ශ්රීමද්වාල්මීකීය රාමායණේ යුද්ධකාංඩම් ।
අථ පංචාශස්සර්ගඃ ।
අථෝවාචමහාතේජාහරිරාජෝමහාබලඃ ।
කිමියංව්යථිතාසේනාමූඪවාතේවනෞර්ජලේ ॥ 1 ॥
සුග්රීවස්යවචශ්ශ්රුත්වාවාලිපුත්රෝऽංගදෝऽබ්රවීත් ।
නත්වංපශ්යසිරාමංචලක්ෂ්මණංචමහාරථම් ॥ 2 ॥
ශරජාලචිතෞවීරාවුභෞදශරථාත්මජෞ ।
ශරතල්පේමහාත්මානෞශයානෞරුධිරෝක්ෂිතෞ ॥ 3 ॥
අථාබ්රවීද්වානරේංද්රස්සුග්රීවඃපුත්රමංගදම් ।
නානිමිත්තමිදංමන්යේභවිතව්යංභයේනතු ॥ 4 ॥
විෂණ්ණවදනාහ්යේතේත්යක්තප්රහරණාදිශඃ ।
ප්රපලායංතිහරයස්ත්රාසාදුත්ඵුල්ලලෝචනාඃ ॥ 5 ॥
අන්යෝන්යස්යනලජ්ජංතේනිරීක්ෂංතිපෘෂ්ඨතඃ ।
විප්රකර්ෂංතිචාන්යෝන්යංපතිතංලංඝයංතිච ॥ 6 ॥
ඒතස්මින්නංතරේවීරෝගදාපාණිර්විභීෂණඃ ।
සුග්රීවංවර්ධයාමාසරාඝවංචනිරෛක්ෂත ॥ 7 ॥
විභීෂණංචසුග්රීවෝදෘෂ්ටවාවානරභීෂණම් ।
ඍක්ෂරාජංමහාත්මානංසමීපස්ථමුවාචහ ॥ 8 ॥
විභීෂණෝऽයංසංප්රාප්තෝයංදෘෂ්ටවාවානරර්ෂභාඃ ।
විද්රවංතිපරිතත්රසරාවණාත්මජශංකයා ॥ 9 ॥
ශීඝ්රමේතාන් සුසංත්රස්තාන්බහුධාවිප්රධාවිතාන් ।
පර්යවස්ථාපයාඛ්යාහිවිභීෂණමුපස්ථිතම් ॥ 10 ॥
සුග්රීවේණෛවමුක්තස්තුජාංබවානෘක්ෂපාර්ථිවඃ ।
වානරාන්සාංත්වයාමාසසන්නිරුධ්යප්රධානතඃ ॥ 11 ॥
තේනිවෘත්තාඃපුනඃසර්වේවානරාස්ත්යක්තසංභ්රමාඃ ।
ඍක්ෂරාජවචශ්ශ්රුත්වාතංචදෘෂ්ටවාවිභීෂණම් ॥ 12 ॥
විභීෂණස්තුරාමස්යදෘෂ්ටවාගාත්රංශරෛශ්චිතම් ।
ලක්ෂ්මණස්යචධර්මාත්මාබභූවව්යථිතස්තදා ॥ 13 ॥
ජලක්ලින්නේනහස්තේනතයෝර්නේත්රේප්රමෘජ්යච ।
ශෝකසංපීඩිතමනාරුරෝදවිලලාපච ॥ 14 ॥
ඉමෞතෞසත්ත්වසංපන්නෞවික්රාංතෞප්රියසම්යුගෞ ।
ඉමාමවස්ථාංගමිතෞරාක්ෂසෛඃකූටයෝධිභිඃ ॥ 15 ॥
භ්රාතුඃපුත්රේණමේතේනදුෂ්පුත්රේණදුරාත්මනා ।
රාක්ෂස්යාජිහ්මයාබුධ්යාචාලිතාවෘජුවික්රමෞ ॥ 16 ॥
