𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌷𑌟𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌤𑍍𑌤𑍁𑌮𑌾𑌲𑍍𑌯𑌵𑌤𑍋𑌵𑌾𑌕𑍍𑌯𑌂𑌹𑌿𑌤𑌮𑍁𑌕𑍍𑌤𑌂𑌦𑌶𑌾𑌨𑌨𑌃 ।
𑌨𑌮𑌰𑍍𑌷𑌯𑌤𑌿𑌦𑍁𑌷𑍍𑌟𑌾𑌤𑍍𑌮𑌾𑌕𑌾𑌲𑌸𑍍𑌯𑌵𑌶𑌮𑌾𑌗𑌤𑌃 ॥ 1 ॥
𑌨𑌬𑌦𑍍 𑌧𑍍𑌵𑌾𑌭𑍍𑌰𑍁𑌕𑍁𑌟𑍀𑌂𑌵𑌕𑍍𑌤𑍍𑌰𑍇𑌕𑍍𑌰𑍋𑌧𑌸𑍍𑌯𑌵𑌶𑌮𑌾𑌗𑌤𑌃 ।
𑌅𑌮𑌰𑍍𑌷𑌾𑌤𑍍𑌪𑌰𑌿𑌵𑍃𑌤𑍍𑌤𑌾𑌕𑍍𑌷𑍋𑌮𑌾𑌲𑍍𑌯𑌵𑌂𑌤𑌮𑌥𑌾𑌬𑍍𑌰𑌵𑍀𑌤𑍍 ॥ 2 ॥
𑌹𑌿𑌤𑌬𑍁𑌧𑍍𑌯𑌾𑌯𑌦𑌹𑌿𑌤𑌂𑌵𑌚𑌃𑌪𑌰𑍁𑌷𑌮𑍁𑌚𑍍𑌯𑌤𑍇 ।
𑌪𑌰𑌪𑌕𑍍𑌷𑌂𑌪𑍍𑌰𑌨𑌿𑌶𑍍𑌯𑍈𑌵𑌨𑍈𑌤𑌚𑍍𑌚𑍍𑌰𑍋𑌤𑍍𑌰𑌗𑌤𑌂𑌮𑌮 ॥ 3 ॥
𑌮𑌾𑌨𑍁𑌷𑌂𑌕𑍃𑌪𑌣𑌂𑌰𑌾𑌮𑌮𑍇𑌕𑌂𑌶𑌾𑌖𑌾𑌮𑍃𑌗𑌾𑌶𑍍𑌰𑌯𑌮𑍍 ।
𑌸𑌮𑌰𑍍𑌥𑌂𑌮𑌨𑍍𑌯𑌸𑍇𑌕𑍇𑌨𑌤𑍍𑌯𑌕𑍍𑌤𑌂𑌪𑌿𑌤𑍍𑌰𑌾𑌵𑌨𑌾𑌲𑌯𑌮𑍍 ॥ 4 ॥
𑌰𑌕𑍍𑌷𑌸𑌾𑌮𑍀𑌶𑍍𑌵𑌰𑌂𑌮𑌾𑌂𑌚𑌦𑍇𑌵𑌾𑌨𑌾𑌂𑌚𑌭𑌯𑌂𑌕𑌰𑌮𑍍 ।
𑌹𑍀𑌨𑌂𑌮𑌾𑌂𑌮𑌨𑍍𑌯𑌸𑍇𑌕𑍇𑌨𑌹𑍍𑌯𑌹𑍀𑌨𑌂𑌸𑌰𑍍𑌵𑌵𑌿𑌕𑍍𑌰𑌮𑍈𑌃 ॥ 5 ॥
