ශ්රීමද්වාල්මීකීය රාමායණේ යුද්ධකාංඩම් ।
අථ සප්තවිංශස්සර්ගඃ ।
තාංස්තුතේऽහංප්රවක්ෂ්යාමිප්රේක්ෂමාණස්යයූථපාන් ।
රාඝවාර්ථේපරාක්රාංතායේනරක්ෂංතිජීවිතම් ॥ 1 ॥
ස්නිග්ධායස්යබහුව්යාමාවාලාලාංගූලමාශ්රිතාඃ ।
තාම්රාඃපීතාස්සිතාශ්ශ්වේතාඃප්රකීර්ණාඝෝරකර්මණඃ ॥ 2 ॥
ප්රගෘහීතාඃප්රකාශංතේසූර්යස්යේවමරීචයඃ ।
පෘථිව්යාංචානුකෘෂ්යංතේහරෝනාමෛෂයූථපඃ ॥ 3 ॥
යංපෘෂ්ඨතෝऽනුගච්ඡංතිශතශෝऽථසහස්රශඃ ।
ද්රුමානුද්යම්යසහසාලංකාරෝහණතත්පරාඃ ॥ 4 ॥
යූථපාහරිරාජස්යකිංකරාස්සමුපස්ථිතාඃ ।
නීලානිවමහාමේඝාංස්තිෂ්ඨතෝයාංස්තුපශ්යසි ॥ 5 ॥
අසිතාංජනසංකාශාන් යුද්ධේසත්යපරාක්රමාන් ।
අසඞ් ඛ්යේයානනිර්දේශ්යාන්පරංපාරමිවෝදධේඃ ॥ 6 ॥
පර්වතේෂුචයේකේචිද්විෂමේෂුනදීෂුච ।
ඒතේත්වාමභිවර්තංතේරාජන්නෘක්ෂාස්සුදාරුණාඃ ॥ 7 ॥
ඒෂාං මධ්යේ ස්ථිතෝ රාජන් භීම අක්ෂෝ භීම දර්ශනඃ ।
පර්ජන්ය ඉව ජීමූතෛඃ සමංතාත් පරිවාරිතඃ ॥ 8 ॥
ඍක්ෂවංතංගිරිශ්රේෂ්ඨමධ්යාස්තේනර්මදාංපිබන් ।
සර්වඍක්ෂාණාමධිපතිර්ධූම්රෝනාමෛෂයූථපඃ ॥ 9 ॥
යවීයානස්යතුභ්රාතාපශ්යෛනංපර්වතෝපමම් ।
භ්රාත්රාසමානෝරූපේණවිශිෂ්ටස්තුපරාක්රමෛඃ ॥ 10 ॥
සඒෂජාංබවාන්නාමමහායූථපයූථපඃ ।
ප්රක්රාංතෝගුරුවර්තීචසංප්රහාරේෂ්වමර්ෂණ ॥ 11 ॥
ඒතේනසාහ්යංසුමහත්කෘතංශක්රස්යධීමතා ।
දේවාසුරේජාංබවතාලබ්ධාශ්චබහවෝවරාඃ ॥ 12 ॥
ආරුහ්යපර්වතාග්රේභ්යෝමහාභ්රවිපුලාඃ ශිලාඃ ।
මුංචංතිවිපුලාකාරානමෘත්යෝරුද්විජංතිච ॥ 13 ॥
රාක්ෂසානාංචසදෘශාඃපිශාචානාංචරෝමශාඃ ।
ඒතස්යසෛන්යාබහවෝවිචරංත්යග්නිතේජසඃ ॥ 14 ॥
යංත්වේනමභිසම්රබ්ධංප්ලවමානමිවස්ථිතම් ।
ප්රේක්ෂංතේවානරාස්සර්වේස්ථිතායූථපයූථපම් ॥ 15 ॥
ඒෂරාජන් සහස්රාක්ෂංපර්යුපාස්තේහරීශ්වරඃ ।
බලේනබලසංපන්නෝදංභෝනාමෛෂයූථපඃ ॥ 16 ॥
යඃස්ථිතංයෝජනේශෛලංගච්ඡන්පාර්ශ්වේනසේවතේ ।
ඌර්ධ්වංතථෛවකායේනගතඃප්රාප්නෝතියෝජනම් ॥ 17 ॥
යස්මාන්නපරමංරූපංචතුෂ්පාදේෂුවිද්යතේ ।
ශ්රුතස්සංන්නාදනෝනාමවානරාණාංපිතාමහාඃ ॥ 18 ॥
යේනයුද්ධංපුරාදත්තංරණේශක්රස්යධීමතා ।
පරාජයශ්චනප්රාප්තස්සෝऽයංයූථපයූථපඃ ॥ 19 ॥
යස්යවික්රමමාණස්යශක්රස්යේවපරාක්රමඃ ।
ඒෂගංධර්වකන්යායාමුත්පන්නඃකෘෂ්ණවර්ත්මනඃ ॥ 20 ॥
තදාදේවාසුරේයුද්ධේසාහ්යාර්ථංත්රිදිවෞකසාං යස්යවෛශ්රවණෝරාජාජංබූමුපනිෂේවතේ ॥ 21 ॥
යෝරාජාපර්වතේංද්රාණාංබහුකින්නරසේවිනාම් ।
විහාරසුඛදෝනිත්යංභ්රාතුස්තේරාක්ෂසාධිප ॥ 22 ॥
තත්රෛෂවසතිශ්රීමාන්බලවාන්වානරර්ෂභඃ ।
යුද්ධේෂ්වකත්ථනෝනිත්යංක්රෝධනෝනාමයූථපඃ ॥ 23 ॥
වෘතඃකෝටිසහස්රේණහරීණාංසමුපස්ථිතඃ ।
ඒෂෛවාශංසතේලංකාංස්වේනානීකේනමර්දිතුම් ॥ 24 ॥
