ശ്രീമദ്വാല്മീകീയ രാമായണേ യുദ്ധകാംഡമ് ।
അഥ വിംശത്യധികശതതമസ്സര്ഗഃ ।
തതോഹിദുര്മനാരാമ്ശ്രുത്വൈവംവദതാംഗിരഃ ।
ദധ്യൌമുഹൂര്തംധര്മാത്മാബാഷ്പവ്യാകുലലോചനഃ ॥ 1 ॥
തതോവൈശ്രവണോരാജായമശ്ചപിതൃഭിഃസഹ ।
സഹസ്രാക്ഷശ്ചദേവേശോവരുണശ്ചജലേശ്വരഃ ॥ 2 ॥
ഷഡര്ധനയന്ശ്രീമാന്മഹാദേവോവൃഷധ്വജഃ ।
കര്താസർവസ്യലോകസ്യബ്രഹ്മാബ്രഹ്മവിദാംവരഃ ॥ 3 ॥
ഏതേസർവേസമാഗമ്യവിമാനൈസ്സൂര്യസന്നിഭൈഃ ।
ആഗമ്യനഗരീംലംകാമഭിജഗ്മുശ്ചരാഘവമ് ॥ 4 ॥
തതഃസഹസ്താഭരണാന്പ്രഗൃഹ്യവിപുലാന്ഭുജാന് ।
അബ്രുവംസ്ത്രിദശശ്രേഷ്ഠാരാഘവംപ്രാംജലിംസ്ഥിതമ് ॥ 5 ॥
കര്താസർവസ്യലോകസ്യശ്രേഷ്ഠോജ്ഞാനവതാംപ്രഭുഃ ।
ഉപേക്ഷസേകഥംസീതാംപതംതീംഹവ്യവാഹനേ ॥ 6 ॥
കഥംദേവഗണശ്രേഷ്ഠമാത്മാനംനാവബുദ്ധ്യസേ ।
ഋതധാമാവസുഃപൂർവംവസൂനാം ച പ്രജാപതിഃ ॥ 7 ॥
ത്രയാണാമപിലോകാനാമാദികര്താസ്വയംപ്രഭുഃ ।
രുദ്രാണാമഷ്ടമോരുദ്രസ്സാധ്യാനാമപിപംചമഃ ॥ 8 ॥
അശ്വിനൌചാപികര്ണൌതേസൂര്യചംദ്രാമസൌദൃശൌ ।
അംതേചാദൌ ച ലോകാനാംദൃശ്യസേ ച പരംതപ ॥ 9 ॥
ഉപേക്ഷസേ ച വൈദേഹീംമാനുഷഃപ്രാകൃതോയഥാ ।
ഇത്യുക്തോലോകപാലൈസ്തൈസ്സ്വാമീലോകസ്യരാഘവഃ ॥ 10 ॥
അബ്രവീത്ത്രിദശശ്രേഷ്ഠാന്രാമധര്മഭൃതാംവരഃ ।
ആത്മാനംമാനുഷംമന്യേരാമംദശരഥാത്മജമ് ॥ 11 ॥
സോഽഹംയസ്യയതശ്ചാഹംഭഗവവംസ്തദ്ഭ്രവീതുമേ ।
ഇതിബ്രുവാണംകാകുത്സ്ഥംബ്രഹ്മാബ്രഹ്മവിദാംവരഃ ॥ 12 ॥
അബ്രവീച്ഛ്രുണുമേവാക്യംസത്യംസത്യപരാക്രമ ।
ഭവാന്നാരായണോദേവഃശ്രീമാംശ്ചക്രായുധഃപ്രഭുഃ ॥ 13 ॥
ഏകശൃംഗോവരാഹസ്ത്വംഭൂതഭവ്യസപത്നജിത് ।
അക്ഷരംബ്രഹ്മസത്യം ച മധ്യേചാംതേ ച രാഘവ ॥ 14 ॥
ലോകാനാംത്വംപരോധര്മോവിഷ്വക്സേനശ്ചതുര്ഭുജഃ ।
ശാര്ങ്ഗധന്വാഹൃഷീകേശഃപുരുഷഃപുരുഷോത്തമഃ ॥ 15 ॥
അജിതഃഖംഗദൃഗ്വിഷ്ണുഃകൃഷ്ണശ്ചൈവമഹാബലഃ ।
സേനാനീര്ഗ്രാമണീശ്ചത്വംത്വംബുദ്ധിസ്ത്വംക്ഷമാദമഃ ॥ 16 ॥