𑌵𑍀𑌰𑌦𑍍𑌵𑍇𑌷𑍇𑌣𑌵𑌾𑌶𑌂𑌕𑍇𑌪𑌕𑍍𑌷𑌪𑌾𑌤𑍇𑌨𑌵𑌾𑌰𑌿𑌪𑍋𑌃 ।
𑌤𑍍𑌵𑌯𑌾𑌹𑌂𑌪𑌰𑍁𑌷𑌾𑌣𑍍𑌯𑍁𑌕𑍍𑌤𑌃𑌪𑌰𑌪𑍍𑌰𑍋𑌤𑍍𑌸𑌾𑌹𑌨𑍇𑌨𑌵𑌾 ॥ 6 ॥
𑌪𑍍𑌰𑌭𑌵𑌂𑌤𑌂𑌪𑌦𑌸𑍍𑌥𑌂𑌹𑌿𑌪𑌰𑍁𑌷𑌂𑌕𑍋𑌽𑌭𑌿𑌭𑌾𑌷𑌤𑍇 ।
𑌪𑌂𑌡𑌿𑌤𑌶𑍍𑌶𑌾𑌸𑍍𑌤𑍍𑌰𑌤𑌤𑍍𑌤𑍍𑌵𑌜𑍍𑌞𑍋𑌵𑌿𑌨𑌾𑌪𑍍𑌰𑍋𑌤𑍍𑌸𑌾𑌹𑌨𑌾𑌦𑍍𑌰𑌿𑌪𑍋𑌃 ॥ ॥
𑌆𑌨𑍀𑌯𑌚𑌵𑌨𑌾𑌸𑌤𑍀𑌤𑌾𑌂𑌪𑌦𑍍𑌮𑌹𑍀𑌨𑌾𑌮𑌿𑌵𑌶𑍍𑌰𑌿𑌯𑌮𑍍 ।
𑌕𑌿𑌮𑌰𑍍𑌥𑌂𑌪𑍍𑌰𑌤𑌿𑌦𑌾𑌸𑍍𑌯𑌾𑌮𑌿𑌰𑌾𑌘𑌵𑌸𑍍𑌯𑌭𑌯𑌾𑌦𑌹𑌮𑍍 ॥ ॥
𑌵𑍃𑌤𑌂𑌵𑌾𑌨𑌰𑌕𑍋𑌟𑍀𑌭𑌿𑌸𑍍𑌸𑌸𑍁𑌗𑍍𑌰𑍀𑌵𑌂𑌸𑌲𑌕𑍍𑌷𑍍𑌮𑌣𑌮𑍍 ।
𑌪𑌶𑍍𑌯𑌕𑍈𑌶𑍍𑌚𑌿𑌦𑌹𑍋𑌭𑌿𑌸𑍍𑌤𑍍𑌵𑌂𑌰𑌾𑌘𑌵𑌂𑌨𑌿𑌹𑌤𑌂𑌮𑌯𑌾 ॥ ॥
𑌦𑍍𑌵𑌂𑌦𑍍𑌵𑍇𑌯𑌸𑍍𑌯𑌨𑌤𑌿𑌷𑍍𑌠𑌂𑌤𑌿𑌦𑍈𑌵𑌤𑌾𑌨𑍍𑌯𑌪𑌿𑌸𑌂𑌯𑍁𑌗𑍇 ।
𑌸𑌕𑌸𑍍𑌮𑌾𑌦𑍍𑌰𑌾𑌵𑌣𑍋𑌯𑍁𑌦𑍍𑌧𑍇𑌭𑌯𑌮𑌾𑌹𑌾𑌰𑌯𑌿𑌷𑍍𑌯𑌤𑌿 ॥ 10 ॥
𑌦𑍍𑌵𑌿𑌧𑌾𑌭𑌜𑍍𑌯𑍇𑌯𑌮𑌪𑍍𑌯𑍇𑌵𑌂𑌨𑌨𑌮𑍇𑌯𑌂𑌤𑍁𑌕𑌸𑍍𑌯𑌚𑌿𑌤𑍍 ।
𑌏𑌷𑌮𑍇𑌸𑌹𑌜𑍋𑌦𑍋𑌷𑌸𑍍𑌸𑍍𑌵𑌭𑌾𑌵𑍋𑌦𑍁𑌰𑌤𑌿𑌕𑍍𑌰𑌮𑌃 ॥ 11 ॥
𑌯𑌦𑌿𑌤𑌾𑌵𑌤𑍍𑌸𑌮𑍁𑌦𑍍𑌰𑍇𑌤𑍁𑌸𑍇𑌤𑍁𑌰𑍍𑌬𑌦𑍍𑌧𑍋𑌯𑌦𑍃𑌚𑍍𑌛𑌯𑌾 ।
