ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಅಶೀತಿತಮಸ್ಸರ್ಗಃ ।
ಮಕರಾಕ್ಷಂಹತಂಶ್ರುತ್ವಾರಾವಣಸ್ಸಮಿತಿಞ್ಜಯಃ ।
ರೋಷೇಣಮಹತಾವಿಷ್ಟೋದನ್ತಾಙ್ಕಟಕಟಾಯ್ಯ ಚ ॥ 1 ॥
ಕೋಪಿತಶ್ಚತದಾತತ್ರಕಿಙ್ಕಾರ್ಯಮಿತಿಚಿನ್ತಯನ್ ।
ಆದಿದೇಶಾಥಸಙ್ಕ್ರುದ್ಧೋರಣಾಯೇಜಿತಂಸುತಮ್ ॥ 2 ॥
ಜಹಿವೀರ ಮಹಾವೀರ್ಯೌಭ್ರಾತರೌರಾಮಲಕ್ಷ್ಮಣೌ ।
ಅದೃಶ್ಯೋದೃಶ್ಯಮಾನೋವಾಸರ್ವಥಾತ್ವಮ್ಬಲಾಧಿಕಃ ॥ 3 ॥
ತ್ವಮಪ್ರತಿಮಕರ್ಮಾಣಮಿನ್ದ್ರಞ್ಜಯಸಿಸಂಯುಗೇ ।
ಕಿಮ್ಪುನರ್ಮಾನುಷೌದೃಷ್ಟವಾ ನ ವಧಿಷ್ಯಸಿಸಂಯುಗೇ ॥ 4 ॥
ತಥೋಕ್ತೋರಾಕ್ಷಸೇನ್ದ್ರೇಣಪ್ರತಿಗೃಹ್ಯಪಿತುರ್ವಚಃ ।
ಯಜ್ಞಭೂಮೌ ಸ ವಿಧಿವತ್ ಪಾವಕಞ್ಜುಹವೇನ್ದ್ರಜಿತ್ ॥ 5 ॥
ಜುಹ್ವತಶ್ಚಾಪಿತತ್ರಾಗ್ನಿಂರಕ್ತೋಷ್ಣೀಷಧರಾಸ್ತ್ರಿರಿಯಃ ।
ಆಜಗ್ಮುಸ್ತತ್ರಸಮ್ಭ್ರಾನ್ತಾರಾಕ್ಷಸ್ಯೋಯತ್ರರಾವಣಿಃ ॥ 6 ॥
ಶಸ್ತ್ರಾಣಿಶರಪತ್ರಾಣಿಸಮಿಧೋಽಥವಿಭೀತಕಾಃ ।
ಲೋಹಿತಾನಿ ಚ ವಾಸಾಂಹಿಸ್ರುವಙ್ಕಾರ್ಷ್ಣಾಯಸನ್ತಥಾ ॥ 7 ॥
ಸರ್ವತೋ ।
ಅಗ್ನಿಂ ಸಮಾಸ್ತೀರ್ಯ ಶರಪತ್ರೈಃ ಸತೋಮರೈಃ ।
ಚಾಗಸ್ಯ ಸರ್ವಕೃಷ್ಣಸ್ಯ ಗಲಂ ಜಗ್ರಾಹ ಜೀವತಃ ॥ 8 ॥
ಸಕೃದೇವಸಮಿದ್ಧಸ್ಯವಿಧೂಮಸ್ಯಮಹಾರ್ಚಿಷಃ ।
ಬಭೂವುಸ್ತಾನಿಲಿಙ್ಗಾನಿವಿಜಯನ್ದರ್ಶಯನ್ತಿ ಚ ॥ 9 ॥
ಪ್ರದಕ್ಷಿಣಾವರ್ತಶಿಖಸ್ತಪ್ತಹಾಟಕಸನ್ನಿಭಃ ।
ಹವಿಸ್ತತ್ಪ್ರತಿಜಗ್ರಾಹಪಾವಕಸ್ಸ್ವಯಮುತ್ಥಿತಃ ॥ 10 ॥
ಹುತ್ವಾಗ್ನಿನ್ತರ್ಪಯಿತ್ವಾಥದೇವದಾನವರಾಕ್ಷಸಾನ್ ।
