શ્રીમદ્વાલ્મીકીય રામાયણે યુદ્ધકાંડમ્ ।
અથ વિંશત્યધિકશતતમસ્સર્ગઃ ।
તતોહિદુર્મનારામ્શ્રુત્વૈવંવદતાંગિરઃ ।
દધ્યૌમુહૂર્તંધર્માત્માબાષ્પવ્યાકુલલોચનઃ ॥ 1 ॥
તતોવૈશ્રવણોરાજાયમશ્ચપિતૃભિઃસહ ।
સહસ્રાક્ષશ્ચદેવેશોવરુણશ્ચજલેશ્વરઃ ॥ 2 ॥
ષડર્ધનયન્શ્રીમાન્મહાદેવોવૃષધ્વજઃ ।
કર્તાસર્વસ્યલોકસ્યબ્રહ્માબ્રહ્મવિદાંવરઃ ॥ 3 ॥
એતેસર્વેસમાગમ્યવિમાનૈસ્સૂર્યસન્નિભૈઃ ।
આગમ્યનગરીંલંકામભિજગ્મુશ્ચરાઘવમ્ ॥ 4 ॥
તતઃસહસ્તાભરણાન્પ્રગૃહ્યવિપુલાન્ભુજાન્ ।
અબ્રુવંસ્ત્રિદશશ્રેષ્ઠારાઘવંપ્રાંજલિંસ્થિતમ્ ॥ 5 ॥
કર્તાસર્વસ્યલોકસ્યશ્રેષ્ઠોજ્ઞાનવતાંપ્રભુઃ ।
ઉપેક્ષસેકથંસીતાંપતંતીંહવ્યવાહને ॥ 6 ॥
કથંદેવગણશ્રેષ્ઠમાત્માનંનાવબુદ્ધ્યસે ।
ઋતધામાવસુઃપૂર્વંવસૂનાં ચ પ્રજાપતિઃ ॥ 7 ॥
ત્રયાણામપિલોકાનામાદિકર્તાસ્વયંપ્રભુઃ ।
રુદ્રાણામષ્ટમોરુદ્રસ્સાધ્યાનામપિપંચમઃ ॥ 8 ॥
અશ્વિનૌચાપિકર્ણૌતેસૂર્યચંદ્રામસૌદૃશૌ ।
અંતેચાદૌ ચ લોકાનાંદૃશ્યસે ચ પરંતપ ॥ 9 ॥
ઉપેક્ષસે ચ વૈદેહીંમાનુષઃપ્રાકૃતોયથા ।
ઇત્યુક્તોલોકપાલૈસ્તૈસ્સ્વામીલોકસ્યરાઘવઃ ॥ 10 ॥
અબ્રવીત્ત્રિદશશ્રેષ્ઠાન્રામધર્મભૃતાંવરઃ ।
આત્માનંમાનુષંમન્યેરામંદશરથાત્મજમ્ ॥ 11 ॥
સોઽહંયસ્યયતશ્ચાહંભગવવંસ્તદ્ભ્રવીતુમે ।
ઇતિબ્રુવાણંકાકુત્સ્થંબ્રહ્માબ્રહ્મવિદાંવરઃ ॥ 12 ॥
અબ્રવીચ્છ્રુણુમેવાક્યંસત્યંસત્યપરાક્રમ ।
ભવાન્નારાયણોદેવઃશ્રીમાંશ્ચક્રાયુધઃપ્રભુઃ ॥ 13 ॥
એકશૃંગોવરાહસ્ત્વંભૂતભવ્યસપત્નજિત્ ।
અક્ષરંબ્રહ્મસત્યં ચ મધ્યેચાંતે ચ રાઘવ ॥ 14 ॥
લોકાનાંત્વંપરોધર્મોવિષ્વક્સેનશ્ચતુર્ભુજઃ ।
શાર્ઙ્ગધન્વાહૃષીકેશઃપુરુષઃપુરુષોત્તમઃ ॥ 15 ॥
અજિતઃખંગદૃગ્વિષ્ણુઃકૃષ્ણશ્ચૈવમહાબલઃ ।
સેનાનીર્ગ્રામણીશ્ચત્વંત્વંબુદ્ધિસ્ત્વંક્ષમાદમઃ ॥ 16 ॥
