസമിദ്ധസ്യവിധൂമസ്യമഹാര്ചിഷഃ ।
ബഭൂവുസ്താനിലിംഗാനിവിജയംദര്ശയംതി ച ॥ 9 ॥
പ്രദക്ഷിണാവര്തശിഖസ്തപ്തഹാടകസന്നിഭഃ ।
ഹവിസ്തത്പ്രതിജഗ്രാഹപാവകസ്സ്വയമുത്ഥിതഃ ॥ 10 ॥
ഹുത്വാഗ്നിംതര്പയിത്വാഥദേവദാനവരാക്ഷസാന് ।
ആരുരോഹരഥശ്രേഷ്ഠമംതര്ഥാനഗതംശുഭമ് ॥ 11 ॥
സ വാജിഭിശ്ചതുര്ഭിസ്തുബാണൈശ്ചനിശിതൈര്യുതഃ ।
ആരോപിതമഹാചാപശ്ശുശുഭേസ്യംദനോത്തമഃ ॥ 12 ॥
ജാജ്വല്യമാനോവപുഷാതപനീയപരിച്ഛദഃ ।
മൃഗൈശ്ചംദ്രാര്ധചംദ്രൈശ്ച സ രഥസ്സമലംകൃതഃ ॥ 13 ॥
ജാംബൂനദമഹാകംബുര്ദീപ്തപാവകസന്നിഭഃ ।
ബഭൂവേംദ്രജിതഃകേതുർവൈദൂര്യസമലംകൃതഃ ॥ 14 ॥
തേനചാദിത്യകല്പേനബ്രഹ്മാസ്ത്രണ ച പാലിതഃ ।
സ ബഭൂവദുരാധര്ഷോരാവണിസ്സുമഹാബലഃ ॥ 15 ॥
സോഽഭിനിര്യായനഗരാദിംദ്രജിത്സമിതിംജയഃ ।
ഹത്വാഗ്നിംരാക്ഷസൈര്മംത്രൈരംതര്ധാനഗതോഽബ്രവീത് ॥ 16 ॥
അദ്യഹത്വാരണേയൌതൌമിഥ്യാപ്രവ്രജിതൌവനേ ।
ജയംപിത്രേപ്രദാസ്യാമിരാവണായരണാര്ജിതമ് ॥ 17 ॥
അദ്യനിർവാനരമുർവീംഹത്വാരാമംസലക്ഷ്മണമ് ।
കരിഷ്യേപരമാംപ്രീതിമിത്യുക്ത്വാംതരധീയത ॥ 18 ॥
ആപപാതഥസംകൃദ്ധോദശഗ്രീവേണചോദിതഃ ।
തീക്ഷണകാര്മുകനാരാചൈസ്തീക്ഷണസ്ത്വിംദ്രരിപൂരണേ ॥ 19 ॥
സ ദദര്ശമഹാവീര്യൌനാഗൌത്രിശിരസാനിവ ।
സൃജംതാവിഷുജാലാനിവീരൌവാനരമധ്യഗൌ ॥ 20 ॥
ഇമൌ താവിതി സംചിംത്യ സജ്യം കൃത്വാ ച കാര്മുകമ് ।
സംതതാനേഷുധാരാഭിഃ പര്ജന്യ ഇവ വൃഷ്ടിമാന് ॥ 21 ॥
തുവൈഹായസംപ്രാപ്യസരഥോരാമലക്ഷ്മണൌ ।
ആചക്ഷുർവിഷയേതിഷ്ഠവനിവ്യാധനിശിതൈശ്ശരൈഃ ॥ 22 ॥
തൌതസ്യശരവേഗേനപരീതൌരാമലക്ഷ്മണൌ ।
ധനുഷീസശരേകൃത്വാദിവ്യമസ്ത്രംപ്രചക്രതുഃ ॥ 23 ॥
പ്രച്ഛാദയംതൌഗഗനംശരജാലൈര്മഹാബലൌ ।
തമസ്ത്രഃസൂര്യസംകാശൈര്നൈവപസ്പൃശതുശ്ശരൈഃ ॥ 24 ॥
സ ഹിധൂമാംധകാരം ച ചക്രേപ്രച്ചാദയന്നഭഃ ।
ദിശശ്ചാംതര്ദധേശ്രീമാന്നീഹാരതമസാവൃതാഃ ॥ 25 ॥
നൈവജ്യാതലനിര്ഘോഷാ ന ച നേമിഖുരസ്വനഃ ।
ശുശ്രുവേചരതസ്തസ്യ ന ച രൂപംപ്രകാശതേ ॥ 26 ॥
ഘനാംധകാരേതിമിരേശരാവര്ഷമിവാദ്ഭുതമ് ।