ಆರುರೋಹರಥಶ್ರೇಷ್ಠಮನ್ತರ್ಥಾನಗತಂಶುಭಮ್ ॥ 11 ॥
ಸ ವಾಜಿಭಿಶ್ಚತುರ್ಭಿಸ್ತುಬಾಣೈಶ್ಚನಿಶಿತೈರ್ಯುತಃ ।
ಆರೋಪಿತಮಹಾಚಾಪಶ್ಶುಶುಭೇಸ್ಯನ್ದನೋತ್ತಮಃ ॥ 12 ॥
ಜಾಜ್ವಲ್ಯಮಾನೋವಪುಷಾತಪನೀಯಪರಿಚ್ಛದಃ ।
ಮೃಗೈಶ್ಚನ್ದ್ರಾರ್ಧಚನ್ದ್ರೈಶ್ಚ ಸ ರಥಸ್ಸಮಲಙ್ಕೃತಃ ॥ 13 ॥
ಜಾಮ್ಬೂನದಮಹಾಕಮ್ಬುರ್ದೀಪ್ತಪಾವಕಸನ್ನಿಭಃ ।
ಬಭೂವೇನ್ದ್ರಜಿತಃಕೇತುರ್ವೈದೂರ್ಯಸಮಲಙ್ಕೃತಃ ॥ 14 ॥
ತೇನಚಾದಿತ್ಯಕಲ್ಪೇನಬ್ರಹ್ಮಾಸ್ತ್ರಣ ಚ ಪಾಲಿತಃ ।
ಸ ಬಭೂವದುರಾಧರ್ಷೋರಾವಣಿಸ್ಸುಮಹಾಬಲಃ ॥ 15 ॥
ಸೋಽಭಿನಿರ್ಯಾಯನಗರಾದಿನ್ದ್ರಜಿತ್ಸಮಿತಿಞ್ಜಯಃ ।
ಹತ್ವಾಗ್ನಿಂರಾಕ್ಷಸೈರ್ಮನ್ತ್ರೈರನ್ತರ್ಧಾನಗತೋಽಬ್ರವೀತ್ ॥ 16 ॥
ಅದ್ಯಹತ್ವಾರಣೇಯೌತೌಮಿಥ್ಯಾಪ್ರವ್ರಜಿತೌವನೇ ।
ಜಯಮ್ಪಿತ್ರೇಪ್ರದಾಸ್ಯಾಮಿರಾವಣಾಯರಣಾರ್ಜಿತಮ್ ॥ 17 ॥
ಅದ್ಯನಿರ್ವಾನರಮುರ್ವೀಂಹತ್ವಾರಾಮಂಸಲಕ್ಷ್ಮಣಮ್ ।
ಕರಿಷ್ಯೇಪರಮಾಮ್ಪ್ರೀತಿಮಿತ್ಯುಕ್ತ್ವಾನ್ತರಧೀಯತ ॥ 18 ॥
ಆಪಪಾತಥಸಙ್ಕೃದ್ಧೋದಶಗ್ರೀವೇಣಚೋದಿತಃ ।
ತೀಕ್ಷಣಕಾರ್ಮುಕನಾರಾಚೈಸ್ತೀಕ್ಷಣಸ್ತ್ವಿನ್ದ್ರರಿಪೂರಣೇ ॥ 19 ॥
ಸ ದದರ್ಶಮಹಾವೀರ್ಯೌನಾಗೌತ್ರಿಶಿರಸಾನಿವ ।
ಸೃಜನ್ತಾವಿಷುಜಾಲಾನಿವೀರೌವಾನರಮಧ್ಯಗೌ ॥ 20 ॥
ಇಮೌ ತಾವಿತಿ ಸಞ್ಚಿನ್ತ್ಯ ಸಜ್ಯಂ ಕೃತ್ವಾ ಚ ಕಾರ್ಮುಕಮ್ ।
ಸನ್ತತಾನೇಷುಧಾರಾಭಿಃ ಪರ್ಜನ್ಯ ಇವ ವೃಷ್ಟಿಮಾನ್ ॥ 21 ॥
ತುವೈಹಾಯಸಮ್ಪ್ರಾಪ್ಯಸರಥೋರಾಮಲಕ್ಷ್ಮಣೌ ।
