ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଦ୍ଵିନଵତିତମସ୍ସର୍ଗଃ ।
ରୁଧିରକ୍ଲିନ୍ନଗାତ୍ରସ୍ତୁଲକ୍ଷ୍ମଣଃଶୁଭଲକ୍ଷଣଃ ।
ବଭୂଵହୃଷ୍ଟସ୍ତଂହତ୍ଵାଶକ୍ରଜେତାରମାହଵେ ॥ 1 ॥
ତତଃସଜାଂବଵଂତଂଚହନୂମଂତଂଚଵୀର୍ୟଵାନ୍ ।
ସଂନିପତ୍ୟମହାତେଜାସ୍ତାଂଶ୍ଚସର୍ଵାନ୍ଵନୌକସଃ ॥ 2 ॥
ଆଜଗାମତତଃଶୀଘ୍ରଂୟତ୍ରସୁଗ୍ରୀଵରାଘଵୌ ।
ଵିଭୀଷଣମଵଷ୍ଟଭ୍ୟହନୂମଂତଂଚଲକ୍ଷ୍ମଣଃ ॥ 3 ॥
ତତୋରାମମଭିକ୍ରମ୍ୟସୌମିତ୍ରିରଭିଵାଦ୍ୟ ଚ ।
ତସ୍ଥୌଭ୍ରାତୃସମୀପସ୍ଥଃଶକ୍ରସ୍ୟେଂଦ୍ରାନୁଜୋୟଥା ॥ 4 ॥
ନିଷ୍ଟନନ୍ନିଵଚାଗତ୍ୟରାଘଵାୟମହାତ୍ମନେ ।
ଆଚଚକ୍ଷେତଦାଵୀରୋଘୋରମିଂଦ୍ରଜିତୋଵଧମ୍ ॥ 5 ॥
ରାଵଣେସ୍ତୁଶିରଶ୍ଛିନ୍ନଂଲକ୍ଷ୍ମଣେନମହାତ୍ମନା ।
ନ୍ୟଵେଦୟତରାମାୟତଦାହୃଷ୍ଟୋଵିଭୀଷଣଃ ॥ 6 ॥
ଶ୍ରୁତ୍ଵୈଵତୁମହାଵୀର୍ୟୋଲକ୍ଷଣନେଂଦ୍ରଜିଦ୍ଵଧମ୍ ।
ପ୍ରହର୍ଷମତୁଲଂଲେଭେଵାକ୍ୟଂଚେଦମୁଵାଚ ହ ॥ 7 ॥
ସାଧୁଲକ୍ଷ୍ମଣତୁଷ୍ଟୋଽସ୍ମିକର୍ମଚାସୁକରଂକୃତମ୍ ।
ରାଵଣେର୍ହିଵିନାଶେନଜିତମୁତ୍ୟପଧାରୟ ॥ 8 ॥
ସ ତଂଶିରସ୍ୟୁପାଘ୍ରାୟଲକ୍ଷ୍ମଣଂକୀର୍ତିଵର୍ଧନମ୍ ।
ଲଜ୍ଜମାନଂବଲାତ୍ସ୍ନେହାଦଂଗମାରୋପ୍ୟଵୀର୍ୟଵାନ୍ ॥ 9 ॥
ଉପଵେଶ୍ୟତମୁତ୍ସଂଗେପରିଷ୍ଵଜ୍ୟାଵପୀଡିତମ୍ ।
ଭ୍ରାତରଂଲକ୍ଷ୍ମଣଂସ୍ନିଗ୍ଧଂପୁନଃପୁନରୁଦୈକ୍ଷତ ॥ 10 ॥
ଶଲ୍ୟସଂପୀଡିତଂଶସ୍ତଂନିଃଶ୍ଵସଂତଂତୁଂଲକ୍ଷ୍ମଣମ୍ ।
ରାମସ୍ତୁଦୁଃଖସଂତପ୍ତଂତଂତୁନିଃଶ୍ଵାସପୀଡିତମ୍ ॥ 11 ॥
ମୂର୍ଧ୍ନିଚୈନମୁପାଘ୍ରାୟଭୂୟଃସଂସ୍ପୃଶ୍ୟ ଚ ତ୍ଵରନ୍ ।
ଉଵାଚଲକ୍ଷ୍ମଣଂଵାକ୍ୟମାଶ୍ଵାସ୍ୟପୁରୁଷର୍ଷଭଃ ॥ 12 ॥
କୃତଂପରମକଳ୍ୟାଣଂକର୍ମଦୁଷ୍କରକର୍ମଣା ।
ଅଦ୍ୟମନ୍ୟେହତେପୁତ୍ରେରାଵଣଂନିହତଂୟୁଧି ॥ 13 ॥
ଅଦ୍ୟାହଂଵିଜୟୀଶତ୍ରୌହତେତସ୍ମିନ୍ ଦୁରାତ୍ମନି ।
ରାଵଣସ୍ୟନୃଶଂସସ୍ୟଦିଷ୍ଟ୍ୟାଵୀରତ୍ଵୟାରଣେ ॥ 14 ॥
ଛିନ୍ନୋହିଦକ୍ଷିଣୋବାହୁଃ ସ ହିତସ୍ୟଵ୍ୟପାଶ୍ରୟଃ ।
ଵିଭୀଷଣହନୂମଦ୍ଭ୍ୟାଂକୃତଂକର୍ମମହଦ୍ରଣେ ॥ 15 ॥