സ വവര്ഷമഹാബാഹുര്നാരാചശരവൃഷ്ടിഭിഃ ॥ 27 ॥
സ രാമംസൂര്യസംകാശൈശ്ശരൈര്ധത്തവരോര്ഭൃശമ് ।
വിവ്യാധസമരേക്രുദ്ധഃസർവഗാത്രേഷുരാവണിഃ ॥ 28 ॥
തൌഹന്യമാനൌനാരാചൈര്ധാരാഭിരിവപർവതൌ ।
ഹേമപുംഖാന്നരവ്യാഘ്രൌതിഗ്മാന്മുമുചതുഃശരാന് ॥ 29 ॥
അംതരിക്ഷേസമാസാദ്യരാവണിംകംകപത്രിണഃ ।
നികൃത്യപതഗാഭൂമൌസേതുസ്തേശോണിതോക്ഷിതാഃ ॥ 30 ॥
അതിമാത്രംശരൌഘേണപീഡ്യമാനൌനരോത്തമൌ ।
താനിഷൂന്പതതോഭല്ലൈരനേകൈർവിചകര്തതുഃ ॥ 31 ॥
യതോഹിദദൃശാതേതൌശരാന് നിപതിതാന്ശിതാന് ।
തതസ്തുതൌദാശരഥീസസൃജാതേഽസ്ത്രമുത്തമമ് ॥ 32 ॥
രാവണിസ്തുദിശസ്സർവാരഥേനാതിരഥോഽപതത് ।
വിവ്യാധതൌദാശരഥീലഘ്വസ്ത്രനിശിതൈഃശരൈഃ ॥ 33 ॥
തേനാതിവിദ്ധൌതൌവീരൌരുക്മപുംഖൈഃസുസമ്ഹതൈഃ ।
ബഭൂവതുര്ധാശരഥീപുഷ്പിതാമിവകിംശുകൌ ॥ 34 ॥
നാസ്യവേഗഗതിംകചശിന്ന ച രൂപംധനുശ്ശരാന് ।
ന ചാന്യദ്വിദിതംകിംചിത്സൂര്യസ്യേവാഭ്രസംപ്ലവേ ॥ 35 ॥
തേനവിദ്ധാശ്ചഹരയോനിഹതാശ്ചഗതാസവഃ ।
ബഭൂവുഃശതശസ്തത്രപതിതാധരണീതലേ ॥ 36 ॥
ലക്ഷ്മണസ്തുതതസ്സുംക്രൃദ്ധോഭ്രാതരംവാക്യമബ്രവീത് ।
ബ്രാഹ്മമസ്ത്രംപ്രയോക്ഷ്യാമിവധാര്ഥംസർവരക്ഷസാമ് ॥ 37 ॥
തമുവാചതതോരാമോലക്ഷ്മണംശുഭലക്ഷണമ് ।
നൈകസ്യഹേതോരക്ഷാംസിപൃഥിവ്യാംഹംതുമര്ഹസി ॥ 38 ॥
അയുധ്യമാനംപ്രച്ഛന്നംപ്രാംജലിംശരണാഗതമ് ।
പലായമാനംമത്തംവാ ന ഹംതുംത്വമിഹാര്ഹസി ॥ 39 ॥
അസ്യൈവതുവധേയത്നംകരിഷ്യാവോമഹാഭുജ ।
ആദേക്ഷ്യാവോമഹാവേഗാവസ്ത്രാനാശീവിഷോപമാന് ॥ 40 ॥
തമേനംമായിനംക്ഷുദ്രമംതര്ഹിതരഥംബലാത് ।
രാക്ഷസംനിഹനിഷ്യംതിദൃഷ്ടവാവാനരയൂഥപാഃ ॥ 41 ॥
യദ്യേഷഭൂമിംവിശതേദിവംവാരസാതലംവാപിനഭസ്സ്ഥലംവാ ।
ഏവംനിഗൂഢോഽമമാസ്ത്രദഗ്ധഃപതിഷ്യതേഭൂമിതലേഗതാസുഃ ॥ 42 ॥
ഇത്യേവമുക്ത്വാവചനംമഹാത്മാരഘുപ്രവീരഃപ്ലവഗര്ഷഭൈർവൃതഃ ।
വധായരൌദ്രസ്യനൃശംസകര്മണസ്തദാമഹാത്മാത്വരിതംനിരീക്ഷതേ ॥ 43 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ അശീതിതമസ്സര്ഗഃ ॥
