ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕೋನಚತ್ವಾರಿಂಶಸ್ಸರ್ಗಃ ।
ತಾಂರಾತ್ರಿಮುಷಿತಾಸ್ತತ್ರಸುವೇಲೇಹರಿಪುಙ್ಗವಾಃ ।
ಲಙ್ಕಾಯಾನ್ದದೃಶುರ್ವೀರಾವನಾನ್ಯುಪವನಾನಿಚ ॥ 1 ॥
ಸಮಸೌಮ್ಯಾನಿರಮ್ಯಾಣಿವಿಶಾಲಾನ್ಯಾಯತಾನಿಚ ।
ದೃಷ್ಟಿರಮ್ಯಾಣಿತೇದೃಷ್ಟವಾಬಭೂವುರ್ಜಾತವಿಸ್ಮಯಾಃ ॥ 2 ॥
ಚಮ್ಪಕಾಶೋಕಪುನ್ನಾಗಸಾಲತಾಲಸಮಾಕುಲಾ ।
ತಮಾಲವನಸಞ್ಛನ್ನಾನಾಗಮಾಲಾಸಮಾವೃತಾ ॥ 3 ॥
ಹಿನ್ತಾಲೈರರ್ಜುನೈರ್ನೀಪೈಸ್ಸಪ್ತಪರ್ಣೈಶ್ಚಪುಷ್ಪಿತೈಃ ।
ತಿಲಕೈಃಕರ್ಣಿಕಾರೈಶ್ಚಪಾಟಲೈಶ್ಚಸಮನ್ತತಃ ॥ 4 ॥
ಶುಶುಭೇಪುಷ್ಪಿತಾಗ್ರೈಶ್ಚಲತಾಪರಿಗತೈರ್ದ್ರುಮೈಃ ।
ಲಙ್ಕಾಬಹುವಿಧೈರ್ದಿವ್ಯೈರ್ಯಥೇನ್ದ್ರಸ್ಯಾಮರಾವತೀ ॥ 5 ॥
ವಿಚಿತ್ರಕುಸುಮೋಪೇತೈರಕ್ತಕೋಮಲಪಲ್ಲವೈಃ ।
ಶಾದ್ವಲೈಶ್ಚತಥಾನೀಪೈಶ್ಚಿತ್ರಾಭಿರ್ವನರಾಜಿಭಿಃ ॥ 6 ॥
ಗನ್ಧಾಢ್ಯಾನ್ಯಭಿರಮ್ಯಾಣಿಪುಷ್ಪಾಣಿಚಫಲಾನಿಚ ।
ಧಾರಯನ್ತ್ಯಗಮಾಸ್ತತ್ರಭೂಷಣಾನೀವಮಾನವಾಃ ॥ 7 ॥
ತಚ್ಚೈತ್ರರಥಸಙ್ಕಾಶಮ್ಮನೋಜ್ಞನ್ನನ್ದನೋಪಮಮ್ ।
ವನಂಸರ್ವರರ್ತುಕಂರಮ್ಯಂಶುಶುಭೇಷಟಪದಾಯುತಮ್ ॥ 8 ॥
ನತ್ಯೂಹಕೋಯಷ್ಟಿಮಕೈರ್ನೃತ್ಯಮಾನೈಶ್ಚಬರ್ಹಿಭಿ ।
ರುತಮ್ಪರಭೃತಾನಾಞ್ಚಶುಶ್ರುವುರ್ವನ್ನಿರ್ಝರೇ ॥ 9 ॥
ನಿತ್ಯಮತ್ತವಿಹಙ್ಗಾನಿಭ್ರಮರಾಚರಿತಾನಿಚ ।
ಕೋಕಿಲಾಕುಲಷಣ್ಡಾನಿವಿಹಗಾಭಿರುತಾನಿಚ ॥ 10 ॥
ಭೃಙ್ಗರಾಜಾಭಿಗೀತಾನಿಭ್ರಮರೈಸ್ಸೇವಿತಾನಿಚ ।
ಕೋಣಾಲಕವಿಘುಷ್ಟಾನಿಸಾರಸಾಭಿರುತಾನಿಚ ॥ 11 ॥
ವಿವಿಶುಸ್ತೇತತಸ್ತಾನಿವನಾನ್ಯುಪವನಾನಿಚ ।
ಹೃಷ್ಟಾಃಪ್ರಮುದಿತಾವೀರಾಹರಯಃಕಾಮರೂಪಿಣಃ ॥ 12 ॥
ತೇಷಾಮ್ಪ್ರವಿಶತಾನ್ತತ್ರವಾನರಾಣಾಮ್ಮಹೌಜಸಾಮ್ ।
ಪುಷ್ಪಸಂಸರ್ಗಸುರಭಿರ್ವವೌಘ್ರಾಣಸುಖೋಽನಿಲಃ ॥ 13 ॥
ಅನ್ಯೇತುಹರಿವೀರಾಣಾಂಯೂಥಾನ್ನಿಷ್ಕ್ರಮ್ಯಯೂಥಪಾಃ ।
ಸುಗ್ರೀವೇಣಾಭ್ಯನುಜ್ಞಾತಾಲಙ್ಕಾಞ್ಜಗ್ಮುಃಪತಾಕಿನೀಮ್ ॥ 14 ॥
ವಿತ್ರಾಸಯನ್ತೋವಿಹಗಾಂಸ್ತ್ರಾಸಯನ್ತೋಮೃಗದ್ವಿಪಾನ್ ।
ಕಮ್ಪಯನ್ತಶ್ಚತಾಂಲಙ್ಕಾನ್ನಾದೈಸ್ತೇನದತಾಂವರಾಃ ॥ 15 ॥