ଅହୋରାତ୍ରୈସ୍ତ୍ରିଭିର୍ଵୀରଃକଥଂଚିତଵଂଦିପାତିତଃ ।
ଵିରମିତ୍ରଃକୃତୋଽସ୍ମ୍ୟଦ୍ୟନିର୍ୟାସ୍ୟତିହିରାଵଣଃ ॥ 16 ॥
ବଲଵ୍ୟୂହେନମହତାଶ୍ରୁତ୍ଵାପୁତ୍ତ୍ରଂନିପାତିତମ୍ ।
ତଂପୁତ୍ରଵଧସଂତପ୍ତଂନିର୍ୟାଂତଂରାକ୍ଷସାଧିପମ୍ ॥ 17 ॥
ବଲେନାଵୃତ୍ୟମହତାନିହନିଷ୍ୟାମିଦୁର୍ଜୟମ୍ ।
ତ୍ଵୟାଲକ୍ଷ୍ମଣନାଥେନସୀତା ଚ ପୃଥିଵୀ ଚ ମେ ॥ 18 ॥
ନ ଦୁଷ୍ପ୍ରାପାହତେତସ୍ମିନ୍ ଶକ୍ରଜେତରିଚାହଵେ ।
ସତଂଭ୍ରାତରମାଶ୍ଵାସ୍ୟପରିଷ୍ଵଜ୍ୟ ଚ ରାଘଵଃ ॥ 19 ॥
ରାମଃସୁଷେଣଂମୁଦିତସ୍ସମାଭାଷ୍ୟେଦମବ୍ରଵୀତ୍ ।
ସଶଲ୍ୟୋଽୟଂମହାପ୍ରାଜ୍ଞସ୍ସୌମିତ୍ରିର୍ମିତ୍ରଵତ୍ସଲଃ ॥ 20 ॥
ୟଥାଭଵତିସୁସ୍ଵସ୍ଥସ୍ତଥାତ୍ଵଂସମୁପାଚର ।
ଵିଶଲ୍ୟଃକ୍ରିୟତାଂକ୍ଷିପ୍ରଂସୌମିତ୍ରିସ୍ସଵିଭୀଷଣଃ ॥ 21 ॥
ଋକ୍ଷ୍ଵାନରସୈନ୍ୟାନାଂଶୂରାଣାଂଦ୍ରୁମୟୋଧିନାମ୍ ।
ୟେଚାପ୍ୟନ୍ୟେଽତ୍ରୟୁଧ୍ୟଂତିସଶଲ୍ୟାଵ୍ରଣିନସ୍ତଥା ॥ 22 ॥
ତେଽପିସର୍ଵେପ୍ରୟତ୍ନେନକ୍ରିୟଂତାଂସୁଖିନସ୍ତଥା ।
ଏଵମୁକ୍ତସ୍ତୁରାମେଣମହାତ୍ମାହରିୟୂଥପଃ ॥ 23 ॥
ଲକ୍ଷ୍ମଣାୟଦରୌନସ୍ତସ୍ସୁଷେଣଃପରମୌଷଧମ୍ ।
ସ ତସ୍ୟଗଂଧମାଘ୍ରାୟଵିଶଲ୍ୟସ୍ସମପଦ୍ୟତ ॥ 24 ॥
ତଦାନିର୍ଵେଦନଶ୍ଚୈଵସଂରୂଢଵ୍ରଣଏଵ ଚ ।
ଵିଭୀଷଣମୁଖାନାଂ ଚ ସୁହୃଦାଂରାଘଵାଜ୍ନାୟା ॥ 25 ॥
ସର୍ଵଵାନରମୁଖ୍ୟାନାଂଚିକିତ୍ସାମକରୋତ୍ତଦା ।
ତତଃପ୍ରକୃତିମାପନ୍ନୋହୃତଶଲ୍ୟୋଗତଵ୍ୟଥଃ ॥ 26 ॥
ସୌମିତ୍ରିର୍ମୁଦିତସ୍ତତ୍ର କ୍ଷଣେନ ଵିଗତଜ୍ଵରଃ ।
ତଦୈଵରାମଃପ୍ଲଵଗାଧିପସ୍ତଥାଵିଭୀଷଣଶ୍ଚର୍କ୍ଷପତିଶ୍ଚଜାଂବଵାନ୍ ।
ଆଵେକ୍ଷ୍ୟସୌମିତ୍ରିମରୋଗମୁଥତିତଂମୁଦାସସୈନ୍ୟାସ୍ସୁଚିରଂଜହର୍ଷିରେ ॥ 27 ॥
ଅପୂଜୟତ୍କର୍ମ ସ ଲକ୍ଷ୍ମଣସ୍ୟସୁଦୁଷ୍କରଂଦାଶରଥିର୍ମହାତ୍ମା ।
ବଭୂଵହୃଷ୍ଟୋଵାନରେଂଦ୍ରୋନିଶମ୍ୟତଂଶକ୍ରଜିତଂନିପାତିତମ୍ ॥ 28 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଦ୍ଵିନଵତିତମସ୍ସର୍ଗଃ ॥
