śrīmadvālmīkīya rāmāyaṇē yuddhakāṇḍam ।
atha dvinavatitamassargaḥ ।
rudhiraklinnagātrastulakṣmaṇaḥśubhalakṣaṇaḥ ।
babhūvahṛṣṭastaṃhatvāśakrajētāramāhavē ॥ 1 ॥
tataḥsajāmbavantañchahanūmantañchavīryavān ।
sannipatyamahātējāstāṃśchasarvānvanaukasaḥ ॥ 2 ॥
ājagāmatataḥśīghraṃyatrasugrīvarāghavau ।
vibhīṣaṇamavaṣṭabhyahanūmantañchalakṣmaṇaḥ ॥ 3 ॥
tatōrāmamabhikramyasaumitrirabhivādya cha ।
tasthaubhrātṛsamīpasthaḥśakrasyēndrānujōyathā ॥ 4 ॥
niṣṭanannivachāgatyarāghavāyamahātmanē ।
āchachakṣētadāvīrōghōramindrajitōvadham ॥ 5 ॥
rāvaṇēstuśiraśChinnaṃlakṣmaṇēnamahātmanā ।
nyavēdayatarāmāyatadāhṛṣṭōvibhīṣaṇaḥ ॥ 6 ॥
śrutvaivatumahāvīryōlakṣaṇanēndrajidvadham ।
praharṣamatulaṃlēbhēvākyañchēdamuvācha ha ॥ 7 ॥
sādhulakṣmaṇatuṣṭō'smikarmachāsukaraṅkṛtam ।
rāvaṇērhivināśēnajitamutyapadhāraya ॥ 8 ॥
sa taṃśirasyupāghrāyalakṣmaṇaṅkīrtivardhanam ।
lajjamānambalātsnēhādaṅgamārōpyavīryavān ॥ 9 ॥
upavēśyatamutsaṅgēpariṣvajyāvapīḍitam ।
bhrātaraṃlakṣmaṇaṃsnigdhampunaḥpunarudaikṣata ॥ 10 ॥
śalyasampīḍitaṃśastanniḥśvasantantuṃlakṣmaṇam ।
rāmastuduḥkhasantaptantantuniḥśvāsapīḍitam ॥ 11 ॥
mūrdhnichainamupāghrāyabhūyaḥsaṃspṛśya cha tvaran ।
uvāchalakṣmaṇaṃvākyamāśvāsyapuruṣarṣabhaḥ ॥ 12 ॥
kṛtamparamakaḻyāṇaṅkarmaduṣkarakarmaṇā ।
adyamanyēhatēputrērāvaṇannihataṃyudhi ॥ 13 ॥
adyāhaṃvijayīśatrauhatētasmin durātmani ।
rāvaṇasyanṛśaṃsasyadiṣṭyāvīratvayāraṇē ॥ 14 ॥
Chinnōhidakṣiṇōbāhuḥ sa hitasyavyapāśrayaḥ ।
vibhīṣaṇahanūmadbhyāṅkṛtaṅkarmamahadraṇē ॥ 15 ॥
ahōrātraistribhirvīraḥkathañchitavandipātitaḥ ।
viramitraḥkṛtō'smyadyaniryāsyatihirāvaṇaḥ ॥ 16 ॥
balavyūhēnamahatāśrutvāputtrannipātitam ।
tamputravadhasantaptanniryāntaṃrākṣasādhipam ॥ 17 ॥
balēnāvṛtyamahatānihaniṣyāmidurjayam ।
tvayālakṣmaṇanāthēnasītā cha pṛthivī cha mē ॥ 18 ॥
na duṣprāpāhatētasmin śakrajētarichāhavē ।
satambhrātaramāśvāsyapariṣvajya cha rāghavaḥ ॥ 19 ॥
rāmaḥsuṣēṇammuditassamābhāṣyēdamabravīt ।
saśalyō'yammahāprājñassaumitrirmitravatsalaḥ ॥ 20 ॥
yathābhavatisusvasthastathātvaṃsamupāchara ।
viśalyaḥkriyatāṅkṣipraṃsaumitrissavibhīṣaṇaḥ ॥ 21 ॥
ṛkṣvānarasainyānāṃśūrāṇāndrumayōdhinām ।
yēchāpyanyē'trayudhyantisaśalyāvraṇinastathā ॥ 22 ॥
tē'pisarvēprayatnēnakriyantāṃsukhinastathā ।
ēvamuktasturāmēṇamahātmāhariyūthapaḥ ॥ 23 ॥
lakṣmaṇāyadaraunastassuṣēṇaḥparamauṣadham ।
sa tasyagandhamāghrāyaviśalyassamapadyata ॥ 24 ॥
tadānirvēdanaśchaivasaṃrūḍhavraṇaēva cha ।
vibhīṣaṇamukhānāṃ cha suhṛdāṃrāghavājnāyā ॥ 25 ॥
sarvavānaramukhyānāñchikitsāmakarōttadā ।
tataḥprakṛtimāpannōhṛtaśalyōgatavyathaḥ ॥ 26 ॥
saumitrirmuditastatra kṣaṇēna vigatajvaraḥ ।
tadaivarāmaḥplavagādhipastathāvibhīṣaṇaścharkṣapatiśchajāmbavān ।
āvēkṣyasaumitrimarōgamuthatitammudāsasainyāssuchirañjaharṣirē ॥ 27 ॥
apūjayatkarma sa lakṣmaṇasyasuduṣkarandāśarathirmahātmā ।
babhūvahṛṣṭōvānarēndrōniśamyataṃśakrajitannipātitam ॥ 28 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē dvinavatitamassargaḥ ॥
