ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಸಪ್ತವಿಂಶಸ್ಸರ್ಗಃ ।
ತಾಂಸ್ತುತೇಽಹಮ್ಪ್ರವಕ್ಷ್ಯಾಮಿಪ್ರೇಕ್ಷಮಾಣಸ್ಯಯೂಥಪಾನ್ ।
ರಾಘವಾರ್ಥೇಪರಾಕ್ರಾನ್ತಾಯೇನರಕ್ಷನ್ತಿಜೀವಿತಮ್ ॥ 1 ॥
ಸ್ನಿಗ್ಧಾಯಸ್ಯಬಹುವ್ಯಾಮಾವಾಲಾಲಾಙ್ಗೂಲಮಾಶ್ರಿತಾಃ ।
ತಾಮ್ರಾಃಪೀತಾಸ್ಸಿತಾಶ್ಶ್ವೇತಾಃಪ್ರಕೀರ್ಣಾಘೋರಕರ್ಮಣಃ ॥ 2 ॥
ಪ್ರಗೃಹೀತಾಃಪ್ರಕಾಶನ್ತೇಸೂರ್ಯಸ್ಯೇವಮರೀಚಯಃ ।
ಪೃಥಿವ್ಯಾಞ್ಚಾನುಕೃಷ್ಯನ್ತೇಹರೋನಾಮೈಷಯೂಥಪಃ ॥ 3 ॥
ಯಮ್ಪೃಷ್ಠತೋಽನುಗಚ್ಛನ್ತಿಶತಶೋಽಥಸಹಸ್ರಶಃ ।
ದ್ರುಮಾನುದ್ಯಮ್ಯಸಹಸಾಲಙ್ಕಾರೋಹಣತತ್ಪರಾಃ ॥ 4 ॥
ಯೂಥಪಾಹರಿರಾಜಸ್ಯಕಿಙ್ಕರಾಸ್ಸಮುಪಸ್ಥಿತಾಃ ।
ನೀಲಾನಿವಮಹಾಮೇಘಾಂಸ್ತಿಷ್ಠತೋಯಾಂಸ್ತುಪಶ್ಯಸಿ ॥ 5 ॥
ಅಸಿತಾಞ್ಜನಸಙ್ಕಾಶಾನ್ ಯುದ್ಧೇಸತ್ಯಪರಾಕ್ರಮಾನ್ ।
ಅಸಙ್ ಖ್ಯೇಯಾನನಿರ್ದೇಶ್ಯಾನ್ಪರಮ್ಪಾರಮಿವೋದಧೇಃ ॥ 6 ॥
ಪರ್ವತೇಷುಚಯೇಕೇಚಿದ್ವಿಷಮೇಷುನದೀಷುಚ ।
ಏತೇತ್ವಾಮಭಿವರ್ತನ್ತೇರಾಜನ್ನೃಕ್ಷಾಸ್ಸುದಾರುಣಾಃ ॥ 7 ॥
ಏಷಾಂ ಮಧ್ಯೇ ಸ್ಥಿತೋ ರಾಜನ್ ಭೀಮ ಅಕ್ಷೋ ಭೀಮ ದರ್ಶನಃ ।
ಪರ್ಜನ್ಯ ಇವ ಜೀಮೂತೈಃ ಸಮನ್ತಾತ್ ಪರಿವಾರಿತಃ ॥ 8 ॥
ಋಕ್ಷವನ್ತಙ್ಗಿರಿಶ್ರೇಷ್ಠಮಧ್ಯಾಸ್ತೇನರ್ಮದಾಮ್ಪಿಬನ್ ।
ಸರ್ವಋಕ್ಷಾಣಾಮಧಿಪತಿರ್ಧೂಮ್ರೋನಾಮೈಷಯೂಥಪಃ ॥ 9 ॥
ಯವೀಯಾನಸ್ಯತುಭ್ರಾತಾಪಶ್ಯೈನಮ್ಪರ್ವತೋಪಮಮ್ ।
ಭ್ರಾತ್ರಾಸಮಾನೋರೂಪೇಣವಿಶಿಷ್ಟಸ್ತುಪರಾಕ್ರಮೈಃ ॥ 10 ॥
ಸಏಷಜಾಮ್ಬವಾನ್ನಾಮಮಹಾಯೂಥಪಯೂಥಪಃ ।
ಪ್ರಕ್ರಾನ್ತೋಗುರುವರ್ತೀಚಸಮ್ಪ್ರಹಾರೇಷ್ವಮರ್ಷಣ ॥ 11 ॥
ಏತೇನಸಾಹ್ಯಂಸುಮಹತ್ಕೃತಂಶಕ್ರಸ್ಯಧೀಮತಾ ।