ශරෛරිමාවලංවිද්ධෞරුධිරේණසමුක්ෂිතෞ ।
වසුධායාමිමෞසුප්තෞදෘශ්යේතේශල්යකාවිව ॥ 17 ॥
යයෝර්වීර්යමුපාශ්රිත්යප්රතිෂ්ඨාකාංක්ෂිතාමයා ।
තාවුභෞදේහනාශායප්රසුප්තෞපුරුෂර්ෂභෞ ॥ 18 ॥
ජීවන්නද්යවිපන්නෝऽස්මිනෂ්ටරාජ්යමනෝරථඃ ।
ප්රාප්තප්රතිජ්ඤශ්චරිපුඃසකාමෝරාවණඃකෘතඃ ॥ 19 ॥
ඒවංවිලපමානංතංපරිෂ්වජ්යවිභීෂණම් ।
සුග්රීවඃසත්ත්වසංපන්නෝහරිරාජෝऽබ්රවීදිදම් ॥ 20 ॥
රාජ්යංප්රාප්ස්යසිධර්මජ්ඤ ලංකායාංනාත්රසංශයඃ ।
රාවණස්සහපුත්රේණස්වකාමංනේහලප්ස්යතේ ॥ 21 ॥
නරුජාපීඩිතාවේතාවුභෞරාඝවලක්ෂ්මණෞ ।
ත්යක්ත්වාමෝහංවධිෂ්යේතේසගණංරාවණංරණේ ॥ 22 ॥
තමේවංසාංත්වයිත්වාතුසමාශ්වාස්යචරාක්ෂසම් ।
සුෂේණංශ්වශුරංපාර්ශ්වේසුග්රීවස්තමුවාචහ ॥ 23 ॥
සහශූරෛර්හරිගණෛර්ලබ්ධසංජ්ඤාවරිංදමෞ ।
ගච්ඡත්වංභ්රාතරංගෘහ්යකිෂ්කිංධාංරාමලක්ෂ්මණෞ ॥ 24 ॥
අහංතුරාවණංහත්වාසපුත්රංසහබාංධවම් ।
මෛථිලීමානයිෂ්යාමිශක්රෝනෂ්ටාමිවශ්රියම් ॥ 25 ॥
ශ්රුත්වෛතද්වානරේංද්රස්යසුෂේණෝවාක්යමබ්රවීත් ।
දෛවාසුරංමහද්යුද්ධමනුභූතංසුදාරුණම් ॥ 26 ॥
තදාස්මදානවාශරසම්ස්පර්ශකෝවිදාඃ ।
නිජඝ්නුශ්ශස්ත්රවිදුෂශ්චාදයංතෝමුහුර්මුහුඃ ॥ 27 ॥
තානාර්තාන්නෂ්ටසංජ්ඤාංශ්චගතාසූංශ්චබෘහස්පතිඃ ।
විද්යාභිර්මංත්රයුක්තාභිරෝෂධීභිශ්චිකිත්සති ॥ 28 ॥
තාන්යෞෂධාන්යානයිතුංක්ෂීරෝදංයාංතුසාගරම් ।
ජවේනවානරාඃශීඝ්රංසංපාතිපනසාදයඃ ॥ 29 ॥
හරයස්තුවිජානංතිපාර්වතීස්තාමහෞෂධීඃ ।
සංජීවකරණීංදිව්යාංවිශල්යාංදේවනිර්මිතාම් ॥ 30 ॥
චංද්රශ්චනාමද්රෝණශ්චක්ෂීරෝදේසාගරෝත්තමේ ।
අමෘතංයත්රමථිතංතත්රතේපරමෞෂධී ॥ 31 ॥
තෞතත්රවිහිතේදේවෛඃපර්වතෞමහෝදධෞ ।
අයංවායුසුතෝරාජන් හනූමාංස්තත්රගච්ඡතු ॥ 32 ॥
ඒතස්මින්නංතරේවායුර්මේගාංශ්චාපිසවිද්යුතඃ ।
