śrīmadvālmīkīya rāmāyaṇē yuddhakāṇḍam ।
atha saptaviṃśassargaḥ ।
tāṃstutē'hampravakṣyāmiprēkṣamāṇasyayūthapān ।
rāghavārthēparākrāntāyēnarakṣantijīvitam ॥ 1 ॥
snigdhāyasyabahuvyāmāvālālāṅgūlamāśritāḥ ।
tāmrāḥpītāssitāśśvētāḥprakīrṇāghōrakarmaṇaḥ ॥ 2 ॥
pragṛhītāḥprakāśantēsūryasyēvamarīchayaḥ ।
pṛthivyāñchānukṛṣyantēharōnāmaiṣayūthapaḥ ॥ 3 ॥
yampṛṣṭhatō'nugachChantiśataśō'thasahasraśaḥ ।
drumānudyamyasahasālaṅkārōhaṇatatparāḥ ॥ 4 ॥
yūthapāharirājasyakiṅkarāssamupasthitāḥ ।
nīlānivamahāmēghāṃstiṣṭhatōyāṃstupaśyasi ॥ 5 ॥
asitāñjanasaṅkāśān yuddhēsatyaparākramān ।
asaṅ khyēyānanirdēśyānparampāramivōdadhēḥ ॥ 6 ॥
parvatēṣuchayēkēchidviṣamēṣunadīṣucha ।
ētētvāmabhivartantērājannṛkṣāssudāruṇāḥ ॥ 7 ॥
ēṣāṃ madhyē sthitō rājan bhīma akṣō bhīma darśanaḥ ।
parjanya iva jīmūtaiḥ samantāt parivāritaḥ ॥ 8 ॥
ṛkṣavantaṅgiriśrēṣṭhamadhyāstēnarmadāmpiban ।
sarvaṛkṣāṇāmadhipatirdhūmrōnāmaiṣayūthapaḥ ॥ 9 ॥
yavīyānasyatubhrātāpaśyainamparvatōpamam ।
bhrātrāsamānōrūpēṇaviśiṣṭastuparākramaiḥ ॥ 10 ॥
saēṣajāmbavānnāmamahāyūthapayūthapaḥ ।
prakrāntōguruvartīchasamprahārēṣvamarṣaṇa ॥ 11 ॥
ētēnasāhyaṃsumahatkṛtaṃśakrasyadhīmatā ।
dēvāsurējāmbavatālabdhāśchabahavōvarāḥ ॥ 12 ॥
āruhyaparvatāgrēbhyōmahābhravipulāḥ śilāḥ ।
muñchantivipulākārānamṛtyōrudvijanticha ॥ 13 ॥
rākṣasānāñchasadṛśāḥpiśāchānāñcharōmaśāḥ ।
ētasyasainyābahavōvicharantyagnitējasaḥ ॥ 14 ॥
yantvēnamabhisamrabdhamplavamānamivasthitam ।
prēkṣantēvānarāssarvēsthitāyūthapayūthapam ॥ 15 ॥
ēṣarājan sahasrākṣamparyupāstēharīśvaraḥ ।
balēnabalasampannōdambhōnāmaiṣayūthapaḥ ॥ 16 ॥
yaḥsthitaṃyōjanēśailaṅgachChanpārśvēnasēvatē ।
ūrdhvantathaivakāyēnagataḥprāpnōtiyōjanam ॥ 17 ॥
yasmānnaparamaṃrūpañchatuṣpādēṣuvidyatē ।
śrutassannnādanōnāmavānarāṇāmpitāmahāḥ ॥ 18 ॥
yēnayuddhampurādattaṃraṇēśakrasyadhīmatā ।
parājayaśchanaprāptassō'yaṃyūthapayūthapaḥ ॥ 19 ॥
yasyavikramamāṇasyaśakrasyēvaparākramaḥ ।
ēṣagandharvakanyāyāmutpannaḥkṛṣṇavartmanaḥ ॥ 20 ॥
tadādēvāsurēyuddhēsāhyārthantridivaukasāṃ yasyavaiśravaṇōrājājambūmupaniṣēvatē ॥ 21 ॥
yōrājāparvatēndrāṇāmbahukinnarasēvinām ।
vihārasukhadōnityambhrātustērākṣasādhipa ॥ 22 ॥
tatraiṣavasatiśrīmānbalavānvānararṣabhaḥ ।
yuddhēṣvakatthanōnityaṅkrōdhanōnāmayūthapaḥ ॥ 23 ॥
vṛtaḥkōṭisahasrēṇaharīṇāṃsamupasthitaḥ ।
ēṣaivāśaṃsatēlaṅkāṃsvēnānīkēnamarditum ॥ 24 ॥
