ශ්රීමද්වාල්මීකීය රාමායණේ යුද්ධකාංඩම් ।
අථ ඒකත්රිංශස්සර්ගඃ ।
තතස්තමක්ෂෝභ්යබලංලංකාධිපතයේචරාඃ ।
සුවේලේරාඝවංශෛලේනිවිෂ්ටංප්රත්යවේදයන් ॥ 1 ॥
චාරාණාංරාවණශ්ශ්රුත්වාප්රාප්තංරාමංමහාබලම් ।
ජාතෝද්වේගෝऽභවත්කිංචිත්සචිවානිදමබ්රවීත් ॥ 2 ॥
මංත්රිණශ්ශීඝ්රමායාංතුසර්වේවෛසුසමාහිතාඃ ।
අයංනෝමංත්රකාලෝහිසංප්රප්තාඉතිරාක්ෂසාඃ ॥ 3 ॥
තස්යතද්වචනංශ්රුත්වාමංත්රිණෝऽභ්යාගමන් ද්රුතම් ।
තතස්සමංත්රයාමාසරාක්ෂසෛස්සචිවෛස්සහ ॥ 4 ॥
මංත්රයිත්වාසදුර්ධර්ෂඃක්ෂමංයත්සමනංතරම් ।
විසර්ජයිත්වාසචිවාන්ප්රවිවේශස්වමාලයම් ॥ 5 ॥
තතෝරාක්ෂසමාහූයවිද්යුජ්ජිහ්වංමහාබලම් ।
මායාවිදංමහාමායඃප්රාවිශද්යත්රමෛථිලී ॥ 6 ॥
විද්යුජ්ජිහ්වංචමායාජ්ඤමබ්රවීද්රාක්ෂසාධිපඃ ।
මෝහයිෂ්යාවහේසීතාංමායයාජනකාත්මජාම් ॥ 7 ॥
ශිරෝමායාමයංගෘහ්යරාඝවස්යනිශාචරඃ ।
ත්වංමාංසමුතිෂ්ඨස්වමහච්චසශරංධනුඃ ॥ 8 ॥
ඒවමුක්තස්තථේත්යාහවිද්යුජ්ජිහ්වෝනිශාචරඃ ।
දර්ශයාමාසතාංමායාංසුප්රයුක්තාංසරාවණේ ॥ 9 ॥
තස්යතුෂ්ටෝऽභවද්රාජාප්රදදෞචවිභූෂණම් ।
අශෝකවනිකායාංතුසීතාදර්ශනලාලසඃ ।
වෛරෘතානාමධිපතිස්සංවිවේශමහාබලඃ ॥ 10 ॥
තතෝදීනාමදෛන්යාර්හාංදදර්ශධනදානුජඃ ॥ 11 ॥
අධෝමුඛීංශෝකපරාමුපවිෂ්ටාංමහීතලේ ।
භර්තාරමේවධ්යායංතීමශෝකවවිකාංගතාම් ॥ 12 ॥
උපාස්යමානාංඝෝරාභීරාක්ෂසීභිරිතස්තතඃ ।
උපසෘත්යතතස්සීතාංප්රහර්ෂංනාමකීර්තයන් ॥ 13 ॥
ඉදංචවචනංධෘෂ්ටමුවාචජනකාත්මජාම් ।
සාංත්ව්යමානාමයාභද්රේයමුපාශ්රිත්යවල්ගසේ ।
ඛරහංතාසතේභර්තාරාඝවස්සමරේහතඃ ॥ 14 ॥
ඡින්නංතේසර්වතෝමූලංදර්පස්තේනිහතෝමයා ।
ව්යසනේනාත්මනස්සීතේ මමභාර්යාභවිෂ්යසි ॥ 15 ॥
විසෘජේමාංමතිංමූඪේඃ කිංමෘතේනකරිෂ්යසි ।
භවස්වභද්රේඃ භාර්යාණාංසර්වේසාමීශ්වරීමම ॥ 16 ॥
අල්පපුණ්යේඃ නිවෘත්තාර්ථේඃ මූඪේඃ පංඩිතමානිනිඃ ।
ශෘණුභර්තෘවධංසීතේඃ ඝෝරංවෘත්රවධංයථා ॥ 17 ॥
සමායාතස්සමුද්රාංතංමාංහංතුංකිලරාඝවඃ ।
වානරේංද්රප්රණීතේනබලේනමහතාවෘතඃ ॥ 18 ॥
සන්නිවිෂ්ටස්සමුද්රස්යපීඩ්යතීරමථෝත්තරම් ।
බලේනමහතාරාමෝව්රජත්යස්තංදිවාකරේ ॥ 19 ॥
අථාධ්වනිපරිශ්රාංතමර්ධරාත්රේස්ථිතංබලම් ।
සුඛසුප්තංසමාසාද්යචාරිත්රංප්රථමංචරෛඃ ॥ 20 ॥
තත්ප්රහස්තප්රණීතේනබලේනමහතාමම ।
බලමස්යහතංරාත්රෞයත්රරාමස්සලක්ෂ්මණඃ ॥ 21 ॥
පට්ටසාන්පරිඝාංශ්චක්රාංදංඩාන්මහායශාන් ।
බාණජාලානිශූලානිභාස්වරාන්කූටමුද්ගරාන් ॥ 22 ॥
යෂ්ටීශ්චතෝමරාන් ශක්තීශ්චක්රාණිමුසලානිච ।
උද්යම්යෝද්යම්යරක්ෂෝභිර්වානරේෂුනිපාතිතාම් ॥ 23 ॥
