ශ්රීමද්වාල්මීකීය රාමායණේ යුද්ධකාංඩම් ।
අථ ද්විනවතිතමස්සර්ගඃ ।
රුධිරක්ලින්නගාත්රස්තුලක්ෂ්මණඃශුභලක්ෂණඃ ।
බභූවහෘෂ්ටස්තංහත්වාශක්රජේතාරමාහවේ ॥ 1 ॥
තතඃසජාංබවංතංචහනූමංතංචවීර්යවාන් ।
සංනිපත්යමහාතේජාස්තාංශ්චසර්වාන්වනෞකසඃ ॥ 2 ॥
ආජගාමතතඃශීඝ්රංයත්රසුග්රීවරාඝවෞ ।
විභීෂණමවෂ්ටභ්යහනූමංතංචලක්ෂ්මණඃ ॥ 3 ॥
තතෝරාමමභික්රම්යසෞමිත්රිරභිවාද්ය ච ।
තස්ථෞභ්රාතෘසමීපස්ථඃශක්රස්යේංද්රානුජෝයථා ॥ 4 ॥
නිෂ්ටනන්නිවචාගත්යරාඝවායමහාත්මනේ ।
ආචචක්ෂේතදාවීරෝඝෝරමිංද්රජිතෝවධම් ॥ 5 ॥
රාවණේස්තුශිරශ්ඡින්නංලක්ෂ්මණේනමහාත්මනා ।
න්යවේදයතරාමායතදාහෘෂ්ටෝවිභීෂණඃ ॥ 6 ॥
ශ්රුත්වෛවතුමහාවීර්යෝලක්ෂණනේංද්රජිද්වධම් ।
ප්රහර්ෂමතුලංලේභේවාක්යංචේදමුවාච හ ॥ 7 ॥
සාධුලක්ෂ්මණතුෂ්ටෝऽස්මිකර්මචාසුකරංකෘතම් ।
රාවණේර්හිවිනාශේනජිතමුත්යපධාරය ॥ 8 ॥
ස තංශිරස්යුපාඝ්රායලක්ෂ්මණංකීර්තිවර්ධනම් ।
ලජ්ජමානංබලාත්ස්නේහාදංගමාරෝප්යවීර්යවාන් ॥ 9 ॥
උපවේශ්යතමුත්සංගේපරිෂ්වජ්යාවපීඩිතම් ।
භ්රාතරංලක්ෂ්මණංස්නිග්ධංපුනඃපුනරුදෛක්ෂත ॥ 10 ॥
ශල්යසංපීඩිතංශස්තංනිඃශ්වසංතංතුංලක්ෂ්මණම් ।
රාමස්තුදුඃඛසංතප්තංතංතුනිඃශ්වාසපීඩිතම් ॥ 11 ॥
මූර්ධ්නිචෛනමුපාඝ්රායභූයඃසංස්පෘශ්ය ච ත්වරන් ।
උවාචලක්ෂ්මණංවාක්යමාශ්වාස්යපුරුෂර්ෂභඃ ॥ 12 ॥
කෘතංපරමකළ්යාණංකර්මදුෂ්කරකර්මණා ।
අද්යමන්යේහතේපුත්රේරාවණංනිහතංයුධි ॥ 13 ॥
අද්යාහංවිජයීශත්රෞහතේතස්මින් දුරාත්මනි ।
රාවණස්යනෘශංසස්යදිෂ්ට්යාවීරත්වයාරණේ ॥ 14 ॥
ඡින්නෝහිදක්ෂිණෝබාහුඃ ස හිතස්යව්යපාශ්රයඃ ।
විභීෂණහනූමද්භ්යාංකෘතංකර්මමහද්රණේ ॥ 15 ॥
අහෝරාත්රෛස්ත්රිභිර්වීරඃකථංචිතවංදිපාතිතඃ ।
විරමිත්රඃකෘතෝऽස්ම්යද්යනිර්යාස්යතිහිරාවණඃ ॥ 16 ॥
බලව්යූහේනමහතාශ්රුත්වාපුත්ත්රංනිපාතිතම් ।
තංපුත්රවධසංතප්තංනිර්යාංතංරාක්ෂසාධිපම් ॥ 17 ॥
බලේනාවෘත්යමහතානිහනිෂ්යාමිදුර්ජයම් ।
ත්වයාලක්ෂ්මණනාථේනසීතා ච පෘථිවී ච මේ ॥ 18 ॥
න දුෂ්ප්රාපාහතේතස්මින් ශක්රජේතරිචාහවේ ।
සතංභ්රාතරමාශ්වාස්යපරිෂ්වජ්ය ච රාඝවඃ ॥ 19 ॥
රාමඃසුෂේණංමුදිතස්සමාභාෂ්යේදමබ්රවීත් ।
සශල්යෝऽයංමහාප්රාජ්ඤස්සෞමිත්රිර්මිත්රවත්සලඃ ॥ 20 ॥
යථාභවතිසුස්වස්ථස්තථාත්වංසමුපාචර ।
විශල්යඃක්රියතාංක්ෂිප්රංසෞමිත්රිස්සවිභීෂණඃ ॥ 21 ॥
ඍක්ෂ්වානරසෛන්යානාංශූරාණාංද්රුමයෝධිනාම් ।
යේචාප්යන්යේऽත්රයුධ්යංතිසශල්යාව්රණිනස්තථා ॥ 22 ॥
තේऽපිසර්වේප්රයත්නේනක්රියංතාංසුඛිනස්තථා ।
ඒවමුක්තස්තුරාමේණමහාත්මාහරියූථපඃ ॥ 23 ॥
ලක්ෂ්මණායදරෞනස්තස්සුෂේණඃපරමෞෂධම් ।
ස තස්යගංධමාඝ්රායවිශල්යස්සමපද්යත ॥ 24 ॥
තදානිර්වේදනශ්චෛවසංරූඪව්රණඒව ච ।
විභීෂණමුඛානාං ච සුහෘදාංරාඝවාජ්නායා ॥ 25 ॥
සර්වවානරමුඛ්යානාංචිකිත්සාමකරෝත්තදා ।
තතඃප්රකෘතිමාපන්නෝහෘතශල්යෝගතව්යථඃ ॥ 26 ॥
සෞමිත්රිර්මුදිතස්තත්ර ක්ෂණේන විගතජ්වරඃ ।
තදෛවරාමඃප්ලවගාධිපස්තථාවිභීෂණශ්චර්ක්ෂපතිශ්චජාංබවාන් ।
ආවේක්ෂ්යසෞමිත්රිමරෝගමුථතිතංමුදාසසෛන්යාස්සුචිරංජහර්ෂිරේ ॥ 27 ॥
අපූජයත්කර්ම ස ලක්ෂ්මණස්යසුදුෂ්කරංදාශරථිර්මහාත්මා ।
බභූවහෘෂ්ටෝවානරේංද්රෝනිශම්යතංශක්රජිතංනිපාතිතම් ॥ 28 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ද්විනවතිතමස්සර්ගඃ ॥