𑌰𑌾𑌮𑍇𑌣𑌵𑌿𑌸𑍍𑌮𑌯𑌃𑌕𑍋𑌽𑌤𑍍𑌰𑌯𑍇𑌵𑌮𑍇𑌭𑌯𑌮𑌾𑌗𑌤𑌮𑍍 ॥ 12 ॥
𑌸𑌤𑍁𑌤𑍀𑌰𑍍𑌤𑍍𑌵𑌾𑌰𑍍𑌣𑌵𑌂𑌰𑌾𑌮𑌸𑍍𑌸𑌹𑌵𑌾𑌨𑌰𑌸𑍇𑌨𑌯𑌾 ।
𑌪𑍍𑌰𑌤𑌿𑌜𑌾𑌨𑌾𑌮𑌿𑌤𑍇𑌸𑌤𑍍𑌯𑌂𑌨𑌜𑍀𑌵𑌨𑍍𑌪𑍍𑌰𑌤𑌿𑌯𑌾𑌸𑍍𑌯𑌤𑌿 ॥ 13 ॥
𑌏𑌵𑌂 𑌬𑍍𑌰𑍁𑌵𑌾𑌣𑌂 𑌸𑌮𑍍𑌰𑌬𑍍𑌧𑌂 𑌰𑍁𑌷𑍍𑌟𑌂 𑌵𑌿𑌜𑍍𑌨𑌾𑌯 𑌰𑌾𑌵𑌣𑌮𑍍 ।
𑌵𑍍𑌰𑍀𑌡𑌿𑌤𑍋 𑌮𑌾𑌲𑍍𑌯𑌵𑌾𑌨𑍍 𑌵𑌾𑌕𑍍𑌯𑌂 𑌨 𑌉𑌤𑍍𑌤𑌰𑌂 𑌪𑍍𑌰𑌤𑍍𑌯𑌪𑌦𑍍𑌯𑌤 ॥ 14 ॥
𑌜𑌯𑌾𑌶𑌿𑌷𑌾𑌚𑌰𑌾𑌜𑌾𑌨𑌂𑌵𑌰𑍍𑌧𑌯𑌿𑌤𑍍𑌵𑌾𑌯𑌥𑍋𑌚𑌿𑌤𑌮𑍍 ।
𑌮𑌾𑌲𑍍𑌯𑌵𑌾𑌨𑌭𑍍𑌯𑌨𑍁𑌜𑍍𑌞𑌾𑌤𑍋𑌜𑌗𑌾𑌮𑌸𑍍𑌵𑌂𑌨𑌿𑌵𑍇𑌶𑌨𑌮𑍍 ॥ 15 ॥
𑌰𑌾𑌵𑌣𑌸𑍍𑌤𑍁𑌸𑌹𑌾𑌮𑌾𑌤𑍍𑌯𑍋𑌮𑌂𑌤𑍍𑌰𑌯𑌿𑌤𑍍𑌵𑌾𑌵𑌿𑌮𑍃𑌶𑍍𑌯𑌚 ।
𑌲𑌂𑌕𑌾𑌯𑌾𑌮𑌤𑍁𑌲𑌾𑌂𑌗𑍁𑌪𑍍𑌤𑌿𑌂𑌕𑌾𑌰𑌯𑌾𑌮𑌾𑌸𑌰𑌾𑌕𑍍𑌷𑌸𑌃 ॥ 16 ॥
𑌵𑍍𑌯𑌾𑌦𑌿𑌦𑍇𑌶𑌸𑌪𑍂𑌰𑍍𑌵𑌸𑍍𑌯𑌾𑌂𑌪𑍍𑌰𑌹𑌸𑍍𑌤𑌂𑌦𑍍𑌵𑌾𑌰𑌿𑌰𑌾𑌕𑍍𑌷𑌸𑌮𑍍 ।
𑌦𑌕𑍍𑌷𑌿𑌣𑌸𑍍𑌯𑌾𑌂𑌮𑌹𑌾𑌵𑍀𑌰𑍍𑌯𑍌𑌮𑌹𑌾𑌪𑌾𑌰𑍍𑌶𑍍𑌵𑌮𑌹𑌾𑌦𑌰𑍌 ॥ 1 ॥
𑌪𑌶𑍍𑌚𑌿𑌮𑌾𑌯𑌾𑌮𑌥𑍋𑌦𑍍𑌵𑌾𑌰𑌿𑌪𑍁𑌤𑍍𑌰𑌮𑌿𑌂𑌦𑍍𑌰𑌜𑌿𑌤𑌂𑌤𑌦𑌾 ।
