ശ്രീമദ്വാല്മീകീയ രാമായണേ യുദ്ധകാംഡമ് ।
അഥ സപ്തവിംശസ്സര്ഗഃ ।
താംസ്തുതേഽഹംപ്രവക്ഷ്യാമിപ്രേക്ഷമാണസ്യയൂഥപാന് ।
രാഘവാര്ഥേപരാക്രാംതായേനരക്ഷംതിജീവിതമ് ॥ 1 ॥
സ്നിഗ്ധായസ്യബഹുവ്യാമാവാലാലാംഗൂലമാശ്രിതാഃ ।
താമ്രാഃപീതാസ്സിതാശ്ശ്വേതാഃപ്രകീര്ണാഘോരകര്മണഃ ॥ 2 ॥
പ്രഗൃഹീതാഃപ്രകാശംതേസൂര്യസ്യേവമരീചയഃ ।
പൃഥിവ്യാംചാനുകൃഷ്യംതേഹരോനാമൈഷയൂഥപഃ ॥ 3 ॥
യംപൃഷ്ഠതോഽനുഗച്ഛംതിശതശോഽഥസഹസ്രശഃ ।
ദ്രുമാനുദ്യമ്യസഹസാലംകാരോഹണതത്പരാഃ ॥ 4 ॥
യൂഥപാഹരിരാജസ്യകിംകരാസ്സമുപസ്ഥിതാഃ ।
നീലാനിവമഹാമേഘാംസ്തിഷ്ഠതോയാംസ്തുപശ്യസി ॥ 5 ॥
അസിതാംജനസംകാശാന് യുദ്ധേസത്യപരാക്രമാന് ।
അസങ് ഖ്യേയാനനിര്ദേശ്യാന്പരംപാരമിവോദധേഃ ॥ 6 ॥
പർവതേഷുചയേകേചിദ്വിഷമേഷുനദീഷുച ।
ഏതേത്വാമഭിവര്തംതേരാജന്നൃക്ഷാസ്സുദാരുണാഃ ॥ 7 ॥
ഏഷാം മധ്യേ സ്ഥിതോ രാജന് ഭീമ അക്ഷോ ഭീമ ദര്ശനഃ ।
പര്ജന്യ ഇവ ജീമൂതൈഃ സമംതാത് പരിവാരിതഃ ॥ 8 ॥
ഋക്ഷവംതംഗിരിശ്രേഷ്ഠമധ്യാസ്തേനര്മദാംപിബന് ।
സർവഋക്ഷാണാമധിപതിര്ധൂമ്രോനാമൈഷയൂഥപഃ ॥ 9 ॥
യവീയാനസ്യതുഭ്രാതാപശ്യൈനംപർവതോപമമ് ।
ഭ്രാത്രാസമാനോരൂപേണവിശിഷ്ടസ്തുപരാക്രമൈഃ ॥ 10 ॥
സഏഷജാംബവാന്നാമമഹായൂഥപയൂഥപഃ ।
പ്രക്രാംതോഗുരുവര്തീചസംപ്രഹാരേഷ്വമര്ഷണ ॥ 11 ॥
ഏതേനസാഹ്യംസുമഹത്കൃതംശക്രസ്യധീമതാ ।
ദേവാസുരേജാംബവതാലബ്ധാശ്ചബഹവോവരാഃ ॥ 12 ॥
ആരുഹ്യപർവതാഗ്രേഭ്യോമഹാഭ്രവിപുലാഃ ശിലാഃ ।
മുംചംതിവിപുലാകാരാനമൃത്യോരുദ്വിജംതിച ॥ 13 ॥
രാക്ഷസാനാംചസദൃശാഃപിശാചാനാംചരോമശാഃ ।
ഏതസ്യസൈന്യാബഹവോവിചരംത്യഗ്നിതേജസഃ ॥ 14 ॥
യംത്വേനമഭിസമ്രബ്ധംപ്ലവമാനമിവസ്ഥിതമ് ।
പ്രേക്ഷംതേവാനരാസ്സർവേസ്ഥിതായൂഥപയൂഥപമ് ॥ 15 ॥
ഏഷരാജന് സഹസ്രാക്ഷംപര്യുപാസ്തേഹരീശ്വരഃ ।
