ශ්රීමද්වාල්මීකීය රාමායණේ යුද්ධකාංඩම් ।
අථ ෂට්ත්රිංශස්සර්ගඃ ।
තත්තුමාල්යවතෝවාක්යංහිතමුක්තංදශානනඃ ।
නමර්ෂයතිදුෂ්ටාත්මාකාලස්යවශමාගතඃ ॥ 1 ॥
නබද් ධ්වාභ්රුකුටීංවක්ත්රේක්රෝධස්යවශමාගතඃ ।
අමර්ෂාත්පරිවෘත්තාක්ෂෝමාල්යවංතමථාබ්රවීත් ॥ 2 ॥
හිතබුධ්යායදහිතංවචඃපරුෂමුච්යතේ ।
පරපක්ෂංප්රනිශ්යෛවනෛතච්ච්රෝත්රගතංමම ॥ 3 ॥
මානුෂංකෘපණංරාමමේකංශාඛාමෘගාශ්රයම් ।
සමර්ථංමන්යසේකේනත්යක්තංපිත්රාවනාලයම් ॥ 4 ॥
රක්ෂසාමීශ්වරංමාංචදේවානාංචභයංකරම් ।
හීනංමාංමන්යසේකේනහ්යහීනංසර්වවික්රමෛඃ ॥ 5 ॥
වීරද්වේෂේණවාශංකේපක්ෂපාතේනවාරිපෝඃ ।
ත්වයාහංපරුෂාණ්යුක්තඃපරප්රෝත්සාහනේනවා ॥ 6 ॥
ප්රභවංතංපදස්ථංහිපරුෂංකෝऽභිභාෂතේ ।
පංඩිතශ්ශාස්ත්රතත්ත්වජ්ඤෝවිනාප්රෝත්සාහනාද්රිපෝඃ ॥ 7 ॥
ආනීයචවනාසතීතාංපද්මහීනාමිවශ්රියම් ।
කිමර්ථංප්රතිදාස්යාමිරාඝවස්යභයාදහම් ॥ 8 ॥
වෘතංවානරකෝටීභිස්සසුග්රීවංසලක්ෂ්මණම් ।
පශ්යකෛශ්චිදහෝභිස්ත්වංරාඝවංනිහතංමයා ॥ 9 ॥
ද්වංද්වේයස්යනතිෂ්ඨංතිදෛවතාන්යපිසංයුගේ ।
සකස්මාද්රාවණෝයුද්ධේභයමාහාරයිෂ්යති ॥ 10 ॥
ද්විධාභජ්යේයමප්යේවංනනමේයංතුකස්යචිත් ।
ඒෂමේසහජෝදෝෂස්ස්වභාවෝදුරතික්රමඃ ॥ 11 ॥
යදිතාවත්සමුද්රේතුසේතුර්බද්ධෝයදෘච්ඡයා ।
රාමේණවිස්මයඃකෝऽත්රයේවමේභයමාගතම් ॥ 12 ॥
සතුතීර්ත්වාර්ණවංරාමස්සහවානරසේනයා ।
ප්රතිජානාමිතේසත්යංනජීවන්ප්රතියාස්යති ॥ 13 ॥
ඒවං බ්රුවාණං සම්රබ්ධං රුෂ්ටං විජ්නාය රාවණම් ।
ව්රීඩිතෝ මාල්යවාන් වාක්යං න උත්තරං ප්රත්යපද්යත ॥ 14 ॥
ජයාශිෂාචරාජානංවර්ධයිත්වායථෝචිතම් ।
මාල්යවානභ්යනුජ්ඤාතෝජගාමස්වංනිවේශනම් ॥ 15 ॥
රාවණස්තුසහාමාත්යෝමංත්රයිත්වාවිමෘශ්යච ।
ලංකායාමතුලාංගුප්තිංකාරයාමාසරාක්ෂසඃ ॥ 16 ॥
ව්යාදිදේශසපූර්වස්යාංප්රහස්තංද්වාරිරාක්ෂසම් ।
දක්ෂිණස්යාංමහාවීර්යෞමහාපාර්ශ්වමහාදරෞ ॥ 17 ॥
පශ්චිමායාමථෝද්වාරිපුත්රමිංද්රජිතංතදා ।
ව්යාදිදේශමයාමායංබහූභීරාක්ෂසෛර්භහුභිර්වෘතම් ॥ 18 ॥
උතරස්යාංපුරද්වාරිව්යාදිශ්යශුකසාරණෞ ।
ස්වයංචාත්රගමිෂ්යාමිමංත්රිණස්තානුවාචහ ॥ 19 ॥
රාක්ෂසාංතුවිරූපාක්ෂංමහාවීර්යපරාක්රමම් ।
මධ්යමේऽස්ථාපයද්ගුල්මේබහුභිස්සහරාක්ෂසෛඃ ॥ 20 ॥
ඒවංවිධානංලංකායාංකෘත්වාරාක්ෂසපුංගවඃ ।
කෘතකෘත්යමිවාත්මානංමන්යතේකාලචෝදිතඃ ॥ 21 ॥
විසර්ජයාමාසතතස්සමංත්රිණෝවිධානමාජ්ඤාප්යපුරස්යපුෂ්කලම් ।
ජයාශිෂාමංත්රිගණේනපූජිතෝවිවේශචාऽංතඃපුරමෘද්ධිමන්මහත් ॥ 22 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ෂට්ත්රිංශස්සර්ගඃ ॥
