ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକୋନତ୍ରିଂଶସ୍ସର୍ଗଃ ।
ଶୁକେନତୁସମାଖ୍ୟାତାଂଦୃଷ୍ଟ୍ଵାସହରିୟୂଥପାନ୍ ।
ସମୀପସ୍ଥଂଚରାମସ୍ୟଭ୍ରାତରଂସ୍ଵଂଵିଭୀଷଣମ୍ ॥ 1 ॥
ଲକ୍ଷ୍ମଣଂଚମହାଵୀର୍ୟଂଭୁଜଂରାମସ୍ୟଦକ୍ଷିଣମ୍ ।
ସର୍ଵଵାନରରାଜଂଚସୁଗ୍ରୀଵଂଭୀମଵିକ୍ରମମ୍ ॥ 2 ॥
ଅଂଗଦଂଚାପିବଲିନଂଵଜ୍ରହସ୍ତାତ୍ମଜାତ୍ମଜମ୍ ।
ହନୂମଂତଂଚଵିକ୍ରାଂତଂଜାଂବଵଂତଂଚଦୁର୍ଜୟମ୍ ॥ 3 ॥
ସୁଷେଣଂକୁମୁଦଂନୀଲଂନଲଂଚପ୍ଲଵଗର୍ଷଭମ୍ ।
ଗଜଂଗଵାକ୍ଷଂଶରଭଂମୈଂଦଂଚଦ୍ଵିଵିଦଂତଥା ॥ 4 ॥
କିଂଚିଦାଵିଗ୍ନହୃଦୟୋଜାତକ୍ରୋଧଶ୍ଚରାଵଣଃ ।
ଭର୍ତ୍ସୟାମାସତୌଵୀରୌକଥାଂତେଶୁକସାରଣୌ ॥ 5 ॥
ଅଧୋମୁଖୌତୌପ୍ରଣତାଵବ୍ରଵୀଚ୍ଛୁକସାରଣୌ ।
ରୋଷଗଦ୍ଗଦୟାଵାଚାସଂରବ୍ଧଂପରୁଷଂଵଚଃ ॥ 6 ॥
ନତାଵତ୍ସଦୃଶଂନାମସଚିଵୈରୁପଜୀଵିଭିଃ ।
ଵିପ୍ରିୟଂନୃପତେର୍ଵକ୍ତୁଂନିଗ୍ରହେପ୍ରଗ୍ରହେପ୍ରଭୋଃ ॥ 7 ॥
ରିପୂଣାଂପ୍ରତିକୂଲାନାଂୟୁଦ୍ଧାର୍ଥମଭିଵର୍ତତାମ୍ ।
ଉଭାଭ୍ୟାଂସଦୃଶଂନାମଵକ୍ତୁମପ୍ରସ୍ତଵେସ୍ତଵମ୍ ॥ 8 ॥
ଆଚାର୍ୟାଗୁରଵୋଵୃଦ୍ଧାଵୃଥାଵାଂପର୍ୟୁପାସିତାଃ ।
ସାରଂୟଦ୍ରାଜଶାସ୍ତ୍ରାଣାମନୁଜୀଵ୍ୟଂନଗୃହ୍ୟତେ ॥ 9 ॥
ଗୃହୀତୋଵାନଵିଜ୍ଞାତୋଭାରୋଽଜ୍ଞାନସ୍ୟଵାହ୍ୟତେ ।
ଈଦୃଶୈଃ ସଚିଵୈର୍ୟୁକ୍ତୋମୂର୍ଖୈର୍ଦିଷ୍ଟ୍ୟଧରାମ୍ୟହମ୍ ॥ 10 ॥
କିଂନୁମୃତ୍ୟୋର୍ଭୟଂନାସ୍ତିଵକ୍ତୁଂମାଂପରୁଷଂଵଚଃ ।
ୟସ୍ୟମେଶାସତୋଜିହ୍ଵାପ୍ରୟଚ୍ଛତିଶୁଭାଶୁଭମ୍ ॥ 11 ॥
ଅପ୍ୟେଵଦହନଂସ୍ପୃଷ୍ଟଵାଵନେତିଷ୍ଠଂତିପାଦପାଃ ।
ରାଜଦୋଷପରାମୃଷ୍ଟାସ୍ତିଷ୍ଠଂତେନାପରାଧିନଃ ॥ 12 ॥
ହନ୍ୟାମହଂତ୍ଵିମୌପାପୌଶତ୍ରୁପକ୍ଷପ୍ରଶଂସକୌ ।
ୟଦିପୂର୍ଵୋପକାରୈସ୍ତୁନକ୍ରୋଧୋମୃଦୁତାଂଵ୍ରଜେତ୍ ॥ 13 ॥
ଅପଧ୍ଵଂସତ ଗଚ୍ଚଧ୍ଵଂ ସମ୍ନିକର୍ଷାଦ୍ ଇତୋ ମମ ।
ନ ହି ଵାଂ ହଂତୁଂ ଇଚ୍ଚାମି ସ୍ମରନ୍ନ୍ ଉପକୃତାନି ଵାମ୍ ॥ 14 ॥
ହତାଵ୍ ଏଵ କୃତଘ୍ନୌ ତୌ ମୟି ସ୍ନେହ ପରାନ୍ ମୁଖୌ ।
ଏଵଂ ଉକ୍ତୌ ତୁ ସଵ୍ରୀଡୌ ତାଵ୍ ଉଭୌ ଶୁକ ସାରଣୌ ॥ 15 ॥
