ශ්රීමද්වාල්මීකීය රාමායණේ යුද්ධකාංඩම් ।
අථ විංශත්යධිකශතතමස්සර්ගඃ ।
තතෝහිදුර්මනාරාම්ශ්රුත්වෛවංවදතාංගිරඃ ।
දධ්යෞමුහූර්තංධර්මාත්මාබාෂ්පව්යාකුලලෝචනඃ ॥ 1 ॥
තතෝවෛශ්රවණෝරාජායමශ්චපිතෘභිඃසහ ।
සහස්රාක්ෂශ්චදේවේශෝවරුණශ්චජලේශ්වරඃ ॥ 2 ॥
ෂඩර්ධනයන්ශ්රීමාන්මහාදේවෝවෘෂධ්වජඃ ।
කර්තාසර්වස්යලෝකස්යබ්රහ්මාබ්රහ්මවිදාංවරඃ ॥ 3 ॥
ඒතේසර්වේසමාගම්යවිමානෛස්සූර්යසන්නිභෛඃ ।
ආගම්යනගරීංලංකාමභිජග්මුශ්චරාඝවම් ॥ 4 ॥
තතඃසහස්තාභරණාන්ප්රගෘහ්යවිපුලාන්භුජාන් ।
අබ්රුවංස්ත්රිදශශ්රේෂ්ඨාරාඝවංප්රාංජලිංස්ථිතම් ॥ 5 ॥
කර්තාසර්වස්යලෝකස්යශ්රේෂ්ඨෝජ්ඤානවතාංප්රභුඃ ।
උපේක්ෂසේකථංසීතාංපතංතීංහව්යවාහනේ ॥ 6 ॥
කථංදේවගණශ්රේෂ්ඨමාත්මානංනාවබුද්ධ්යසේ ।
ඍතධාමාවසුඃපූර්වංවසූනාං ච ප්රජාපතිඃ ॥ 7 ॥
ත්රයාණාමපිලෝකානාමාදිකර්තාස්වයංප්රභුඃ ।
රුද්රාණාමෂ්ටමෝරුද්රස්සාධ්යානාමපිපංචමඃ ॥ 8 ॥
අශ්විනෞචාපිකර්ණෞතේසූර්යචංද්රාමසෞදෘශෞ ।
අංතේචාදෞ ච ලෝකානාංදෘශ්යසේ ච පරංතප ॥ 9 ॥
උපේක්ෂසේ ච වෛදේහීංමානුෂඃප්රාකෘතෝයථා ।
ඉත්යුක්තෝලෝකපාලෛස්තෛස්ස්වාමීලෝකස්යරාඝවඃ ॥ 10 ॥
අබ්රවීත්ත්රිදශශ්රේෂ්ඨාන්රාමධර්මභෘතාංවරඃ ।
ආත්මානංමානුෂංමන්යේරාමංදශරථාත්මජම් ॥ 11 ॥
සෝऽහංයස්යයතශ්චාහංභගවවංස්තද්භ්රවීතුමේ ।
ඉතිබ්රුවාණංකාකුත්ස්ථංබ්රහ්මාබ්රහ්මවිදාංවරඃ ॥ 12 ॥
අබ්රවීච්ඡ්රුණුමේවාක්යංසත්යංසත්යපරාක්රම ।
භවාන්නාරායණෝදේවඃශ්රීමාංශ්චක්රායුධඃප්රභුඃ ॥ 13 ॥
ඒකශෘංගෝවරාහස්ත්වංභූතභව්යසපත්නජිත් ।
අක්ෂරංබ්රහ්මසත්යං ච මධ්යේචාංතේ ච රාඝව ॥ 14 ॥
ලෝකානාංත්වංපරෝධර්මෝවිෂ්වක්සේනශ්චතුර්භුජඃ ।
ශාර්ඞ්ගධන්වාහෘෂීකේශඃපුරුෂඃපුරුෂෝත්තමඃ ॥ 15 ॥
අජිතඃඛංගදෘග්විෂ්ණුඃකෘෂ්ණශ්චෛවමහාබලඃ ।
සේනානීර්ග්රාමණීශ්චත්වංත්වංබුද්ධිස්ත්වංක්ෂමාදමඃ ॥ 16 ॥
