ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഷട്ത്രിംശസ്സര്ഗഃ ।
തത്തുമാല്യവതോവാക്യംഹിതമുക്തംദശാനനഃ ।
നമര്ഷയതിദുഷ്ടാത്മാകാലസ്യവശമാഗതഃ ॥ 1 ॥
നബദ് ധ്വാഭ്രുകുടീംവക്ത്രേക്രോധസ്യവശമാഗതഃ ।
അമര്ഷാത്പരിവൃത്താക്ഷോമാല്യവംതമഥാബ്രവീത് ॥ 2 ॥
ഹിതബുധ്യായദഹിതംവചഃപരുഷമുച്യതേ ।
പരപക്ഷംപ്രനിശ്യൈവനൈതച്ച്രോത്രഗതംമമ ॥ 3 ॥
മാനുഷംകൃപണംരാമമേകംശാഖാമൃഗാശ്രയമ് ।
സമര്ഥംമന്യസേകേനത്യക്തംപിത്രാവനാലയമ് ॥ 4 ॥
രക്ഷസാമീശ്വരംമാംചദേവാനാംചഭയംകരമ് ।
ഹീനംമാംമന്യസേകേനഹ്യഹീനംസർവവിക്രമൈഃ ॥ 5 ॥
വീരദ്വേഷേണവാശംകേപക്ഷപാതേനവാരിപോഃ ।
ത്വയാഹംപരുഷാണ്യുക്തഃപരപ്രോത്സാഹനേനവാ ॥ 6 ॥
പ്രഭവംതംപദസ്ഥംഹിപരുഷംകോഽഭിഭാഷതേ ।
പംഡിതശ്ശാസ്ത്രതത്ത്വജ്ഞോവിനാപ്രോത്സാഹനാദ്രിപോഃ ॥ 7 ॥
ആനീയചവനാസതീതാംപദ്മഹീനാമിവശ്രിയമ് ।
കിമര്ഥംപ്രതിദാസ്യാമിരാഘവസ്യഭയാദഹമ് ॥ 8 ॥
വൃതംവാനരകോടീഭിസ്സസുഗ്രീവംസലക്ഷ്മണമ് ।
പശ്യകൈശ്ചിദഹോഭിസ്ത്വംരാഘവംനിഹതംമയാ ॥ 9 ॥
ദ്വംദ്വേയസ്യനതിഷ്ഠംതിദൈവതാന്യപിസംയുഗേ ।
സകസ്മാദ്രാവണോയുദ്ധേഭയമാഹാരയിഷ്യതി ॥ 10 ॥
ദ്വിധാഭജ്യേയമപ്യേവംനനമേയംതുകസ്യചിത് ।
ഏഷമേസഹജോദോഷസ്സ്വഭാവോദുരതിക്രമഃ ॥ 11 ॥
യദിതാവത്സമുദ്രേതുസേതുര്ബദ്ധോയദൃച്ഛയാ ।
രാമേണവിസ്മയഃകോഽത്രയേവമേഭയമാഗതമ് ॥ 12 ॥
സതുതീര്ത്വാര്ണവംരാമസ്സഹവാനരസേനയാ ।
പ്രതിജാനാമിതേസത്യംനജീവന്പ്രതിയാസ്യതി ॥ 13 ॥
ഏവം ബ്രുവാണം സമ്രബ്ധം രുഷ്ടം വിജ്നായ രാവണമ് ।
വ്രീഡിതോ മാല്യവാന് വാക്യം ന ഉത്തരം പ്രത്യപദ്യത ॥ 14 ॥
ജയാശിഷാചരാജാനംവര്ധയിത്വായഥോചിതമ് ।
മാല്യവാനഭ്യനുജ്ഞാതോജഗാമസ്വംനിവേശനമ് ॥ 15 ॥
രാവണസ്തുസഹാമാത്യോമംത്രയിത്വാവിമൃശ്യച ।
ലംകായാമതുലാംഗുപ്തിംകാരയാമാസരാക്ഷസഃ ॥ 16 ॥
വ്യാദിദേശസപൂർവസ്യാംപ്രഹസ്തംദ്വാരിരാക്ഷസമ് ।
ദക്ഷിണസ്യാംമഹാവീര്യൌമഹാപാര്ശ്വമഹാദരൌ ॥ 17 ॥
പശ്ചിമായാമഥോദ്വാരിപുത്രമിംദ്രജിതംതദാ ।
വ്യാദിദേശമയാമായംബഹൂഭീരാക്ഷസൈര്ഭഹുഭിർവൃതമ് ॥ 18 ॥
ഉതരസ്യാംപുരദ്വാരിവ്യാദിശ്യശുകസാരണൌ ।
സ്വയംചാത്രഗമിഷ്യാമിമംത്രിണസ്താനുവാചഹ ॥ 19 ॥
രാക്ഷസാംതുവിരൂപാക്ഷംമഹാവീര്യപരാക്രമമ് ।
മധ്യമേഽസ്ഥാപയദ്ഗുല്മേബഹുഭിസ്സഹരാക്ഷസൈഃ ॥ 20 ॥
ഏവംവിധാനംലംകായാംകൃത്വാരാക്ഷസപുംഗവഃ ।
കൃതകൃത്യമിവാത്മാനംമന്യതേകാലചോദിതഃ ॥ 21 ॥
വിസര്ജയാമാസതതസ്സമംത്രിണോവിധാനമാജ്ഞാപ്യപുരസ്യപുഷ്കലമ് ।
ജയാശിഷാമംത്രിഗണേനപൂജിതോവിവേശചാഽംതഃപുരമൃദ്ധിമന്മഹത് ॥ 22 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഷട്ത്രിംശസ്സര്ഗഃ ॥
