𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌾𑌂𑌰𑌾𑌤𑍍𑌰𑌿𑌮𑍁𑌷𑌿𑌤𑌾𑌸𑍍𑌤𑌤𑍍𑌰𑌸𑍁𑌵𑍇𑌲𑍇𑌹𑌰𑌿𑌪𑍁𑌂𑌗𑌵𑌾𑌃 ।
𑌲𑌂𑌕𑌾𑌯𑌾𑌂𑌦𑌦𑍃𑌶𑍁𑌰𑍍𑌵𑍀𑌰𑌾𑌵𑌨𑌾𑌨𑍍𑌯𑍁𑌪𑌵𑌨𑌾𑌨𑌿𑌚 ॥ 1 ॥
𑌸𑌮𑌸𑍌𑌮𑍍𑌯𑌾𑌨𑌿𑌰𑌮𑍍𑌯𑌾𑌣𑌿𑌵𑌿𑌶𑌾𑌲𑌾𑌨𑍍𑌯𑌾𑌯𑌤𑌾𑌨𑌿𑌚 ।
𑌦𑍃𑌷𑍍𑌟𑌿𑌰𑌮𑍍𑌯𑌾𑌣𑌿𑌤𑍇𑌦𑍃𑌷𑍍𑌟𑌵𑌾𑌬𑌭𑍂𑌵𑍁𑌰𑍍𑌜𑌾𑌤𑌵𑌿𑌸𑍍𑌮𑌯𑌾𑌃 ॥ 2 ॥
𑌚𑌂𑌪𑌕𑌾𑌶𑍋𑌕𑌪𑍁𑌨𑍍𑌨𑌾𑌗𑌸𑌾𑌲𑌤𑌾𑌲𑌸𑌮𑌾𑌕𑍁𑌲𑌾 ।
𑌤𑌮𑌾𑌲𑌵𑌨𑌸𑌂𑌛𑌨𑍍𑌨𑌾𑌨𑌾𑌗𑌮𑌾𑌲𑌾𑌸𑌮𑌾𑌵𑍃𑌤𑌾 ॥ 3 ॥
𑌹𑌿𑌂𑌤𑌾𑌲𑍈𑌰𑌰𑍍𑌜𑍁𑌨𑍈𑌰𑍍𑌨𑍀𑌪𑍈𑌸𑍍𑌸𑌪𑍍𑌤𑌪𑌰𑍍𑌣𑍈𑌶𑍍𑌚𑌪𑍁𑌷𑍍𑌪𑌿𑌤𑍈𑌃 ।
𑌤𑌿𑌲𑌕𑍈𑌃𑌕𑌰𑍍𑌣𑌿𑌕𑌾𑌰𑍈𑌶𑍍𑌚𑌪𑌾𑌟𑌲𑍈𑌶𑍍𑌚𑌸𑌮𑌂𑌤𑌤𑌃 ॥ 4 ॥
𑌶𑍁𑌶𑍁𑌭𑍇𑌪𑍁𑌷𑍍𑌪𑌿𑌤𑌾𑌗𑍍𑌰𑍈𑌶𑍍𑌚𑌲𑌤𑌾𑌪𑌰𑌿𑌗𑌤𑍈𑌰𑍍𑌦𑍍𑌰𑍁𑌮𑍈𑌃 ।
𑌲𑌂𑌕𑌾𑌬𑌹𑍁𑌵𑌿𑌧𑍈𑌰𑍍𑌦𑌿𑌵𑍍𑌯𑍈𑌰𑍍𑌯𑌥𑍇𑌂𑌦𑍍𑌰𑌸𑍍𑌯𑌾𑌮𑌰𑌾𑌵𑌤𑍀 ॥ 5 ॥
𑌵𑌿𑌚𑌿𑌤𑍍𑌰𑌕𑍁𑌸𑍁𑌮𑍋𑌪𑍇𑌤𑍈𑌰𑌕𑍍𑌤𑌕𑍋𑌮𑌲𑌪𑌲𑍍𑌲𑌵𑍈𑌃 ।