ප්රභවශ්චාප්යයශ්චත්වමුපේංද්රෝමධුසූදනඃ ।
ඉංද්රකර්මාමහේංද්රස්ත්වංපද්මනාභෝරණාංතකෘත් ॥ 17 ॥
ශරණ්යංශරණං ච ත්වාමාහුර්දිව්යාමහර්ෂයඃ ।
සහස්රශෘංගෝවේදාත්මාශරශීර්ෂෝමහර්ෂභඃ ॥ 18 ॥
ත්වංත්රයාණාංහිලෝකානාමාදිකර්තාස්වයංප්රභුඃ ।
සිද්ධානාමපිසාධ්යානාමාශ්රයශ්චාසිපූර්වජඃ ॥ 19 ॥
ත්වම්යජ්ඤස්ත්වංවෂටකාරස්ත්වමෝංකාරඃපරාත්පරඃ ॥ 20 ॥
ප්රභවංනිධනංවාතේනෝවිදුඃකෝභවානිති ।
දෘශ්යසේසර්වභූතේෂුගෝෂු ච බ්රාහ්මණේෂු ච ॥ 21 ॥
දික්ෂුසර්වාසුගගනේපර්වතේෂුනදීෂු ච ।
සහස්රචරණ්ශ්රීමාන් ශතශීර්ෂස්සහස්රදෘක් ॥ 22 ॥
ත්වංධාරයසිභූතානිපෘථිවීං ච සපර්වතාම් ।
අංතේපෘථිව්යාඃසලිලේදෘශ්යසේත්වංමහෝරගඃ ॥ 23 ॥
ත්රීන්ලෝකාංධාරයන් රාම දේවගංධර්වදානවාන් ।
අහංතේහෘදයංරාමජිහ්වාදේවීසරස්වතී ॥ 24 ॥
දේවාරෝමාණිගාත්රේෂුබ්රහ්මණානිර්මිතාඃප්රභෝ ।
නිමේෂස්තේස්මෘතාරාත්රිරුන්මේෂෝදිවසස්තථා ॥ 25 ॥
සංස්කාරාස්ත්වභවන්වේදානෛතදස්තිත්වයාවිනා ।
ජගත්සර්වංශරීරංතේස්ථෛර්යංතේවසුථාතලම් ॥ 26 ॥
අග්නිඃකෝපඃප්රසාදස්තේසෝම්ශ්රීවත්සලක්ෂණඃ ।
ත්වයාලෝකාස්ත්රයඃක්රාංතාඃපුරාස්වෛර්වික්රමෛස්ත්රිභිඃ ॥ 27 ॥
මහේංධ්රශ්චකෘතෝරාජාබලිංබද්ධ්වාසුදාරුණම් ।
සීතාලක්ෂ්මීර්භවාන් විෂ්ණුර්දේවඃකෘෂ්ණඃප්රජාපතිඃ ॥ 28 ॥
වධාර්ථංරාවණස්යේහප්රවිෂ්ටෝමානුෂීංතනුම් ।
තදිදංනස්ත්වයාකාර්යංකෘතංධර්මභෘතාංවර ॥ 29 ॥
නිහතෝරාවණෝරාමප්රහෘෂ්ටෝදිවමාක්රම ।
අමෝඝංදේවවීර්යංතේ න තේමෝඝාඃපරාක්රමාඃ ॥ 30 ॥
අමෝඝංදර්ශනංරාමාමෝඝස්තවසංස්තවඃ ।
අමෝඝාස්තේභවිෂ්යංතිභක්තිමංතෝනරාභුවි ॥ 31 ॥
යේත්වාංදේවංධ්රුවංභක්තාඃපුරාණංපුරුෂෝත්තමම් ।
ප්රාප්නුවංතිසදාකාමනිහලෝකේපරත්ර ච ॥ 32 ॥
ඉමමාර්ෂංස්තවංදිව්යමිතිහාසංපුරාතනම් ॥ 33 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ විංශත්යධිකශතතමස්සර්ගඃ ॥