පර්යස්යසාගරේතෝයංකංපයනනිවමේදිනීම් ॥ 33 ॥
මහතාපක්ෂවාතේනසර්වවදීපමහාද්රුමාඃ ।
නිපේතුර්භග්නවිටපාඃසලිලේලවණාංභසි ॥ 34 ॥
අභවන් පන්නගාස්ත්රස්තාභෝගිනස්තත්රවාසිනඃ ।
ශීඝ්රංසර්වාණියාදාංසිජග්මුශ්චලවණාර්ණවම් ॥ 35 ॥
තතෝමුහූර්තාර්ගරුඩංවෛනතේයංමහාබලම් ।
වානරාදදෘශුඃසර්වේජ්වලංතමිවපාවකම් ॥ 36 ॥
තමාගතමභිප්රේක්ෂ්යනාගාස්තේසංප්රදුද්රුවුඃ ।
යෛස්තෞසත්පුරුෂෞබද්ධෞශරභූතෛර්මහාබලෞ ॥ 37 ॥
තතස්සුපර්ණඃකාකුත්ස්ථෞස්පෘෂ්ටවාප්රත්යභිනදනිතඃ ।
විමමර්ශචපාණිභ්යාංමුඛේචංද්රසමප්රභේ ॥ 38 ॥
වෛනතේයේනසම්ස්පෘෂ්ටාස්තයෝඃසම්රුරුහුර්ව්රණාඃ ।
සුවර්ණේචතනූස්නිග්ධේතයෝරාශුබභූවතුඃ ॥ 39 ॥
තේජෝ වීර්යං බලං ච ඕජ;උත්සාහශ් ච මහා ගුණාඃ ।
ප්රදර්ශනං ච බුද්ධිශ් ච ස්මෘතිශ් ච ද්විගුණං තයෝඃ ॥ 40 ॥
තාවුත්ථාප්යමහාතේජාගරුඩෝවාසවෝපමෞ ।
උභෞතෞසස්වජේහෘෂ්ටෝරාමශ්චෛනමුවාචහ ॥ 41 ॥
භවත්ප්රසාදාද් ව්යසනංරාවණිප්රභවංමහත් ।
ආවාමිහව්යතික්රාංතෞපූර්වවද් බලිනෞකෘතෞ ॥ 42 ॥
යථාතාතංදශරථංයථාऽජංචපිතාමහම් ।
තථාභවංතමාසාද්යහෘදයංමේප්රසීදති ॥ 43 ॥
කෝභවාන්රූපසංපන්නෝදිව්යස්රගනුලේපනඃ ।
වසානෝවිරජේවස්ත්රදිව්යාභරණභූෂිතඃ ॥ 44 ॥
තමුවාචමහාතේජාවෛනතේයෝමහාබලඃ ।
පතත්ත්රිරාජඃප්රීතාත්මාහර්ෂපර්යාකුලේක්ෂණඃ ॥ 45 ॥
අහංසඛාතේකාකුත්ස්ථ ප්රියඃප්රාණෝබහිශ්චරඃ ।
ගරුත්මානිහසංප්රාප්තෝයුවයෝඃසාහ්යකාරණාත් ॥ 46 ॥
අසුරාවාමහාවීර්යාවානරාවාමහාබලාඃ ।
සුරාශ්චාපිසගංධ්වර්වාඃපුරස්කෘත්යශතක්රතුම් ॥ 47 ॥
නේමංමෝක්ෂයිතුංශක්තාශ්ශරබංධංසුදාරුණම් ।
මායාබලාදිංද්රජිතානිර්මිතංක්රූරකර්මණා ॥ 48 ॥
ඒතේනාගාඃකාද්රවේයාස්තීක්ෂ්ණදංෂ්ට්රාවිෂෝල්බණාඃ ।
රක්ෂෝමායාප්රභාවේණශරාභූත්වාස්ත්වදාශ්රිතාඃ ॥ 49 ॥
