śrīmadvālmīkīya rāmāyaṇē yuddhakāṇḍam ।
atha aśītitamassargaḥ ।
makarākṣaṃhataṃśrutvārāvaṇassamitiñjayaḥ ।
rōṣēṇamahatāviṣṭōdantāṅkaṭakaṭāyya cha ॥ 1 ॥
kōpitaśchatadātatrakiṅkāryamitichintayan ।
ādidēśāthasaṅkruddhōraṇāyējitaṃsutam ॥ 2 ॥
jahivīra mahāvīryaubhrātaraurāmalakṣmaṇau ।
adṛśyōdṛśyamānōvāsarvathātvambalādhikaḥ ॥ 3 ॥
tvamapratimakarmāṇamindrañjayasisaṃyugē ।
kimpunarmānuṣaudṛṣṭavā na vadhiṣyasisaṃyugē ॥ 4 ॥
tathōktōrākṣasēndrēṇapratigṛhyapiturvachaḥ ।
yajñabhūmau sa vidhivat pāvakañjuhavēndrajit ॥ 5 ॥
juhvataśchāpitatrāgniṃraktōṣṇīṣadharāstririyaḥ ।
ājagmustatrasambhrāntārākṣasyōyatrarāvaṇiḥ ॥ 6 ॥
śastrāṇiśarapatrāṇisamidhō'thavibhītakāḥ ।
lōhitāni cha vāsāṃhisruvaṅkārṣṇāyasantathā ॥ 7 ॥
sarvatō ।
agniṃ samāstīrya śarapatraiḥ satōmaraiḥ ।
chāgasya sarvakṛṣṇasya galaṃ jagrāha jīvataḥ ॥ 8 ॥
sakṛdēvasamiddhasyavidhūmasyamahārchiṣaḥ ।
babhūvustāniliṅgānivijayandarśayanti cha ॥ 9 ॥
pradakṣiṇāvartaśikhastaptahāṭakasannibhaḥ ।
havistatpratijagrāhapāvakassvayamutthitaḥ ॥ 10 ॥
hutvāgnintarpayitvāthadēvadānavarākṣasān ।
ārurōharathaśrēṣṭhamantarthānagataṃśubham ॥ 11 ॥
sa vājibhiśchaturbhistubāṇaiśchaniśitairyutaḥ ।
ārōpitamahāchāpaśśuśubhēsyandanōttamaḥ ॥ 12 ॥
jājvalyamānōvapuṣātapanīyaparichChadaḥ ।
mṛgaiśchandrārdhachandraiścha sa rathassamalaṅkṛtaḥ ॥ 13 ॥
jāmbūnadamahākamburdīptapāvakasannibhaḥ ।
babhūvēndrajitaḥkēturvaidūryasamalaṅkṛtaḥ ॥ 14 ॥
tēnachādityakalpēnabrahmāstraṇa cha pālitaḥ ।
sa babhūvadurādharṣōrāvaṇissumahābalaḥ ॥ 15 ॥
sō'bhiniryāyanagarādindrajitsamitiñjayaḥ ।
hatvāgniṃrākṣasairmantrairantardhānagatō'bravīt ॥ 16 ॥
adyahatvāraṇēyautaumithyāpravrajitauvanē ।
jayampitrēpradāsyāmirāvaṇāyaraṇārjitam ॥ 17 ॥
adyanirvānaramurvīṃhatvārāmaṃsalakṣmaṇam ।
kariṣyēparamāmprītimityuktvāntaradhīyata ॥ 18 ॥
āpapātathasaṅkṛddhōdaśagrīvēṇachōditaḥ ।
tīkṣaṇakārmukanārāchaistīkṣaṇastvindraripūraṇē ॥ 19 ॥
sa dadarśamahāvīryaunāgautriśirasāniva ।
sṛjantāviṣujālānivīrauvānaramadhyagau ॥ 20 ॥
imau tāviti sañchintya sajyaṃ kṛtvā cha kārmukam ।
santatānēṣudhārābhiḥ parjanya iva vṛṣṭimān ॥ 21 ॥
tuvaihāyasamprāpyasarathōrāmalakṣmaṇau ।
āchakṣurviṣayētiṣṭhavanivyādhaniśitaiśśaraiḥ ॥ 22 ॥
