ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഏകത്രിംശസ്സര്ഗഃ ।
തതസ്തമക്ഷോഭ്യബലംലംകാധിപതയേചരാഃ ।
സുവേലേരാഘവംശൈലേനിവിഷ്ടംപ്രത്യവേദയന് ॥ 1 ॥
ചാരാണാംരാവണശ്ശ്രുത്വാപ്രാപ്തംരാമംമഹാബലമ് ।
ജാതോദ്വേഗോഽഭവത്കിംചിത്സചിവാനിദമബ്രവീത് ॥ 2 ॥
മംത്രിണശ്ശീഘ്രമായാംതുസർവേവൈസുസമാഹിതാഃ ।
അയംനോമംത്രകാലോഹിസംപ്രപ്താഇതിരാക്ഷസാഃ ॥ 3 ॥
തസ്യതദ്വചനംശ്രുത്വാമംത്രിണോഽഭ്യാഗമന് ദ്രുതമ് ।
തതസ്സമംത്രയാമാസരാക്ഷസൈസ്സചിവൈസ്സഹ ॥ 4 ॥
മംത്രയിത്വാസദുര്ധര്ഷഃക്ഷമംയത്സമനംതരമ് ।
വിസര്ജയിത്വാസചിവാന്പ്രവിവേശസ്വമാലയമ് ॥ 5 ॥
തതോരാക്ഷസമാഹൂയവിദ്യുജ്ജിഹ്വംമഹാബലമ് ।
മായാവിദംമഹാമായഃപ്രാവിശദ്യത്രമൈഥിലീ ॥ 6 ॥
വിദ്യുജ്ജിഹ്വംചമായാജ്ഞമബ്രവീദ്രാക്ഷസാധിപഃ ।
മോഹയിഷ്യാവഹേസീതാംമായയാജനകാത്മജാമ് ॥ 7 ॥
ശിരോമായാമയംഗൃഹ്യരാഘവസ്യനിശാചരഃ ।
ത്വംമാംസമുതിഷ്ഠസ്വമഹച്ചസശരംധനുഃ ॥ 8 ॥
ഏവമുക്തസ്തഥേത്യാഹവിദ്യുജ്ജിഹ്വോനിശാചരഃ ।
ദര്ശയാമാസതാംമായാംസുപ്രയുക്താംസരാവണേ ॥ 9 ॥
തസ്യതുഷ്ടോഽഭവദ്രാജാപ്രദദൌചവിഭൂഷണമ് ।
അശോകവനികായാംതുസീതാദര്ശനലാലസഃ ।
വൈരൃതാനാമധിപതിസ്സംവിവേശമഹാബലഃ ॥ 10 ॥
തതോദീനാമദൈന്യാര്ഹാംദദര്ശധനദാനുജഃ ॥ 11 ॥
അധോമുഖീംശോകപരാമുപവിഷ്ടാംമഹീതലേ ।
ഭര്താരമേവധ്യായംതീമശോകവവികാംഗതാമ് ॥ 12 ॥
ഉപാസ്യമാനാംഘോരാഭീരാക്ഷസീഭിരിതസ്തതഃ ।
ഉപസൃത്യതതസ്സീതാംപ്രഹര്ഷംനാമകീര്തയന് ॥ 13 ॥
ഇദംചവചനംധൃഷ്ടമുവാചജനകാത്മജാമ് ।
സാംത്വ്യമാനാമയാഭദ്രേയമുപാശ്രിത്യവല്ഗസേ ।
ഖരഹംതാസതേഭര്താരാഘവസ്സമരേഹതഃ ॥ 14 ॥
ഛിന്നംതേസർവതോമൂലംദര്പസ്തേനിഹതോമയാ ।
വ്യസനേനാത്മനസ്സീതേ മമഭാര്യാഭവിഷ്യസി ॥ 15 ॥
