ශ්රීමද්වාල්මීකීය රාමායණේ යුද්ධකාංඩම් ।
අථ ඒකෝනචත්වාරිංශස්සර්ගඃ ।
තාංරාත්රිමුෂිතාස්තත්රසුවේලේහරිපුංගවාඃ ।
ලංකායාංදදෘශුර්වීරාවනාන්යුපවනානිච ॥ 1 ॥
සමසෞම්යානිරම්යාණිවිශාලාන්යායතානිච ।
දෘෂ්ටිරම්යාණිතේදෘෂ්ටවාබභූවුර්ජාතවිස්මයාඃ ॥ 2 ॥
චංපකාශෝකපුන්නාගසාලතාලසමාකුලා ।
තමාලවනසංඡන්නානාගමාලාසමාවෘතා ॥ 3 ॥
හිංතාලෛරර්ජුනෛර්නීපෛස්සප්තපර්ණෛශ්චපුෂ්පිතෛඃ ।
තිලකෛඃකර්ණිකාරෛශ්චපාටලෛශ්චසමංතතඃ ॥ 4 ॥
ශුශුභේපුෂ්පිතාග්රෛශ්චලතාපරිගතෛර්ද්රුමෛඃ ।
ලංකාබහුවිධෛර්දිව්යෛර්යථේංද්රස්යාමරාවතී ॥ 5 ॥
විචිත්රකුසුමෝපේතෛරක්තකෝමලපල්ලවෛඃ ।
ශාද්වලෛශ්චතථානීපෛශ්චිත්රාභිර්වනරාජිභිඃ ॥ 6 ॥
ගංධාඪ්යාන්යභිරම්යාණිපුෂ්පාණිචඵලානිච ।
ධාරයංත්යගමාස්තත්රභූෂණානීවමානවාඃ ॥ 7 ॥
තච්චෛත්රරථසංකාශංමනෝජ්ඤංනංදනෝපමම් ।
වනංසර්වරර්තුකංරම්යංශුශුභේෂටපදායුතම් ॥ 8 ॥
නත්යූහකෝයෂ්ටිමකෛර්නෘත්යමානෛශ්චබර්හිභි ।
රුතංපරභෘතානාංචශුශ්රුවුර්වන්නිර්ඣරේ ॥ 9 ॥
නිත්යමත්තවිහංගානිභ්රමරාචරිතානිච ।
කෝකිලාකුලෂංඩානිවිහගාභිරුතානිච ॥ 10 ॥
භෘංගරාජාභිගීතානිභ්රමරෛස්සේවිතානිච ।
කෝණාලකවිඝුෂ්ටානිසාරසාභිරුතානිච ॥ 11 ॥
විවිශුස්තේතතස්තානිවනාන්යුපවනානිච ।
හෘෂ්ටාඃප්රමුදිතාවීරාහරයඃකාමරූපිණඃ ॥ 12 ॥
තේෂාංප්රවිශතාංතත්රවානරාණාංමහෞජසාම් ।
පුෂ්පසංසර්ගසුරභිර්වවෞඝ්රාණසුඛෝऽනිලඃ ॥ 13 ॥
අන්යේතුහරිවීරාණාංයූථාන්නිෂ්ක්රම්යයූථපාඃ ।
සුග්රීවේණාභ්යනුජ්ඤාතාලංකාංජග්මුඃපතාකිනීම් ॥ 14 ॥
විත්රාසයංතෝවිහගාංස්ත්රාසයංතෝමෘගද්විපාන් ।
කංපයංතශ්චතාංලංකාංනාදෛස්තේනදතාංවරාඃ ॥ 15 ॥
කුර්වංතස්තේමහාවේගාමහීංචරණපීඩිතාම් ।
රජශ්චසහසෛවෝර්ථ්වංජගාමචරණෝත්ථිතම් ॥ 16 ॥
ඍක්ෂාස්සිංහාවරාහාශ්චමහිෂාවාරණාමෘගාඃ ।
තේනශබ්දේනවිත්රස්තාජග්මුර්භීතාදිශෝදශ ॥ 17 ॥
ශිඛරංතත්ත්රිකූටස්යප්රාංශුචෛකංදිවිස්පෘශම් ।
සමංතාත්පුෂ්පසංංඡන්නංමහාරජතසන්නිභම් ॥ 18 ॥
ශතයෝජනවිස්තීර්ණංවිමලංචාරුදර්ශනම් ।
ශ්ලක්ෂ්ණංශ්රීමන්මහච්ඡෛවදුෂ්ප්රාපංශකුනෛරපි ॥ 19 ॥
මනසාऽපිදුරාරෝහංකිංපුනඃකර්මණාජනෛඃ ।
නිවිෂ්ටාතත්රශිඛරේලංකාරාවණපාලිතා ॥ 20 ॥
ශතයෝජනවිස්තීර්ණාත්රිංශද්යෝජනමායතා ।
සාපුරීගෝපුරෛරුච්චෛඃපාංඩුරාංබුදසන්නිභෛඃ ।
කාංචනේනචශාලේනරාජතේනචශෝභතේ ॥ 21 ॥
ප්රාසාදෛශ්චවිමානෛශ්චලංකාපරමභූෂිතා ।
ඝනෛරිවාऽතපාපායේමධ්යමංවෛෂ්ණවංපදම් ॥ 22 ॥
යස්යාංස්තංභසහස්රේණප්රාසාදස්සමලංකෘතඃ ।
කෛලාසශිඛරාකාරෝදෘශ්යතේඛමිවෝලලිඛන් ॥ 23 ॥
චෛත්යස්සරාක්ෂසේංද්රස්යබභූවපුරභූෂණම් ।
ශතේනරක්ෂසාංනිත්යංයස්සමග්රේණරක්ෂ්යතේ ॥ 24 ॥
මනෝජ්ඤාං කාංචනවතීං සර්වතෛරුපශෝභිතාම් ।
නානාධාතුවිචිත්රෛශ්ච උද්යානෛරුපශෝභිතාම් ॥ 25 ॥
නානාවිහංගාසංඝුෂ්ටාංනානාමෘගනිෂේවිතාම් ।
නානාකුසුමසංඡන්නාංනානාරාක්ෂසසේවිතාම් ॥ 26 ॥
තාංසමෘද්ධාංසමෘද්ධාර්ධාංලක්ෂ්මීනාන්ලක්ෂ්මණාග්රජඃ ।
රාවණස්යපුරීංරාමෝදදර්ශසහවානරෛඃ ॥ 27 ॥
තාංමහාගෘහසංබාධාංදෘෂ්ටවාලක්ෂ්මණපූර්වජඃ ।
නගරීමමරප්රඛ්යෝවිස්මයංප්රාප්යවීර්යවාන් ॥ 28 ॥
තාංරත්නපූර්ණාංබහුසංවිධානාංප්රාසාදමාලාභිරලංකෘතාංච ।
පුරීංමහායංත්රකවාටමුඛ්යාංදදර්ශරාමෝමහතාබලේන ॥ 29 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකෝනචත්වාරිංශස්සර්ගඃ ॥