ಆಚಕ್ಷುರ್ವಿಷಯೇತಿಷ್ಠವನಿವ್ಯಾಧನಿಶಿತೈಶ್ಶರೈಃ ॥ 22 ॥
ತೌತಸ್ಯಶರವೇಗೇನಪರೀತೌರಾಮಲಕ್ಷ್ಮಣೌ ।
ಧನುಷೀಸಶರೇಕೃತ್ವಾದಿವ್ಯಮಸ್ತ್ರಮ್ಪ್ರಚಕ್ರತುಃ ॥ 23 ॥
ಪ್ರಚ್ಛಾದಯನ್ತೌಗಗನಂಶರಜಾಲೈರ್ಮಹಾಬಲೌ ।
ತಮಸ್ತ್ರಃಸೂರ್ಯಸಙ್ಕಾಶೈರ್ನೈವಪಸ್ಪೃಶತುಶ್ಶರೈಃ ॥ 24 ॥
ಸ ಹಿಧೂಮಾನ್ಧಕಾರಂ ಚ ಚಕ್ರೇಪ್ರಚ್ಚಾದಯನ್ನಭಃ ।
ದಿಶಶ್ಚಾನ್ತರ್ದಧೇಶ್ರೀಮಾನ್ನೀಹಾರತಮಸಾವೃತಾಃ ॥ 25 ॥
ನೈವಜ್ಯಾತಲನಿರ್ಘೋಷಾ ನ ಚ ನೇಮಿಖುರಸ್ವನಃ ।
ಶುಶ್ರುವೇಚರತಸ್ತಸ್ಯ ನ ಚ ರೂಪಮ್ಪ್ರಕಾಶತೇ ॥ 26 ॥
ಘನಾನ್ಧಕಾರೇತಿಮಿರೇಶರಾವರ್ಷಮಿವಾದ್ಭುತಮ್ ।
ಸ ವವರ್ಷಮಹಾಬಾಹುರ್ನಾರಾಚಶರವೃಷ್ಟಿಭಿಃ ॥ 27 ॥
ಸ ರಾಮಂಸೂರ್ಯಸಙ್ಕಾಶೈಶ್ಶರೈರ್ಧತ್ತವರೋರ್ಭೃಶಮ್ ।
ವಿವ್ಯಾಧಸಮರೇಕ್ರುದ್ಧಃಸರ್ವಗಾತ್ರೇಷುರಾವಣಿಃ ॥ 28 ॥
ತೌಹನ್ಯಮಾನೌನಾರಾಚೈರ್ಧಾರಾಭಿರಿವಪರ್ವತೌ ।
ಹೇಮಪುಙ್ಖಾನ್ನರವ್ಯಾಘ್ರೌತಿಗ್ಮಾನ್ಮುಮುಚತುಃಶರಾನ್ ॥ 29 ॥
ಅನ್ತರಿಕ್ಷೇಸಮಾಸಾದ್ಯರಾವಣಿಙ್ಕಙ್ಕಪತ್ರಿಣಃ ।
ನಿಕೃತ್ಯಪತಗಾಭೂಮೌಸೇತುಸ್ತೇಶೋಣಿತೋಕ್ಷಿತಾಃ ॥ 30 ॥
ಅತಿಮಾತ್ರಂಶರೌಘೇಣಪೀಡ್ಯಮಾನೌನರೋತ್ತಮೌ ।
ತಾನಿಷೂನ್ಪತತೋಭಲ್ಲೈರನೇಕೈರ್ವಿಚಕರ್ತತುಃ ॥ 31 ॥
ಯತೋಹಿದದೃಶಾತೇತೌಶರಾನ್ ನಿಪತಿತಾನ್ಶಿತಾನ್ ।
ತತಸ್ತುತೌದಾಶರಥೀಸಸೃಜಾತೇಽಸ್ತ್ರಮುತ್ತಮಮ್ ॥ 32 ॥
ರಾವಣಿಸ್ತುದಿಶಸ್ಸರ್ವಾರಥೇನಾತಿರಥೋಽಪತತ್ ।
ವಿವ್ಯಾಧತೌದಾಶರಥೀಲಘ್ವಸ್ತ್ರನಿಶಿತೈಃಶರೈಃ ॥ 33 ॥
ತೇನಾತಿವಿದ್ಧೌತೌವೀರೌರುಕ್ಮಪುಙ್ಖೈಃಸುಸಮ್ಹತೈಃ ।