𑌶𑌾𑌦𑍍𑌵𑌲𑍈𑌶𑍍𑌚𑌤𑌥𑌾𑌨𑍀𑌪𑍈𑌶𑍍𑌚𑌿𑌤𑍍𑌰𑌾𑌭𑌿𑌰𑍍𑌵𑌨𑌰𑌾𑌜𑌿𑌭𑌿𑌃 ॥ 6 ॥
𑌗𑌂𑌧𑌾𑌢𑍍𑌯𑌾𑌨𑍍𑌯𑌭𑌿𑌰𑌮𑍍𑌯𑌾𑌣𑌿𑌪𑍁𑌷𑍍𑌪𑌾𑌣𑌿𑌚𑌫𑌲𑌾𑌨𑌿𑌚 ।
𑌧𑌾𑌰𑌯𑌂𑌤𑍍𑌯𑌗𑌮𑌾𑌸𑍍𑌤𑌤𑍍𑌰𑌭𑍂𑌷𑌣𑌾𑌨𑍀𑌵𑌮𑌾𑌨𑌵𑌾𑌃 ॥ ॥
𑌤𑌚𑍍𑌚𑍈𑌤𑍍𑌰𑌰𑌥𑌸𑌂𑌕𑌾𑌶𑌂𑌮𑌨𑍋𑌜𑍍𑌞𑌂𑌨𑌂𑌦𑌨𑍋𑌪𑌮𑌮𑍍 ।
𑌵𑌨𑌂𑌸𑌰𑍍𑌵𑌰𑌰𑍍𑌤𑍁𑌕𑌂𑌰𑌮𑍍𑌯𑌂𑌶𑍁𑌶𑍁𑌭𑍇𑌷𑌟𑌪𑌦𑌾𑌯𑍁𑌤𑌮𑍍 ॥ ॥
𑌨𑌤𑍍𑌯𑍂𑌹𑌕𑍋𑌯𑌷𑍍𑌟𑌿𑌮𑌕𑍈𑌰𑍍𑌨𑍃𑌤𑍍𑌯𑌮𑌾𑌨𑍈𑌶𑍍𑌚𑌬𑌰𑍍𑌹𑌿𑌭𑌿 ।
𑌰𑍁𑌤𑌂𑌪𑌰𑌭𑍃𑌤𑌾𑌨𑌾𑌂𑌚𑌶𑍁𑌶𑍍𑌰𑍁𑌵𑍁𑌰𑍍𑌵𑌨𑍍𑌨𑌿𑌰𑍍𑌝𑌰𑍇 ॥ ॥
𑌨𑌿𑌤𑍍𑌯𑌮𑌤𑍍𑌤𑌵𑌿𑌹𑌂𑌗𑌾𑌨𑌿𑌭𑍍𑌰𑌮𑌰𑌾𑌚𑌰𑌿𑌤𑌾𑌨𑌿𑌚 ।
𑌕𑍋𑌕𑌿𑌲𑌾𑌕𑍁𑌲𑌷𑌂𑌡𑌾𑌨𑌿𑌵𑌿𑌹𑌗𑌾𑌭𑌿𑌰𑍁𑌤𑌾𑌨𑌿𑌚 ॥ 10 ॥
𑌭𑍃𑌂𑌗𑌰𑌾𑌜𑌾𑌭𑌿𑌗𑍀𑌤𑌾𑌨𑌿𑌭𑍍𑌰𑌮𑌰𑍈𑌸𑍍𑌸𑍇𑌵𑌿𑌤𑌾𑌨𑌿𑌚 ।
𑌕𑍋𑌣𑌾𑌲𑌕𑌵𑌿𑌘𑍁𑌷𑍍𑌟𑌾𑌨𑌿𑌸𑌾𑌰𑌸𑌾𑌭𑌿𑌰𑍁𑌤𑌾𑌨𑌿𑌚 ॥ 11 ॥
𑌵𑌿𑌵𑌿𑌶𑍁𑌸𑍍𑌤𑍇𑌤𑌤𑌸𑍍𑌤𑌾𑌨𑌿𑌵𑌨𑌾𑌨𑍍𑌯𑍁𑌪𑌵𑌨𑌾𑌨𑌿𑌚 ।
𑌹𑍃𑌷𑍍𑌟𑌾𑌃𑌪𑍍𑌰𑌮𑍁𑌦𑌿𑌤𑌾𑌵𑍀𑌰𑌾𑌹𑌰𑌯𑌃𑌕𑌾𑌮𑌰𑍂𑌪𑌿𑌣𑌃 ॥ 12 ॥
𑌤𑍇𑌷𑌾𑌂𑌪𑍍𑌰𑌵𑌿𑌶𑌤𑌾𑌂𑌤𑌤𑍍𑌰𑌵𑌾𑌨𑌰𑌾𑌣𑌾𑌂𑌮𑌹𑍌𑌜𑌸𑌾𑌮𑍍 ।
