ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ವಿಂಶತ್ಯಧಿಕಶತತಮಸ್ಸರ್ಗಃ ।
ತತೋಹಿದುರ್ಮನಾರಾಮ್ಶ್ರುತ್ವೈವಂವದತಾಙ್ಗಿರಃ ।
ದಧ್ಯೌಮುಹೂರ್ತನ್ಧರ್ಮಾತ್ಮಾಬಾಷ್ಪವ್ಯಾಕುಲಲೋಚನಃ ॥ 1 ॥
ತತೋವೈಶ್ರವಣೋರಾಜಾಯಮಶ್ಚಪಿತೃಭಿಃಸಹ ।
ಸಹಸ್ರಾಕ್ಷಶ್ಚದೇವೇಶೋವರುಣಶ್ಚಜಲೇಶ್ವರಃ ॥ 2 ॥
ಷಡರ್ಧನಯನ್ಶ್ರೀಮಾನ್ಮಹಾದೇವೋವೃಷಧ್ವಜಃ ।
ಕರ್ತಾಸರ್ವಸ್ಯಲೋಕಸ್ಯಬ್ರಹ್ಮಾಬ್ರಹ್ಮವಿದಾಂವರಃ ॥ 3 ॥
ಏತೇಸರ್ವೇಸಮಾಗಮ್ಯವಿಮಾನೈಸ್ಸೂರ್ಯಸನ್ನಿಭೈಃ ।
ಆಗಮ್ಯನಗರೀಂಲಙ್ಕಾಮಭಿಜಗ್ಮುಶ್ಚರಾಘವಮ್ ॥ 4 ॥
ತತಃಸಹಸ್ತಾಭರಣಾನ್ಪ್ರಗೃಹ್ಯವಿಪುಲಾನ್ಭುಜಾನ್ ।
ಅಬ್ರುವಂಸ್ತ್ರಿದಶಶ್ರೇಷ್ಠಾರಾಘವಮ್ಪ್ರಾಞ್ಜಲಿಂಸ್ಥಿತಮ್ ॥ 5 ॥
ಕರ್ತಾಸರ್ವಸ್ಯಲೋಕಸ್ಯಶ್ರೇಷ್ಠೋಜ್ಞಾನವತಾಮ್ಪ್ರಭುಃ ।
ಉಪೇಕ್ಷಸೇಕಥಂಸೀತಾಮ್ಪತನ್ತೀಂಹವ್ಯವಾಹನೇ ॥ 6 ॥
ಕಥನ್ದೇವಗಣಶ್ರೇಷ್ಠಮಾತ್ಮಾನನ್ನಾವಬುದ್ಧ್ಯಸೇ ।
ಋತಧಾಮಾವಸುಃಪೂರ್ವಂವಸೂನಾಂ ಚ ಪ್ರಜಾಪತಿಃ ॥ 7 ॥
ತ್ರಯಾಣಾಮಪಿಲೋಕಾನಾಮಾದಿಕರ್ತಾಸ್ವಯಮ್ಪ್ರಭುಃ ।
ರುದ್ರಾಣಾಮಷ್ಟಮೋರುದ್ರಸ್ಸಾಧ್ಯಾನಾಮಪಿಪಞ್ಚಮಃ ॥ 8 ॥
ಅಶ್ವಿನೌಚಾಪಿಕರ್ಣೌತೇಸೂರ್ಯಚನ್ದ್ರಾಮಸೌದೃಶೌ ।
ಅನ್ತೇಚಾದೌ ಚ ಲೋಕಾನಾನ್ದೃಶ್ಯಸೇ ಚ ಪರನ್ತಪ ॥ 9 ॥
ಉಪೇಕ್ಷಸೇ ಚ ವೈದೇಹೀಮ್ಮಾನುಷಃಪ್ರಾಕೃತೋಯಥಾ ।
ಇತ್ಯುಕ್ತೋಲೋಕಪಾಲೈಸ್ತೈಸ್ಸ್ವಾಮೀಲೋಕಸ್ಯರಾಘವಃ ॥ 10 ॥
ಅಬ್ರವೀತ್ತ್ರಿದಶಶ್ರೇಷ್ಠಾನ್ರಾಮಧರ್ಮಭೃತಾಂವರಃ ।
