śrīmadvālmīkīya rāmāyaṇē yuddhakāṇḍam ।
atha viṃśatyadhikaśatatamassargaḥ ।
tatōhidurmanārāmśrutvaivaṃvadatāṅgiraḥ ।
dadhyaumuhūrtandharmātmābāṣpavyākulalōchanaḥ ॥ 1 ॥
tatōvaiśravaṇōrājāyamaśchapitṛbhiḥsaha ।
sahasrākṣaśchadēvēśōvaruṇaśchajalēśvaraḥ ॥ 2 ॥
ṣaḍardhanayanśrīmānmahādēvōvṛṣadhvajaḥ ।
kartāsarvasyalōkasyabrahmābrahmavidāṃvaraḥ ॥ 3 ॥
ētēsarvēsamāgamyavimānaissūryasannibhaiḥ ।
āgamyanagarīṃlaṅkāmabhijagmuścharāghavam ॥ 4 ॥
tataḥsahastābharaṇānpragṛhyavipulānbhujān ।
abruvaṃstridaśaśrēṣṭhārāghavamprāñjaliṃsthitam ॥ 5 ॥
kartāsarvasyalōkasyaśrēṣṭhōjñānavatāmprabhuḥ ।
upēkṣasēkathaṃsītāmpatantīṃhavyavāhanē ॥ 6 ॥
kathandēvagaṇaśrēṣṭhamātmānannāvabuddhyasē ।
ṛtadhāmāvasuḥpūrvaṃvasūnāṃ cha prajāpatiḥ ॥ 7 ॥
trayāṇāmapilōkānāmādikartāsvayamprabhuḥ ।
rudrāṇāmaṣṭamōrudrassādhyānāmapipañchamaḥ ॥ 8 ॥
aśvinauchāpikarṇautēsūryachandrāmasaudṛśau ।
antēchādau cha lōkānāndṛśyasē cha parantapa ॥ 9 ॥
upēkṣasē cha vaidēhīmmānuṣaḥprākṛtōyathā ।
ityuktōlōkapālaistaissvāmīlōkasyarāghavaḥ ॥ 10 ॥
abravīttridaśaśrēṣṭhānrāmadharmabhṛtāṃvaraḥ ।
ātmānammānuṣammanyērāmandaśarathātmajam ॥ 11 ॥
sō'haṃyasyayataśchāhambhagavavaṃstadbhravītumē ।
itibruvāṇaṅkākutsthambrahmābrahmavidāṃvaraḥ ॥ 12 ॥
abravīchChruṇumēvākyaṃsatyaṃsatyaparākrama ।
bhavānnārāyaṇōdēvaḥśrīmāṃśchakrāyudhaḥprabhuḥ ॥ 13 ॥
ēkaśṛṅgōvarāhastvambhūtabhavyasapatnajit ।
akṣarambrahmasatyaṃ cha madhyēchāntē cha rāghava ॥ 14 ॥
lōkānāntvamparōdharmōviṣvaksēnaśchaturbhujaḥ ।
śārṅgadhanvāhṛṣīkēśaḥpuruṣaḥpuruṣōttamaḥ ॥ 15 ॥
ajitaḥkhaṅgadṛgviṣṇuḥkṛṣṇaśchaivamahābalaḥ ।
sēnānīrgrāmaṇīśchatvantvambuddhistvaṅkṣamādamaḥ ॥ 16 ॥
prabhavaśchāpyayaśchatvamupēndrōmadhusūdanaḥ ।
indrakarmāmahēndrastvampadmanābhōraṇāntakṛt ॥ 17 ॥
śaraṇyaṃśaraṇaṃ cha tvāmāhurdivyāmaharṣayaḥ ।
sahasraśṛṅgōvēdātmāśaraśīrṣōmaharṣabhaḥ ॥ 18 ॥
tvantrayāṇāṃhilōkānāmādikartāsvayamprabhuḥ ।
siddhānāmapisādhyānāmāśrayaśchāsipūrvajaḥ ॥ 19 ॥
tvamyajñastvaṃvaṣaṭakārastvamōṅkāraḥparātparaḥ ॥ 20 ॥
prabhavannidhanaṃvātēnōviduḥkōbhavāniti ।
dṛśyasēsarvabhūtēṣugōṣu cha brāhmaṇēṣu cha ॥ 21 ॥
dikṣusarvāsugaganēparvatēṣunadīṣu cha ।
sahasracharaṇśrīmān śataśīrṣassahasradṛk ॥ 22 ॥
tvandhārayasibhūtānipṛthivīṃ cha saparvatām ।
antēpṛthivyāḥsalilēdṛśyasētvammahōragaḥ ॥ 23 ॥
trīnlōkāndhārayan rāma dēvagandharvadānavān ।
ahantēhṛdayaṃrāmajihvādēvīsarasvatī ॥ 24 ॥
dēvārōmāṇigātrēṣubrahmaṇānirmitāḥprabhō ।
nimēṣastēsmṛtārātrirunmēṣōdivasastathā ॥ 25 ॥
saṃskārāstvabhavanvēdānaitadastitvayāvinā ।
jagatsarvaṃśarīrantēsthairyantēvasuthātalam ॥ 26 ॥
agniḥkōpaḥprasādastēsōmśrīvatsalakṣaṇaḥ ।
tvayālōkāstrayaḥkrāntāḥpurāsvairvikramaistribhiḥ ॥ 27 ॥
mahēndhraśchakṛtōrājābalimbaddhvāsudāruṇam ।
sītālakṣmīrbhavān viṣṇurdēvaḥkṛṣṇaḥprajāpatiḥ ॥ 28 ॥
vadhārthaṃrāvaṇasyēhapraviṣṭōmānuṣīntanum ।
tadidannastvayākāryaṅkṛtandharmabhṛtāṃvara ॥ 29 ॥
nihatōrāvaṇōrāmaprahṛṣṭōdivamākrama ।
amōghandēvavīryantē na tēmōghāḥparākramāḥ ॥ 30 ॥
amōghandarśanaṃrāmāmōghastavasaṃstavaḥ ।
amōghāstēbhaviṣyantibhaktimantōnarābhuvi ॥ 31 ॥
yētvāndēvandhruvambhaktāḥpurāṇampuruṣōttamam ।
prāpnuvantisadākāmanihalōkēparatra cha ॥ 32 ॥
imamārṣaṃstavandivyamitihāsampurātanam ॥ 33 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē viṃśatyadhikaśatatamassargaḥ ॥