𑌪𑍁𑌷𑍍𑌪𑌸𑌂𑌸𑌰𑍍𑌗𑌸𑍁𑌰𑌭𑌿𑌰𑍍𑌵𑌵𑍌𑌘𑍍𑌰𑌾𑌣𑌸𑍁𑌖𑍋𑌽𑌨𑌿𑌲𑌃 ॥ 13 ॥
𑌅𑌨𑍍𑌯𑍇𑌤𑍁𑌹𑌰𑌿𑌵𑍀𑌰𑌾𑌣𑌾𑌂𑌯𑍂𑌥𑌾𑌨𑍍𑌨𑌿𑌷𑍍𑌕𑍍𑌰𑌮𑍍𑌯𑌯𑍂𑌥𑌪𑌾𑌃 ।
𑌸𑍁𑌗𑍍𑌰𑍀𑌵𑍇𑌣𑌾𑌭𑍍𑌯𑌨𑍁𑌜𑍍𑌞𑌾𑌤𑌾𑌲𑌂𑌕𑌾𑌂𑌜𑌗𑍍𑌮𑍁𑌃𑌪𑌤𑌾𑌕𑌿𑌨𑍀𑌮𑍍 ॥ 14 ॥
𑌵𑌿𑌤𑍍𑌰𑌾𑌸𑌯𑌂𑌤𑍋𑌵𑌿𑌹𑌗𑌾𑌂𑌸𑍍𑌤𑍍𑌰𑌾𑌸𑌯𑌂𑌤𑍋𑌮𑍃𑌗𑌦𑍍𑌵𑌿𑌪𑌾𑌨𑍍 ।
𑌕𑌂𑌪𑌯𑌂𑌤𑌶𑍍𑌚𑌤𑌾𑌂𑌲𑌂𑌕𑌾𑌂𑌨𑌾𑌦𑍈𑌸𑍍𑌤𑍇𑌨𑌦𑌤𑌾𑌂𑌵𑌰𑌾𑌃 ॥ 15 ॥
𑌕𑍁𑌰𑍍𑌵𑌂𑌤𑌸𑍍𑌤𑍇𑌮𑌹𑌾𑌵𑍇𑌗𑌾𑌮𑌹𑍀𑌂𑌚𑌰𑌣𑌪𑍀𑌡𑌿𑌤𑌾𑌮𑍍 ।
𑌰𑌜𑌶𑍍𑌚𑌸𑌹𑌸𑍈𑌵𑍋𑌰𑍍𑌥𑍍𑌵𑌂𑌜𑌗𑌾𑌮𑌚𑌰𑌣𑍋𑌤𑍍𑌥𑌿𑌤𑌮𑍍 ॥ 16 ॥
𑌋𑌕𑍍𑌷𑌾𑌸𑍍𑌸𑌿𑌂𑌹𑌾𑌵𑌰𑌾𑌹𑌾𑌶𑍍𑌚𑌮𑌹𑌿𑌷𑌾𑌵𑌾𑌰𑌣𑌾𑌮𑍃𑌗𑌾𑌃 ।
𑌤𑍇𑌨𑌶𑌬𑍍𑌦𑍇𑌨𑌵𑌿𑌤𑍍𑌰𑌸𑍍𑌤𑌾𑌜𑌗𑍍𑌮𑍁𑌰𑍍𑌭𑍀𑌤𑌾𑌦𑌿𑌶𑍋𑌦𑌶 ॥ 1 ॥
𑌶𑌿𑌖𑌰𑌂𑌤𑌤𑍍𑌤𑍍𑌰𑌿𑌕𑍂𑌟𑌸𑍍𑌯𑌪𑍍𑌰𑌾𑌂𑌶𑍁𑌚𑍈𑌕𑌂𑌦𑌿𑌵𑌿𑌸𑍍𑌪𑍃𑌶𑌮𑍍 ।
𑌸𑌮𑌂𑌤𑌾𑌤𑍍𑌪𑍁𑌷𑍍𑌪𑌸𑌂𑌂𑌛𑌨𑍍𑌨𑌂𑌮𑌹𑌾𑌰𑌜𑌤𑌸𑌨𑍍𑌨𑌿𑌭𑌮𑍍 ॥ 1 ॥
𑌶𑌤𑌯𑍋𑌜𑌨𑌵𑌿𑌸𑍍𑌤𑍀𑌰𑍍𑌣𑌂𑌵𑌿𑌮𑌲𑌂𑌚𑌾𑌰𑍁𑌦𑌰𑍍𑌶𑌨𑌮𑍍 ।