𑌵𑍍𑌯𑌾𑌦𑌿𑌦𑍇𑌶𑌮𑌯𑌾𑌮𑌾𑌯𑌂𑌬𑌹𑍂𑌭𑍀𑌰𑌾𑌕𑍍𑌷𑌸𑍈𑌰𑍍𑌭𑌹𑍁𑌭𑌿𑌰𑍍𑌵𑍃𑌤𑌮𑍍 ॥ 1 ॥
𑌉𑌤𑌰𑌸𑍍𑌯𑌾𑌂𑌪𑍁𑌰𑌦𑍍𑌵𑌾𑌰𑌿𑌵𑍍𑌯𑌾𑌦𑌿𑌶𑍍𑌯𑌶𑍁𑌕𑌸𑌾𑌰𑌣𑍌 ।
𑌸𑍍𑌵𑌯𑌂𑌚𑌾𑌤𑍍𑌰𑌗𑌮𑌿𑌷𑍍𑌯𑌾𑌮𑌿𑌮𑌂𑌤𑍍𑌰𑌿𑌣𑌸𑍍𑌤𑌾𑌨𑍁𑌵𑌾𑌚𑌹 ॥ 1 ॥
𑌰𑌾𑌕𑍍𑌷𑌸𑌾𑌂𑌤𑍁𑌵𑌿𑌰𑍂𑌪𑌾𑌕𑍍𑌷𑌂𑌮𑌹𑌾𑌵𑍀𑌰𑍍𑌯𑌪𑌰𑌾𑌕𑍍𑌰𑌮𑌮𑍍 ।
𑌮𑌧𑍍𑌯𑌮𑍇𑌽𑌸𑍍𑌥𑌾𑌪𑌯𑌦𑍍𑌗𑍁𑌲𑍍𑌮𑍇𑌬𑌹𑍁𑌭𑌿𑌸𑍍𑌸𑌹𑌰𑌾𑌕𑍍𑌷𑌸𑍈𑌃 ॥ 20 ॥
𑌏𑌵𑌂𑌵𑌿𑌧𑌾𑌨𑌂𑌲𑌂𑌕𑌾𑌯𑌾𑌂𑌕𑍃𑌤𑍍𑌵𑌾𑌰𑌾𑌕𑍍𑌷𑌸𑌪𑍁𑌂𑌗𑌵𑌃 ।
𑌕𑍃𑌤𑌕𑍃𑌤𑍍𑌯𑌮𑌿𑌵𑌾𑌤𑍍𑌮𑌾𑌨𑌂𑌮𑌨𑍍𑌯𑌤𑍇𑌕𑌾𑌲𑌚𑍋𑌦𑌿𑌤𑌃 ॥ 21 ॥
𑌵𑌿𑌸𑌰𑍍𑌜𑌯𑌾𑌮𑌾𑌸𑌤𑌤𑌸𑍍𑌸𑌮𑌂𑌤𑍍𑌰𑌿𑌣𑍋𑌵𑌿𑌧𑌾𑌨𑌮𑌾𑌜𑍍𑌞𑌾𑌪𑍍𑌯𑌪𑍁𑌰𑌸𑍍𑌯𑌪𑍁𑌷𑍍𑌕𑌲𑌮𑍍 ।
𑌜𑌯𑌾𑌶𑌿𑌷𑌾𑌮𑌂𑌤𑍍𑌰𑌿𑌗𑌣𑍇𑌨𑌪𑍂𑌜𑌿𑌤𑍋𑌵𑌿𑌵𑍇𑌶𑌚𑌾𑌽𑌂𑌤𑌃𑌪𑍁𑌰𑌮𑍃𑌦𑍍𑌧𑌿𑌮𑌨𑍍𑌮𑌹𑌤𑍍 ॥ 22 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌷𑌟𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