යෝගංගාමනුපර්යේතිත්රාසයන්ගජයූථපාන් ।
හස්තිනාංවානරාණාංචපූර්වවෛරමනුස්මරන් ॥ 25 ॥
ඒෂයූථපතිර්නේතාගච්ඡන් ගිරිගුහාශයඃ ।
ගජාන්යෝධයතේවන්යාන්ගිරීංශ්චෛවමහීරුහාන් ॥ 26 ॥
හරීණාංවාහිනීමුඛ්යෝනදීංහෛමවතීමනු ।
උශීරබීජමාශ්රිත්යපර්වතංමංදරෝපමම් ॥ 27 ॥
රමතේ වානර ශ්රේෂ්ඨෝ දිවි ශක්ර ඉව ස්වයම් ।
ඒනං ශත සහස්රාණාං සහස්රං අභිවර්තතේ ॥ 28 ॥
සඒෂනේතාචෛතේෂාංවානරාණාංමහාත්මනාම් ।
සඒෂදුර්ධරෝරාජන්ප්රමාථීනාමයූථපඃ ॥ 29 ॥
වාතේනේවෝද්ධතංමේඝංයමේනමනුපශ්යසි ।
අනීකමභිසංරබ්ධංවානරාණාංතරස්විනාම් ॥ 30 ॥
අනීකමපි සම්රබ්ධං වානරාණාං තරස්විනාම් ।
උද්ධූතමරුණාභාසං පවනේන සමංතතඃ ॥ 31 ॥
ඒතේऽසිතමුඛාඝෝරාගෝලාංගූලාමහාබලාඃ ।
ශතංශතහස්රාණිදෘෂ්ට්වාවෛසේතුබංධනම් ॥ 32 ॥
ගෝලාංගූලංමහාවේගංගවාක්ෂංනාමයූධපම් ।
පරිවාර්යාභිවර්තංතේලංකාංමර්දිතුමෝජසා ॥ 33 ॥
භ්රමරාචරිතායත්රසර්වකාලඵලද්රුමාඃ ॥ 34 ॥
යංසූර්යස්තුල්යපර්ණාභමනුපර්යේතිපර්වතම් ।
යස්යභාසාසදාභාංතිතද්වර්ණාමෘගපක්ෂිණඃ ॥ 35 ॥
යස්යප්රස්ථංමහාත්මානෝනත්යජංතිමහර්ෂයඃ ।
සර්වකාලඵලාවෘක්ෂාස්සදාඵලසමන්විතාඃ ॥ 36 ॥
මධූනිචමහාර්හාණියස්මින්පර්වතසත්තමේ ।
තත්රෛවරමතේරාජන්රම්යේකාංචනපර්වතේ ॥ 37 ॥
මුඛ්යෝවානරමුඛ්යානාංකේසරීනාමයූථපඃ ।
ෂෂ්ටිර්ගිරිසහස්රාණාංරම්යාඃකාංචනපර්වතා ॥ 38 ॥
තේෂාංමධ්යේගිරිවරස්ත්වමිවානඝරක්ෂසාම් ।
තත්රෛතේකපිලාශ්ශ්වේතාස්තාම්රාස්යාමධුපිංගලාඃ ॥ 39 ॥
නිවසංත්යුත්තමගිරෞතීක්ෂ්ණදංෂ්ට්රානඛායුධාඃ ।
සිංහාඉවචතුර්දංෂ්ට්රාව්යාඝ්රාඉවදුරාසදාඃ ॥ 40 ॥
සර්වේවෛශ්වානරසමාජ්වලිතාශීවිෂෝපමාඃ ।
සුදීර්ඝාංචිතලාංගූලාමත්තමාතංගසන්නිභාඃ ॥ 41 ॥
මහාපර්වතසංකාශාමහාජීමූතනිස්ස්වනාඃ ।
වෘත්තපිංගලරක්තාක්ෂාභීමාභීමගතිස්වරාඃ ॥ 42 ॥
මර්දයංතීවතේසර්වේතස්ථුර්ලඞකාසමීක්ෂ්යතේ ।
ඒෂචෛෂාමධිපතිර්මධ්යේතිෂ්ඨතිවීර්යවාන් ॥ 43 ॥
ජයාර්ථීනිත්යමාදිත්යමුපතිෂ්ඨතිබුද්ධිමාන් ।
නාම්නාපෘථිව්යාංවිඛ්යාතෝරාජන් ශතබලීතියඃ ॥ 44 ॥
ඒෂෛවාශංසතේලංකාංස්වේනානීකේනමර්දිතුම් ।
වික්රාංතෝබලවාන් ශූරඃපෞරුෂේස්වේව්යවස්ථිතඃ ।
රාමප්රියාර්ථංප්රාණානාංදයාංනකුරුතේහරිඃ ॥ 45 ॥
ගජෝගවාක්ෂෝගවයෝනලෝනීලශ්චවානරඃ ।
ඒකෛකඒවයෝධානාංකෝටීභිර්දශභිර්වෘතඃ ॥ 46 ॥
තථාऽऽන්යේවානරශ්රේෂ්ඨාවිංධ්යපර්වතවාසිනඃ ।
නශක්යංතේබහුත්වාත්තුසඞ් ඛ්යාතුංලඝුවික්රමාඃ ॥ 47 ॥
සර්වේමහාරාජමහාප්රභාවාස්සර්වේමහාශෛලනිකාශකායාඃ ।
සර්වේසමර්ථාපෘථිවීංක්ෂණේනකර්තුංප්රවිධ්වස්තවිකීර්ණශෛලාම් ॥ 48 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ සප්තවිංශස්සර්ගඃ ॥
