শ্রীমদ্বাল্মীকীয় রামাযণে যুদ্ধকাংডম্ ।
অথ একোনত্রিংশস্সর্গঃ ।
শুকেনতুসমাখ্য়াতাংদৃষ্ট্বাসহরিয়ূথপান্ ।
সমীপস্থংচরামস্যভ্রাতরংস্বংবিভীষণম্ ॥ 1 ॥
লক্ষ্মণংচমহাবীর্য়ংভুজংরামস্যদক্ষিণম্ ।
সর্ববানররাজংচসুগ্রীবংভীমবিক্রমম্ ॥ 2 ॥
অংগদংচাপিবলিনংবজ্রহস্তাত্মজাত্মজম্ ।
হনূমংতংচবিক্রাংতংজাংববংতংচদুর্জযম্ ॥ 3 ॥
সুষেণংকুমুদংনীলংনলংচপ্লবগর্ষভম্ ।
গজংগবাক্ষংশরভংমৈংদংচদ্বিবিদংতথা ॥ 4 ॥
কিংচিদাবিগ্নহৃদয়োজাতক্রোধশ্চরাবণঃ ।
ভর্ত্সয়ামাসতৌবীরৌকথাংতেশুকসারণৌ ॥ 5 ॥
অধোমুখৌতৌপ্রণতাবব্রবীচ্ছুকসারণৌ ।
রোষগদ্গদয়াবাচাসংরব্ধংপরুষংবচঃ ॥ 6 ॥
নতাবত্সদৃশংনামসচিবৈরুপজীবিভিঃ ।
বিপ্রিয়ংনৃপতের্বক্তুংনিগ্রহেপ্রগ্রহেপ্রভোঃ ॥ 7 ॥
রিপূণাংপ্রতিকূলানাংয়ুদ্ধার্থমভিবর্ততাম্ ।
উভাভ্য়াংসদৃশংনামবক্তুমপ্রস্তবেস্তবম্ ॥ 8 ॥
আচার্য়াগুরবোবৃদ্ধাবৃথাবাংপর্য়ুপাসিতাঃ ।
সারংযদ্রাজশাস্ত্রাণামনুজীব্য়ংনগৃহ্যতে ॥ 9 ॥
গৃহীতোবানবিজ্ঞাতোভারোঽজ্ঞানস্যবাহ্যতে ।
ঈদৃশৈঃ সচিবৈর্য়ুক্তোমূর্খৈর্দিষ্ট্যধরাম্যহম্ ॥ 10 ॥
কিংনুমৃত্য়োর্ভয়ংনাস্তিবক্তুংমাংপরুষংবচঃ ।
যস্যমেশাসতোজিহ্বাপ্রযচ্ছতিশুভাশুভম্ ॥ 11 ॥
অপ্য়েবদহনংস্পৃষ্টবাবনেতিষ্ঠংতিপাদপাঃ ।
রাজদোষপরামৃষ্টাস্তিষ্ঠংতেনাপরাধিনঃ ॥ 12 ॥
হন্য়ামহংত্বিমৌপাপৌশত্রুপক্ষপ্রশংসকৌ ।
যদিপূর্বোপকারৈস্তুনক্রোধোমৃদুতাংব্রজেত্ ॥ 13 ॥
অপধ্বংসত গচ্চধ্বং সম্নিকর্ষাদ্ ইতো মম ।
ন হি বাং হংতুং ইচ্চামি স্মরন্ন্ উপকৃতানি বাম্ ॥ 14 ॥
হতাব্ এব কৃতঘ্নৌ তৌ ময়ি স্নেহ পরান্ মুখৌ ।
এবং উক্তৌ তু সব্রীডৌ তাব্ উভৌ শুক সারণৌ ॥ 15 ॥
অব্রবীত্সদশগ্রীবঃ সমীপস্থংমহোদরম্ ।
উপস্তাপযমেশীঘ্রংচারান্নীতিবিশারদান্ ॥ 16 ॥
মহোদরস্তথোক্তস্তুশীঘ্রমাজ্ঞাপযচ্চরান্ ॥ 17 ॥
ততশ্চারাস্সংত্বরিতাঃপ্রাপ্তাঃপার্থিবশাসনাত্ ।
উপস্থিতাঃপ্রাংজলয়োবর্ধয়িত্বাজযশিষাঃ ॥ 18 ॥
তানব্রবীত্ততোবাক্য়ংরাবণোরাক্ষসাধিপঃ ।
চারান্প্রত্য়ায়িতান্ শূরান্ভক্তান্বিগতসাধ্বসান্ ॥ 19 ॥
ইতোগচ্ছতরামস্যব্যবসায়ংপরীক্ষথ ।
মংত্রিষ্বভ্য়ংতরায়েঽস্যপ্রীত্য়াতেনসমাগতাঃ ॥ 20 ॥
কথংস্বপিতিজাগর্তিকিমন্যচ্চকরিষ্যতি ।
বিজ্ঞাযনিপুণংসর্বমাগংতব্যমশেষতঃ ॥ 21 ॥
চারেণবিদিতশ্শত্রুঃপংডিতৈর্বসুধাধিপৈঃ ।
যুদ্ধেস্বল্পেনযত্নেনসমাসাদ্যনিরস্যতে ॥ 22 ॥
চারাস্তুতেতথেত্য়ুক্ত্বাপ্রহৃষ্টারাক্ষসেশ্বরম্ ।
শার্দূলমগ্রতঃকৃত্বাততশ্চক্রুঃপ্রদক্ষিণম্ ॥ 23 ॥
ততস্তেতংমহাত্মানংচারারাক্ষসসত্তমম্ ।
কৃত্বাপ্রদক্ষিণংজগ্মুর্যত্ররামস্সলক্ষ্মণঃ ॥ 24 ॥
তেসুবেলস্যশৈলস্যসমীপেরামলক্ষ্মণৌ ।
প্রচ্ছন্নাদদৃশুর্গত্বাসসুগ্রীববিভীষণৌ ॥ 25 ॥
প্রেক্ষমাণাশ্চমূংতাংতুবভূবুর্ভযবিক্লবাঃ ।
তেতুধর্মাত্মনাদৃষ্টারাক্ষসেংদ্রেণরাক্ষসা ॥ 26 ॥
বিভীষণেনতত্রস্থানিগৃহীতাযদৃচ্ছয়া ।
শার্দূলোগ্রাহিতস্ত্বেকঃপাপোঽযমিতিরাক্ষসঃ ॥ 27 ॥
মোচিতস্সোঽপিরামেণবধ্যমানঃপ্লবংগমৈঃ ।
অনৃশংস্য়েনরামেণমোচিতারাক্ষসাঃপরে ॥ 28 ॥
বানরৈরর্দিতাস্তেতুবিক্রাংতৈর্লঘুবিক্রমৈঃ ।
পুনর্লংকামনুপ্রাপ্তাশ্বসংতোনষ্টচেতসঃ ॥ 29 ॥
ততোদশগ্রীবমুপস্থিতাস্তেচারাবহির্নিত্যচরানিশাচরাঃ ।
গিরেস্সুবেলস্যসমীপবাসিনংন্যবেদযন্ভীমবলংমহাবলাঃ ॥ 30 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে একোনত্রিংশস্সর্গঃ ॥
