শ্রীমদ্বাল্মীকীয রামাযণে যুদ্ধকাংডম্ ।
অথ একত্রিংশস্সর্গঃ ।
ততস্তমক্ষোভ্যবলংলংকাধিপতযেচরাঃ ।
সুবেলেরাঘবংশৈলেনিবিষ্টংপ্রত্যবেদযন্ ॥ 1 ॥
চারাণাংরাবণশ্শ্রুত্বাপ্রাপ্তংরামংমহাবলম্ ।
জাতোদ্বেগোঽভবত্কিংচিত্সচিবানিদমব্রবীত্ ॥ 2 ॥
মংত্রিণশ্শীঘ্রমাযাংতুসর্বেবৈসুসমাহিতাঃ ।
অযংনোমংত্রকালোহিসংপ্রপ্তাইতিরাক্ষসাঃ ॥ 3 ॥
তস্যতদ্বচনংশ্রুত্বামংত্রিণোঽভ্যাগমন্ দ্রুতম্ ।
ততস্সমংত্রযামাসরাক্ষসৈস্সচিবৈস্সহ ॥ 4 ॥
মংত্রযিত্বাসদুর্ধর্ষঃক্ষমংযত্সমনংতরম্ ।
বিসর্জযিত্বাসচিবান্প্রবিবেশস্বমালযম্ ॥ 5 ॥
ততোরাক্ষসমাহূযবিদ্যুজ্জিহ্বংমহাবলম্ ।
মাযাবিদংমহামাযঃপ্রাবিশদ্যত্রমৈথিলী ॥ 6 ॥
বিদ্যুজ্জিহ্বংচমাযাজ্ঞমব্রবীদ্রাক্ষসাধিপঃ ।
মোহযিষ্যাবহেসীতাংমাযযাজনকাত্মজাম্ ॥ 7 ॥
শিরোমাযামযংগৃহ্যরাঘবস্যনিশাচরঃ ।
ত্বংমাংসমুতিষ্ঠস্বমহচ্চসশরংধনুঃ ॥ 8 ॥
এবমুক্তস্তথেত্যাহবিদ্যুজ্জিহ্বোনিশাচরঃ ।
দর্শযামাসতাংমাযাংসুপ্রযুক্তাংসরাবণে ॥ 9 ॥
তস্যতুষ্টোঽভবদ্রাজাপ্রদদৌচবিভূষণম্ ।
অশোকবনিকাযাংতুসীতাদর্শনলালসঃ ।
বৈরৃতানামধিপতিস্সংবিবেশমহাবলঃ ॥ 10 ॥
ততোদীনামদৈন্যার্হাংদদর্শধনদানুজঃ ॥ 11 ॥
অধোমুখীংশোকপরামুপবিষ্টাংমহীতলে ।
ভর্তারমেবধ্যাযংতীমশোকববিকাংগতাম্ ॥ 12 ॥
উপাস্যমানাংঘোরাভীরাক্ষসীভিরিতস্ততঃ ।
উপসৃত্যততস্সীতাংপ্রহর্ষংনামকীর্তযন্ ॥ 13 ॥
ইদংচবচনংধৃষ্টমুবাচজনকাত্মজাম্ ।
সাংত্ব্যমানামযাভদ্রেযমুপাশ্রিত্যবল্গসে ।
খরহংতাসতেভর্তারাঘবস্সমরেহতঃ ॥ 14 ॥
ছিন্নংতেসর্বতোমূলংদর্পস্তেনিহতোমযা ।
ব্যসনেনাত্মনস্সীতে মমভার্যাভবিষ্যসি ॥ 15 ॥
বিসৃজেমাংমতিংমূঢেঃ কিংমৃতেনকরিষ্যসি ।
ভবস্বভদ্রেঃ ভার্যাণাংসর্বেসামীশ্বরীমম ॥ 16 ॥
অল্পপুণ্যেঃ নিবৃত্তার্থেঃ মূঢেঃ পংডিতমানিনিঃ ।
শৃণুভর্তৃবধংসীতেঃ ঘোরংবৃত্রবধংযথা ॥ 17 ॥
সমাযাতস্সমুদ্রাংতংমাংহংতুংকিলরাঘবঃ ।
বানরেংদ্রপ্রণীতেনবলেনমহতাবৃতঃ ॥ 18 ॥
সন্নিবিষ্টস্সমুদ্রস্যপীড্যতীরমথোত্তরম্ ।
বলেনমহতারামোব্রজত্যস্তংদিবাকরে ॥ 19 ॥
অথাধ্বনিপরিশ্রাংতমর্ধরাত্রেস্থিতংবলম্ ।
সুখসুপ্তংসমাসাদ্যচারিত্রংপ্রথমংচরৈঃ ॥ 20 ॥
তত্প্রহস্তপ্রণীতেনবলেনমহতামম ।
বলমস্যহতংরাত্রৌযত্ররামস্সলক্ষ্মণঃ ॥ 21 ॥
পট্টসান্পরিঘাংশ্চক্রাংদংডান্মহাযশান্ ।
বাণজালানিশূলানিভাস্বরান্কূটমুদ্গরান্ ॥ 22 ॥
যষ্টীশ্চতোমরান্ শক্তীশ্চক্রাণিমুসলানিচ ।
উদ্যম্যোদ্যম্যরক্ষোভির্বানরেষুনিপাতিতাম্ ॥ 23 ॥
