శ్రీమద్వాల్మీకీయ రామాయణే యుద్ధకాండమ్ ।
అథ షట్త్రింశస్సర్గః ।
తత్తుమాల్యవతోవాక్యంహితముక్తందశాననః ।
నమర్షయతిదుష్టాత్మాకాలస్యవశమాగతః ॥ 1 ॥
నబద్ ధ్వాభ్రుకుటీంవక్త్రేక్రోధస్యవశమాగతః ।
అమర్షాత్పరివృత్తాక్షోమాల్యవంతమథాబ్రవీత్ ॥ 2 ॥
హితబుధ్యాయదహితంవచఃపరుషముచ్యతే ।
పరపక్షంప్రనిశ్యైవనైతచ్చ్రోత్రగతంమమ ॥ 3 ॥
మానుషంకృపణంరామమేకంశాఖామృగాశ్రయమ్ ।
సమర్థంమన్యసేకేనత్యక్తంపిత్రావనాలయమ్ ॥ 4 ॥
రక్షసామీశ్వరంమాంచదేవానాంచభయంకరమ్ ।
హీనంమాంమన్యసేకేనహ్యహీనంసర్వవిక్రమైః ॥ 5 ॥
వీరద్వేషేణవాశంకేపక్షపాతేనవారిపోః ।
త్వయాహంపరుషాణ్యుక్తఃపరప్రోత్సాహనేనవా ॥ 6 ॥
ప్రభవంతంపదస్థంహిపరుషంకోఽభిభాషతే ।
పండితశ్శాస్త్రతత్త్వజ్ఞోవినాప్రోత్సాహనాద్రిపోః ॥ 7 ॥
ఆనీయచవనాసతీతాంపద్మహీనామివశ్రియమ్ ।
కిమర్థంప్రతిదాస్యామిరాఘవస్యభయాదహమ్ ॥ 8 ॥
వృతంవానరకోటీభిస్ససుగ్రీవంసలక్ష్మణమ్ ।
పశ్యకైశ్చిదహోభిస్త్వంరాఘవంనిహతంమయా ॥ 9 ॥
ద్వంద్వేయస్యనతిష్ఠంతిదైవతాన్యపిసంయుగే ।
సకస్మాద్రావణోయుద్ధేభయమాహారయిష్యతి ॥ 10 ॥
ద్విధాభజ్యేయమప్యేవంననమేయంతుకస్యచిత్ ।
ఏషమేసహజోదోషస్స్వభావోదురతిక్రమః ॥ 11 ॥
యదితావత్సముద్రేతుసేతుర్బద్ధోయదృచ్ఛయా ।
రామేణవిస్మయఃకోఽత్రయేవమేభయమాగతమ్ ॥ 12 ॥
సతుతీర్త్వార్ణవంరామస్సహవానరసేనయా ।
ప్రతిజానామితేసత్యంనజీవన్ప్రతియాస్యతి ॥ 13 ॥
ఏవం బ్రువాణం సమ్రబ్ధం రుష్టం విజ్నాయ రావణమ్ ।
వ్రీడితో మాల్యవాన్ వాక్యం న ఉత్తరం ప్రత్యపద్యత ॥ 14 ॥
జయాశిషాచరాజానంవర్ధయిత్వాయథోచితమ్ ।
మాల్యవానభ్యనుజ్ఞాతోజగామస్వంనివేశనమ్ ॥ 15 ॥
రావణస్తుసహామాత్యోమంత్రయిత్వావిమృశ్యచ ।
లంకాయామతులాంగుప్తింకారయామాసరాక్షసః ॥ 16 ॥
వ్యాదిదేశసపూర్వస్యాంప్రహస్తంద్వారిరాక్షసమ్ ।
దక్షిణస్యాంమహావీర్యౌమహాపార్శ్వమహాదరౌ ॥ 17 ॥
పశ్చిమాయామథోద్వారిపుత్రమింద్రజితంతదా ।
వ్యాదిదేశమయామాయంబహూభీరాక్షసైర్భహుభిర్వృతమ్ ॥ 18 ॥
ఉతరస్యాంపురద్వారివ్యాదిశ్యశుకసారణౌ ।
స్వయంచాత్రగమిష్యామిమంత్రిణస్తానువాచహ ॥ 19 ॥
రాక్షసాంతువిరూపాక్షంమహావీర్యపరాక్రమమ్ ।
మధ్యమేఽస్థాపయద్గుల్మేబహుభిస్సహరాక్షసైః ॥ 20 ॥
ఏవంవిధానంలంకాయాంకృత్వారాక్షసపుంగవః ।
కృతకృత్యమివాత్మానంమన్యతేకాలచోదితః ॥ 21 ॥
విసర్జయామాసతతస్సమంత్రిణోవిధానమాజ్ఞాప్యపురస్యపుష్కలమ్ ।
జయాశిషామంత్రిగణేనపూజితోవివేశచాఽంతఃపురమృద్ధిమన్మహత్ ॥ 22 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే షట్త్రింశస్సర్గః ॥
