ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଷଟ୍ତ୍ରିଂଶସ୍ସର୍ଗଃ ।
ତତ୍ତୁମାଲ୍ୟଵତୋଵାକ୍ୟଂହିତମୁକ୍ତଂଦଶାନନଃ ।
ନମର୍ଷୟତିଦୁଷ୍ଟାତ୍ମାକାଲସ୍ୟଵଶମାଗତଃ ॥ 1 ॥
ନବଦ୍ ଧ୍ଵାଭ୍ରୁକୁଟୀଂଵକ୍ତ୍ରେକ୍ରୋଧସ୍ୟଵଶମାଗତଃ ।
ଅମର୍ଷାତ୍ପରିଵୃତ୍ତାକ୍ଷୋମାଲ୍ୟଵଂତମଥାବ୍ରଵୀତ୍ ॥ 2 ॥
ହିତବୁଧ୍ୟାୟଦହିତଂଵଚଃପରୁଷମୁଚ୍ୟତେ ।
ପରପକ୍ଷଂପ୍ରନିଶ୍ୟୈଵନୈତଚ୍ଚ୍ରୋତ୍ରଗତଂମମ ॥ 3 ॥
ମାନୁଷଂକୃପଣଂରାମମେକଂଶାଖାମୃଗାଶ୍ରୟମ୍ ।
ସମର୍ଥଂମନ୍ୟସେକେନତ୍ୟକ୍ତଂପିତ୍ରାଵନାଲୟମ୍ ॥ 4 ॥
ରକ୍ଷସାମୀଶ୍ଵରଂମାଂଚଦେଵାନାଂଚଭୟଂକରମ୍ ।
ହୀନଂମାଂମନ୍ୟସେକେନହ୍ୟହୀନଂସର୍ଵଵିକ୍ରମୈଃ ॥ 5 ॥
ଵୀରଦ୍ଵେଷେଣଵାଶଂକେପକ୍ଷପାତେନଵାରିପୋଃ ।
ତ୍ଵୟାହଂପରୁଷାଣ୍ୟୁକ୍ତଃପରପ୍ରୋତ୍ସାହନେନଵା ॥ 6 ॥
ପ୍ରଭଵଂତଂପଦସ୍ଥଂହିପରୁଷଂକୋଽଭିଭାଷତେ ।
ପଂଡିତଶ୍ଶାସ୍ତ୍ରତତ୍ତ୍ଵଜ୍ଞୋଵିନାପ୍ରୋତ୍ସାହନାଦ୍ରିପୋଃ ॥ 7 ॥
ଆନୀୟଚଵନାସତୀତାଂପଦ୍ମହୀନାମିଵଶ୍ରିୟମ୍ ।
କିମର୍ଥଂପ୍ରତିଦାସ୍ୟାମିରାଘଵସ୍ୟଭୟାଦହମ୍ ॥ 8 ॥
ଵୃତଂଵାନରକୋଟୀଭିସ୍ସସୁଗ୍ରୀଵଂସଲକ୍ଷ୍ମଣମ୍ ।
ପଶ୍ୟକୈଶ୍ଚିଦହୋଭିସ୍ତ୍ଵଂରାଘଵଂନିହତଂମୟା ॥ 9 ॥
ଦ୍ଵଂଦ୍ଵେୟସ୍ୟନତିଷ୍ଠଂତିଦୈଵତାନ୍ୟପିସଂୟୁଗେ ।
ସକସ୍ମାଦ୍ରାଵଣୋୟୁଦ୍ଧେଭୟମାହାରୟିଷ୍ୟତି ॥ 10 ॥
ଦ୍ଵିଧାଭଜ୍ୟେୟମପ୍ୟେଵଂନନମେୟଂତୁକସ୍ୟଚିତ୍ ।
ଏଷମେସହଜୋଦୋଷସ୍ସ୍ଵଭାଵୋଦୁରତିକ୍ରମଃ ॥ 11 ॥
ୟଦିତାଵତ୍ସମୁଦ୍ରେତୁସେତୁର୍ବଦ୍ଧୋୟଦୃଚ୍ଛୟା ।