𑌶𑍍𑌲𑌕𑍍𑌷𑍍𑌣𑌂𑌶𑍍𑌰𑍀𑌮𑌨𑍍𑌮𑌹𑌚𑍍𑌛𑍈𑌵𑌦𑍁𑌷𑍍𑌪𑍍𑌰𑌾𑌪𑌂𑌶𑌕𑍁𑌨𑍈𑌰𑌪𑌿 ॥ 1 ॥
𑌮𑌨𑌸𑌾𑌽𑌪𑌿𑌦𑍁𑌰𑌾𑌰𑍋𑌹𑌂𑌕𑌿𑌂𑌪𑍁𑌨𑌃𑌕𑌰𑍍𑌮𑌣𑌾𑌜𑌨𑍈𑌃 ।
𑌨𑌿𑌵𑌿𑌷𑍍𑌟𑌾𑌤𑌤𑍍𑌰𑌶𑌿𑌖𑌰𑍇𑌲𑌂𑌕𑌾𑌰𑌾𑌵𑌣𑌪𑌾𑌲𑌿𑌤𑌾 ॥ 20 ॥
𑌶𑌤𑌯𑍋𑌜𑌨𑌵𑌿𑌸𑍍𑌤𑍀𑌰𑍍𑌣𑌾𑌤𑍍𑌰𑌿𑌂𑌶𑌦𑍍𑌯𑍋𑌜𑌨𑌮𑌾𑌯𑌤𑌾 ।
𑌸𑌾𑌪𑍁𑌰𑍀𑌗𑍋𑌪𑍁𑌰𑍈𑌰𑍁𑌚𑍍𑌚𑍈𑌃𑌪𑌾𑌂𑌡𑍁𑌰𑌾𑌂𑌬𑍁𑌦𑌸𑌨𑍍𑌨𑌿𑌭𑍈𑌃 ।
𑌕𑌾𑌂𑌚𑌨𑍇𑌨𑌚𑌶𑌾𑌲𑍇𑌨𑌰𑌾𑌜𑌤𑍇𑌨𑌚𑌶𑍋𑌭𑌤𑍇 ॥ 21 ॥
𑌪𑍍𑌰𑌾𑌸𑌾𑌦𑍈𑌶𑍍𑌚𑌵𑌿𑌮𑌾𑌨𑍈𑌶𑍍𑌚𑌲𑌂𑌕𑌾𑌪𑌰𑌮𑌭𑍂𑌷𑌿𑌤𑌾 ।
𑌘𑌨𑍈𑌰𑌿𑌵𑌾𑌽𑌤𑌪𑌾𑌪𑌾𑌯𑍇𑌮𑌧𑍍𑌯𑌮𑌂𑌵𑍈𑌷𑍍𑌣𑌵𑌂𑌪𑌦𑌮𑍍 ॥ 22 ॥
𑌯𑌸𑍍𑌯𑌾𑌂𑌸𑍍𑌤𑌂𑌭𑌸𑌹𑌸𑍍𑌰𑍇𑌣𑌪𑍍𑌰𑌾𑌸𑌾𑌦𑌸𑍍𑌸𑌮𑌲𑌂𑌕𑍃𑌤𑌃 ।
𑌕𑍈𑌲𑌾𑌸𑌶𑌿𑌖𑌰𑌾𑌕𑌾𑌰𑍋𑌦𑍃𑌶𑍍𑌯𑌤𑍇𑌖𑌮𑌿𑌵𑍋𑌲𑌲𑌿𑌖𑌨𑍍 ॥ 23 ॥
𑌚𑍈𑌤𑍍𑌯𑌸𑍍𑌸𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌬𑌭𑍂𑌵𑌪𑍁𑌰𑌭𑍂𑌷𑌣𑌮𑍍 ।
𑌶𑌤𑍇𑌨𑌰𑌕𑍍𑌷𑌸𑌾𑌂𑌨𑌿𑌤𑍍𑌯𑌂𑌯𑌸𑍍𑌸𑌮𑌗𑍍𑌰𑍇𑌣𑌰𑌕𑍍𑌷𑍍𑌯𑌤𑍇 ॥ 24 ॥