ಆತ್ಮಾನಮ್ಮಾನುಷಮ್ಮನ್ಯೇರಾಮನ್ದಶರಥಾತ್ಮಜಮ್ ॥ 11 ॥
ಸೋಽಹಂಯಸ್ಯಯತಶ್ಚಾಹಮ್ಭಗವವಂಸ್ತದ್ಭ್ರವೀತುಮೇ ।
ಇತಿಬ್ರುವಾಣಙ್ಕಾಕುತ್ಸ್ಥಮ್ಬ್ರಹ್ಮಾಬ್ರಹ್ಮವಿದಾಂವರಃ ॥ 12 ॥
ಅಬ್ರವೀಚ್ಛ್ರುಣುಮೇವಾಕ್ಯಂಸತ್ಯಂಸತ್ಯಪರಾಕ್ರಮ ।
ಭವಾನ್ನಾರಾಯಣೋದೇವಃಶ್ರೀಮಾಂಶ್ಚಕ್ರಾಯುಧಃಪ್ರಭುಃ ॥ 13 ॥
ಏಕಶೃಙ್ಗೋವರಾಹಸ್ತ್ವಮ್ಭೂತಭವ್ಯಸಪತ್ನಜಿತ್ ।
ಅಕ್ಷರಮ್ಬ್ರಹ್ಮಸತ್ಯಂ ಚ ಮಧ್ಯೇಚಾನ್ತೇ ಚ ರಾಘವ ॥ 14 ॥
ಲೋಕಾನಾನ್ತ್ವಮ್ಪರೋಧರ್ಮೋವಿಷ್ವಕ್ಸೇನಶ್ಚತುರ್ಭುಜಃ ।
ಶಾರ್ಙ್ಗಧನ್ವಾಹೃಷೀಕೇಶಃಪುರುಷಃಪುರುಷೋತ್ತಮಃ ॥ 15 ॥
ಅಜಿತಃಖಙ್ಗದೃಗ್ವಿಷ್ಣುಃಕೃಷ್ಣಶ್ಚೈವಮಹಾಬಲಃ ।
ಸೇನಾನೀರ್ಗ್ರಾಮಣೀಶ್ಚತ್ವನ್ತ್ವಮ್ಬುದ್ಧಿಸ್ತ್ವಙ್ಕ್ಷಮಾದಮಃ ॥ 16 ॥
ಪ್ರಭವಶ್ಚಾಪ್ಯಯಶ್ಚತ್ವಮುಪೇನ್ದ್ರೋಮಧುಸೂದನಃ ।
ಇನ್ದ್ರಕರ್ಮಾಮಹೇನ್ದ್ರಸ್ತ್ವಮ್ಪದ್ಮನಾಭೋರಣಾನ್ತಕೃತ್ ॥ 17 ॥
ಶರಣ್ಯಂಶರಣಂ ಚ ತ್ವಾಮಾಹುರ್ದಿವ್ಯಾಮಹರ್ಷಯಃ ।
ಸಹಸ್ರಶೃಙ್ಗೋವೇದಾತ್ಮಾಶರಶೀರ್ಷೋಮಹರ್ಷಭಃ ॥ 18 ॥
ತ್ವನ್ತ್ರಯಾಣಾಂಹಿಲೋಕಾನಾಮಾದಿಕರ್ತಾಸ್ವಯಮ್ಪ್ರಭುಃ ।
ಸಿದ್ಧಾನಾಮಪಿಸಾಧ್ಯಾನಾಮಾಶ್ರಯಶ್ಚಾಸಿಪೂರ್ವಜಃ ॥ 19 ॥
ತ್ವಮ್ಯಜ್ಞಸ್ತ್ವಂವಷಟಕಾರಸ್ತ್ವಮೋಙ್ಕಾರಃಪರಾತ್ಪರಃ ॥ 20 ॥
ಪ್ರಭವನ್ನಿಧನಂವಾತೇನೋವಿದುಃಕೋಭವಾನಿತಿ ।
ದೃಶ್ಯಸೇಸರ್ವಭೂತೇಷುಗೋಷು ಚ ಬ್ರಾಹ್ಮಣೇಷು ಚ ॥ 21 ॥
ದಿಕ್ಷುಸರ್ವಾಸುಗಗನೇಪರ್ವತೇಷುನದೀಷು ಚ ।
ಸಹಸ್ರಚರಣ್ಶ್ರೀಮಾನ್ ಶತಶೀರ್ಷಸ್ಸಹಸ್ರದೃಕ್ ॥ 22 ॥
