ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକୋନଚତ୍ଵାରିଂଶସ୍ସର୍ଗଃ ।
ତାଂରାତ୍ରିମୁଷିତାସ୍ତତ୍ରସୁଵେଲେହରିପୁଂଗଵାଃ ।
ଲଂକାୟାଂଦଦୃଶୁର୍ଵୀରାଵନାନ୍ୟୁପଵନାନିଚ ॥ 1 ॥
ସମସୌମ୍ୟାନିରମ୍ୟାଣିଵିଶାଲାନ୍ୟାୟତାନିଚ ।
ଦୃଷ୍ଟିରମ୍ୟାଣିତେଦୃଷ୍ଟଵାବଭୂଵୁର୍ଜାତଵିସ୍ମୟାଃ ॥ 2 ॥
ଚଂପକାଶୋକପୁନ୍ନାଗସାଲତାଲସମାକୁଲା ।
ତମାଲଵନସଂଛନ୍ନାନାଗମାଲାସମାଵୃତା ॥ 3 ॥
ହିଂତାଲୈରର୍ଜୁନୈର୍ନୀପୈସ୍ସପ୍ତପର୍ଣୈଶ୍ଚପୁଷ୍ପିତୈଃ ।
ତିଲକୈଃକର୍ଣିକାରୈଶ୍ଚପାଟଲୈଶ୍ଚସମଂତତଃ ॥ 4 ॥
ଶୁଶୁଭେପୁଷ୍ପିତାଗ୍ରୈଶ୍ଚଲତାପରିଗତୈର୍ଦ୍ରୁମୈଃ ।
ଲଂକାବହୁଵିଧୈର୍ଦିଵ୍ୟୈର୍ୟଥେଂଦ୍ରସ୍ୟାମରାଵତୀ ॥ 5 ॥
ଵିଚିତ୍ରକୁସୁମୋପେତୈରକ୍ତକୋମଲପଲ୍ଲଵୈଃ ।
ଶାଦ୍ଵଲୈଶ୍ଚତଥାନୀପୈଶ୍ଚିତ୍ରାଭିର୍ଵନରାଜିଭିଃ ॥ 6 ॥
ଗଂଧାଢ୍ୟାନ୍ୟଭିରମ୍ୟାଣିପୁଷ୍ପାଣିଚଫଲାନିଚ ।
ଧାରୟଂତ୍ୟଗମାସ୍ତତ୍ରଭୂଷଣାନୀଵମାନଵାଃ ॥ 7 ॥
ତଚ୍ଚୈତ୍ରରଥସଂକାଶଂମନୋଜ୍ଞଂନଂଦନୋପମମ୍ ।
ଵନଂସର୍ଵରର୍ତୁକଂରମ୍ୟଂଶୁଶୁଭେଷଟପଦାୟୁତମ୍ ॥ 8 ॥
ନତ୍ୟୂହକୋୟଷ୍ଟିମକୈର୍ନୃତ୍ୟମାନୈଶ୍ଚବର୍ହିଭି ।
ରୁତଂପରଭୃତାନାଂଚଶୁଶ୍ରୁଵୁର୍ଵନ୍ନିର୍ଝରେ ॥ 9 ॥
ନିତ୍ୟମତ୍ତଵିହଂଗାନିଭ୍ରମରାଚରିତାନିଚ ।
କୋକିଲାକୁଲଷଂଡାନିଵିହଗାଭିରୁତାନିଚ ॥ 10 ॥
ଭୃଂଗରାଜାଭିଗୀତାନିଭ୍ରମରୈସ୍ସେଵିତାନିଚ ।
କୋଣାଲକଵିଘୁଷ୍ଟାନିସାରସାଭିରୁତାନିଚ ॥ 11 ॥
ଵିଵିଶୁସ୍ତେତତସ୍ତାନିଵନାନ୍ୟୁପଵନାନିଚ ।
ହୃଷ୍ଟାଃପ୍ରମୁଦିତାଵୀରାହରୟଃକାମରୂପିଣଃ ॥ 12 ॥
ତେଷାଂପ୍ରଵିଶତାଂତତ୍ରଵାନରାଣାଂମହୌଜସାମ୍ ।
ପୁଷ୍ପସଂସର୍ଗସୁରଭିର୍ଵଵୌଘ୍ରାଣସୁଖୋଽନିଲଃ ॥ 13 ॥
ଅନ୍ୟେତୁହରିଵୀରାଣାଂୟୂଥାନ୍ନିଷ୍କ୍ରମ୍ୟୟୂଥପାଃ ।
ସୁଗ୍ରୀଵେଣାଭ୍ୟନୁଜ୍ଞାତାଲଂକାଂଜଗ୍ମୁଃପତାକିନୀମ୍ ॥ 14 ॥
ଵିତ୍ରାସୟଂତୋଵିହଗାଂସ୍ତ୍ରାସୟଂତୋମୃଗଦ୍ଵିପାନ୍ ।
କଂପୟଂତଶ୍ଚତାଂଲଂକାଂନାଦୈସ୍ତେନଦତାଂଵରାଃ ॥ 15 ॥