ଅବ୍ରଵୀତ୍ସଦଶଗ୍ରୀଵଃ ସମୀପସ୍ଥଂମହୋଦରମ୍ ।
ଉପସ୍ତାପୟମେଶୀଘ୍ରଂଚାରାନ୍ନୀତିଵିଶାରଦାନ୍ ॥ 16 ॥
ମହୋଦରସ୍ତଥୋକ୍ତସ୍ତୁଶୀଘ୍ରମାଜ୍ଞାପୟଚ୍ଚରାନ୍ ॥ 17 ॥
ତତଶ୍ଚାରାସ୍ସଂତ୍ଵରିତାଃପ୍ରାପ୍ତାଃପାର୍ଥିଵଶାସନାତ୍ ।
ଉପସ୍ଥିତାଃପ୍ରାଂଜଲୟୋଵର୍ଧୟିତ୍ଵାଜୟଶିଷାଃ ॥ 18 ॥
ତାନବ୍ରଵୀତ୍ତତୋଵାକ୍ୟଂରାଵଣୋରାକ୍ଷସାଧିପଃ ।
ଚାରାନ୍ପ୍ରତ୍ୟାୟିତାନ୍ ଶୂରାନ୍ଭକ୍ତାନ୍ଵିଗତସାଧ୍ଵସାନ୍ ॥ 19 ॥
ଇତୋଗଚ୍ଛତରାମସ୍ୟଵ୍ୟଵସାୟଂପରୀକ୍ଷଥ ।
ମଂତ୍ରିଷ୍ଵଭ୍ୟଂତରାୟେଽସ୍ୟପ୍ରୀତ୍ୟାତେନସମାଗତାଃ ॥ 20 ॥
କଥଂସ୍ଵପିତିଜାଗର୍ତିକିମନ୍ୟଚ୍ଚକରିଷ୍ୟତି ।
ଵିଜ୍ଞାୟନିପୁଣଂସର୍ଵମାଗଂତଵ୍ୟମଶେଷତଃ ॥ 21 ॥
ଚାରେଣଵିଦିତଶ୍ଶତ୍ରୁଃପଂଡିତୈର୍ଵସୁଧାଧିପୈଃ ।
ୟୁଦ୍ଧେସ୍ଵଲ୍ପେନୟତ୍ନେନସମାସାଦ୍ୟନିରସ୍ୟତେ ॥ 22 ॥
ଚାରାସ୍ତୁତେତଥେତ୍ୟୁକ୍ତ୍ଵାପ୍ରହୃଷ୍ଟାରାକ୍ଷସେଶ୍ଵରମ୍ ।
ଶାର୍ଦୂଲମଗ୍ରତଃକୃତ୍ଵାତତଶ୍ଚକ୍ରୁଃପ୍ରଦକ୍ଷିଣମ୍ ॥ 23 ॥
ତତସ୍ତେତଂମହାତ୍ମାନଂଚାରାରାକ୍ଷସସତ୍ତମମ୍ ।
କୃତ୍ଵାପ୍ରଦକ୍ଷିଣଂଜଗ୍ମୁର୍ୟତ୍ରରାମସ୍ସଲକ୍ଷ୍ମଣଃ ॥ 24 ॥
ତେସୁଵେଲସ୍ୟଶୈଲସ୍ୟସମୀପେରାମଲକ୍ଷ୍ମଣୌ ।
ପ୍ରଚ୍ଛନ୍ନାଦଦୃଶୁର୍ଗତ୍ଵାସସୁଗ୍ରୀଵଵିଭୀଷଣୌ ॥ 25 ॥
ପ୍ରେକ୍ଷମାଣାଶ୍ଚମୂଂତାଂତୁବଭୂଵୁର୍ଭୟଵିକ୍ଲବାଃ ।
ତେତୁଧର୍ମାତ୍ମନାଦୃଷ୍ଟାରାକ୍ଷସେଂଦ୍ରେଣରାକ୍ଷସା ॥ 26 ॥
ଵିଭୀଷଣେନତତ୍ରସ୍ଥାନିଗୃହୀତାୟଦୃଚ୍ଛୟା ।
ଶାର୍ଦୂଲୋଗ୍ରାହିତସ୍ତ୍ଵେକଃପାପୋଽୟମିତିରାକ୍ଷସଃ ॥ 27 ॥
ମୋଚିତସ୍ସୋଽପିରାମେଣଵଧ୍ୟମାନଃପ୍ଲଵଂଗମୈଃ ।
ଅନୃଶଂସ୍ୟେନରାମେଣମୋଚିତାରାକ୍ଷସାଃପରେ ॥ 28 ॥
ଵାନରୈରର୍ଦିତାସ୍ତେତୁଵିକ୍ରାଂତୈର୍ଲଘୁଵିକ୍ରମୈଃ ।
ପୁନର୍ଲଂକାମନୁପ୍ରାପ୍ତାଶ୍ଵସଂତୋନଷ୍ଟଚେତସଃ ॥ 29 ॥
ତତୋଦଶଗ୍ରୀଵମୁପସ୍ଥିତାସ୍ତେଚାରାବହିର୍ନିତ୍ୟଚରାନିଶାଚରାଃ ।
ଗିରେସ୍ସୁଵେଲସ୍ୟସମୀପଵାସିନଂନ୍ୟଵେଦୟନ୍ଭୀମବଲଂମହାବଲାଃ ॥ 30 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକୋନତ୍ରିଂଶସ୍ସର୍ଗଃ ॥