ಬಭೂವತುರ್ಧಾಶರಥೀಪುಷ್ಪಿತಾಮಿವಕಿಂಶುಕೌ ॥ 34 ॥
ನಾಸ್ಯವೇಗಗತಿಙ್ಕಚಶಿನ್ನ ಚ ರೂಪನ್ಧನುಶ್ಶರಾನ್ ।
ನ ಚಾನ್ಯದ್ವಿದಿತಙ್ಕಿಞ್ಚಿತ್ಸೂರ್ಯಸ್ಯೇವಾಭ್ರಸಮ್ಪ್ಲವೇ ॥ 35 ॥
ತೇನವಿದ್ಧಾಶ್ಚಹರಯೋನಿಹತಾಶ್ಚಗತಾಸವಃ ।
ಬಭೂವುಃಶತಶಸ್ತತ್ರಪತಿತಾಧರಣೀತಲೇ ॥ 36 ॥
ಲಕ್ಷ್ಮಣಸ್ತುತತಸ್ಸುಙ್ಕ್ರೃದ್ಧೋಭ್ರಾತರಂವಾಕ್ಯಮಬ್ರವೀತ್ ।
ಬ್ರಾಹ್ಮಮಸ್ತ್ರಮ್ಪ್ರಯೋಕ್ಷ್ಯಾಮಿವಧಾರ್ಥಂಸರ್ವರಕ್ಷಸಾಮ್ ॥ 37 ॥
ತಮುವಾಚತತೋರಾಮೋಲಕ್ಷ್ಮಣಂಶುಭಲಕ್ಷಣಮ್ ।
ನೈಕಸ್ಯಹೇತೋರಕ್ಷಾಂಸಿಪೃಥಿವ್ಯಾಂಹನ್ತುಮರ್ಹಸಿ ॥ 38 ॥
ಅಯುಧ್ಯಮಾನಮ್ಪ್ರಚ್ಛನ್ನಮ್ಪ್ರಾಞ್ಜಲಿಂಶರಣಾಗತಮ್ ।
ಪಲಾಯಮಾನಮ್ಮತ್ತಂವಾ ನ ಹನ್ತುನ್ತ್ವಮಿಹಾರ್ಹಸಿ ॥ 39 ॥
ಅಸ್ಯೈವತುವಧೇಯತ್ನಙ್ಕರಿಷ್ಯಾವೋಮಹಾಭುಜ ।
ಆದೇಕ್ಷ್ಯಾವೋಮಹಾವೇಗಾವಸ್ತ್ರಾನಾಶೀವಿಷೋಪಮಾನ್ ॥ 40 ॥
ತಮೇನಮ್ಮಾಯಿನಙ್ಕ್ಷುದ್ರಮನ್ತರ್ಹಿತರಥಮ್ಬಲಾತ್ ।
ರಾಕ್ಷಸನ್ನಿಹನಿಷ್ಯನ್ತಿದೃಷ್ಟವಾವಾನರಯೂಥಪಾಃ ॥ 41 ॥
ಯದ್ಯೇಷಭೂಮಿಂವಿಶತೇದಿವಂವಾರಸಾತಲಂವಾಪಿನಭಸ್ಸ್ಥಲಂವಾ ।
ಏವನ್ನಿಗೂಢೋಽಮಮಾಸ್ತ್ರದಗ್ಧಃಪತಿಷ್ಯತೇಭೂಮಿತಲೇಗತಾಸುಃ ॥ 42 ॥
ಇತ್ಯೇವಮುಕ್ತ್ವಾವಚನಮ್ಮಹಾತ್ಮಾರಘುಪ್ರವೀರಃಪ್ಲವಗರ್ಷಭೈರ್ವೃತಃ ।
ವಧಾಯರೌದ್ರಸ್ಯನೃಶಂಸಕರ್ಮಣಸ್ತದಾಮಹಾತ್ಮಾತ್ವರಿತನ್ನಿರೀಕ್ಷತೇ ॥ 43 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಅಶೀತಿತಮಸ್ಸರ್ಗಃ ॥
