ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ದ್ವಿನವತಿತಮಸ್ಸರ್ಗಃ ।
ರುಧಿರಕ್ಲಿನ್ನಗಾತ್ರಸ್ತುಲಕ್ಷ್ಮಣಃಶುಭಲಕ್ಷಣಃ ।
ಬಭೂವಹೃಷ್ಟಸ್ತಂಹತ್ವಾಶಕ್ರಜೇತಾರಮಾಹವೇ ॥ 1 ॥
ತತಃಸಜಾಮ್ಬವನ್ತಞ್ಚಹನೂಮನ್ತಞ್ಚವೀರ್ಯವಾನ್ ।
ಸನ್ನಿಪತ್ಯಮಹಾತೇಜಾಸ್ತಾಂಶ್ಚಸರ್ವಾನ್ವನೌಕಸಃ ॥ 2 ॥
ಆಜಗಾಮತತಃಶೀಘ್ರಂಯತ್ರಸುಗ್ರೀವರಾಘವೌ ।
ವಿಭೀಷಣಮವಷ್ಟಭ್ಯಹನೂಮನ್ತಞ್ಚಲಕ್ಷ್ಮಣಃ ॥ 3 ॥
ತತೋರಾಮಮಭಿಕ್ರಮ್ಯಸೌಮಿತ್ರಿರಭಿವಾದ್ಯ ಚ ।
ತಸ್ಥೌಭ್ರಾತೃಸಮೀಪಸ್ಥಃಶಕ್ರಸ್ಯೇನ್ದ್ರಾನುಜೋಯಥಾ ॥ 4 ॥
ನಿಷ್ಟನನ್ನಿವಚಾಗತ್ಯರಾಘವಾಯಮಹಾತ್ಮನೇ ।
ಆಚಚಕ್ಷೇತದಾವೀರೋಘೋರಮಿನ್ದ್ರಜಿತೋವಧಮ್ ॥ 5 ॥
ರಾವಣೇಸ್ತುಶಿರಶ್ಛಿನ್ನಂಲಕ್ಷ್ಮಣೇನಮಹಾತ್ಮನಾ ।
ನ್ಯವೇದಯತರಾಮಾಯತದಾಹೃಷ್ಟೋವಿಭೀಷಣಃ ॥ 6 ॥
ಶ್ರುತ್ವೈವತುಮಹಾವೀರ್ಯೋಲಕ್ಷಣನೇನ್ದ್ರಜಿದ್ವಧಮ್ ।
ಪ್ರಹರ್ಷಮತುಲಂಲೇಭೇವಾಕ್ಯಞ್ಚೇದಮುವಾಚ ಹ ॥ 7 ॥
ಸಾಧುಲಕ್ಷ್ಮಣತುಷ್ಟೋಽಸ್ಮಿಕರ್ಮಚಾಸುಕರಙ್ಕೃತಮ್ ।
ರಾವಣೇರ್ಹಿವಿನಾಶೇನಜಿತಮುತ್ಯಪಧಾರಯ ॥ 8 ॥
ಸ ತಂಶಿರಸ್ಯುಪಾಘ್ರಾಯಲಕ್ಷ್ಮಣಙ್ಕೀರ್ತಿವರ್ಧನಮ್ ।
ಲಜ್ಜಮಾನಮ್ಬಲಾತ್ಸ್ನೇಹಾದಙ್ಗಮಾರೋಪ್ಯವೀರ್ಯವಾನ್ ॥ 9 ॥
ಉಪವೇಶ್ಯತಮುತ್ಸಙ್ಗೇಪರಿಷ್ವಜ್ಯಾವಪೀಡಿತಮ್ ।
ಭ್ರಾತರಂಲಕ್ಷ್ಮಣಂಸ್ನಿಗ್ಧಮ್ಪುನಃಪುನರುದೈಕ್ಷತ ॥ 10 ॥
ಶಲ್ಯಸಮ್ಪೀಡಿತಂಶಸ್ತನ್ನಿಃಶ್ವಸನ್ತನ್ತುಂಲಕ್ಷ್ಮಣಮ್ ।
ರಾಮಸ್ತುದುಃಖಸನ್ತಪ್ತನ್ತನ್ತುನಿಃಶ್ವಾಸಪೀಡಿತಮ್ ॥ 11 ॥
ಮೂರ್ಧ್ನಿಚೈನಮುಪಾಘ್ರಾಯಭೂಯಃಸಂಸ್ಪೃಶ್ಯ ಚ ತ್ವರನ್ ।
ಉವಾಚಲಕ್ಷ್ಮಣಂವಾಕ್ಯಮಾಶ್ವಾಸ್ಯಪುರುಷರ್ಷಭಃ ॥ 12 ॥
ಕೃತಮ್ಪರಮಕಳ್ಯಾಣಙ್ಕರ್ಮದುಷ್ಕರಕರ್ಮಣಾ ।
ಅದ್ಯಮನ್ಯೇಹತೇಪುತ್ರೇರಾವಣನ್ನಿಹತಂಯುಧಿ ॥ 13 ॥
ಅದ್ಯಾಹಂವಿಜಯೀಶತ್ರೌಹತೇತಸ್ಮಿನ್ ದುರಾತ್ಮನಿ ।
ರಾವಣಸ್ಯನೃಶಂಸಸ್ಯದಿಷ್ಟ್ಯಾವೀರತ್ವಯಾರಣೇ ॥ 14 ॥
ಛಿನ್ನೋಹಿದಕ್ಷಿಣೋಬಾಹುಃ ಸ ಹಿತಸ್ಯವ್ಯಪಾಶ್ರಯಃ ।