ରାମେଣଵିସ୍ମୟଃକୋଽତ୍ରୟେଵମେଭୟମାଗତମ୍ ॥ 12 ॥
ସତୁତୀର୍ତ୍ଵାର୍ଣଵଂରାମସ୍ସହଵାନରସେନୟା ।
ପ୍ରତିଜାନାମିତେସତ୍ୟଂନଜୀଵନ୍ପ୍ରତିୟାସ୍ୟତି ॥ 13 ॥
ଏଵଂ ବ୍ରୁଵାଣଂ ସମ୍ରବ୍ଧଂ ରୁଷ୍ଟଂ ଵିଜ୍ନାୟ ରାଵଣମ୍ ।
ଵ୍ରୀଡିତୋ ମାଲ୍ୟଵାନ୍ ଵାକ୍ୟଂ ନ ଉତ୍ତରଂ ପ୍ରତ୍ୟପଦ୍ୟତ ॥ 14 ॥
ଜୟାଶିଷାଚରାଜାନଂଵର୍ଧୟିତ୍ଵାୟଥୋଚିତମ୍ ।
ମାଲ୍ୟଵାନଭ୍ୟନୁଜ୍ଞାତୋଜଗାମସ୍ଵଂନିଵେଶନମ୍ ॥ 15 ॥
ରାଵଣସ୍ତୁସହାମାତ୍ୟୋମଂତ୍ରୟିତ୍ଵାଵିମୃଶ୍ୟଚ ।
ଲଂକାୟାମତୁଲାଂଗୁପ୍ତିଂକାରୟାମାସରାକ୍ଷସଃ ॥ 16 ॥
ଵ୍ୟାଦିଦେଶସପୂର୍ଵସ୍ୟାଂପ୍ରହସ୍ତଂଦ୍ଵାରିରାକ୍ଷସମ୍ ।
ଦକ୍ଷିଣସ୍ୟାଂମହାଵୀର୍ୟୌମହାପାର୍ଶ୍ଵମହାଦରୌ ॥ 17 ॥
ପଶ୍ଚିମାୟାମଥୋଦ୍ଵାରିପୁତ୍ରମିଂଦ୍ରଜିତଂତଦା ।
ଵ୍ୟାଦିଦେଶମୟାମାୟଂବହୂଭୀରାକ୍ଷସୈର୍ଭହୁଭିର୍ଵୃତମ୍ ॥ 18 ॥
ଉତରସ୍ୟାଂପୁରଦ୍ଵାରିଵ୍ୟାଦିଶ୍ୟଶୁକସାରଣୌ ।
ସ୍ଵୟଂଚାତ୍ରଗମିଷ୍ୟାମିମଂତ୍ରିଣସ୍ତାନୁଵାଚହ ॥ 19 ॥
ରାକ୍ଷସାଂତୁଵିରୂପାକ୍ଷଂମହାଵୀର୍ୟପରାକ୍ରମମ୍ ।
ମଧ୍ୟମେଽସ୍ଥାପୟଦ୍ଗୁଲ୍ମେବହୁଭିସ୍ସହରାକ୍ଷସୈଃ ॥ 20 ॥
ଏଵଂଵିଧାନଂଲଂକାୟାଂକୃତ୍ଵାରାକ୍ଷସପୁଂଗଵଃ ।
କୃତକୃତ୍ୟମିଵାତ୍ମାନଂମନ୍ୟତେକାଲଚୋଦିତଃ ॥ 21 ॥
ଵିସର୍ଜୟାମାସତତସ୍ସମଂତ୍ରିଣୋଵିଧାନମାଜ୍ଞାପ୍ୟପୁରସ୍ୟପୁଷ୍କଲମ୍ ।
ଜୟାଶିଷାମଂତ୍ରିଗଣେନପୂଜିତୋଵିଵେଶଚାଽଂତଃପୁରମୃଦ୍ଧିମନ୍ମହତ୍ ॥ 22 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଷଟ୍ତ୍ରିଂଶସ୍ସର୍ଗଃ ॥
