ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଵିଂଶତ୍ୟଧିକଶତତମସ୍ସର୍ଗଃ ।
ତତୋହିଦୁର୍ମନାରାମ୍ଶ୍ରୁତ୍ଵୈଵଂଵଦତାଂଗିରଃ ।
ଦଧ୍ୟୌମୁହୂର୍ତଂଧର୍ମାତ୍ମାବାଷ୍ପଵ୍ୟାକୁଲଲୋଚନଃ ॥ 1 ॥
ତତୋଵୈଶ୍ରଵଣୋରାଜାୟମଶ୍ଚପିତୃଭିଃସହ ।
ସହସ୍ରାକ୍ଷଶ୍ଚଦେଵେଶୋଵରୁଣଶ୍ଚଜଲେଶ୍ଵରଃ ॥ 2 ॥
ଷଡର୍ଧନୟନ୍ଶ୍ରୀମାନ୍ମହାଦେଵୋଵୃଷଧ୍ଵଜଃ ।
କର୍ତାସର୍ଵସ୍ୟଲୋକସ୍ୟବ୍ରହ୍ମାବ୍ରହ୍ମଵିଦାଂଵରଃ ॥ 3 ॥
ଏତେସର୍ଵେସମାଗମ୍ୟଵିମାନୈସ୍ସୂର୍ୟସନ୍ନିଭୈଃ ।
ଆଗମ୍ୟନଗରୀଂଲଂକାମଭିଜଗ୍ମୁଶ୍ଚରାଘଵମ୍ ॥ 4 ॥
ତତଃସହସ୍ତାଭରଣାନ୍ପ୍ରଗୃହ୍ୟଵିପୁଲାନ୍ଭୁଜାନ୍ ।
ଅବ୍ରୁଵଂସ୍ତ୍ରିଦଶଶ୍ରେଷ୍ଠାରାଘଵଂପ୍ରାଂଜଲିଂସ୍ଥିତମ୍ ॥ 5 ॥
କର୍ତାସର୍ଵସ୍ୟଲୋକସ୍ୟଶ୍ରେଷ୍ଠୋଜ୍ଞାନଵତାଂପ୍ରଭୁଃ ।
ଉପେକ୍ଷସେକଥଂସୀତାଂପତଂତୀଂହଵ୍ୟଵାହନେ ॥ 6 ॥
କଥଂଦେଵଗଣଶ୍ରେଷ୍ଠମାତ୍ମାନଂନାଵବୁଦ୍ଧ୍ୟସେ ।
ଋତଧାମାଵସୁଃପୂର୍ଵଂଵସୂନାଂ ଚ ପ୍ରଜାପତିଃ ॥ 7 ॥
ତ୍ରୟାଣାମପିଲୋକାନାମାଦିକର୍ତାସ୍ଵୟଂପ୍ରଭୁଃ ।
ରୁଦ୍ରାଣାମଷ୍ଟମୋରୁଦ୍ରସ୍ସାଧ୍ୟାନାମପିପଂଚମଃ ॥ 8 ॥
ଅଶ୍ଵିନୌଚାପିକର୍ଣୌତେସୂର୍ୟଚଂଦ୍ରାମସୌଦୃଶୌ ।
ଅଂତେଚାଦୌ ଚ ଲୋକାନାଂଦୃଶ୍ୟସେ ଚ ପରଂତପ ॥ 9 ॥
ଉପେକ୍ଷସେ ଚ ଵୈଦେହୀଂମାନୁଷଃପ୍ରାକୃତୋୟଥା ।
ଇତ୍ୟୁକ୍ତୋଲୋକପାଲୈସ୍ତୈସ୍ସ୍ଵାମୀଲୋକସ୍ୟରାଘଵଃ ॥ 10 ॥
ଅବ୍ରଵୀତ୍ତ୍ରିଦଶଶ୍ରେଷ୍ଠାନ୍ରାମଧର୍ମଭୃତାଂଵରଃ ।