yōgaṅgāmanuparyētitrāsayangajayūthapān ।
hastināṃvānarāṇāñchapūrvavairamanusmaran ॥ 25 ॥
ēṣayūthapatirnētāgachChan giriguhāśayaḥ ।
gajānyōdhayatēvanyāngirīṃśchaivamahīruhān ॥ 26 ॥
harīṇāṃvāhinīmukhyōnadīṃhaimavatīmanu ।
uśīrabījamāśrityaparvatammandarōpamam ॥ 27 ॥
ramatē vānara śrēṣṭhō divi śakra iva svayam ।
ēnaṃ śata sahasrāṇāṃ sahasraṃ abhivartatē ॥ 28 ॥
saēṣanētāchaitēṣāṃvānarāṇāmmahātmanām ।
saēṣadurdharōrājanpramāthīnāmayūthapaḥ ॥ 29 ॥
vātēnēvōddhatammēghaṃyamēnamanupaśyasi ।
anīkamabhisaṃrabdhaṃvānarāṇāntarasvinām ॥ 30 ॥
anīkamapi samrabdhaṃ vānarāṇāṃ tarasvinām ।
uddhūtamaruṇābhāsaṃ pavanēna samantataḥ ॥ 31 ॥
ētē'sitamukhāghōrāgōlāṅgūlāmahābalāḥ ।
śataṃśatahasrāṇidṛṣṭvāvaisētubandhanam ॥ 32 ॥
gōlāṅgūlammahāvēgaṅgavākṣannāmayūdhapam ।
parivāryābhivartantēlaṅkāmmarditumōjasā ॥ 33 ॥
bhramarācharitāyatrasarvakālaphaladrumāḥ ॥ 34 ॥
yaṃsūryastulyaparṇābhamanuparyētiparvatam ।
yasyabhāsāsadābhāntitadvarṇāmṛgapakṣiṇaḥ ॥ 35 ॥
yasyaprasthammahātmānōnatyajantimaharṣayaḥ ।
sarvakālaphalāvṛkṣāssadāphalasamanvitāḥ ॥ 36 ॥
madhūnichamahārhāṇiyasminparvatasattamē ।
tatraivaramatērājanramyēkāñchanaparvatē ॥ 37 ॥
mukhyōvānaramukhyānāṅkēsarīnāmayūthapaḥ ।
ṣaṣṭirgirisahasrāṇāṃramyāḥkāñchanaparvatā ॥ 38 ॥
tēṣāmmadhyēgirivarastvamivānagharakṣasām ।
tatraitēkapilāśśvētāstāmrāsyāmadhupiṅgalāḥ ॥ 39 ॥
nivasantyuttamagirautīkṣṇadaṃṣṭrānakhāyudhāḥ ।
siṃhāivachaturdaṃṣṭrāvyāghrāivadurāsadāḥ ॥ 40 ॥
sarvēvaiśvānarasamājvalitāśīviṣōpamāḥ ।
sudīrghāñchitalāṅgūlāmattamātaṅgasannibhāḥ ॥ 41 ॥
mahāparvatasaṅkāśāmahājīmūtanissvanāḥ ।
vṛttapiṅgalaraktākṣābhīmābhīmagatisvarāḥ ॥ 42 ॥
mardayantīvatēsarvētasthurlaṅakāsamīkṣyatē ।
ēṣachaiṣāmadhipatirmadhyētiṣṭhativīryavān ॥ 43 ॥
jayārthīnityamādityamupatiṣṭhatibuddhimān ।
nāmnāpṛthivyāṃvikhyātōrājan śatabalītiyaḥ ॥ 44 ॥
ēṣaivāśaṃsatēlaṅkāṃsvēnānīkēnamarditum ।
vikrāntōbalavān śūraḥpauruṣēsvēvyavasthitaḥ ।
rāmapriyārthamprāṇānāndayānnakurutēhariḥ ॥ 45 ॥
gajōgavākṣōgavayōnalōnīlaśchavānaraḥ ।
ēkaikaēvayōdhānāṅkōṭībhirdaśabhirvṛtaḥ ॥ 46 ॥
tathā''nyēvānaraśrēṣṭhāvindhyaparvatavāsinaḥ ।
naśakyantēbahutvāttusaṅ khyātuṃlaghuvikramāḥ ॥ 47 ॥
sarvēmahārājamahāprabhāvāssarvēmahāśailanikāśakāyāḥ ।
sarvēsamarthāpṛthivīṅkṣaṇēnakartumpravidhvastavikīrṇaśailām ॥ 48 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptaviṃśassargaḥ ॥
