శ్రీమద్వాల్మీకీయ రామాయణే యుద్ధకాండమ్ ।
అథ వింశత్యధికశతతమస్సర్గః ।
తతోహిదుర్మనారామ్శ్రుత్వైవంవదతాంగిరః ।
దధ్యౌముహూర్తంధర్మాత్మాబాష్పవ్యాకులలోచనః ॥ 1 ॥
తతోవైశ్రవణోరాజాయమశ్చపితృభిఃసహ ।
సహస్రాక్షశ్చదేవేశోవరుణశ్చజలేశ్వరః ॥ 2 ॥
షడర్ధనయన్శ్రీమాన్మహాదేవోవృషధ్వజః ।
కర్తాసర్వస్యలోకస్యబ్రహ్మాబ్రహ్మవిదాంవరః ॥ 3 ॥
ఏతేసర్వేసమాగమ్యవిమానైస్సూర్యసన్నిభైః ।
ఆగమ్యనగరీంలంకామభిజగ్ముశ్చరాఘవమ్ ॥ 4 ॥
తతఃసహస్తాభరణాన్ప్రగృహ్యవిపులాన్భుజాన్ ।
అబ్రువంస్త్రిదశశ్రేష్ఠారాఘవంప్రాంజలింస్థితమ్ ॥ 5 ॥
కర్తాసర్వస్యలోకస్యశ్రేష్ఠోజ్ఞానవతాంప్రభుః ।
ఉపేక్షసేకథంసీతాంపతంతీంహవ్యవాహనే ॥ 6 ॥
కథందేవగణశ్రేష్ఠమాత్మానంనావబుద్ధ్యసే ।
ఋతధామావసుఃపూర్వంవసూనాం చ ప్రజాపతిః ॥ 7 ॥
త్రయాణామపిలోకానామాదికర్తాస్వయంప్రభుః ।
రుద్రాణామష్టమోరుద్రస్సాధ్యానామపిపంచమః ॥ 8 ॥
అశ్వినౌచాపికర్ణౌతేసూర్యచంద్రామసౌదృశౌ ।
అంతేచాదౌ చ లోకానాందృశ్యసే చ పరంతప ॥ 9 ॥
ఉపేక్షసే చ వైదేహీంమానుషఃప్రాకృతోయథా ।
ఇత్యుక్తోలోకపాలైస్తైస్స్వామీలోకస్యరాఘవః ॥ 10 ॥
అబ్రవీత్త్రిదశశ్రేష్ఠాన్రామధర్మభృతాంవరః ।
ఆత్మానంమానుషంమన్యేరామందశరథాత్మజమ్ ॥ 11 ॥
సోఽహంయస్యయతశ్చాహంభగవవంస్తద్భ్రవీతుమే ।
ఇతిబ్రువాణంకాకుత్స్థంబ్రహ్మాబ్రహ్మవిదాంవరః ॥ 12 ॥
అబ్రవీచ్ఛ్రుణుమేవాక్యంసత్యంసత్యపరాక్రమ ।
భవాన్నారాయణోదేవఃశ్రీమాంశ్చక్రాయుధఃప్రభుః ॥ 13 ॥
ఏకశృంగోవరాహస్త్వంభూతభవ్యసపత్నజిత్ ।
అక్షరంబ్రహ్మసత్యం చ మధ్యేచాంతే చ రాఘవ ॥ 14 ॥
లోకానాంత్వంపరోధర్మోవిష్వక్సేనశ్చతుర్భుజః ।
శార్ఙ్గధన్వాహృషీకేశఃపురుషఃపురుషోత్తమః ॥ 15 ॥
అజితఃఖంగదృగ్విష్ణుఃకృష్ణశ్చైవమహాబలః ।
సేనానీర్గ్రామణీశ్చత్వంత్వంబుద్ధిస్త్వంక్షమాదమః ॥ 16 ॥
ప్రభవశ్చాప్యయశ్చత్వముపేంద్రోమధుసూదనః ।
ఇంద్రకర్మామహేంద్రస్త్వంపద్మనాభోరణాంతకృత్ ॥ 17 ॥
శరణ్యంశరణం చ త్వామాహుర్దివ్యామహర్షయః ।
సహస్రశృంగోవేదాత్మాశరశీర్షోమహర్షభః ॥ 18 ॥
త్వంత్రయాణాంహిలోకానామాదికర్తాస్వయంప్రభుః ।
సిద్ధానామపిసాధ్యానామాశ్రయశ్చాసిపూర్వజః ॥ 19 ॥
త్వమ్యజ్ఞస్త్వంవషటకారస్త్వమోంకారఃపరాత్పరః ॥ 20 ॥
ప్రభవంనిధనంవాతేనోవిదుఃకోభవానితి ।
దృశ్యసేసర్వభూతేషుగోషు చ బ్రాహ్మణేషు చ ॥ 21 ॥
దిక్షుసర్వాసుగగనేపర్వతేషునదీషు చ ।
సహస్రచరణ్శ్రీమాన్ శతశీర్షస్సహస్రదృక్ ॥ 22 ॥
త్వంధారయసిభూతానిపృథివీం చ సపర్వతామ్ ।
అంతేపృథివ్యాఃసలిలేదృశ్యసేత్వంమహోరగః ॥ 23 ॥
త్రీన్లోకాంధారయన్ రామ దేవగంధర్వదానవాన్ ।
అహంతేహృదయంరామజిహ్వాదేవీసరస్వతీ ॥ 24 ॥
దేవారోమాణిగాత్రేషుబ్రహ్మణానిర్మితాఃప్రభో ।
నిమేషస్తేస్మృతారాత్రిరున్మేషోదివసస్తథా ॥ 25 ॥
సంస్కారాస్త్వభవన్వేదానైతదస్తిత్వయావినా ।
జగత్సర్వంశరీరంతేస్థైర్యంతేవసుథాతలమ్ ॥ 26 ॥
అగ్నిఃకోపఃప్రసాదస్తేసోమ్శ్రీవత్సలక్షణః ।
త్వయాలోకాస్త్రయఃక్రాంతాఃపురాస్వైర్విక్రమైస్త్రిభిః ॥ 27 ॥
మహేంధ్రశ్చకృతోరాజాబలింబద్ధ్వాసుదారుణమ్ ।
సీతాలక్ష్మీర్భవాన్ విష్ణుర్దేవఃకృష్ణఃప్రజాపతిః ॥ 28 ॥
వధార్థంరావణస్యేహప్రవిష్టోమానుషీంతనుమ్ ।
తదిదంనస్త్వయాకార్యంకృతంధర్మభృతాంవర ॥ 29 ॥
నిహతోరావణోరామప్రహృష్టోదివమాక్రమ ।
అమోఘందేవవీర్యంతే న తేమోఘాఃపరాక్రమాః ॥ 30 ॥
అమోఘందర్శనంరామామోఘస్తవసంస్తవః ।
అమోఘాస్తేభవిష్యంతిభక్తిమంతోనరాభువి ॥ 31 ॥
యేత్వాందేవంధ్రువంభక్తాఃపురాణంపురుషోత్తమమ్ ।
ప్రాప్నువంతిసదాకామనిహలోకేపరత్ర చ ॥ 32 ॥
ఇమమార్షంస్తవందివ్యమితిహాసంపురాతనమ్ ॥ 33 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే వింశత్యధికశతతమస్సర్గః ॥