ബലേനബലസംപന്നോദംഭോനാമൈഷയൂഥപഃ ॥ 16 ॥
യഃസ്ഥിതംയോജനേശൈലംഗച്ഛന്പാര്ശ്വേനസേവതേ ।
ഊര്ധ്വംതഥൈവകായേനഗതഃപ്രാപ്നോതിയോജനമ് ॥ 17 ॥
യസ്മാന്നപരമംരൂപംചതുഷ്പാദേഷുവിദ്യതേ ।
ശ്രുതസ്സംന്നാദനോനാമവാനരാണാംപിതാമഹാഃ ॥ 18 ॥
യേനയുദ്ധംപുരാദത്തംരണേശക്രസ്യധീമതാ ।
പരാജയശ്ചനപ്രാപ്തസ്സോഽയംയൂഥപയൂഥപഃ ॥ 19 ॥
യസ്യവിക്രമമാണസ്യശക്രസ്യേവപരാക്രമഃ ।
ഏഷഗംധർവകന്യായാമുത്പന്നഃകൃഷ്ണവര്ത്മനഃ ॥ 20 ॥
തദാദേവാസുരേയുദ്ധേസാഹ്യാര്ഥംത്രിദിവൌകസാം യസ്യവൈശ്രവണോരാജാജംബൂമുപനിഷേവതേ ॥ 21 ॥
യോരാജാപർവതേംദ്രാണാംബഹുകിന്നരസേവിനാമ് ।
വിഹാരസുഖദോനിത്യംഭ്രാതുസ്തേരാക്ഷസാധിപ ॥ 22 ॥
തത്രൈഷവസതിശ്രീമാന്ബലവാന്വാനരര്ഷഭഃ ।
യുദ്ധേഷ്വകത്ഥനോനിത്യംക്രോധനോനാമയൂഥപഃ ॥ 23 ॥
വൃതഃകോടിസഹസ്രേണഹരീണാംസമുപസ്ഥിതഃ ।
ഏഷൈവാശംസതേലംകാംസ്വേനാനീകേനമര്ദിതുമ് ॥ 24 ॥
യോഗംഗാമനുപര്യേതിത്രാസയന്ഗജയൂഥപാന് ।
ഹസ്തിനാംവാനരാണാംചപൂർവവൈരമനുസ്മരന് ॥ 25 ॥
ഏഷയൂഥപതിര്നേതാഗച്ഛന് ഗിരിഗുഹാശയഃ ।
ഗജാന്യോധയതേവന്യാന്ഗിരീംശ്ചൈവമഹീരുഹാന് ॥ 26 ॥
ഹരീണാംവാഹിനീമുഖ്യോനദീംഹൈമവതീമനു ।
ഉശീരബീജമാശ്രിത്യപർവതംമംദരോപമമ് ॥ 27 ॥
രമതേ വാനര ശ്രേഷ്ഠോ ദിവി ശക്ര ഇവ സ്വയമ് ।
ഏനം ശത സഹസ്രാണാം സഹസ്രം അഭിവര്തതേ ॥ 28 ॥
സഏഷനേതാചൈതേഷാംവാനരാണാംമഹാത്മനാമ് ।
സഏഷദുര്ധരോരാജന്പ്രമാഥീനാമയൂഥപഃ ॥ 29 ॥
വാതേനേവോദ്ധതംമേഘംയമേനമനുപശ്യസി ।
അനീകമഭിസംരബ്ധംവാനരാണാംതരസ്വിനാമ് ॥ 30 ॥
അനീകമപി സമ്രബ്ധം വാനരാണാം തരസ്വിനാമ് ।
ഉദ്ധൂതമരുണാഭാസം പവനേന സമംതതഃ ॥ 31 ॥
ഏതേഽസിതമുഖാഘോരാഗോലാംഗൂലാമഹാബലാഃ ।
ശതംശതഹസ്രാണിദൃഷ്ട്വാവൈസേതുബംധനമ് ॥ 32 ॥
ഗോലാംഗൂലംമഹാവേഗംഗവാക്ഷംനാമയൂധപമ് ।
പരിവാര്യാഭിവര്തംതേലംകാംമര്ദിതുമോജസാ ॥ 33 ॥
