ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഏകോനചത്വാരിംശസ്സര്ഗഃ ।
താംരാത്രിമുഷിതാസ്തത്രസുവേലേഹരിപുംഗവാഃ ।
ലംകായാംദദൃശുർവീരാവനാന്യുപവനാനിച ॥ 1 ॥
സമസൌമ്യാനിരമ്യാണിവിശാലാന്യായതാനിച ।
ദൃഷ്ടിരമ്യാണിതേദൃഷ്ടവാബഭൂവുര്ജാതവിസ്മയാഃ ॥ 2 ॥
ചംപകാശോകപുന്നാഗസാലതാലസമാകുലാ ।
തമാലവനസംഛന്നാനാഗമാലാസമാവൃതാ ॥ 3 ॥
ഹിംതാലൈരര്ജുനൈര്നീപൈസ്സപ്തപര്ണൈശ്ചപുഷ്പിതൈഃ ।
തിലകൈഃകര്ണികാരൈശ്ചപാടലൈശ്ചസമംതതഃ ॥ 4 ॥
ശുശുഭേപുഷ്പിതാഗ്രൈശ്ചലതാപരിഗതൈര്ദ്രുമൈഃ ।
ലംകാബഹുവിധൈര്ദിവ്യൈര്യഥേംദ്രസ്യാമരാവതീ ॥ 5 ॥
വിചിത്രകുസുമോപേതൈരക്തകോമലപല്ലവൈഃ ।
ശാദ്വലൈശ്ചതഥാനീപൈശ്ചിത്രാഭിർവനരാജിഭിഃ ॥ 6 ॥
ഗംധാഢ്യാന്യഭിരമ്യാണിപുഷ്പാണിചഫലാനിച ।
ധാരയംത്യഗമാസ്തത്രഭൂഷണാനീവമാനവാഃ ॥ 7 ॥
തച്ചൈത്രരഥസംകാശംമനോജ്ഞംനംദനോപമമ് ।
വനംസർവരര്തുകംരമ്യംശുശുഭേഷടപദായുതമ് ॥ 8 ॥
നത്യൂഹകോയഷ്ടിമകൈര്നൃത്യമാനൈശ്ചബര്ഹിഭി ।
രുതംപരഭൃതാനാംചശുശ്രുവുർവന്നിര്ഝരേ ॥ 9 ॥
നിത്യമത്തവിഹംഗാനിഭ്രമരാചരിതാനിച ।
കോകിലാകുലഷംഡാനിവിഹഗാഭിരുതാനിച ॥ 10 ॥
ഭൃംഗരാജാഭിഗീതാനിഭ്രമരൈസ്സേവിതാനിച ।
കോണാലകവിഘുഷ്ടാനിസാരസാഭിരുതാനിച ॥ 11 ॥
വിവിശുസ്തേതതസ്താനിവനാന്യുപവനാനിച ।
ഹൃഷ്ടാഃപ്രമുദിതാവീരാഹരയഃകാമരൂപിണഃ ॥ 12 ॥
തേഷാംപ്രവിശതാംതത്രവാനരാണാംമഹൌജസാമ് ।
പുഷ്പസംസര്ഗസുരഭിർവവൌഘ്രാണസുഖോഽനിലഃ ॥ 13 ॥
അന്യേതുഹരിവീരാണാംയൂഥാന്നിഷ്ക്രമ്യയൂഥപാഃ ।
സുഗ്രീവേണാഭ്യനുജ്ഞാതാലംകാംജഗ്മുഃപതാകിനീമ് ॥ 14 ॥
വിത്രാസയംതോവിഹഗാംസ്ത്രാസയംതോമൃഗദ്വിപാന് ।
കംപയംതശ്ചതാംലംകാംനാദൈസ്തേനദതാംവരാഃ ॥ 15 ॥
കുർവംതസ്തേമഹാവേഗാമഹീംചരണപീഡിതാമ് ।
രജശ്ചസഹസൈവോര്ഥ്വംജഗാമചരണോത്ഥിതമ് ॥ 16 ॥
ഋക്ഷാസ്സിംഹാവരാഹാശ്ചമഹിഷാവാരണാമൃഗാഃ ।
തേനശബ്ദേനവിത്രസ്താജഗ്മുര്ഭീതാദിശോദശ ॥ 17 ॥
ശിഖരംതത്ത്രികൂടസ്യപ്രാംശുചൈകംദിവിസ്പൃശമ് ।
സമംതാത്പുഷ്പസംംഛന്നംമഹാരജതസന്നിഭമ് ॥ 18 ॥
ശതയോജനവിസ്തീര്ണംവിമലംചാരുദര്ശനമ് ।
ശ്ലക്ഷ്ണംശ്രീമന്മഹച്ഛൈവദുഷ്പ്രാപംശകുനൈരപി ॥ 19 ॥
മനസാഽപിദുരാരോഹംകിംപുനഃകര്മണാജനൈഃ ।
നിവിഷ്ടാതത്രശിഖരേലംകാരാവണപാലിതാ ॥ 20 ॥
ശതയോജനവിസ്തീര്ണാത്രിംശദ്യോജനമായതാ ।
സാപുരീഗോപുരൈരുച്ചൈഃപാംഡുരാംബുദസന്നിഭൈഃ ।
കാംചനേനചശാലേനരാജതേനചശോഭതേ ॥ 21 ॥
പ്രാസാദൈശ്ചവിമാനൈശ്ചലംകാപരമഭൂഷിതാ ।
ഘനൈരിവാഽതപാപായേമധ്യമംവൈഷ്ണവംപദമ് ॥ 22 ॥
യസ്യാംസ്തംഭസഹസ്രേണപ്രാസാദസ്സമലംകൃതഃ ।
കൈലാസശിഖരാകാരോദൃശ്യതേഖമിവോലലിഖന് ॥ 23 ॥
ചൈത്യസ്സരാക്ഷസേംദ്രസ്യബഭൂവപുരഭൂഷണമ് ।
ശതേനരക്ഷസാംനിത്യംയസ്സമഗ്രേണരക്ഷ്യതേ ॥ 24 ॥
മനോജ്ഞാം കാംചനവതീം സർവതൈരുപശോഭിതാമ് ।
നാനാധാതുവിചിത്രൈശ്ച ഉദ്യാനൈരുപശോഭിതാമ് ॥ 25 ॥
നാനാവിഹംഗാസംഘുഷ്ടാംനാനാമൃഗനിഷേവിതാമ് ।
നാനാകുസുമസംഛന്നാംനാനാരാക്ഷസസേവിതാമ് ॥ 26 ॥
താംസമൃദ്ധാംസമൃദ്ധാര്ധാംലക്ഷ്മീനാന്ലക്ഷ്മണാഗ്രജഃ ।
രാവണസ്യപുരീംരാമോദദര്ശസഹവാനരൈഃ ॥ 27 ॥
താംമഹാഗൃഹസംബാധാംദൃഷ്ടവാലക്ഷ്മണപൂർവജഃ ।
നഗരീമമരപ്രഖ്യോവിസ്മയംപ്രാപ്യവീര്യവാന് ॥ 28 ॥
താംരത്നപൂര്ണാംബഹുസംവിധാനാംപ്രാസാദമാലാഭിരലംകൃതാംച ।
പുരീംമഹായംത്രകവാടമുഖ്യാംദദര്ശരാമോമഹതാബലേന ॥ 29 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഏകോനചത്വാരിംശസ്സര്ഗഃ ॥