ಕುರ್ವನ್ತಸ್ತೇಮಹಾವೇಗಾಮಹೀಞ್ಚರಣಪೀಡಿತಾಮ್ ।
ರಜಶ್ಚಸಹಸೈವೋರ್ಥ್ವಞ್ಜಗಾಮಚರಣೋತ್ಥಿತಮ್ ॥ 16 ॥
ಋಕ್ಷಾಸ್ಸಿಂಹಾವರಾಹಾಶ್ಚಮಹಿಷಾವಾರಣಾಮೃಗಾಃ ।
ತೇನಶಬ್ದೇನವಿತ್ರಸ್ತಾಜಗ್ಮುರ್ಭೀತಾದಿಶೋದಶ ॥ 17 ॥
ಶಿಖರನ್ತತ್ತ್ರಿಕೂಟಸ್ಯಪ್ರಾಂಶುಚೈಕನ್ದಿವಿಸ್ಪೃಶಮ್ ।
ಸಮನ್ತಾತ್ಪುಷ್ಪಸಂಞ್ಛನ್ನಮ್ಮಹಾರಜತಸನ್ನಿಭಮ್ ॥ 18 ॥
ಶತಯೋಜನವಿಸ್ತೀರ್ಣಂವಿಮಲಞ್ಚಾರುದರ್ಶನಮ್ ।
ಶ್ಲಕ್ಷ್ಣಂಶ್ರೀಮನ್ಮಹಚ್ಛೈವದುಷ್ಪ್ರಾಪಂಶಕುನೈರಪಿ ॥ 19 ॥
ಮನಸಾಽಪಿದುರಾರೋಹಙ್ಕಿಮ್ಪುನಃಕರ್ಮಣಾಜನೈಃ ।
ನಿವಿಷ್ಟಾತತ್ರಶಿಖರೇಲಙ್ಕಾರಾವಣಪಾಲಿತಾ ॥ 20 ॥
ಶತಯೋಜನವಿಸ್ತೀರ್ಣಾತ್ರಿಂಶದ್ಯೋಜನಮಾಯತಾ ।
ಸಾಪುರೀಗೋಪುರೈರುಚ್ಚೈಃಪಾಣ್ಡುರಾಮ್ಬುದಸನ್ನಿಭೈಃ ।
ಕಾಞ್ಚನೇನಚಶಾಲೇನರಾಜತೇನಚಶೋಭತೇ ॥ 21 ॥
ಪ್ರಾಸಾದೈಶ್ಚವಿಮಾನೈಶ್ಚಲಙ್ಕಾಪರಮಭೂಷಿತಾ ।
ಘನೈರಿವಾಽತಪಾಪಾಯೇಮಧ್ಯಮಂವೈಷ್ಣವಮ್ಪದಮ್ ॥ 22 ॥
ಯಸ್ಯಾಂಸ್ತಮ್ಭಸಹಸ್ರೇಣಪ್ರಾಸಾದಸ್ಸಮಲಙ್ಕೃತಃ ।
ಕೈಲಾಸಶಿಖರಾಕಾರೋದೃಶ್ಯತೇಖಮಿವೋಲಲಿಖನ್ ॥ 23 ॥
ಚೈತ್ಯಸ್ಸರಾಕ್ಷಸೇನ್ದ್ರಸ್ಯಬಭೂವಪುರಭೂಷಣಮ್ ।
ಶತೇನರಕ್ಷಸಾನ್ನಿತ್ಯಂಯಸ್ಸಮಗ್ರೇಣರಕ್ಷ್ಯತೇ ॥ 24 ॥
ಮನೋಜ್ಞಾಂ ಕಾಞ್ಚನವತೀಂ ಸರ್ವತೈರುಪಶೋಭಿತಾಮ್ ।
ನಾನಾಧಾತುವಿಚಿತ್ರೈಶ್ಚ ಉದ್ಯಾನೈರುಪಶೋಭಿತಾಮ್ ॥ 25 ॥
ನಾನಾವಿಹಙ್ಗಾಸಙ್ಘುಷ್ಟಾನ್ನಾನಾಮೃಗನಿಷೇವಿತಾಮ್ ।
ನಾನಾಕುಸುಮಸಞ್ಛನ್ನಾನ್ನಾನಾರಾಕ್ಷಸಸೇವಿತಾಮ್ ॥ 26 ॥
ತಾಂಸಮೃದ್ಧಾಂಸಮೃದ್ಧಾರ್ಧಾಂಲಕ್ಷ್ಮೀನಾನ್ಲಕ್ಷ್ಮಣಾಗ್ರಜಃ ।
ರಾವಣಸ್ಯಪುರೀಂರಾಮೋದದರ್ಶಸಹವಾನರೈಃ ॥ 27 ॥
ತಾಮ್ಮಹಾಗೃಹಸಮ್ಬಾಧಾನ್ದೃಷ್ಟವಾಲಕ್ಷ್ಮಣಪೂರ್ವಜಃ ।
ನಗರೀಮಮರಪ್ರಖ್ಯೋವಿಸ್ಮಯಮ್ಪ್ರಾಪ್ಯವೀರ್ಯವಾನ್ ॥ 28 ॥
ತಾಂರತ್ನಪೂರ್ಣಾಮ್ಬಹುಸಂವಿಧಾನಾಮ್ಪ್ರಾಸಾದಮಾಲಾಭಿರಲಙ್ಕೃತಾಞ್ಚ ।
ಪುರೀಮ್ಮಹಾಯನ್ತ್ರಕವಾಟಮುಖ್ಯಾನ್ದದರ್ಶರಾಮೋಮಹತಾಬಲೇನ ॥ 29 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕೋನಚತ್ವಾರಿಂಶಸ್ಸರ್ಗಃ ॥