tautasyaśaravēgēnaparītaurāmalakṣmaṇau ।
dhanuṣīsaśarēkṛtvādivyamastramprachakratuḥ ॥ 23 ॥
prachChādayantaugaganaṃśarajālairmahābalau ।
tamastraḥsūryasaṅkāśairnaivapaspṛśatuśśaraiḥ ॥ 24 ॥
sa hidhūmāndhakāraṃ cha chakrēprachchādayannabhaḥ ।
diśaśchāntardadhēśrīmānnīhāratamasāvṛtāḥ ॥ 25 ॥
naivajyātalanirghōṣā na cha nēmikhurasvanaḥ ।
śuśruvēcharatastasya na cha rūpamprakāśatē ॥ 26 ॥
ghanāndhakārētimirēśarāvarṣamivādbhutam ।
sa vavarṣamahābāhurnārāchaśaravṛṣṭibhiḥ ॥ 27 ॥
sa rāmaṃsūryasaṅkāśaiśśarairdhattavarōrbhṛśam ।
vivyādhasamarēkruddhaḥsarvagātrēṣurāvaṇiḥ ॥ 28 ॥
tauhanyamānaunārāchairdhārābhirivaparvatau ।
hēmapuṅkhānnaravyāghrautigmānmumuchatuḥśarān ॥ 29 ॥
antarikṣēsamāsādyarāvaṇiṅkaṅkapatriṇaḥ ।
nikṛtyapatagābhūmausētustēśōṇitōkṣitāḥ ॥ 30 ॥
atimātraṃśaraughēṇapīḍyamānaunarōttamau ।
tāniṣūnpatatōbhallairanēkairvichakartatuḥ ॥ 31 ॥
yatōhidadṛśātētauśarān nipatitānśitān ।
tatastutaudāśarathīsasṛjātē'stramuttamam ॥ 32 ॥
rāvaṇistudiśassarvārathēnātirathō'patat ।
vivyādhataudāśarathīlaghvastraniśitaiḥśaraiḥ ॥ 33 ॥
tēnātividdhautauvīraurukmapuṅkhaiḥsusamhataiḥ ।
babhūvaturdhāśarathīpuṣpitāmivakiṃśukau ॥ 34 ॥
nāsyavēgagatiṅkachaśinna cha rūpandhanuśśarān ।
na chānyadviditaṅkiñchitsūryasyēvābhrasamplavē ॥ 35 ॥
tēnaviddhāśchaharayōnihatāśchagatāsavaḥ ।
babhūvuḥśataśastatrapatitādharaṇītalē ॥ 36 ॥
lakṣmaṇastutatassuṅkrṛddhōbhrātaraṃvākyamabravīt ।
brāhmamastramprayōkṣyāmivadhārthaṃsarvarakṣasām ॥ 37 ॥
tamuvāchatatōrāmōlakṣmaṇaṃśubhalakṣaṇam ।
naikasyahētōrakṣāṃsipṛthivyāṃhantumarhasi ॥ 38 ॥
ayudhyamānamprachChannamprāñjaliṃśaraṇāgatam ।
palāyamānammattaṃvā na hantuntvamihārhasi ॥ 39 ॥
asyaivatuvadhēyatnaṅkariṣyāvōmahābhuja ।
ādēkṣyāvōmahāvēgāvastrānāśīviṣōpamān ॥ 40 ॥
tamēnammāyinaṅkṣudramantarhitarathambalāt ।
rākṣasannihaniṣyantidṛṣṭavāvānarayūthapāḥ ॥ 41 ॥
yadyēṣabhūmiṃviśatēdivaṃvārasātalaṃvāpinabhassthalaṃvā ।
ēvannigūḍhō'mamāstradagdhaḥpatiṣyatēbhūmitalēgatāsuḥ ॥ 42 ॥
ityēvamuktvāvachanammahātmāraghupravīraḥplavagarṣabhairvṛtaḥ ।
vadhāyaraudrasyanṛśaṃsakarmaṇastadāmahātmātvaritannirīkṣatē ॥ 43 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē aśītitamassargaḥ ॥