ವಿಭೀಷಣಹನೂಮದ್ಭ್ಯಾಙ್ಕೃತಙ್ಕರ್ಮಮಹದ್ರಣೇ ॥ 15 ॥
ಅಹೋರಾತ್ರೈಸ್ತ್ರಿಭಿರ್ವೀರಃಕಥಞ್ಚಿತವನ್ದಿಪಾತಿತಃ ।
ವಿರಮಿತ್ರಃಕೃತೋಽಸ್ಮ್ಯದ್ಯನಿರ್ಯಾಸ್ಯತಿಹಿರಾವಣಃ ॥ 16 ॥
ಬಲವ್ಯೂಹೇನಮಹತಾಶ್ರುತ್ವಾಪುತ್ತ್ರನ್ನಿಪಾತಿತಮ್ ।
ತಮ್ಪುತ್ರವಧಸನ್ತಪ್ತನ್ನಿರ್ಯಾನ್ತಂರಾಕ್ಷಸಾಧಿಪಮ್ ॥ 17 ॥
ಬಲೇನಾವೃತ್ಯಮಹತಾನಿಹನಿಷ್ಯಾಮಿದುರ್ಜಯಮ್ ।
ತ್ವಯಾಲಕ್ಷ್ಮಣನಾಥೇನಸೀತಾ ಚ ಪೃಥಿವೀ ಚ ಮೇ ॥ 18 ॥
ನ ದುಷ್ಪ್ರಾಪಾಹತೇತಸ್ಮಿನ್ ಶಕ್ರಜೇತರಿಚಾಹವೇ ।
ಸತಮ್ಭ್ರಾತರಮಾಶ್ವಾಸ್ಯಪರಿಷ್ವಜ್ಯ ಚ ರಾಘವಃ ॥ 19 ॥
ರಾಮಃಸುಷೇಣಮ್ಮುದಿತಸ್ಸಮಾಭಾಷ್ಯೇದಮಬ್ರವೀತ್ ।
ಸಶಲ್ಯೋಽಯಮ್ಮಹಾಪ್ರಾಜ್ಞಸ್ಸೌಮಿತ್ರಿರ್ಮಿತ್ರವತ್ಸಲಃ ॥ 20 ॥
ಯಥಾಭವತಿಸುಸ್ವಸ್ಥಸ್ತಥಾತ್ವಂಸಮುಪಾಚರ ।
ವಿಶಲ್ಯಃಕ್ರಿಯತಾಙ್ಕ್ಷಿಪ್ರಂಸೌಮಿತ್ರಿಸ್ಸವಿಭೀಷಣಃ ॥ 21 ॥
ಋಕ್ಷ್ವಾನರಸೈನ್ಯಾನಾಂಶೂರಾಣಾನ್ದ್ರುಮಯೋಧಿನಾಮ್ ।
ಯೇಚಾಪ್ಯನ್ಯೇಽತ್ರಯುಧ್ಯನ್ತಿಸಶಲ್ಯಾವ್ರಣಿನಸ್ತಥಾ ॥ 22 ॥
ತೇಽಪಿಸರ್ವೇಪ್ರಯತ್ನೇನಕ್ರಿಯನ್ತಾಂಸುಖಿನಸ್ತಥಾ ।
ಏವಮುಕ್ತಸ್ತುರಾಮೇಣಮಹಾತ್ಮಾಹರಿಯೂಥಪಃ ॥ 23 ॥
ಲಕ್ಷ್ಮಣಾಯದರೌನಸ್ತಸ್ಸುಷೇಣಃಪರಮೌಷಧಮ್ ।
ಸ ತಸ್ಯಗನ್ಧಮಾಘ್ರಾಯವಿಶಲ್ಯಸ್ಸಮಪದ್ಯತ ॥ 24 ॥
ತದಾನಿರ್ವೇದನಶ್ಚೈವಸಂರೂಢವ್ರಣಏವ ಚ ।
ವಿಭೀಷಣಮುಖಾನಾಂ ಚ ಸುಹೃದಾಂರಾಘವಾಜ್ನಾಯಾ ॥ 25 ॥
ಸರ್ವವಾನರಮುಖ್ಯಾನಾಞ್ಚಿಕಿತ್ಸಾಮಕರೋತ್ತದಾ ।
ತತಃಪ್ರಕೃತಿಮಾಪನ್ನೋಹೃತಶಲ್ಯೋಗತವ್ಯಥಃ ॥ 26 ॥
ಸೌಮಿತ್ರಿರ್ಮುದಿತಸ್ತತ್ರ ಕ್ಷಣೇನ ವಿಗತಜ್ವರಃ ।
ತದೈವರಾಮಃಪ್ಲವಗಾಧಿಪಸ್ತಥಾವಿಭೀಷಣಶ್ಚರ್ಕ್ಷಪತಿಶ್ಚಜಾಮ್ಬವಾನ್ ।
ಆವೇಕ್ಷ್ಯಸೌಮಿತ್ರಿಮರೋಗಮುಥತಿತಮ್ಮುದಾಸಸೈನ್ಯಾಸ್ಸುಚಿರಞ್ಜಹರ್ಷಿರೇ ॥ 27 ॥
ಅಪೂಜಯತ್ಕರ್ಮ ಸ ಲಕ್ಷ್ಮಣಸ್ಯಸುದುಷ್ಕರನ್ದಾಶರಥಿರ್ಮಹಾತ್ಮಾ ।
ಬಭೂವಹೃಷ್ಟೋವಾನರೇನ್ದ್ರೋನಿಶಮ್ಯತಂಶಕ್ರಜಿತನ್ನಿಪಾತಿತಮ್ ॥ 28 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ದ್ವಿನವತಿತಮಸ್ಸರ್ಗಃ ॥