പ്രഭവശ്ചാപ്യയശ്ചത്വമുപേംദ്രോമധുസൂദനഃ ।
ഇംദ്രകര്മാമഹേംദ്രസ്ത്വംപദ്മനാഭോരണാംതകൃത് ॥ 17 ॥
ശരണ്യംശരണം ച ത്വാമാഹുര്ദിവ്യാമഹര്ഷയഃ ।
സഹസ്രശൃംഗോവേദാത്മാശരശീര്ഷോമഹര്ഷഭഃ ॥ 18 ॥
ത്വംത്രയാണാംഹിലോകാനാമാദികര്താസ്വയംപ്രഭുഃ ।
സിദ്ധാനാമപിസാധ്യാനാമാശ്രയശ്ചാസിപൂർവജഃ ॥ 19 ॥
ത്വമ്യജ്ഞസ്ത്വംവഷടകാരസ്ത്വമോംകാരഃപരാത്പരഃ ॥ 20 ॥
പ്രഭവംനിധനംവാതേനോവിദുഃകോഭവാനിതി ।
ദൃശ്യസേസർവഭൂതേഷുഗോഷു ച ബ്രാഹ്മണേഷു ച ॥ 21 ॥
ദിക്ഷുസർവാസുഗഗനേപർവതേഷുനദീഷു ച ।
സഹസ്രചരണ്ശ്രീമാന് ശതശീര്ഷസ്സഹസ്രദൃക് ॥ 22 ॥
ത്വംധാരയസിഭൂതാനിപൃഥിവീം ച സപർവതാമ് ।
അംതേപൃഥിവ്യാഃസലിലേദൃശ്യസേത്വംമഹോരഗഃ ॥ 23 ॥
ത്രീന്ലോകാംധാരയന് രാമ ദേവഗംധർവദാനവാന് ।
അഹംതേഹൃദയംരാമജിഹ്വാദേവീസരസ്വതീ ॥ 24 ॥
ദേവാരോമാണിഗാത്രേഷുബ്രഹ്മണാനിര്മിതാഃപ്രഭോ ।
നിമേഷസ്തേസ്മൃതാരാത്രിരുന്മേഷോദിവസസ്തഥാ ॥ 25 ॥
സംസ്കാരാസ്ത്വഭവന്വേദാനൈതദസ്തിത്വയാവിനാ ।
ജഗത്സർവംശരീരംതേസ്ഥൈര്യംതേവസുഥാതലമ് ॥ 26 ॥
അഗ്നിഃകോപഃപ്രസാദസ്തേസോമ്ശ്രീവത്സലക്ഷണഃ ।
ത്വയാലോകാസ്ത്രയഃക്രാംതാഃപുരാസ്വൈർവിക്രമൈസ്ത്രിഭിഃ ॥ 27 ॥
മഹേംധ്രശ്ചകൃതോരാജാബലിംബദ്ധ്വാസുദാരുണമ് ।
സീതാലക്ഷ്മീര്ഭവാന് വിഷ്ണുര്ദേവഃകൃഷ്ണഃപ്രജാപതിഃ ॥ 28 ॥
വധാര്ഥംരാവണസ്യേഹപ്രവിഷ്ടോമാനുഷീംതനുമ് ।
തദിദംനസ്ത്വയാകാര്യംകൃതംധര്മഭൃതാംവര ॥ 29 ॥
നിഹതോരാവണോരാമപ്രഹൃഷ്ടോദിവമാക്രമ ।
അമോഘംദേവവീര്യംതേ ന തേമോഘാഃപരാക്രമാഃ ॥ 30 ॥
അമോഘംദര്ശനംരാമാമോഘസ്തവസംസ്തവഃ ।
അമോഘാസ്തേഭവിഷ്യംതിഭക്തിമംതോനരാഭുവി ॥ 31 ॥
യേത്വാംദേവംധ്രുവംഭക്താഃപുരാണംപുരുഷോത്തമമ് ।
പ്രാപ്നുവംതിസദാകാമനിഹലോകേപരത്ര ച ॥ 32 ॥
ഇമമാര്ഷംസ്തവംദിവ്യമിതിഹാസംപുരാതനമ് ॥ 33 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ വിംശത്യധികശതതമസ്സര്ഗഃ ॥