අථසුප්තස්යරාමස්යප්රහස්තේනප්රමාථිනා ।
අසක්තංකෘතහස්තේනශිරශ්ඡින්නංමහාසිනා ॥ 24 ॥
විභීෂණස්සමුත්පත්යනිගෘහීතෝයදෘච්ඡයා ।
දිශඃප්රව්රාජිතස්සර්වෛස්සර්ලක්ෂ්මණඃප්ලවගෛස්සහා ॥ 25 ॥
සුග්රීවෝග්රීනයාසීතේභග්නයාප්ලවගාධිපඃ ।
නිරස්තහනුකශ්ශේතේහනුමාන්රාක්ෂසෛර්හතඃ ॥ 26 ॥
ජාංබවානථජානුභ්යාමුත්පතන්නිහතෝයුධි ।
පට්ටසෛර්බහුභිශ්ඡින්නෝනිකෘත්තඃපාදපෝයථා ॥ 27 ॥
මෛංදශ්චද්විවිදශ්චෝභෞනිහතෞවානරර්ෂභෞ ॥ 28 ॥
නිශ්ශ්වසංතෞරුදංතෞචරුධිරේණසමුක්ෂිතෞ ।
අසිනාව්යායතෞඡින්නෞමධ්යේහ්යරිනිෂූදනෞ ॥ 29 ॥
අනුතිෂ්ඨතිමේදින්යාංපනසඃපනසෝයථා ॥ 30 ॥
නාරාචෛර්බහුභිශ්චින්නශ්ශේතේදර්යාංදරීමුඛඃ ।
කුමුදස්තුමහාතේජානිෂ්කූජන්සායකෛඃ කෘතඃ ॥ 31 ॥
අංගදෝබහුභිශ්ඡින්නශ්ශරෛරාසාද්යරාක්ෂසෛඃ ।
පතිතෝරුධිරෝද්ගාරීක්ෂිතෞනිපතිතාංගදඃ ॥ 32 ॥
හරයෝමථිතානාගෛරථජාතෛස්තථාපරේ ।
ශයිතාමෘදිතාශ්චාශ්වෛර්යායුවේගෛරිවාංබුදාඃ ॥ 33 ॥
ප්රහෘතාශ්චපරේත්රස්තාහස්යමානාජඝන්යතඃ ।
අභිද්රුතාස්තුරක්ෂෝභිස්සිංහෛරිවමහාද්විපාඃ ॥ 34 ॥
සාගරේපතිතාඃකේචිත්කේචිග්දගනමාශ්රිතාඃ ।
ඍක්ෂාවෘක්ෂානුපාරූඪාවානරීංවෘත්තිමාශ්රිතාඃ ॥ 35 ॥
සාගරස්යචතීරේෂුශෛලේෂුචවනේෂුච ।
පිංගලාස්තේවිරූපාක්ෂෛර්බහුභිර්බහවෝහතාඃ ॥ 36 ॥
ඒවංතවහතෝභර්තාසසෛන්යෝමමසේනයා ।
ක්ෂතජාර්ද්රංරජෝධ්වස්තමිදංචස්යාහෘතංශිරඃ ॥ 37 ॥
තතඃපරමදුර්ධර්ෂෝරාවණෝරාක්ෂසේශ්වරඃ ।
සීතායාමුපශංත්යාංරාක්ෂසීමිදමබ්රවීත් ॥ 38 ॥
රාක්ෂසංක්රූරකර්මාණංවිද්යුජ්ජිහ්වංත්වමානය ।
යේනතද්රාඝවශිරස්සංග්රාමාත්ස්වයමාහෘතම් ॥ 39 ॥
විද්යුජ්ජිහ්වස්තතෝගෘහ්යශිරස්තත්සශරාසනම් ।
ප්රණාමංශිරසාකෘත්වාරාවණස්යාග්රතස්ථිතඃ ॥ 40 ॥
තමබ්රවීත්තතෝරාජාරාවණෝරාක්ෂසංස්ථිතම් ।
විද්යුජ්ජිහ්වංමහාජිහ්වංසමීපපරිවර්තිනම් ॥ 41 ॥
අග්රතඃකුරුසීතායාශ්ශීඝ්රංදාශරධේශශිරඃ ।
අවස්ථාංපශ්චිමාංභර්තුඃකෘපණාසාධුපශ්යතු ॥ 42 ॥
ඒවමුක්තංතුතද්රක්ෂශශිරස්තත්ප්රියදර්ශනම් ।
උපනික්ෂිප්යසීතායාඃක්ෂිප්රමංතරධීයත ॥ 43 ॥
රාවණශ්චාපිචික්ෂේපභස්වරංකාර්මුකංමහත් ।
ත්රිෂුලෝකේෂුවිඛ්යාතංසීතාමිදමුවාචහ ॥ 44 ॥
ඉදංතුතවරාමස්යකාර්මුකංජ්යාසමායුතම් ।
ඉහප්රහස්තේනානීතංහත්වාතංනිශිමානුෂම් ॥ 45 ॥
සවිද්යුජ්ජිහ්වේනසහෛවතච්ඡිරෝධනුශ්චභූමෞවිනිකීර්යරාවණඃ ।
විදේහරාජස්යසුතාංයශස්විනීංතතෝऽබ්රවීත්තාංභවමේවශානුගා ॥ 46 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකත්රිංශස්සර්ගඃ ॥