પ્રભવશ્ચાપ્યયશ્ચત્વમુપેંદ્રોમધુસૂદનઃ ।
ઇંદ્રકર્મામહેંદ્રસ્ત્વંપદ્મનાભોરણાંતકૃત્ ॥ 17 ॥
શરણ્યંશરણં ચ ત્વામાહુર્દિવ્યામહર્ષયઃ ।
સહસ્રશૃંગોવેદાત્માશરશીર્ષોમહર્ષભઃ ॥ 18 ॥
ત્વંત્રયાણાંહિલોકાનામાદિકર્તાસ્વયંપ્રભુઃ ।
સિદ્ધાનામપિસાધ્યાનામાશ્રયશ્ચાસિપૂર્વજઃ ॥ 19 ॥
ત્વમ્યજ્ઞસ્ત્વંવષટકારસ્ત્વમોંકારઃપરાત્પરઃ ॥ 20 ॥
પ્રભવંનિધનંવાતેનોવિદુઃકોભવાનિતિ ।
દૃશ્યસેસર્વભૂતેષુગોષુ ચ બ્રાહ્મણેષુ ચ ॥ 21 ॥
દિક્ષુસર્વાસુગગનેપર્વતેષુનદીષુ ચ ।
સહસ્રચરણ્શ્રીમાન્ શતશીર્ષસ્સહસ્રદૃક્ ॥ 22 ॥
ત્વંધારયસિભૂતાનિપૃથિવીં ચ સપર્વતામ્ ।
અંતેપૃથિવ્યાઃસલિલેદૃશ્યસેત્વંમહોરગઃ ॥ 23 ॥
ત્રીન્લોકાંધારયન્ રામ દેવગંધર્વદાનવાન્ ।
અહંતેહૃદયંરામજિહ્વાદેવીસરસ્વતી ॥ 24 ॥
દેવારોમાણિગાત્રેષુબ્રહ્મણાનિર્મિતાઃપ્રભો ।
નિમેષસ્તેસ્મૃતારાત્રિરુન્મેષોદિવસસ્તથા ॥ 25 ॥
સંસ્કારાસ્ત્વભવન્વેદાનૈતદસ્તિત્વયાવિના ।
જગત્સર્વંશરીરંતેસ્થૈર્યંતેવસુથાતલમ્ ॥ 26 ॥
અગ્નિઃકોપઃપ્રસાદસ્તેસોમ્શ્રીવત્સલક્ષણઃ ।
ત્વયાલોકાસ્ત્રયઃક્રાંતાઃપુરાસ્વૈર્વિક્રમૈસ્ત્રિભિઃ ॥ 27 ॥
મહેંધ્રશ્ચકૃતોરાજાબલિંબદ્ધ્વાસુદારુણમ્ ।
સીતાલક્ષ્મીર્ભવાન્ વિષ્ણુર્દેવઃકૃષ્ણઃપ્રજાપતિઃ ॥ 28 ॥
વધાર્થંરાવણસ્યેહપ્રવિષ્ટોમાનુષીંતનુમ્ ।
તદિદંનસ્ત્વયાકાર્યંકૃતંધર્મભૃતાંવર ॥ 29 ॥
નિહતોરાવણોરામપ્રહૃષ્ટોદિવમાક્રમ ।
અમોઘંદેવવીર્યંતે ન તેમોઘાઃપરાક્રમાઃ ॥ 30 ॥
અમોઘંદર્શનંરામામોઘસ્તવસંસ્તવઃ ।
અમોઘાસ્તેભવિષ્યંતિભક્તિમંતોનરાભુવિ ॥ 31 ॥
યેત્વાંદેવંધ્રુવંભક્તાઃપુરાણંપુરુષોત્તમમ્ ।
પ્રાપ્નુવંતિસદાકામનિહલોકેપરત્ર ચ ॥ 32 ॥
ઇમમાર્ષંસ્તવંદિવ્યમિતિહાસંપુરાતનમ્ ॥ 33 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે વિંશત્યધિકશતતમસ્સર્ગઃ ॥
