শ্রীমদ্বাল্মীকীয রামাযণে যুদ্ধকাংডম্ ।
অথ একোনচত্বারিংশস্সর্গঃ ।
তাংরাত্রিমুষিতাস্তত্রসুবেলেহরিপুংগবাঃ ।
লংকাযাংদদৃশুর্বীরাবনান্যুপবনানিচ ॥ 1 ॥
সমসৌম্যানিরম্যাণিবিশালান্যাযতানিচ ।
দৃষ্টিরম্যাণিতেদৃষ্টবাবভূবুর্জাতবিস্মযাঃ ॥ 2 ॥
চংপকাশোকপুন্নাগসালতালসমাকুলা ।
তমালবনসংছন্নানাগমালাসমাবৃতা ॥ 3 ॥
হিংতালৈরর্জুনৈর্নীপৈস্সপ্তপর্ণৈশ্চপুষ্পিতৈঃ ।
তিলকৈঃকর্ণিকারৈশ্চপাটলৈশ্চসমংততঃ ॥ 4 ॥
শুশুভেপুষ্পিতাগ্রৈশ্চলতাপরিগতৈর্দ্রুমৈঃ ।
লংকাবহুবিধৈর্দিব্যৈর্যথেংদ্রস্যামরাবতী ॥ 5 ॥
বিচিত্রকুসুমোপেতৈরক্তকোমলপল্লবৈঃ ।
শাদ্বলৈশ্চতথানীপৈশ্চিত্রাভির্বনরাজিভিঃ ॥ 6 ॥
গংধাঢ্যান্যভিরম্যাণিপুষ্পাণিচফলানিচ ।
ধারযংত্যগমাস্তত্রভূষণানীবমানবাঃ ॥ 7 ॥
তচ্চৈত্ররথসংকাশংমনোজ্ঞংনংদনোপমম্ ।
বনংসর্বরর্তুকংরম্যংশুশুভেষটপদাযুতম্ ॥ 8 ॥
নত্যূহকোযষ্টিমকৈর্নৃত্যমানৈশ্চবর্হিভি ।
রুতংপরভৃতানাংচশুশ্রুবুর্বন্নির্ঝরে ॥ 9 ॥
নিত্যমত্তবিহংগানিভ্রমরাচরিতানিচ ।
কোকিলাকুলষংডানিবিহগাভিরুতানিচ ॥ 10 ॥
ভৃংগরাজাভিগীতানিভ্রমরৈস্সেবিতানিচ ।
কোণালকবিঘুষ্টানিসারসাভিরুতানিচ ॥ 11 ॥
বিবিশুস্তেততস্তানিবনান্যুপবনানিচ ।
হৃষ্টাঃপ্রমুদিতাবীরাহরযঃকামরূপিণঃ ॥ 12 ॥
তেষাংপ্রবিশতাংতত্রবানরাণাংমহৌজসাম্ ।
পুষ্পসংসর্গসুরভির্ববৌঘ্রাণসুখোঽনিলঃ ॥ 13 ॥
অন্যেতুহরিবীরাণাংযূথান্নিষ্ক্রম্যযূথপাঃ ।
সুগ্রীবেণাভ্যনুজ্ঞাতালংকাংজগ্মুঃপতাকিনীম্ ॥ 14 ॥
বিত্রাসযংতোবিহগাংস্ত্রাসযংতোমৃগদ্বিপান্ ।
কংপযংতশ্চতাংলংকাংনাদৈস্তেনদতাংবরাঃ ॥ 15 ॥
কুর্বংতস্তেমহাবেগামহীংচরণপীডিতাম্ ।
রজশ্চসহসৈবোর্থ্বংজগামচরণোত্থিতম্ ॥ 16 ॥
ঋক্ষাস্সিংহাবরাহাশ্চমহিষাবারণামৃগাঃ ।
তেনশব্দেনবিত্রস্তাজগ্মুর্ভীতাদিশোদশ ॥ 17 ॥
শিখরংতত্ত্রিকূটস্যপ্রাংশুচৈকংদিবিস্পৃশম্ ।
সমংতাত্পুষ্পসংংছন্নংমহারজতসন্নিভম্ ॥ 18 ॥
শতযোজনবিস্তীর্ণংবিমলংচারুদর্শনম্ ।
শ্লক্ষ্ণংশ্রীমন্মহচ্ছৈবদুষ্প্রাপংশকুনৈরপি ॥ 19 ॥
মনসাঽপিদুরারোহংকিংপুনঃকর্মণাজনৈঃ ।
নিবিষ্টাতত্রশিখরেলংকারাবণপালিতা ॥ 20 ॥
শতযোজনবিস্তীর্ণাত্রিংশদ্যোজনমাযতা ।
সাপুরীগোপুরৈরুচ্চৈঃপাংডুরাংবুদসন্নিভৈঃ ।
কাংচনেনচশালেনরাজতেনচশোভতে ॥ 21 ॥
প্রাসাদৈশ্চবিমানৈশ্চলংকাপরমভূষিতা ।
ঘনৈরিবাঽতপাপাযেমধ্যমংবৈষ্ণবংপদম্ ॥ 22 ॥
যস্যাংস্তংভসহস্রেণপ্রাসাদস্সমলংকৃতঃ ।
কৈলাসশিখরাকারোদৃশ্যতেখমিবোললিখন্ ॥ 23 ॥
চৈত্যস্সরাক্ষসেংদ্রস্যবভূবপুরভূষণম্ ।
শতেনরক্ষসাংনিত্যংযস্সমগ্রেণরক্ষ্যতে ॥ 24 ॥
মনোজ্ঞাং কাংচনবতীং সর্বতৈরুপশোভিতাম্ ।
নানাধাতুবিচিত্রৈশ্চ উদ্যানৈরুপশোভিতাম্ ॥ 25 ॥
নানাবিহংগাসংঘুষ্টাংনানামৃগনিষেবিতাম্ ।
নানাকুসুমসংছন্নাংনানারাক্ষসসেবিতাম্ ॥ 26 ॥
তাংসমৃদ্ধাংসমৃদ্ধার্ধাংলক্ষ্মীনান্লক্ষ্মণাগ্রজঃ ।
রাবণস্যপুরীংরামোদদর্শসহবানরৈঃ ॥ 27 ॥
তাংমহাগৃহসংবাধাংদৃষ্টবালক্ষ্মণপূর্বজঃ ।
নগরীমমরপ্রখ্যোবিস্মযংপ্রাপ্যবীর্যবান্ ॥ 28 ॥
তাংরত্নপূর্ণাংবহুসংবিধানাংপ্রাসাদমালাভিরলংকৃতাংচ ।
পুরীংমহাযংত্রকবাটমুখ্যাংদদর্শরামোমহতাবলেন ॥ 29 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একোনচত্বারিংশস্সর্গঃ ॥
