ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² ஏகோனத்ரிம்ஶஸ்ஸர்க:³ ।
ஶுகேனதுஸமாக்²யாதாந்த்³ருஷ்ட்வாஸஹரியூத²பான் ।
ஸமீபஸ்த²ஞ்சராமஸ்யப்⁴ராதரம்ஸ்வம்விபீ⁴ஷணம் ॥ 1 ॥
லக்ஷ்மணஞ்சமஹாவீர்யம்பு⁴ஜம்ராமஸ்யத³க்ஷிணம் ।
ஸர்வவானரராஜஞ்சஸுக்³ரீவம்பீ⁴மவிக்ரமம் ॥ 2 ॥
அங்க³த³ஞ்சாபிப³லினம்வஜ்ரஹஸ்தாத்மஜாத்மஜம் ।
ஹனூமந்தஞ்சவிக்ராந்தஞ்ஜாம்ப³வந்தஞ்சது³ர்ஜயம் ॥ 3 ॥
ஸுஷேணங்குமுத³ம்னீலம்னலஞ்சப்லவக³ர்ஷப⁴ம் ।
கஜ³ங்க³வாக்ஷம்ஶரப⁴ம்மைந்த³ஞ்சத்³விவித³ந்ததா² ॥ 4 ॥
கிஞ்சிதா³விக்³னஹ்ருத³யோஜாதக்ரோத⁴ஶ்சராவண: ।
ப⁴ர்த்ஸயாமாஸதௌவீரௌகதா²ந்தேஶுகஸாரணௌ ॥ 5 ॥
அதோ⁴முகௌ²தௌப்ரணதாவப்³ரவீச்சு²கஸாரணௌ ।
ரோஷக³த்³க³த³யாவாசாஸம்ரப்³த⁴ம்பருஷம்வச: ॥ 6 ॥
நதாவத்ஸத்³ருஶம்னாமஸசிவைருபஜீவிபி⁴: ।
விப்ரியம்ன்ருபதேர்வக்தும்னிக்³ரஹேப்ரக்³ரஹேப்ரபோ⁴: ॥ 7 ॥
ரிபூணாம்ப்ரதிகூலானாம்யுத்³தா⁴ர்த²மபி⁴வர்ததாம் ।
உபா⁴ப்⁴யாம்ஸத்³ருஶம்னாமவக்துமப்ரஸ்தவேஸ்தவம் ॥ 8 ॥
ஆசார்யாகு³ரவோவ்ருத்³தா⁴வ்ருதா²வாம்பர்யுபாஸிதா: ।
ஸாரம்யத்³ராஜஶாஸ்த்ராணாமனுஜீவ்யம்னக்³ருஹ்யதே ॥ 9 ॥
க்³ருஹீதோவானவிஜ்ஞாதோபா⁴ரோஜ்ஞானஸ்யவாஹ்யதே ।
ஈத்³ருஶை: ஸசிவைர்யுக்தோமூர்கை²ர்தி³ஷ்ட்யத⁴ராம்யஹம் ॥ 1௦ ॥
கிம்னும்ருத்யோர்ப⁴யம்னாஸ்திவக்தும்மாம்பருஷம்வச: ।
யஸ்யமேஶாஸதோஜிஹ்வாப்ரயச்ச²திஶுபா⁴ஶுப⁴ம் ॥ 11 ॥
அப்யேவத³ஹனம்ஸ்ப்ருஷ்டவாவனேதிஷ்ட²ந்திபாத³பா: ।
ராஜதோ³ஷபராம்ருஷ்டாஸ்திஷ்ட²ந்தேனாபராதி⁴ன: ॥ 12 ॥
ஹன்யாமஹந்த்விமௌபாபௌஶத்ருபக்ஷப்ரஶம்ஸகௌ ।
யதி³பூர்வோபகாரைஸ்துனக்ரோதோ⁴ம்ருது³தாம்வ்ரஜேத் ॥ 13 ॥
அபத்⁴வம்ஸத க³ச்சத்⁴வம் ஸம்னிகர்ஷாத்³ இதோ மம ।
ந ஹி வாம் ஹந்தும் இச்சாமி ஸ்மரன்ன் உபக்ருதானி வாம் ॥ 14 ॥
ஹதாவ் ஏவ க்ருதக்⁴னௌ தௌ மயி ஸ்னேஹ பரான் முகௌ² ।
ஏவம் உக்தௌ து ஸவ்ரீடௌ³ தாவ் உபௌ⁴ ஶுக ஸாரணௌ ॥ 15 ॥
அப்³ரவீத்ஸத³ஶக்³ரீவ: ஸமீபஸ்த²ம்மஹோத³ரம் ।
உபஸ்தாபயமேஶீக்⁴ரஞ்சாரான்னீதிவிஶாரதா³ன் ॥ 16 ॥
மஹோத³ரஸ்ததோ²க்தஸ்துஶீக்⁴ரமாஜ்ஞாபயச்சரான் ॥ 17 ॥
ததஶ்சாராஸ்ஸந்த்வரிதா:ப்ராப்தா:பார்தி²வஶாஸனாத் ।
உபஸ்தி²தா:ப்ராஞ்ஜலயோவர்த⁴யித்வாஜயஶிஷா: ॥ 18 ॥
தானப்³ரவீத்ததோவாக்யம்ராவணோராக்ஷஸாதி⁴ப: ।
சாரான்ப்ரத்யாயிதான் ஶூரான்ப⁴க்தான்விக³தஸாத்⁴வஸான் ॥ 19 ॥
இதோக³ச்ச²தராமஸ்யவ்யவஸாயம்பரீக்ஷத² ।
மந்த்ரிஷ்வப்⁴யந்தராயேஸ்யப்ரீத்யாதேனஸமாக³தா: ॥ 2௦ ॥
கத²ம்ஸ்வபிதிஜாக³ர்திகிமன்யச்சகரிஷ்யதி ।
விஜ்ஞாயனிபுணம்ஸர்வமாக³ந்தவ்யமஶேஷத: ॥ 21 ॥
சாரேணவிதி³தஶ்ஶத்ரு:பண்டி³தைர்வஸுதா⁴தி⁴பை: ।
யுத்³தே⁴ஸ்வல்பேனயத்னேனஸமாஸாத்³யனிரஸ்யதே ॥ 22 ॥
சாராஸ்துதேததே²த்யுக்த்வாப்ரஹ்ருஷ்டாராக்ஷஸேஶ்வரம் ।
ஶார்தூ³லமக்³ரத:க்ருத்வாததஶ்சக்ரு:ப்ரத³க்ஷிணம் ॥ 23 ॥
ததஸ்தேதம்மஹாத்மானஞ்சாராராக்ஷஸஸத்தமம் ।
க்ருத்வாப்ரத³க்ஷிணஞ்ஜக்³முர்யத்ரராமஸ்ஸலக்ஷ்மண: ॥ 24 ॥
தேஸுவேலஸ்யஶைலஸ்யஸமீபேராமலக்ஷ்மணௌ ।
ப்ரச்ச²ன்னாத³த்³ருஶுர்க³த்வாஸஸுக்³ரீவவிபீ⁴ஷணௌ ॥ 25 ॥
ப்ரேக்ஷமாணாஶ்சமூந்தாந்துப³பூ⁴வுர்ப⁴யவிக்லபா³: ।
தேதுத⁴ர்மாத்மனாத்³ருஷ்டாராக்ஷஸேந்த்³ரேணராக்ஷஸா ॥ 26 ॥
விபீ⁴ஷணேனதத்ரஸ்தா²னிக்³ருஹீதாயத்³ருச்ச²யா ।
ஶார்தூ³லோக்³ராஹிதஸ்த்வேக:பாபோயமிதிராக்ஷஸ: ॥ 27 ॥
மோசிதஸ்ஸோபிராமேணவத்⁴யமான:ப்லவங்க³மை: ।
அன்ருஶம்ஸ்யேனராமேணமோசிதாராக்ஷஸா:பரே ॥ 28 ॥
வானரைரர்தி³தாஸ்தேதுவிக்ராந்தைர்லகு⁴விக்ரமை: ।
புனர்லங்காமனுப்ராப்தாஶ்வஸந்தோனஷ்டசேதஸ: ॥ 29 ॥
ததோத³ஶக்³ரீவமுபஸ்தி²தாஸ்தேசாராப³ஹிர்னித்யசரானிஶாசரா: ।
கி³ரேஸ்ஸுவேலஸ்யஸமீபவாஸினம்ன்யவேத³யன்பீ⁴மப³லம்மஹாப³லா: ॥ 3௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ ஏகோனத்ரிம்ஶஸ்ஸர்க:³ ॥