ದೇವಾಸುರೇಜಾಮ್ಬವತಾಲಬ್ಧಾಶ್ಚಬಹವೋವರಾಃ ॥ 12 ॥
ಆರುಹ್ಯಪರ್ವತಾಗ್ರೇಭ್ಯೋಮಹಾಭ್ರವಿಪುಲಾಃ ಶಿಲಾಃ ।
ಮುಞ್ಚನ್ತಿವಿಪುಲಾಕಾರಾನಮೃತ್ಯೋರುದ್ವಿಜನ್ತಿಚ ॥ 13 ॥
ರಾಕ್ಷಸಾನಾಞ್ಚಸದೃಶಾಃಪಿಶಾಚಾನಾಞ್ಚರೋಮಶಾಃ ।
ಏತಸ್ಯಸೈನ್ಯಾಬಹವೋವಿಚರನ್ತ್ಯಗ್ನಿತೇಜಸಃ ॥ 14 ॥
ಯನ್ತ್ವೇನಮಭಿಸಮ್ರಬ್ಧಮ್ಪ್ಲವಮಾನಮಿವಸ್ಥಿತಮ್ ।
ಪ್ರೇಕ್ಷನ್ತೇವಾನರಾಸ್ಸರ್ವೇಸ್ಥಿತಾಯೂಥಪಯೂಥಪಮ್ ॥ 15 ॥
ಏಷರಾಜನ್ ಸಹಸ್ರಾಕ್ಷಮ್ಪರ್ಯುಪಾಸ್ತೇಹರೀಶ್ವರಃ ।
ಬಲೇನಬಲಸಮ್ಪನ್ನೋದಮ್ಭೋನಾಮೈಷಯೂಥಪಃ ॥ 16 ॥
ಯಃಸ್ಥಿತಂಯೋಜನೇಶೈಲಙ್ಗಚ್ಛನ್ಪಾರ್ಶ್ವೇನಸೇವತೇ ।
ಊರ್ಧ್ವನ್ತಥೈವಕಾಯೇನಗತಃಪ್ರಾಪ್ನೋತಿಯೋಜನಮ್ ॥ 17 ॥
ಯಸ್ಮಾನ್ನಪರಮಂರೂಪಞ್ಚತುಷ್ಪಾದೇಷುವಿದ್ಯತೇ ।
ಶ್ರುತಸ್ಸನ್ನ್ನಾದನೋನಾಮವಾನರಾಣಾಮ್ಪಿತಾಮಹಾಃ ॥ 18 ॥
ಯೇನಯುದ್ಧಮ್ಪುರಾದತ್ತಂರಣೇಶಕ್ರಸ್ಯಧೀಮತಾ ।
ಪರಾಜಯಶ್ಚನಪ್ರಾಪ್ತಸ್ಸೋಽಯಂಯೂಥಪಯೂಥಪಃ ॥ 19 ॥
ಯಸ್ಯವಿಕ್ರಮಮಾಣಸ್ಯಶಕ್ರಸ್ಯೇವಪರಾಕ್ರಮಃ ।
ಏಷಗನ್ಧರ್ವಕನ್ಯಾಯಾಮುತ್ಪನ್ನಃಕೃಷ್ಣವರ್ತ್ಮನಃ ॥ 20 ॥
ತದಾದೇವಾಸುರೇಯುದ್ಧೇಸಾಹ್ಯಾರ್ಥನ್ತ್ರಿದಿವೌಕಸಾಂ ಯಸ್ಯವೈಶ್ರವಣೋರಾಜಾಜಮ್ಬೂಮುಪನಿಷೇವತೇ ॥ 21 ॥
ಯೋರಾಜಾಪರ್ವತೇನ್ದ್ರಾಣಾಮ್ಬಹುಕಿನ್ನರಸೇವಿನಾಮ್ ।
ವಿಹಾರಸುಖದೋನಿತ್ಯಮ್ಭ್ರಾತುಸ್ತೇರಾಕ್ಷಸಾಧಿಪ ॥ 22 ॥
ತತ್ರೈಷವಸತಿಶ್ರೀಮಾನ್ಬಲವಾನ್ವಾನರರ್ಷಭಃ ।
ಯುದ್ಧೇಷ್ವಕತ್ಥನೋನಿತ್ಯಙ್ಕ್ರೋಧನೋನಾಮಯೂಥಪಃ ॥ 23 ॥
ವೃತಃಕೋಟಿಸಹಸ್ರೇಣಹರೀಣಾಂಸಮುಪಸ್ಥಿತಃ ।
ಏಷೈವಾಶಂಸತೇಲಙ್ಕಾಂಸ್ವೇನಾನೀಕೇನಮರ್ದಿತುಮ್ ॥ 24 ॥