অথসুপ্তস্যরামস্যপ্রহস্তেনপ্রমাথিনা ।
অসক্তংকৃতহস্তেনশিরশ্ছিন্নংমহাসিনা ॥ 24 ॥
বিভীষণস্সমুত্পত্যনিগৃহীতোযদৃচ্ছযা ।
দিশঃপ্রব্রাজিতস্সর্বৈস্সর্লক্ষ্মণঃপ্লবগৈস্সহা ॥ 25 ॥
সুগ্রীবোগ্রীনযাসীতেভগ্নযাপ্লবগাধিপঃ ।
নিরস্তহনুকশ্শেতেহনুমান্রাক্ষসৈর্হতঃ ॥ 26 ॥
জাংববানথজানুভ্যামুত্পতন্নিহতোযুধি ।
পট্টসৈর্বহুভিশ্ছিন্নোনিকৃত্তঃপাদপোযথা ॥ 27 ॥
মৈংদশ্চদ্বিবিদশ্চোভৌনিহতৌবানরর্ষভৌ ॥ 28 ॥
নিশ্শ্বসংতৌরুদংতৌচরুধিরেণসমুক্ষিতৌ ।
অসিনাব্যাযতৌছিন্নৌমধ্যেহ্যরিনিষূদনৌ ॥ 29 ॥
অনুতিষ্ঠতিমেদিন্যাংপনসঃপনসোযথা ॥ 30 ॥
নারাচৈর্বহুভিশ্চিন্নশ্শেতেদর্যাংদরীমুখঃ ।
কুমুদস্তুমহাতেজানিষ্কূজন্সাযকৈঃ কৃতঃ ॥ 31 ॥
অংগদোবহুভিশ্ছিন্নশ্শরৈরাসাদ্যরাক্ষসৈঃ ।
পতিতোরুধিরোদ্গারীক্ষিতৌনিপতিতাংগদঃ ॥ 32 ॥
হরযোমথিতানাগৈরথজাতৈস্তথাপরে ।
শযিতামৃদিতাশ্চাশ্বৈর্যাযুবেগৈরিবাংবুদাঃ ॥ 33 ॥
প্রহৃতাশ্চপরেত্রস্তাহস্যমানাজঘন্যতঃ ।
অভিদ্রুতাস্তুরক্ষোভিস্সিংহৈরিবমহাদ্বিপাঃ ॥ 34 ॥
সাগরেপতিতাঃকেচিত্কেচিগ্দগনমাশ্রিতাঃ ।
ঋক্ষাবৃক্ষানুপারূঢাবানরীংবৃত্তিমাশ্রিতাঃ ॥ 35 ॥
সাগরস্যচতীরেষুশৈলেষুচবনেষুচ ।
পিংগলাস্তেবিরূপাক্ষৈর্বহুভির্বহবোহতাঃ ॥ 36 ॥
এবংতবহতোভর্তাসসৈন্যোমমসেনযা ।
ক্ষতজার্দ্রংরজোধ্বস্তমিদংচস্যাহৃতংশিরঃ ॥ 37 ॥
ততঃপরমদুর্ধর্ষোরাবণোরাক্ষসেশ্বরঃ ।
সীতাযামুপশংত্যাংরাক্ষসীমিদমব্রবীত্ ॥ 38 ॥
রাক্ষসংক্রূরকর্মাণংবিদ্যুজ্জিহ্বংত্বমানয ।
যেনতদ্রাঘবশিরস্সংগ্রামাত্স্বযমাহৃতম্ ॥ 39 ॥
বিদ্যুজ্জিহ্বস্ততোগৃহ্যশিরস্তত্সশরাসনম্ ।
প্রণামংশিরসাকৃত্বারাবণস্যাগ্রতস্থিতঃ ॥ 40 ॥
তমব্রবীত্ততোরাজারাবণোরাক্ষসংস্থিতম্ ।
বিদ্যুজ্জিহ্বংমহাজিহ্বংসমীপপরিবর্তিনম্ ॥ 41 ॥
অগ্রতঃকুরুসীতাযাশ্শীঘ্রংদাশরধেশশিরঃ ।
অবস্থাংপশ্চিমাংভর্তুঃকৃপণাসাধুপশ্যতু ॥ 42 ॥
এবমুক্তংতুতদ্রক্ষশশিরস্তত্প্রিযদর্শনম্ ।
উপনিক্ষিপ্যসীতাযাঃক্ষিপ্রমংতরধীযত ॥ 43 ॥
রাবণশ্চাপিচিক্ষেপভস্বরংকার্মুকংমহত্ ।
ত্রিষুলোকেষুবিখ্যাতংসীতামিদমুবাচহ ॥ 44 ॥
ইদংতুতবরামস্যকার্মুকংজ্যাসমাযুতম্ ।
ইহপ্রহস্তেনানীতংহত্বাতংনিশিমানুষম্ ॥ 45 ॥
সবিদ্যুজ্জিহ্বেনসহৈবতচ্ছিরোধনুশ্চভূমৌবিনিকীর্যরাবণঃ ।
বিদেহরাজস্যসুতাংযশস্বিনীংততোঽব্রবীত্তাংভবমেবশানুগা ॥ 46 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একত্রিংশস্সর্গঃ ॥