വിസൃജേമാംമതിംമൂഢേഃ കിംമൃതേനകരിഷ്യസി ।
ഭവസ്വഭദ്രേഃ ഭാര്യാണാംസർവേസാമീശ്വരീമമ ॥ 16 ॥
അല്പപുണ്യേഃ നിവൃത്താര്ഥേഃ മൂഢേഃ പംഡിതമാനിനിഃ ।
ശൃണുഭര്തൃവധംസീതേഃ ഘോരംവൃത്രവധംയഥാ ॥ 17 ॥
സമായാതസ്സമുദ്രാംതംമാംഹംതുംകിലരാഘവഃ ।
വാനരേംദ്രപ്രണീതേനബലേനമഹതാവൃതഃ ॥ 18 ॥
സന്നിവിഷ്ടസ്സമുദ്രസ്യപീഡ്യതീരമഥോത്തരമ് ।
ബലേനമഹതാരാമോവ്രജത്യസ്തംദിവാകരേ ॥ 19 ॥
അഥാധ്വനിപരിശ്രാംതമര്ധരാത്രേസ്ഥിതംബലമ് ।
സുഖസുപ്തംസമാസാദ്യചാരിത്രംപ്രഥമംചരൈഃ ॥ 20 ॥
തത്പ്രഹസ്തപ്രണീതേനബലേനമഹതാമമ ।
ബലമസ്യഹതംരാത്രൌയത്രരാമസ്സലക്ഷ്മണഃ ॥ 21 ॥
പട്ടസാന്പരിഘാംശ്ചക്രാംദംഡാന്മഹായശാന് ।
ബാണജാലാനിശൂലാനിഭാസ്വരാന്കൂടമുദ്ഗരാന് ॥ 22 ॥
യഷ്ടീശ്ചതോമരാന് ശക്തീശ്ചക്രാണിമുസലാനിച ।
ഉദ്യമ്യോദ്യമ്യരക്ഷോഭിർവാനരേഷുനിപാതിതാമ് ॥ 23 ॥
അഥസുപ്തസ്യരാമസ്യപ്രഹസ്തേനപ്രമാഥിനാ ।
അസക്തംകൃതഹസ്തേനശിരശ്ഛിന്നംമഹാസിനാ ॥ 24 ॥
വിഭീഷണസ്സമുത്പത്യനിഗൃഹീതോയദൃച്ഛയാ ।
ദിശഃപ്രവ്രാജിതസ്സർവൈസ്സര്ലക്ഷ്മണഃപ്ലവഗൈസ്സഹാ ॥ 25 ॥
സുഗ്രീവോഗ്രീനയാസീതേഭഗ്നയാപ്ലവഗാധിപഃ ।
നിരസ്തഹനുകശ്ശേതേഹനുമാന്രാക്ഷസൈര്ഹതഃ ॥ 26 ॥
ജാംബവാനഥജാനുഭ്യാമുത്പതന്നിഹതോയുധി ।
പട്ടസൈര്ബഹുഭിശ്ഛിന്നോനികൃത്തഃപാദപോയഥാ ॥ 27 ॥
മൈംദശ്ചദ്വിവിദശ്ചോഭൌനിഹതൌവാനരര്ഷഭൌ ॥ 28 ॥
നിശ്ശ്വസംതൌരുദംതൌചരുധിരേണസമുക്ഷിതൌ ।
അസിനാവ്യായതൌഛിന്നൌമധ്യേഹ്യരിനിഷൂദനൌ ॥ 29 ॥
അനുതിഷ്ഠതിമേദിന്യാംപനസഃപനസോയഥാ ॥ 30 ॥
നാരാചൈര്ബഹുഭിശ്ചിന്നശ്ശേതേദര്യാംദരീമുഖഃ ।
കുമുദസ്തുമഹാതേജാനിഷ്കൂജന്സായകൈഃ കൃതഃ ॥ 31 ॥
അംഗദോബഹുഭിശ്ഛിന്നശ്ശരൈരാസാദ്യരാക്ഷസൈഃ ।
