শ্রীমদ্বাল্মীকীয় রামাযণে যুদ্ধকাংডম্ ।
অথ সপ্তবিংশস্সর্গঃ ।
তাংস্তুতেঽহংপ্রবক্ষ্য়ামিপ্রেক্ষমাণস্যয়ূথপান্ ।
রাঘবার্থেপরাক্রাংতায়েনরক্ষংতিজীবিতম্ ॥ 1 ॥
স্নিগ্ধাযস্যবহুব্য়ামাবালালাংগূলমাশ্রিতাঃ ।
তাম্রাঃপীতাস্সিতাশ্শ্বেতাঃপ্রকীর্ণাঘোরকর্মণঃ ॥ 2 ॥
প্রগৃহীতাঃপ্রকাশংতেসূর্যস্য়েবমরীচয়ঃ ।
পৃথিব্য়াংচানুকৃষ্য়ংতেহরোনামৈষয়ূথপঃ ॥ 3 ॥
যংপৃষ্ঠতোঽনুগচ্ছংতিশতশোঽথসহস্রশঃ ।
দ্রুমানুদ্যম্যসহসালংকারোহণতত্পরাঃ ॥ 4 ॥
যূথপাহরিরাজস্যকিংকরাস্সমুপস্থিতাঃ ।
নীলানিবমহামেঘাংস্তিষ্ঠতোয়াংস্তুপশ্যসি ॥ 5 ॥
অসিতাংজনসংকাশান্ যুদ্ধেসত্যপরাক্রমান্ ।
অসঙ্ খ্য়েয়াননির্দেশ্য়ান্পরংপারমিবোদধেঃ ॥ 6 ॥
পর্বতেষুচয়েকেচিদ্বিষমেষুনদীষুচ ।
এতেত্বামভিবর্তংতেরাজন্নৃক্ষাস্সুদারুণাঃ ॥ 7 ॥
এষাং মধ্য়ে স্থিতো রাজন্ ভীম অক্ষো ভীম দর্শনঃ ।
পর্জন্য় ইব জীমূতৈঃ সমংতাত্ পরিবারিতঃ ॥ 8 ॥
ঋক্ষবংতংগিরিশ্রেষ্ঠমধ্য়াস্তেনর্মদাংপিবন্ ।
সর্বঋক্ষাণামধিপতির্ধূম্রোনামৈষয়ূথপঃ ॥ 9 ॥
যবীয়ানস্যতুভ্রাতাপশ্য়ৈনংপর্বতোপমম্ ।
ভ্রাত্রাসমানোরূপেণবিশিষ্টস্তুপরাক্রমৈঃ ॥ 10 ॥
সএষজাংববান্নামমহায়ূথপয়ূথপঃ ।
প্রক্রাংতোগুরুবর্তীচসংপ্রহারেষ্বমর্ষণ ॥ 11 ॥
এতেনসাহ্য়ংসুমহত্কৃতংশক্রস্যধীমতা ।
দেবাসুরেজাংববতালব্ধাশ্চবহবোবরাঃ ॥ 12 ॥
আরুহ্যপর্বতাগ্রেভ্য়োমহাভ্রবিপুলাঃ শিলাঃ ।
মুংচংতিবিপুলাকারানমৃত্য়োরুদ্বিজংতিচ ॥ 13 ॥
রাক্ষসানাংচসদৃশাঃপিশাচানাংচরোমশাঃ ।
এতস্যসৈন্য়াবহবোবিচরংত্যগ্নিতেজসঃ ॥ 14 ॥
যংত্বেনমভিসম্রব্ধংপ্লবমানমিবস্থিতম্ ।
প্রেক্ষংতেবানরাস্সর্বেস্থিতায়ূথপয়ূথপম্ ॥ 15 ॥
এষরাজন্ সহস্রাক্ষংপর্য়ুপাস্তেহরীশ্বরঃ ।
বলেনবলসংপন্নোদংভোনামৈষয়ূথপঃ ॥ 16 ॥
যঃস্থিতংয়োজনেশৈলংগচ্ছন্পার্শ্বেনসেবতে ।
ঊর্ধ্বংতথৈবকায়েনগতঃপ্রাপ্নোতিয়োজনম্ ॥ 17 ॥
যস্মান্নপরমংরূপংচতুষ্পাদেষুবিদ্যতে ।
শ্রুতস্সংন্নাদনোনামবানরাণাংপিতামহাঃ ॥ 18 ॥
যেনয়ুদ্ধংপুরাদত্তংরণেশক্রস্যধীমতা ।
পরাজযশ্চনপ্রাপ্তস্সোঽয়ংয়ূথপয়ূথপঃ ॥ 19 ॥
যস্যবিক্রমমাণস্যশক্রস্য়েবপরাক্রমঃ ।
এষগংধর্বকন্য়ায়ামুত্পন্নঃকৃষ্ণবর্ত্মনঃ ॥ 20 ॥
তদাদেবাসুরেয়ুদ্ধেসাহ্য়ার্থংত্রিদিবৌকসাং যস্যবৈশ্রবণোরাজাজংবূমুপনিষেবতে ॥ 21 ॥
যোরাজাপর্বতেংদ্রাণাংবহুকিন্নরসেবিনাম্ ।
বিহারসুখদোনিত্য়ংভ্রাতুস্তেরাক্ষসাধিপ ॥ 22 ॥
তত্রৈষবসতিশ্রীমান্বলবান্বানরর্ষভঃ ।
যুদ্ধেষ্বকত্থনোনিত্য়ংক্রোধনোনাময়ূথপঃ ॥ 23 ॥
বৃতঃকোটিসহস্রেণহরীণাংসমুপস্থিতঃ ।
এষৈবাশংসতেলংকাংস্বেনানীকেনমর্দিতুম্ ॥ 24 ॥