କୁର୍ଵଂତସ୍ତେମହାଵେଗାମହୀଂଚରଣପୀଡିତାମ୍ ।
ରଜଶ୍ଚସହସୈଵୋର୍ଥ୍ଵଂଜଗାମଚରଣୋତ୍ଥିତମ୍ ॥ 16 ॥
ଋକ୍ଷାସ୍ସିଂହାଵରାହାଶ୍ଚମହିଷାଵାରଣାମୃଗାଃ ।
ତେନଶବ୍ଦେନଵିତ୍ରସ୍ତାଜଗ୍ମୁର୍ଭୀତାଦିଶୋଦଶ ॥ 17 ॥
ଶିଖରଂତତ୍ତ୍ରିକୂଟସ୍ୟପ୍ରାଂଶୁଚୈକଂଦିଵିସ୍ପୃଶମ୍ ।
ସମଂତାତ୍ପୁଷ୍ପସଂଂଛନ୍ନଂମହାରଜତସନ୍ନିଭମ୍ ॥ 18 ॥
ଶତୟୋଜନଵିସ୍ତୀର୍ଣଂଵିମଲଂଚାରୁଦର୍ଶନମ୍ ।
ଶ୍ଲକ୍ଷ୍ଣଂଶ୍ରୀମନ୍ମହଚ୍ଛୈଵଦୁଷ୍ପ୍ରାପଂଶକୁନୈରପି ॥ 19 ॥
ମନସାଽପିଦୁରାରୋହଂକିଂପୁନଃକର୍ମଣାଜନୈଃ ।
ନିଵିଷ୍ଟାତତ୍ରଶିଖରେଲଂକାରାଵଣପାଲିତା ॥ 20 ॥
ଶତୟୋଜନଵିସ୍ତୀର୍ଣାତ୍ରିଂଶଦ୍ୟୋଜନମାୟତା ।
ସାପୁରୀଗୋପୁରୈରୁଚ୍ଚୈଃପାଂଡୁରାଂବୁଦସନ୍ନିଭୈଃ ।
କାଂଚନେନଚଶାଲେନରାଜତେନଚଶୋଭତେ ॥ 21 ॥
ପ୍ରାସାଦୈଶ୍ଚଵିମାନୈଶ୍ଚଲଂକାପରମଭୂଷିତା ।
ଘନୈରିଵାଽତପାପାୟେମଧ୍ୟମଂଵୈଷ୍ଣଵଂପଦମ୍ ॥ 22 ॥
ୟସ୍ୟାଂସ୍ତଂଭସହସ୍ରେଣପ୍ରାସାଦସ୍ସମଲଂକୃତଃ ।
କୈଲାସଶିଖରାକାରୋଦୃଶ୍ୟତେଖମିଵୋଲଲିଖନ୍ ॥ 23 ॥
ଚୈତ୍ୟସ୍ସରାକ୍ଷସେଂଦ୍ରସ୍ୟବଭୂଵପୁରଭୂଷଣମ୍ ।
ଶତେନରକ୍ଷସାଂନିତ୍ୟଂୟସ୍ସମଗ୍ରେଣରକ୍ଷ୍ୟତେ ॥ 24 ॥
ମନୋଜ୍ଞାଂ କାଂଚନଵତୀଂ ସର୍ଵତୈରୁପଶୋଭିତାମ୍ ।
ନାନାଧାତୁଵିଚିତ୍ରୈଶ୍ଚ ଉଦ୍ୟାନୈରୁପଶୋଭିତାମ୍ ॥ 25 ॥
ନାନାଵିହଂଗାସଂଘୁଷ୍ଟାଂନାନାମୃଗନିଷେଵିତାମ୍ ।
ନାନାକୁସୁମସଂଛନ୍ନାଂନାନାରାକ୍ଷସସେଵିତାମ୍ ॥ 26 ॥
ତାଂସମୃଦ୍ଧାଂସମୃଦ୍ଧାର୍ଧାଂଲକ୍ଷ୍ମୀନାନ୍ଲକ୍ଷ୍ମଣାଗ୍ରଜଃ ।
ରାଵଣସ୍ୟପୁରୀଂରାମୋଦଦର୍ଶସହଵାନରୈଃ ॥ 27 ॥
ତାଂମହାଗୃହସଂବାଧାଂଦୃଷ୍ଟଵାଲକ୍ଷ୍ମଣପୂର୍ଵଜଃ ।
ନଗରୀମମରପ୍ରଖ୍ୟୋଵିସ୍ମୟଂପ୍ରାପ୍ୟଵୀର୍ୟଵାନ୍ ॥ 28 ॥
ତାଂରତ୍ନପୂର୍ଣାଂବହୁସଂଵିଧାନାଂପ୍ରାସାଦମାଲାଭିରଲଂକୃତାଂଚ ।
ପୁରୀଂମହାୟଂତ୍ରକଵାଟମୁଖ୍ୟାଂଦଦର୍ଶରାମୋମହତାବଲେନ ॥ 29 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକୋନଚତ୍ଵାରିଂଶସ୍ସର୍ଗଃ ॥
