শ্রীমদ্বাল্মীকীয রামাযণে যুদ্ধকাংডম্ ।
অথ ষট্ত্রিংশস্সর্গঃ ।
তত্তুমাল্যবতোবাক্যংহিতমুক্তংদশাননঃ ।
নমর্ষযতিদুষ্টাত্মাকালস্যবশমাগতঃ ॥ 1 ॥
নবদ্ ধ্বাভ্রুকুটীংবক্ত্রেক্রোধস্যবশমাগতঃ ।
অমর্ষাত্পরিবৃত্তাক্ষোমাল্যবংতমথাব্রবীত্ ॥ 2 ॥
হিতবুধ্যাযদহিতংবচঃপরুষমুচ্যতে ।
পরপক্ষংপ্রনিশ্যৈবনৈতচ্চ্রোত্রগতংমম ॥ 3 ॥
মানুষংকৃপণংরামমেকংশাখামৃগাশ্রযম্ ।
সমর্থংমন্যসেকেনত্যক্তংপিত্রাবনালযম্ ॥ 4 ॥
রক্ষসামীশ্বরংমাংচদেবানাংচভযংকরম্ ।
হীনংমাংমন্যসেকেনহ্যহীনংসর্ববিক্রমৈঃ ॥ 5 ॥
বীরদ্বেষেণবাশংকেপক্ষপাতেনবারিপোঃ ।
ত্বযাহংপরুষাণ্যুক্তঃপরপ্রোত্সাহনেনবা ॥ 6 ॥
প্রভবংতংপদস্থংহিপরুষংকোঽভিভাষতে ।
পংডিতশ্শাস্ত্রতত্ত্বজ্ঞোবিনাপ্রোত্সাহনাদ্রিপোঃ ॥ 7 ॥
আনীযচবনাসতীতাংপদ্মহীনামিবশ্রিযম্ ।
কিমর্থংপ্রতিদাস্যামিরাঘবস্যভযাদহম্ ॥ 8 ॥
বৃতংবানরকোটীভিস্সসুগ্রীবংসলক্ষ্মণম্ ।
পশ্যকৈশ্চিদহোভিস্ত্বংরাঘবংনিহতংমযা ॥ 9 ॥
দ্বংদ্বেযস্যনতিষ্ঠংতিদৈবতান্যপিসংযুগে ।
সকস্মাদ্রাবণোযুদ্ধেভযমাহারযিষ্যতি ॥ 10 ॥
দ্বিধাভজ্যেযমপ্যেবংননমেযংতুকস্যচিত্ ।
এষমেসহজোদোষস্স্বভাবোদুরতিক্রমঃ ॥ 11 ॥
যদিতাবত্সমুদ্রেতুসেতুর্বদ্ধোযদৃচ্ছযা ।
রামেণবিস্মযঃকোঽত্রযেবমেভযমাগতম্ ॥ 12 ॥
সতুতীর্ত্বার্ণবংরামস্সহবানরসেনযা ।
প্রতিজানামিতেসত্যংনজীবন্প্রতিযাস্যতি ॥ 13 ॥
এবং ব্রুবাণং সম্রব্ধং রুষ্টং বিজ্নায রাবণম্ ।
ব্রীডিতো মাল্যবান্ বাক্যং ন উত্তরং প্রত্যপদ্যত ॥ 14 ॥
জযাশিষাচরাজানংবর্ধযিত্বাযথোচিতম্ ।
মাল্যবানভ্যনুজ্ঞাতোজগামস্বংনিবেশনম্ ॥ 15 ॥
রাবণস্তুসহামাত্যোমংত্রযিত্বাবিমৃশ্যচ ।
লংকাযামতুলাংগুপ্তিংকারযামাসরাক্ষসঃ ॥ 16 ॥
ব্যাদিদেশসপূর্বস্যাংপ্রহস্তংদ্বারিরাক্ষসম্ ।
দক্ষিণস্যাংমহাবীর্যৌমহাপার্শ্বমহাদরৌ ॥ 17 ॥
পশ্চিমাযামথোদ্বারিপুত্রমিংদ্রজিতংতদা ।
ব্যাদিদেশমযামাযংবহূভীরাক্ষসৈর্ভহুভির্বৃতম্ ॥ 18 ॥
উতরস্যাংপুরদ্বারিব্যাদিশ্যশুকসারণৌ ।
স্বযংচাত্রগমিষ্যামিমংত্রিণস্তানুবাচহ ॥ 19 ॥
রাক্ষসাংতুবিরূপাক্ষংমহাবীর্যপরাক্রমম্ ।
মধ্যমেঽস্থাপযদ্গুল্মেবহুভিস্সহরাক্ষসৈঃ ॥ 20 ॥
এবংবিধানংলংকাযাংকৃত্বারাক্ষসপুংগবঃ ।
কৃতকৃত্যমিবাত্মানংমন্যতেকালচোদিতঃ ॥ 21 ॥
বিসর্জযামাসততস্সমংত্রিণোবিধানমাজ্ঞাপ্যপুরস্যপুষ্কলম্ ।
জযাশিষামংত্রিগণেনপূজিতোবিবেশচাঽংতঃপুরমৃদ্ধিমন্মহত্ ॥ 22 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ষট্ত্রিংশস্সর্গঃ ॥