ಯೋಗಙ್ಗಾಮನುಪರ್ಯೇತಿತ್ರಾಸಯನ್ಗಜಯೂಥಪಾನ್ ।
ಹಸ್ತಿನಾಂವಾನರಾಣಾಞ್ಚಪೂರ್ವವೈರಮನುಸ್ಮರನ್ ॥ 25 ॥
ಏಷಯೂಥಪತಿರ್ನೇತಾಗಚ್ಛನ್ ಗಿರಿಗುಹಾಶಯಃ ।
ಗಜಾನ್ಯೋಧಯತೇವನ್ಯಾನ್ಗಿರೀಂಶ್ಚೈವಮಹೀರುಹಾನ್ ॥ 26 ॥
ಹರೀಣಾಂವಾಹಿನೀಮುಖ್ಯೋನದೀಂಹೈಮವತೀಮನು ।
ಉಶೀರಬೀಜಮಾಶ್ರಿತ್ಯಪರ್ವತಮ್ಮನ್ದರೋಪಮಮ್ ॥ 27 ॥
ರಮತೇ ವಾನರ ಶ್ರೇಷ್ಠೋ ದಿವಿ ಶಕ್ರ ಇವ ಸ್ವಯಮ್ ।
ಏನಂ ಶತ ಸಹಸ್ರಾಣಾಂ ಸಹಸ್ರಂ ಅಭಿವರ್ತತೇ ॥ 28 ॥
ಸಏಷನೇತಾಚೈತೇಷಾಂವಾನರಾಣಾಮ್ಮಹಾತ್ಮನಾಮ್ ।
ಸಏಷದುರ್ಧರೋರಾಜನ್ಪ್ರಮಾಥೀನಾಮಯೂಥಪಃ ॥ 29 ॥
ವಾತೇನೇವೋದ್ಧತಮ್ಮೇಘಂಯಮೇನಮನುಪಶ್ಯಸಿ ।
ಅನೀಕಮಭಿಸಂರಬ್ಧಂವಾನರಾಣಾನ್ತರಸ್ವಿನಾಮ್ ॥ 30 ॥
ಅನೀಕಮಪಿ ಸಮ್ರಬ್ಧಂ ವಾನರಾಣಾಂ ತರಸ್ವಿನಾಮ್ ।
ಉದ್ಧೂತಮರುಣಾಭಾಸಂ ಪವನೇನ ಸಮನ್ತತಃ ॥ 31 ॥
ಏತೇಽಸಿತಮುಖಾಘೋರಾಗೋಲಾಙ್ಗೂಲಾಮಹಾಬಲಾಃ ।
ಶತಂಶತಹಸ್ರಾಣಿದೃಷ್ಟ್ವಾವೈಸೇತುಬನ್ಧನಮ್ ॥ 32 ॥
ಗೋಲಾಙ್ಗೂಲಮ್ಮಹಾವೇಗಙ್ಗವಾಕ್ಷನ್ನಾಮಯೂಧಪಮ್ ।
ಪರಿವಾರ್ಯಾಭಿವರ್ತನ್ತೇಲಙ್ಕಾಮ್ಮರ್ದಿತುಮೋಜಸಾ ॥ 33 ॥
ಭ್ರಮರಾಚರಿತಾಯತ್ರಸರ್ವಕಾಲಫಲದ್ರುಮಾಃ ॥ 34 ॥
ಯಂಸೂರ್ಯಸ್ತುಲ್ಯಪರ್ಣಾಭಮನುಪರ್ಯೇತಿಪರ್ವತಮ್ ।
ಯಸ್ಯಭಾಸಾಸದಾಭಾನ್ತಿತದ್ವರ್ಣಾಮೃಗಪಕ್ಷಿಣಃ ॥ 35 ॥
ಯಸ್ಯಪ್ರಸ್ಥಮ್ಮಹಾತ್ಮಾನೋನತ್ಯಜನ್ತಿಮಹರ್ಷಯಃ ।
ಸರ್ವಕಾಲಫಲಾವೃಕ್ಷಾಸ್ಸದಾಫಲಸಮನ್ವಿತಾಃ ॥ 36 ॥
ಮಧೂನಿಚಮಹಾರ್ಹಾಣಿಯಸ್ಮಿನ್ಪರ್ವತಸತ್ತಮೇ ।
ತತ್ರೈವರಮತೇರಾಜನ್ರಮ್ಯೇಕಾಞ್ಚನಪರ್ವತೇ ॥ 37 ॥
ಮುಖ್ಯೋವಾನರಮುಖ್ಯಾನಾಙ್ಕೇಸರೀನಾಮಯೂಥಪಃ ।
