શ્રીમદ્વાલ્મીકીય રામાયણે યુદ્ધકાંડમ્ ।
અથ ષટ્ત્રિંશસ્સર્ગઃ ।
તત્તુમાલ્યવતોવાક્યંહિતમુક્તંદશાનનઃ ।
નમર્ષયતિદુષ્ટાત્માકાલસ્યવશમાગતઃ ॥ 1 ॥
નબદ્ ધ્વાભ્રુકુટીંવક્ત્રેક્રોધસ્યવશમાગતઃ ।
અમર્ષાત્પરિવૃત્તાક્ષોમાલ્યવંતમથાબ્રવીત્ ॥ 2 ॥
હિતબુધ્યાયદહિતંવચઃપરુષમુચ્યતે ।
પરપક્ષંપ્રનિશ્યૈવનૈતચ્ચ્રોત્રગતંમમ ॥ 3 ॥
માનુષંકૃપણંરામમેકંશાખામૃગાશ્રયમ્ ।
સમર્થંમન્યસેકેનત્યક્તંપિત્રાવનાલયમ્ ॥ 4 ॥
રક્ષસામીશ્વરંમાંચદેવાનાંચભયંકરમ્ ।
હીનંમાંમન્યસેકેનહ્યહીનંસર્વવિક્રમૈઃ ॥ 5 ॥
વીરદ્વેષેણવાશંકેપક્ષપાતેનવારિપોઃ ।
ત્વયાહંપરુષાણ્યુક્તઃપરપ્રોત્સાહનેનવા ॥ 6 ॥
પ્રભવંતંપદસ્થંહિપરુષંકોઽભિભાષતે ।
પંડિતશ્શાસ્ત્રતત્ત્વજ્ઞોવિનાપ્રોત્સાહનાદ્રિપોઃ ॥ 7 ॥
આનીયચવનાસતીતાંપદ્મહીનામિવશ્રિયમ્ ।
કિમર્થંપ્રતિદાસ્યામિરાઘવસ્યભયાદહમ્ ॥ 8 ॥
વૃતંવાનરકોટીભિસ્સસુગ્રીવંસલક્ષ્મણમ્ ।
પશ્યકૈશ્ચિદહોભિસ્ત્વંરાઘવંનિહતંમયા ॥ 9 ॥
દ્વંદ્વેયસ્યનતિષ્ઠંતિદૈવતાન્યપિસંયુગે ।
સકસ્માદ્રાવણોયુદ્ધેભયમાહારયિષ્યતિ ॥ 10 ॥
દ્વિધાભજ્યેયમપ્યેવંનનમેયંતુકસ્યચિત્ ।
એષમેસહજોદોષસ્સ્વભાવોદુરતિક્રમઃ ॥ 11 ॥
યદિતાવત્સમુદ્રેતુસેતુર્બદ્ધોયદૃચ્છયા ।
રામેણવિસ્મયઃકોઽત્રયેવમેભયમાગતમ્ ॥ 12 ॥
સતુતીર્ત્વાર્ણવંરામસ્સહવાનરસેનયા ।
પ્રતિજાનામિતેસત્યંનજીવન્પ્રતિયાસ્યતિ ॥ 13 ॥
એવં બ્રુવાણં સમ્રબ્ધં રુષ્ટં વિજ્નાય રાવણમ્ ।
વ્રીડિતો માલ્યવાન્ વાક્યં ન ઉત્તરં પ્રત્યપદ્યત ॥ 14 ॥
જયાશિષાચરાજાનંવર્ધયિત્વાયથોચિતમ્ ।
માલ્યવાનભ્યનુજ્ઞાતોજગામસ્વંનિવેશનમ્ ॥ 15 ॥
રાવણસ્તુસહામાત્યોમંત્રયિત્વાવિમૃશ્યચ ।
લંકાયામતુલાંગુપ્તિંકારયામાસરાક્ષસઃ ॥ 16 ॥
વ્યાદિદેશસપૂર્વસ્યાંપ્રહસ્તંદ્વારિરાક્ષસમ્ ।
દક્ષિણસ્યાંમહાવીર્યૌમહાપાર્શ્વમહાદરૌ ॥ 17 ॥
પશ્ચિમાયામથોદ્વારિપુત્રમિંદ્રજિતંતદા ।
વ્યાદિદેશમયામાયંબહૂભીરાક્ષસૈર્ભહુભિર્વૃતમ્ ॥ 18 ॥
ઉતરસ્યાંપુરદ્વારિવ્યાદિશ્યશુકસારણૌ ।
સ્વયંચાત્રગમિષ્યામિમંત્રિણસ્તાનુવાચહ ॥ 19 ॥
રાક્ષસાંતુવિરૂપાક્ષંમહાવીર્યપરાક્રમમ્ ।
મધ્યમેઽસ્થાપયદ્ગુલ્મેબહુભિસ્સહરાક્ષસૈઃ ॥ 20 ॥
એવંવિધાનંલંકાયાંકૃત્વારાક્ષસપુંગવઃ ।
કૃતકૃત્યમિવાત્માનંમન્યતેકાલચોદિતઃ ॥ 21 ॥
વિસર્જયામાસતતસ્સમંત્રિણોવિધાનમાજ્ઞાપ્યપુરસ્યપુષ્કલમ્ ।
જયાશિષામંત્રિગણેનપૂજિતોવિવેશચાઽંતઃપુરમૃદ્ધિમન્મહત્ ॥ 22 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે ષટ્ત્રિંશસ્સર્ગઃ ॥