සභාග්යශ්චාසිධර්මජ්ඤ රාම සත්යපරාක්රම ।
ලක්ෂ්මණේනසහභ්රාත්රාසමරේරිපුඝාතිනා ॥ 50 ॥
ඉමංශ්රුත්වාතුවෘත්තාංතංත්වරමාණෝऽහමාගතඃ ।
සහසායුවයෝඃස්නේහාත්සඛිත්වමනුපාලයන් ॥ 51 ॥
මෝක්ෂිතෞචමහාඝෝරාදස්මාත්සායකබංධනාත් ।
අප්රමාදශ්චකර්තව්යෝයුවාභ්යාංනිත්යමේවච ॥ 52 ॥
ප්රකෘත්යාරාක්ෂසාඃසර්වේසංග්රාමේකූටයෝධිනඃ ।
ශූරාණාංශුද්ධභාවානාංභවතාමරාර්ජවංබලම් ॥ 53 ॥
තන්නවිශ්වසනීයංවෝරාක්ෂසානාංරණාජිරේ ।
ඒතේනෛවෝපමානේනනිත්යංජිහ්මාහිරාක්ෂසාඃ ॥ 54 ॥
ඒවමුක්ත්වාතදාරාමංසුපර්ණස්සුමහාබලඃ ।
පරිෂ්වජ්යචසුහෘත්ස්නිග්ධමාප්රෂ්ටුමුපචක්රමේ ॥ 55 ॥
සඛේ රාඝව ධර්මජ්ඤ රිපූණාමපිවත්සල ।
අභ්යනුජ්ඤාතුමිච්ඡාමිගමිෂ්යාමියථාමතම් ॥ 56 ॥
නචකෞතූහලංකාර්යංසඛිත්වංප්රතිරාඝව ।
කෘතකර්මාරණේවීර සඛිත්වංප්රතිවේත්ස්යසි ॥ 57 ॥
බාලවෘද්ධාවශේෂාංතුකෘත්වාලංකාංශරෝර්මිභිඃ ।
රාවණංචරිපුංහත්වාසීතාංත්වංසමුලප්ස්යතේ ॥ 58 ॥
ප්රදක්ෂිණංතතඃකෘත්වාපරිෂ්වජ්යචවීර්යවාන් ।
ජගාමාකාශමාවිශ්යසුපර්ණඃපවනෝයථා ॥ 59 ॥
විරුජෞරාඝවෞදෘෂ්ටවාතතෝවානරයූථපාඃ ।
සිංහනාදාංස්තදානේදුර්ලංගූලංංදුධුවුස්තදා ॥ 60 ॥
තතෝභේරීස්සමාජඝ්නුර්මෘදංගාංශ්චාප්යනාදයන් ।
දධ්මුශ්ශංඛාන්සංප්රහෘෂ්ටාඃක්ෂේවලංත්යපියථාපුරම් ॥ 61 ॥
ආස්ඵෝට්යාඃස්පෝට්යවික්රාංතාඃවානරාඃනගයෝධිනඃ ।
ද්රුමානුත්පට්යවිවිධාංස්තස්ථුශ්ශතසහස්රශඃ ॥ 62 ॥
විසෘජංතෝමහානාදාංස්ත්රාසයංතෝනිශාචරාන් ।
ලංකාද්වාරාණ්යුපාජග්මුර්යුද්ධකාමාඃප්ලවංගමාඃ ॥ 63 ॥
තේෂාංසුඛීමස්තුමුලෝනිනාදෝබභූවශාඛාමෘගයූථපානාම් ।
ක්ෂයේනිදාඝස්යයථාඝනානාංනාදස්සුභීමෝනදතාංනිශීථේ ॥ 64 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචාශස්සර්ගඃ ॥