ഭ്രമരാചരിതായത്രസർവകാലഫലദ്രുമാഃ ॥ 34 ॥
യംസൂര്യസ്തുല്യപര്ണാഭമനുപര്യേതിപർവതമ് ।
യസ്യഭാസാസദാഭാംതിതദ്വര്ണാമൃഗപക്ഷിണഃ ॥ 35 ॥
യസ്യപ്രസ്ഥംമഹാത്മാനോനത്യജംതിമഹര്ഷയഃ ।
സർവകാലഫലാവൃക്ഷാസ്സദാഫലസമന്വിതാഃ ॥ 36 ॥
മധൂനിചമഹാര്ഹാണിയസ്മിന്പർവതസത്തമേ ।
തത്രൈവരമതേരാജന്രമ്യേകാംചനപർവതേ ॥ 37 ॥
മുഖ്യോവാനരമുഖ്യാനാംകേസരീനാമയൂഥപഃ ।
ഷഷ്ടിര്ഗിരിസഹസ്രാണാംരമ്യാഃകാംചനപർവതാ ॥ 38 ॥
തേഷാംമധ്യേഗിരിവരസ്ത്വമിവാനഘരക്ഷസാമ് ।
തത്രൈതേകപിലാശ്ശ്വേതാസ്താമ്രാസ്യാമധുപിംഗലാഃ ॥ 39 ॥
നിവസംത്യുത്തമഗിരൌതീക്ഷ്ണദംഷ്ട്രാനഖായുധാഃ ।
സിംഹാഇവചതുര്ദംഷ്ട്രാവ്യാഘ്രാഇവദുരാസദാഃ ॥ 40 ॥
സർവേവൈശ്വാനരസമാജ്വലിതാശീവിഷോപമാഃ ।
സുദീര്ഘാംചിതലാംഗൂലാമത്തമാതംഗസന്നിഭാഃ ॥ 41 ॥
മഹാപർവതസംകാശാമഹാജീമൂതനിസ്സ്വനാഃ ।
വൃത്തപിംഗലരക്താക്ഷാഭീമാഭീമഗതിസ്വരാഃ ॥ 42 ॥
മര്ദയംതീവതേസർവേതസ്ഥുര്ലങകാസമീക്ഷ്യതേ ।
ഏഷചൈഷാമധിപതിര്മധ്യേതിഷ്ഠതിവീര്യവാന് ॥ 43 ॥
ജയാര്ഥീനിത്യമാദിത്യമുപതിഷ്ഠതിബുദ്ധിമാന് ।
നാമ്നാപൃഥിവ്യാംവിഖ്യാതോരാജന് ശതബലീതിയഃ ॥ 44 ॥
ഏഷൈവാശംസതേലംകാംസ്വേനാനീകേനമര്ദിതുമ് ।
വിക്രാംതോബലവാന് ശൂരഃപൌരുഷേസ്വേവ്യവസ്ഥിതഃ ।
രാമപ്രിയാര്ഥംപ്രാണാനാംദയാംനകുരുതേഹരിഃ ॥ 45 ॥
ഗജോഗവാക്ഷോഗവയോനലോനീലശ്ചവാനരഃ ।
ഏകൈകഏവയോധാനാംകോടീഭിര്ദശഭിർവൃതഃ ॥ 46 ॥
തഥാഽഽന്യേവാനരശ്രേഷ്ഠാവിംധ്യപർവതവാസിനഃ ।
നശക്യംതേബഹുത്വാത്തുസങ് ഖ്യാതുംലഘുവിക്രമാഃ ॥ 47 ॥
സർവേമഹാരാജമഹാപ്രഭാവാസ്സർവേമഹാശൈലനികാശകായാഃ ।
സർവേസമര്ഥാപൃഥിവീംക്ഷണേനകര്തുംപ്രവിധ്വസ്തവികീര്ണശൈലാമ് ॥ 48 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ സപ്തവിംശസ്സര്ഗഃ ॥
