śrīmadvālmīkīya rāmāyaṇē yuddhakāṇḍam ।
atha ēkōnachatvāriṃśassargaḥ ।
tāṃrātrimuṣitāstatrasuvēlēharipuṅgavāḥ ।
laṅkāyāndadṛśurvīrāvanānyupavanānicha ॥ 1 ॥
samasaumyāniramyāṇiviśālānyāyatānicha ।
dṛṣṭiramyāṇitēdṛṣṭavābabhūvurjātavismayāḥ ॥ 2 ॥
champakāśōkapunnāgasālatālasamākulā ।
tamālavanasañChannānāgamālāsamāvṛtā ॥ 3 ॥
hintālairarjunairnīpaissaptaparṇaiśchapuṣpitaiḥ ।
tilakaiḥkarṇikāraiśchapāṭalaiśchasamantataḥ ॥ 4 ॥
śuśubhēpuṣpitāgraiśchalatāparigatairdrumaiḥ ।
laṅkābahuvidhairdivyairyathēndrasyāmarāvatī ॥ 5 ॥
vichitrakusumōpētairaktakōmalapallavaiḥ ।
śādvalaiśchatathānīpaiśchitrābhirvanarājibhiḥ ॥ 6 ॥
gandhāḍhyānyabhiramyāṇipuṣpāṇichaphalānicha ।
dhārayantyagamāstatrabhūṣaṇānīvamānavāḥ ॥ 7 ॥
tachchaitrarathasaṅkāśammanōjñannandanōpamam ।
vanaṃsarvarartukaṃramyaṃśuśubhēṣaṭapadāyutam ॥ 8 ॥
natyūhakōyaṣṭimakairnṛtyamānaiśchabarhibhi ।
rutamparabhṛtānāñchaśuśruvurvannirjharē ॥ 9 ॥
nityamattavihaṅgānibhramarācharitānicha ।
kōkilākulaṣaṇḍānivihagābhirutānicha ॥ 10 ॥
bhṛṅgarājābhigītānibhramaraissēvitānicha ।
kōṇālakavighuṣṭānisārasābhirutānicha ॥ 11 ॥
viviśustētatastānivanānyupavanānicha ।
hṛṣṭāḥpramuditāvīrāharayaḥkāmarūpiṇaḥ ॥ 12 ॥
tēṣāmpraviśatāntatravānarāṇāmmahaujasām ।
puṣpasaṃsargasurabhirvavaughrāṇasukhō'nilaḥ ॥ 13 ॥
anyētuharivīrāṇāṃyūthānniṣkramyayūthapāḥ ।
sugrīvēṇābhyanujñātālaṅkāñjagmuḥpatākinīm ॥ 14 ॥
vitrāsayantōvihagāṃstrāsayantōmṛgadvipān ।
kampayantaśchatāṃlaṅkānnādaistēnadatāṃvarāḥ ॥ 15 ॥
kurvantastēmahāvēgāmahīñcharaṇapīḍitām ।
rajaśchasahasaivōrthvañjagāmacharaṇōtthitam ॥ 16 ॥
ṛkṣāssiṃhāvarāhāśchamahiṣāvāraṇāmṛgāḥ ।
tēnaśabdēnavitrastājagmurbhītādiśōdaśa ॥ 17 ॥
śikharantattrikūṭasyaprāṃśuchaikandivispṛśam ।
samantātpuṣpasaṃñChannammahārajatasannibham ॥ 18 ॥
śatayōjanavistīrṇaṃvimalañchārudarśanam ।
ślakṣṇaṃśrīmanmahachChaivaduṣprāpaṃśakunairapi ॥ 19 ॥
manasā'pidurārōhaṅkimpunaḥkarmaṇājanaiḥ ।
niviṣṭātatraśikharēlaṅkārāvaṇapālitā ॥ 20 ॥
śatayōjanavistīrṇātriṃśadyōjanamāyatā ।
sāpurīgōpurairuchchaiḥpāṇḍurāmbudasannibhaiḥ ।
kāñchanēnachaśālēnarājatēnachaśōbhatē ॥ 21 ॥
prāsādaiśchavimānaiśchalaṅkāparamabhūṣitā ।
ghanairivā'tapāpāyēmadhyamaṃvaiṣṇavampadam ॥ 22 ॥
yasyāṃstambhasahasrēṇaprāsādassamalaṅkṛtaḥ ।
kailāsaśikharākārōdṛśyatēkhamivōlalikhan ॥ 23 ॥
chaityassarākṣasēndrasyababhūvapurabhūṣaṇam ।
śatēnarakṣasānnityaṃyassamagrēṇarakṣyatē ॥ 24 ॥
manōjñāṃ kāñchanavatīṃ sarvatairupaśōbhitām ।
nānādhātuvichitraiścha udyānairupaśōbhitām ॥ 25 ॥
nānāvihaṅgāsaṅghuṣṭānnānāmṛganiṣēvitām ।
nānākusumasañChannānnānārākṣasasēvitām ॥ 26 ॥
tāṃsamṛddhāṃsamṛddhārdhāṃlakṣmīnānlakṣmaṇāgrajaḥ ।
rāvaṇasyapurīṃrāmōdadarśasahavānaraiḥ ॥ 27 ॥
tāmmahāgṛhasambādhāndṛṣṭavālakṣmaṇapūrvajaḥ ।
nagarīmamaraprakhyōvismayamprāpyavīryavān ॥ 28 ॥
tāṃratnapūrṇāmbahusaṃvidhānāmprāsādamālābhiralaṅkṛtāñcha ।
purīmmahāyantrakavāṭamukhyāndadarśarāmōmahatābalēna ॥ 29 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ēkōnachatvāriṃśassargaḥ ॥