ଆତ୍ମାନଂମାନୁଷଂମନ୍ୟେରାମଂଦଶରଥାତ୍ମଜମ୍ ॥ 11 ॥
ସୋଽହଂୟସ୍ୟୟତଶ୍ଚାହଂଭଗଵଵଂସ୍ତଦ୍ଭ୍ରଵୀତୁମେ ।
ଇତିବ୍ରୁଵାଣଂକାକୁତ୍ସ୍ଥଂବ୍ରହ୍ମାବ୍ରହ୍ମଵିଦାଂଵରଃ ॥ 12 ॥
ଅବ୍ରଵୀଚ୍ଛ୍ରୁଣୁମେଵାକ୍ୟଂସତ୍ୟଂସତ୍ୟପରାକ୍ରମ ।
ଭଵାନ୍ନାରାୟଣୋଦେଵଃଶ୍ରୀମାଂଶ୍ଚକ୍ରାୟୁଧଃପ୍ରଭୁଃ ॥ 13 ॥
ଏକଶୃଂଗୋଵରାହସ୍ତ୍ଵଂଭୂତଭଵ୍ୟସପତ୍ନଜିତ୍ ।
ଅକ୍ଷରଂବ୍ରହ୍ମସତ୍ୟଂ ଚ ମଧ୍ୟେଚାଂତେ ଚ ରାଘଵ ॥ 14 ॥
ଲୋକାନାଂତ୍ଵଂପରୋଧର୍ମୋଵିଷ୍ଵକ୍ସେନଶ୍ଚତୁର୍ଭୁଜଃ ।
ଶାର୍ଙ୍ଗଧନ୍ଵାହୃଷୀକେଶଃପୁରୁଷଃପୁରୁଷୋତ୍ତମଃ ॥ 15 ॥
ଅଜିତଃଖଂଗଦୃଗ୍ଵିଷ୍ଣୁଃକୃଷ୍ଣଶ୍ଚୈଵମହାବଲଃ ।
ସେନାନୀର୍ଗ୍ରାମଣୀଶ୍ଚତ୍ଵଂତ୍ଵଂବୁଦ୍ଧିସ୍ତ୍ଵଂକ୍ଷମାଦମଃ ॥ 16 ॥
ପ୍ରଭଵଶ୍ଚାପ୍ୟୟଶ୍ଚତ୍ଵମୁପେଂଦ୍ରୋମଧୁସୂଦନଃ ।
ଇଂଦ୍ରକର୍ମାମହେଂଦ୍ରସ୍ତ୍ଵଂପଦ୍ମନାଭୋରଣାଂତକୃତ୍ ॥ 17 ॥
ଶରଣ୍ୟଂଶରଣଂ ଚ ତ୍ଵାମାହୁର୍ଦିଵ୍ୟାମହର୍ଷୟଃ ।
ସହସ୍ରଶୃଂଗୋଵେଦାତ୍ମାଶରଶୀର୍ଷୋମହର୍ଷଭଃ ॥ 18 ॥
ତ୍ଵଂତ୍ରୟାଣାଂହିଲୋକାନାମାଦିକର୍ତାସ୍ଵୟଂପ୍ରଭୁଃ ।
ସିଦ୍ଧାନାମପିସାଧ୍ୟାନାମାଶ୍ରୟଶ୍ଚାସିପୂର୍ଵଜଃ ॥ 19 ॥
ତ୍ଵମ୍ୟଜ୍ଞସ୍ତ୍ଵଂଵଷଟକାରସ୍ତ୍ଵମୋଂକାରଃପରାତ୍ପରଃ ॥ 20 ॥
ପ୍ରଭଵଂନିଧନଂଵାତେନୋଵିଦୁଃକୋଭଵାନିତି ।
ଦୃଶ୍ୟସେସର୍ଵଭୂତେଷୁଗୋଷୁ ଚ ବ୍ରାହ୍ମଣେଷୁ ଚ ॥ 21 ॥
ଦିକ୍ଷୁସର୍ଵାସୁଗଗନେପର୍ଵତେଷୁନଦୀଷୁ ଚ ।
ସହସ୍ରଚରଣ୍ଶ୍ରୀମାନ୍ ଶତଶୀର୍ଷସ୍ସହସ୍ରଦୃକ୍ ॥ 22 ॥