যোগংগামনুপর্য়েতিত্রাসযন্গজয়ূথপান্ ।
হস্তিনাংবানরাণাংচপূর্ববৈরমনুস্মরন্ ॥ 25 ॥
এষয়ূথপতির্নেতাগচ্ছন্ গিরিগুহাশয়ঃ ।
গজান্য়োধযতেবন্য়ান্গিরীংশ্চৈবমহীরুহান্ ॥ 26 ॥
হরীণাংবাহিনীমুখ্য়োনদীংহৈমবতীমনু ।
উশীরবীজমাশ্রিত্যপর্বতংমংদরোপমম্ ॥ 27 ॥
রমতে বানর শ্রেষ্ঠো দিবি শক্র ইব স্বযম্ ।
এনং শত সহস্রাণাং সহস্রং অভিবর্ততে ॥ 28 ॥
সএষনেতাচৈতেষাংবানরাণাংমহাত্মনাম্ ।
সএষদুর্ধরোরাজন্প্রমাথীনাময়ূথপঃ ॥ 29 ॥
বাতেনেবোদ্ধতংমেঘংযমেনমনুপশ্যসি ।
অনীকমভিসংরব্ধংবানরাণাংতরস্বিনাম্ ॥ 30 ॥
অনীকমপি সম্রব্ধং বানরাণাং তরস্বিনাম্ ।
উদ্ধূতমরুণাভাসং পবনেন সমংততঃ ॥ 31 ॥
এতেঽসিতমুখাঘোরাগোলাংগূলামহাবলাঃ ।
শতংশতহস্রাণিদৃষ্ট্বাবৈসেতুবংধনম্ ॥ 32 ॥
গোলাংগূলংমহাবেগংগবাক্ষংনাময়ূধপম্ ।
পরিবার্য়াভিবর্তংতেলংকাংমর্দিতুমোজসা ॥ 33 ॥
ভ্রমরাচরিতাযত্রসর্বকালফলদ্রুমাঃ ॥ 34 ॥
যংসূর্যস্তুল্যপর্ণাভমনুপর্য়েতিপর্বতম্ ।
যস্যভাসাসদাভাংতিতদ্বর্ণামৃগপক্ষিণঃ ॥ 35 ॥
যস্যপ্রস্থংমহাত্মানোনত্যজংতিমহর্ষয়ঃ ।
সর্বকালফলাবৃক্ষাস্সদাফলসমন্বিতাঃ ॥ 36 ॥
মধূনিচমহার্হাণিযস্মিন্পর্বতসত্তমে ।
তত্রৈবরমতেরাজন্রম্য়েকাংচনপর্বতে ॥ 37 ॥
মুখ্য়োবানরমুখ্য়ানাংকেসরীনাময়ূথপঃ ।
ষষ্টির্গিরিসহস্রাণাংরম্য়াঃকাংচনপর্বতা ॥ 38 ॥
তেষাংমধ্য়েগিরিবরস্ত্বমিবানঘরক্ষসাম্ ।
তত্রৈতেকপিলাশ্শ্বেতাস্তাম্রাস্য়ামধুপিংগলাঃ ॥ 39 ॥
নিবসংত্য়ুত্তমগিরৌতীক্ষ্ণদংষ্ট্রানখায়ুধাঃ ।
সিংহাইবচতুর্দংষ্ট্রাব্য়াঘ্রাইবদুরাসদাঃ ॥ 40 ॥
সর্বেবৈশ্বানরসমাজ্বলিতাশীবিষোপমাঃ ।
সুদীর্ঘাংচিতলাংগূলামত্তমাতংগসন্নিভাঃ ॥ 41 ॥
মহাপর্বতসংকাশামহাজীমূতনিস্স্বনাঃ ।
বৃত্তপিংগলরক্তাক্ষাভীমাভীমগতিস্বরাঃ ॥ 42 ॥
মর্দয়ংতীবতেসর্বেতস্থুর্লঙকাসমীক্ষ্যতে ।
এষচৈষামধিপতির্মধ্য়েতিষ্ঠতিবীর্যবান্ ॥ 43 ॥
জয়ার্থীনিত্যমাদিত্যমুপতিষ্ঠতিবুদ্ধিমান্ ।
নাম্নাপৃথিব্য়াংবিখ্য়াতোরাজন্ শতবলীতিয়ঃ ॥ 44 ॥
এষৈবাশংসতেলংকাংস্বেনানীকেনমর্দিতুম্ ।
বিক্রাংতোবলবান্ শূরঃপৌরুষেস্বেব্যবস্থিতঃ ।
রামপ্রিয়ার্থংপ্রাণানাংদয়াংনকুরুতেহরিঃ ॥ 45 ॥
গজোগবাক্ষোগবয়োনলোনীলশ্চবানরঃ ।
একৈকএবয়োধানাংকোটীভির্দশভির্বৃতঃ ॥ 46 ॥
তথাঽঽন্য়েবানরশ্রেষ্ঠাবিংধ্যপর্বতবাসিনঃ ।
নশক্য়ংতেবহুত্বাত্তুসঙ্ খ্য়াতুংলঘুবিক্রমাঃ ॥ 47 ॥
সর্বেমহারাজমহাপ্রভাবাস্সর্বেমহাশৈলনিকাশকায়াঃ ।
সর্বেসমর্থাপৃথিবীংক্ষণেনকর্তুংপ্রবিধ্বস্তবিকীর্ণশৈলাম্ ॥ 48 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে সপ্তবিংশস্সর্গঃ ॥