ತ್ವನ್ಧಾರಯಸಿಭೂತಾನಿಪೃಥಿವೀಂ ಚ ಸಪರ್ವತಾಮ್ ।
ಅನ್ತೇಪೃಥಿವ್ಯಾಃಸಲಿಲೇದೃಶ್ಯಸೇತ್ವಮ್ಮಹೋರಗಃ ॥ 23 ॥
ತ್ರೀನ್ಲೋಕಾನ್ಧಾರಯನ್ ರಾಮ ದೇವಗನ್ಧರ್ವದಾನವಾನ್ ।
ಅಹನ್ತೇಹೃದಯಂರಾಮಜಿಹ್ವಾದೇವೀಸರಸ್ವತೀ ॥ 24 ॥
ದೇವಾರೋಮಾಣಿಗಾತ್ರೇಷುಬ್ರಹ್ಮಣಾನಿರ್ಮಿತಾಃಪ್ರಭೋ ।
ನಿಮೇಷಸ್ತೇಸ್ಮೃತಾರಾತ್ರಿರುನ್ಮೇಷೋದಿವಸಸ್ತಥಾ ॥ 25 ॥
ಸಂಸ್ಕಾರಾಸ್ತ್ವಭವನ್ವೇದಾನೈತದಸ್ತಿತ್ವಯಾವಿನಾ ।
ಜಗತ್ಸರ್ವಂಶರೀರನ್ತೇಸ್ಥೈರ್ಯನ್ತೇವಸುಥಾತಲಮ್ ॥ 26 ॥
ಅಗ್ನಿಃಕೋಪಃಪ್ರಸಾದಸ್ತೇಸೋಮ್ಶ್ರೀವತ್ಸಲಕ್ಷಣಃ ।
ತ್ವಯಾಲೋಕಾಸ್ತ್ರಯಃಕ್ರಾನ್ತಾಃಪುರಾಸ್ವೈರ್ವಿಕ್ರಮೈಸ್ತ್ರಿಭಿಃ ॥ 27 ॥
ಮಹೇನ್ಧ್ರಶ್ಚಕೃತೋರಾಜಾಬಲಿಮ್ಬದ್ಧ್ವಾಸುದಾರುಣಮ್ ।
ಸೀತಾಲಕ್ಷ್ಮೀರ್ಭವಾನ್ ವಿಷ್ಣುರ್ದೇವಃಕೃಷ್ಣಃಪ್ರಜಾಪತಿಃ ॥ 28 ॥
ವಧಾರ್ಥಂರಾವಣಸ್ಯೇಹಪ್ರವಿಷ್ಟೋಮಾನುಷೀನ್ತನುಮ್ ।
ತದಿದನ್ನಸ್ತ್ವಯಾಕಾರ್ಯಙ್ಕೃತನ್ಧರ್ಮಭೃತಾಂವರ ॥ 29 ॥
ನಿಹತೋರಾವಣೋರಾಮಪ್ರಹೃಷ್ಟೋದಿವಮಾಕ್ರಮ ।
ಅಮೋಘನ್ದೇವವೀರ್ಯನ್ತೇ ನ ತೇಮೋಘಾಃಪರಾಕ್ರಮಾಃ ॥ 30 ॥
ಅಮೋಘನ್ದರ್ಶನಂರಾಮಾಮೋಘಸ್ತವಸಂಸ್ತವಃ ।
ಅಮೋಘಾಸ್ತೇಭವಿಷ್ಯನ್ತಿಭಕ್ತಿಮನ್ತೋನರಾಭುವಿ ॥ 31 ॥
ಯೇತ್ವಾನ್ದೇವನ್ಧ್ರುವಮ್ಭಕ್ತಾಃಪುರಾಣಮ್ಪುರುಷೋತ್ತಮಮ್ ।
ಪ್ರಾಪ್ನುವನ್ತಿಸದಾಕಾಮನಿಹಲೋಕೇಪರತ್ರ ಚ ॥ 32 ॥
ಇಮಮಾರ್ಷಂಸ್ತವನ್ದಿವ್ಯಮಿತಿಹಾಸಮ್ಪುರಾತನಮ್ ॥ 33 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ವಿಂಶತ್ಯಧಿಕಶತತಮಸ್ಸರ್ಗಃ ॥