ତ୍ଵଂଧାରୟସିଭୂତାନିପୃଥିଵୀଂ ଚ ସପର୍ଵତାମ୍ ।
ଅଂତେପୃଥିଵ୍ୟାଃସଲିଲେଦୃଶ୍ୟସେତ୍ଵଂମହୋରଗଃ ॥ 23 ॥
ତ୍ରୀନ୍ଲୋକାଂଧାରୟନ୍ ରାମ ଦେଵଗଂଧର୍ଵଦାନଵାନ୍ ।
ଅହଂତେହୃଦୟଂରାମଜିହ୍ଵାଦେଵୀସରସ୍ଵତୀ ॥ 24 ॥
ଦେଵାରୋମାଣିଗାତ୍ରେଷୁବ୍ରହ୍ମଣାନିର୍ମିତାଃପ୍ରଭୋ ।
ନିମେଷସ୍ତେସ୍ମୃତାରାତ୍ରିରୁନ୍ମେଷୋଦିଵସସ୍ତଥା ॥ 25 ॥
ସଂସ୍କାରାସ୍ତ୍ଵଭଵନ୍ଵେଦାନୈତଦସ୍ତିତ୍ଵୟାଵିନା ।
ଜଗତ୍ସର୍ଵଂଶରୀରଂତେସ୍ଥୈର୍ୟଂତେଵସୁଥାତଲମ୍ ॥ 26 ॥
ଅଗ୍ନିଃକୋପଃପ୍ରସାଦସ୍ତେସୋମ୍ଶ୍ରୀଵତ୍ସଲକ୍ଷଣଃ ।
ତ୍ଵୟାଲୋକାସ୍ତ୍ରୟଃକ୍ରାଂତାଃପୁରାସ୍ଵୈର୍ଵିକ୍ରମୈସ୍ତ୍ରିଭିଃ ॥ 27 ॥
ମହେଂଧ୍ରଶ୍ଚକୃତୋରାଜାବଲିଂବଦ୍ଧ୍ଵାସୁଦାରୁଣମ୍ ।
ସୀତାଲକ୍ଷ୍ମୀର୍ଭଵାନ୍ ଵିଷ୍ଣୁର୍ଦେଵଃକୃଷ୍ଣଃପ୍ରଜାପତିଃ ॥ 28 ॥
ଵଧାର୍ଥଂରାଵଣସ୍ୟେହପ୍ରଵିଷ୍ଟୋମାନୁଷୀଂତନୁମ୍ ।
ତଦିଦଂନସ୍ତ୍ଵୟାକାର୍ୟଂକୃତଂଧର୍ମଭୃତାଂଵର ॥ 29 ॥
ନିହତୋରାଵଣୋରାମପ୍ରହୃଷ୍ଟୋଦିଵମାକ୍ରମ ।
ଅମୋଘଂଦେଵଵୀର୍ୟଂତେ ନ ତେମୋଘାଃପରାକ୍ରମାଃ ॥ 30 ॥
ଅମୋଘଂଦର୍ଶନଂରାମାମୋଘସ୍ତଵସଂସ୍ତଵଃ ।
ଅମୋଘାସ୍ତେଭଵିଷ୍ୟଂତିଭକ୍ତିମଂତୋନରାଭୁଵି ॥ 31 ॥
ୟେତ୍ଵାଂଦେଵଂଧ୍ରୁଵଂଭକ୍ତାଃପୁରାଣଂପୁରୁଷୋତ୍ତମମ୍ ।
ପ୍ରାପ୍ନୁଵଂତିସଦାକାମନିହଲୋକେପରତ୍ର ଚ ॥ 32 ॥
ଇମମାର୍ଷଂସ୍ତଵଂଦିଵ୍ୟମିତିହାସଂପୁରାତନମ୍ ॥ 33 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଵିଂଶତ୍ୟଧିକଶତତମସ୍ସର୍ଗଃ ॥