ಷಷ್ಟಿರ್ಗಿರಿಸಹಸ್ರಾಣಾಂರಮ್ಯಾಃಕಾಞ್ಚನಪರ್ವತಾ ॥ 38 ॥
ತೇಷಾಮ್ಮಧ್ಯೇಗಿರಿವರಸ್ತ್ವಮಿವಾನಘರಕ್ಷಸಾಮ್ ।
ತತ್ರೈತೇಕಪಿಲಾಶ್ಶ್ವೇತಾಸ್ತಾಮ್ರಾಸ್ಯಾಮಧುಪಿಙ್ಗಲಾಃ ॥ 39 ॥
ನಿವಸನ್ತ್ಯುತ್ತಮಗಿರೌತೀಕ್ಷ್ಣದಂಷ್ಟ್ರಾನಖಾಯುಧಾಃ ।
ಸಿಂಹಾಇವಚತುರ್ದಂಷ್ಟ್ರಾವ್ಯಾಘ್ರಾಇವದುರಾಸದಾಃ ॥ 40 ॥
ಸರ್ವೇವೈಶ್ವಾನರಸಮಾಜ್ವಲಿತಾಶೀವಿಷೋಪಮಾಃ ।
ಸುದೀರ್ಘಾಞ್ಚಿತಲಾಙ್ಗೂಲಾಮತ್ತಮಾತಙ್ಗಸನ್ನಿಭಾಃ ॥ 41 ॥
ಮಹಾಪರ್ವತಸಙ್ಕಾಶಾಮಹಾಜೀಮೂತನಿಸ್ಸ್ವನಾಃ ।
ವೃತ್ತಪಿಙ್ಗಲರಕ್ತಾಕ್ಷಾಭೀಮಾಭೀಮಗತಿಸ್ವರಾಃ ॥ 42 ॥
ಮರ್ದಯನ್ತೀವತೇಸರ್ವೇತಸ್ಥುರ್ಲಙಕಾಸಮೀಕ್ಷ್ಯತೇ ।
ಏಷಚೈಷಾಮಧಿಪತಿರ್ಮಧ್ಯೇತಿಷ್ಠತಿವೀರ್ಯವಾನ್ ॥ 43 ॥
ಜಯಾರ್ಥೀನಿತ್ಯಮಾದಿತ್ಯಮುಪತಿಷ್ಠತಿಬುದ್ಧಿಮಾನ್ ।
ನಾಮ್ನಾಪೃಥಿವ್ಯಾಂವಿಖ್ಯಾತೋರಾಜನ್ ಶತಬಲೀತಿಯಃ ॥ 44 ॥
ಏಷೈವಾಶಂಸತೇಲಙ್ಕಾಂಸ್ವೇನಾನೀಕೇನಮರ್ದಿತುಮ್ ।
ವಿಕ್ರಾನ್ತೋಬಲವಾನ್ ಶೂರಃಪೌರುಷೇಸ್ವೇವ್ಯವಸ್ಥಿತಃ ।
ರಾಮಪ್ರಿಯಾರ್ಥಮ್ಪ್ರಾಣಾನಾನ್ದಯಾನ್ನಕುರುತೇಹರಿಃ ॥ 45 ॥
ಗಜೋಗವಾಕ್ಷೋಗವಯೋನಲೋನೀಲಶ್ಚವಾನರಃ ।
ಏಕೈಕಏವಯೋಧಾನಾಙ್ಕೋಟೀಭಿರ್ದಶಭಿರ್ವೃತಃ ॥ 46 ॥
ತಥಾಽಽನ್ಯೇವಾನರಶ್ರೇಷ್ಠಾವಿನ್ಧ್ಯಪರ್ವತವಾಸಿನಃ ।
ನಶಕ್ಯನ್ತೇಬಹುತ್ವಾತ್ತುಸಙ್ ಖ್ಯಾತುಂಲಘುವಿಕ್ರಮಾಃ ॥ 47 ॥
ಸರ್ವೇಮಹಾರಾಜಮಹಾಪ್ರಭಾವಾಸ್ಸರ್ವೇಮಹಾಶೈಲನಿಕಾಶಕಾಯಾಃ ।
ಸರ್ವೇಸಮರ್ಥಾಪೃಥಿವೀಙ್ಕ್ಷಣೇನಕರ್ತುಮ್ಪ್ರವಿಧ್ವಸ್ತವಿಕೀರ್ಣಶೈಲಾಮ್ ॥ 48 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತವಿಂಶಸ್ಸರ್ಗಃ ॥