പതിതോരുധിരോദ്ഗാരീക്ഷിതൌനിപതിതാംഗദഃ ॥ 32 ॥
ഹരയോമഥിതാനാഗൈരഥജാതൈസ്തഥാപരേ ।
ശയിതാമൃദിതാശ്ചാശ്വൈര്യായുവേഗൈരിവാംബുദാഃ ॥ 33 ॥
പ്രഹൃതാശ്ചപരേത്രസ്താഹസ്യമാനാജഘന്യതഃ ।
അഭിദ്രുതാസ്തുരക്ഷോഭിസ്സിംഹൈരിവമഹാദ്വിപാഃ ॥ 34 ॥
സാഗരേപതിതാഃകേചിത്കേചിഗ്ദഗനമാശ്രിതാഃ ।
ഋക്ഷാവൃക്ഷാനുപാരൂഢാവാനരീംവൃത്തിമാശ്രിതാഃ ॥ 35 ॥
സാഗരസ്യചതീരേഷുശൈലേഷുചവനേഷുച ।
പിംഗലാസ്തേവിരൂപാക്ഷൈര്ബഹുഭിര്ബഹവോഹതാഃ ॥ 36 ॥
ഏവംതവഹതോഭര്താസസൈന്യോമമസേനയാ ।
ക്ഷതജാര്ദ്രംരജോധ്വസ്തമിദംചസ്യാഹൃതംശിരഃ ॥ 37 ॥
തതഃപരമദുര്ധര്ഷോരാവണോരാക്ഷസേശ്വരഃ ।
സീതായാമുപശംത്യാംരാക്ഷസീമിദമബ്രവീത് ॥ 38 ॥
രാക്ഷസംക്രൂരകര്മാണംവിദ്യുജ്ജിഹ്വംത്വമാനയ ।
യേനതദ്രാഘവശിരസ്സംഗ്രാമാത്സ്വയമാഹൃതമ് ॥ 39 ॥
വിദ്യുജ്ജിഹ്വസ്തതോഗൃഹ്യശിരസ്തത്സശരാസനമ് ।
പ്രണാമംശിരസാകൃത്വാരാവണസ്യാഗ്രതസ്ഥിതഃ ॥ 40 ॥
തമബ്രവീത്തതോരാജാരാവണോരാക്ഷസംസ്ഥിതമ് ।
വിദ്യുജ്ജിഹ്വംമഹാജിഹ്വംസമീപപരിവര്തിനമ് ॥ 41 ॥
അഗ്രതഃകുരുസീതായാശ്ശീഘ്രംദാശരധേശശിരഃ ।
അവസ്ഥാംപശ്ചിമാംഭര്തുഃകൃപണാസാധുപശ്യതു ॥ 42 ॥
ഏവമുക്തംതുതദ്രക്ഷശശിരസ്തത്പ്രിയദര്ശനമ് ।
ഉപനിക്ഷിപ്യസീതായാഃക്ഷിപ്രമംതരധീയത ॥ 43 ॥
രാവണശ്ചാപിചിക്ഷേപഭസ്വരംകാര്മുകംമഹത് ।
ത്രിഷുലോകേഷുവിഖ്യാതംസീതാമിദമുവാചഹ ॥ 44 ॥
ഇദംതുതവരാമസ്യകാര്മുകംജ്യാസമായുതമ് ।
ഇഹപ്രഹസ്തേനാനീതംഹത്വാതംനിശിമാനുഷമ് ॥ 45 ॥
സവിദ്യുജ്ജിഹ്വേനസഹൈവതച്ഛിരോധനുശ്ചഭൂമൌവിനികീര്യരാവണഃ ।
വിദേഹരാജസ്യസുതാംയശസ്വിനീംതതോഽബ്രവീത്താംഭവമേവശാനുഗാ ॥ 46 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഏകത്രിംശസ്സര്ഗഃ ॥