𑌮𑌨𑍋𑌜𑍍𑌞𑌾𑌂 𑌕𑌾𑌂𑌚𑌨𑌵𑌤𑍀𑌂 𑌸𑌰𑍍𑌵𑌤𑍈𑌰𑍁𑌪𑌶𑍋𑌭𑌿𑌤𑌾𑌮𑍍 ।
𑌨𑌾𑌨𑌾𑌧𑌾𑌤𑍁𑌵𑌿𑌚𑌿𑌤𑍍𑌰𑍈𑌶𑍍𑌚 𑌉𑌦𑍍𑌯𑌾𑌨𑍈𑌰𑍁𑌪𑌶𑍋𑌭𑌿𑌤𑌾𑌮𑍍 ॥ 25 ॥
𑌨𑌾𑌨𑌾𑌵𑌿𑌹𑌂𑌗𑌾𑌸𑌂𑌘𑍁𑌷𑍍𑌟𑌾𑌂𑌨𑌾𑌨𑌾𑌮𑍃𑌗𑌨𑌿𑌷𑍇𑌵𑌿𑌤𑌾𑌮𑍍 ।
𑌨𑌾𑌨𑌾𑌕𑍁𑌸𑍁𑌮𑌸𑌂𑌛𑌨𑍍𑌨𑌾𑌂𑌨𑌾𑌨𑌾𑌰𑌾𑌕𑍍𑌷𑌸𑌸𑍇𑌵𑌿𑌤𑌾𑌮𑍍 ॥ 26 ॥
𑌤𑌾𑌂𑌸𑌮𑍃𑌦𑍍𑌧𑌾𑌂𑌸𑌮𑍃𑌦𑍍𑌧𑌾𑌰𑍍𑌧𑌾𑌂𑌲𑌕𑍍𑌷𑍍𑌮𑍀𑌨𑌾𑌨𑍍𑌲𑌕𑍍𑌷𑍍𑌮𑌣𑌾𑌗𑍍𑌰𑌜𑌃 ।
𑌰𑌾𑌵𑌣𑌸𑍍𑌯𑌪𑍁𑌰𑍀𑌂𑌰𑌾𑌮𑍋𑌦𑌦𑌰𑍍𑌶𑌸𑌹𑌵𑌾𑌨𑌰𑍈𑌃 ॥ 2 ॥
𑌤𑌾𑌂𑌮𑌹𑌾𑌗𑍃𑌹𑌸𑌂𑌬𑌾𑌧𑌾𑌂𑌦𑍃𑌷𑍍𑌟𑌵𑌾𑌲𑌕𑍍𑌷𑍍𑌮𑌣𑌪𑍂𑌰𑍍𑌵𑌜𑌃 ।
𑌨𑌗𑌰𑍀𑌮𑌮𑌰𑌪𑍍𑌰𑌖𑍍𑌯𑍋𑌵𑌿𑌸𑍍𑌮𑌯𑌂𑌪𑍍𑌰𑌾𑌪𑍍𑌯𑌵𑍀𑌰𑍍𑌯𑌵𑌾𑌨𑍍 ॥ 2 ॥
𑌤𑌾𑌂𑌰𑌤𑍍𑌨𑌪𑍂𑌰𑍍𑌣𑌾𑌂𑌬𑌹𑍁𑌸𑌂𑌵𑌿𑌧𑌾𑌨𑌾𑌂𑌪𑍍𑌰𑌾𑌸𑌾𑌦𑌮𑌾𑌲𑌾𑌭𑌿𑌰𑌲𑌂𑌕𑍃𑌤𑌾𑌂𑌚 ।
𑌪𑍁𑌰𑍀𑌂𑌮𑌹𑌾𑌯𑌂𑌤𑍍𑌰𑌕𑌵𑌾𑌟𑌮𑍁𑌖𑍍𑌯𑌾𑌂𑌦𑌦𑌰𑍍𑌶𑌰𑌾𑌮𑍋𑌮𑌹𑌤𑌾𑌬𑌲𑍇𑌨 ॥ 2 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥
