śrīmadvālmīkīya rāmāyaṇē yuddhakāṇḍam ।
atha ēkatriṃśassargaḥ ।
tatastamakṣōbhyabalaṃlaṅkādhipatayēcharāḥ ।
suvēlērāghavaṃśailēniviṣṭampratyavēdayan ॥ 1 ॥
chārāṇāṃrāvaṇaśśrutvāprāptaṃrāmammahābalam ।
jātōdvēgō'bhavatkiñchitsachivānidamabravīt ॥ 2 ॥
mantriṇaśśīghramāyāntusarvēvaisusamāhitāḥ ।
ayannōmantrakālōhisampraptāitirākṣasāḥ ॥ 3 ॥
tasyatadvachanaṃśrutvāmantriṇō'bhyāgaman drutam ।
tatassamantrayāmāsarākṣasaissachivaissaha ॥ 4 ॥
mantrayitvāsadurdharṣaḥkṣamaṃyatsamanantaram ।
visarjayitvāsachivānpravivēśasvamālayam ॥ 5 ॥
tatōrākṣasamāhūyavidyujjihvammahābalam ।
māyāvidammahāmāyaḥprāviśadyatramaithilī ॥ 6 ॥
vidyujjihvañchamāyājñamabravīdrākṣasādhipaḥ ।
mōhayiṣyāvahēsītāmmāyayājanakātmajām ॥ 7 ॥
śirōmāyāmayaṅgṛhyarāghavasyaniśācharaḥ ।
tvammāṃsamutiṣṭhasvamahachchasaśarandhanuḥ ॥ 8 ॥
ēvamuktastathētyāhavidyujjihvōniśācharaḥ ।
darśayāmāsatāmmāyāṃsuprayuktāṃsarāvaṇē ॥ 9 ॥
tasyatuṣṭō'bhavadrājāpradadauchavibhūṣaṇam ।
aśōkavanikāyāntusītādarśanalālasaḥ ।
vairṛtānāmadhipatissaṃvivēśamahābalaḥ ॥ 10 ॥
tatōdīnāmadainyārhāndadarśadhanadānujaḥ ॥ 11 ॥
adhōmukhīṃśōkaparāmupaviṣṭāmmahītalē ।
bhartāramēvadhyāyantīmaśōkavavikāṅgatām ॥ 12 ॥
upāsyamānāṅghōrābhīrākṣasībhiritastataḥ ।
upasṛtyatatassītāmpraharṣannāmakīrtayan ॥ 13 ॥
idañchavachanandhṛṣṭamuvāchajanakātmajām ।
sāntvyamānāmayābhadrēyamupāśrityavalgasē ।
kharahantāsatēbhartārāghavassamarēhataḥ ॥ 14 ॥
Chinnantēsarvatōmūlandarpastēnihatōmayā ।
vyasanēnātmanassītē mamabhāryābhaviṣyasi ॥ 15 ॥
visṛjēmāmmatimmūḍhēḥ kimmṛtēnakariṣyasi ।
bhavasvabhadrēḥ bhāryāṇāṃsarvēsāmīśvarīmama ॥ 16 ॥
alpapuṇyēḥ nivṛttārthēḥ mūḍhēḥ paṇḍitamāniniḥ ।
śṛṇubhartṛvadhaṃsītēḥ ghōraṃvṛtravadhaṃyathā ॥ 17 ॥
samāyātassamudrāntammāṃhantuṅkilarāghavaḥ ।
vānarēndrapraṇītēnabalēnamahatāvṛtaḥ ॥ 18 ॥
sanniviṣṭassamudrasyapīḍyatīramathōttaram ।
balēnamahatārāmōvrajatyastandivākarē ॥ 19 ॥
athādhvanipariśrāntamardharātrēsthitambalam ।
sukhasuptaṃsamāsādyachāritramprathamañcharaiḥ ॥ 20 ॥
tatprahastapraṇītēnabalēnamahatāmama ।
balamasyahataṃrātrauyatrarāmassalakṣmaṇaḥ ॥ 21 ॥
paṭṭasānparighāṃśchakrāndaṇḍānmahāyaśān ।
bāṇajālāniśūlānibhāsvarānkūṭamudgarān ॥ 22 ॥
yaṣṭīśchatōmarān śaktīśchakrāṇimusalānicha ।
udyamyōdyamyarakṣōbhirvānarēṣunipātitām ॥ 23 ॥
athasuptasyarāmasyaprahastēnapramāthinā ।
asaktaṅkṛtahastēnaśiraśChinnammahāsinā ॥ 24 ॥
vibhīṣaṇassamutpatyanigṛhītōyadṛchChayā ।
diśaḥpravrājitassarvaissarlakṣmaṇaḥplavagaissahā ॥ 25 ॥
sugrīvōgrīnayāsītēbhagnayāplavagādhipaḥ ।
nirastahanukaśśētēhanumānrākṣasairhataḥ ॥ 26 ॥
jāmbavānathajānubhyāmutpatannihatōyudhi ।
paṭṭasairbahubhiśChinnōnikṛttaḥpādapōyathā ॥ 27 ॥
maindaśchadvividaśchōbhaunihatauvānararṣabhau ॥ 28 ॥
niśśvasantaurudantaucharudhirēṇasamukṣitau ।
asināvyāyatauChinnaumadhyēhyariniṣūdanau ॥ 29 ॥
anutiṣṭhatimēdinyāmpanasaḥpanasōyathā ॥ 30 ॥
nārāchairbahubhiśchinnaśśētēdaryāndarīmukhaḥ ।
kumudastumahātējāniṣkūjansāyakaiḥ kṛtaḥ ॥ 31 ॥
aṅgadōbahubhiśChinnaśśarairāsādyarākṣasaiḥ ।
patitōrudhirōdgārīkṣitaunipatitāṅgadaḥ ॥ 32 ॥
harayōmathitānāgairathajātaistathāparē ।
śayitāmṛditāśchāśvairyāyuvēgairivāmbudāḥ ॥ 33 ॥
prahṛtāśchaparētrastāhasyamānājaghanyataḥ ।
abhidrutāsturakṣōbhissiṃhairivamahādvipāḥ ॥ 34 ॥
sāgarēpatitāḥkēchitkēchigdaganamāśritāḥ ।
ṛkṣāvṛkṣānupārūḍhāvānarīṃvṛttimāśritāḥ ॥ 35 ॥
sāgarasyachatīrēṣuśailēṣuchavanēṣucha ।
piṅgalāstēvirūpākṣairbahubhirbahavōhatāḥ ॥ 36 ॥
ēvantavahatōbhartāsasainyōmamasēnayā ।
kṣatajārdraṃrajōdhvastamidañchasyāhṛtaṃśiraḥ ॥ 37 ॥
tataḥparamadurdharṣōrāvaṇōrākṣasēśvaraḥ ।
sītāyāmupaśantyāṃrākṣasīmidamabravīt ॥ 38 ॥
rākṣasaṅkrūrakarmāṇaṃvidyujjihvantvamānaya ।
yēnatadrāghavaśirassaṅgrāmātsvayamāhṛtam ॥ 39 ॥
vidyujjihvastatōgṛhyaśirastatsaśarāsanam ।
praṇāmaṃśirasākṛtvārāvaṇasyāgratasthitaḥ ॥ 40 ॥
tamabravīttatōrājārāvaṇōrākṣasaṃsthitam ।
vidyujjihvammahājihvaṃsamīpaparivartinam ॥ 41 ॥
agrataḥkurusītāyāśśīghrandāśaradhēśaśiraḥ ।
avasthāmpaśchimāmbhartuḥkṛpaṇāsādhupaśyatu ॥ 42 ॥
ēvamuktantutadrakṣaśaśirastatpriyadarśanam ।
upanikṣipyasītāyāḥkṣipramantaradhīyata ॥ 43 ॥
rāvaṇaśchāpichikṣēpabhasvaraṅkārmukammahat ।
triṣulōkēṣuvikhyātaṃsītāmidamuvāchaha ॥ 44 ॥
idantutavarāmasyakārmukañjyāsamāyutam ।
ihaprahastēnānītaṃhatvātanniśimānuṣam ॥ 45 ॥
savidyujjihvēnasahaivatachChirōdhanuśchabhūmauvinikīryarāvaṇaḥ ।
vidēharājasyasutāṃyaśasvinīntatō'bravīttāmbhavamēvaśānugā ॥ 46 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ēkatriṃśassargaḥ ॥
