শ্রীমদ্বাল্মীকীয রামাযণে যুদ্ধকাংডম্ ।
অথ পংচাশস্সর্গঃ ।
অথোবাচমহাতেজাহরিরাজোমহাবলঃ ।
কিমিযংব্যথিতাসেনামূঢবাতেবনৌর্জলে ॥ 1 ॥
সুগ্রীবস্যবচশ্শ্রুত্বাবালিপুত্রোঽংগদোঽব্রবীত্ ।
নত্বংপশ্যসিরামংচলক্ষ্মণংচমহারথম্ ॥ 2 ॥
শরজালচিতৌবীরাবুভৌদশরথাত্মজৌ ।
শরতল্পেমহাত্মানৌশযানৌরুধিরোক্ষিতৌ ॥ 3 ॥
অথাব্রবীদ্বানরেংদ্রস্সুগ্রীবঃপুত্রমংগদম্ ।
নানিমিত্তমিদংমন্যেভবিতব্যংভযেনতু ॥ 4 ॥
বিষণ্ণবদনাহ্যেতেত্যক্তপ্রহরণাদিশঃ ।
প্রপলাযংতিহরযস্ত্রাসাদুত্ফুল্ললোচনাঃ ॥ 5 ॥
অন্যোন্যস্যনলজ্জংতেনিরীক্ষংতিপৃষ্ঠতঃ ।
বিপ্রকর্ষংতিচান্যোন্যংপতিতংলংঘযংতিচ ॥ 6 ॥
এতস্মিন্নংতরেবীরোগদাপাণির্বিভীষণঃ ।
সুগ্রীবংবর্ধযামাসরাঘবংচনিরৈক্ষত ॥ 7 ॥
বিভীষণংচসুগ্রীবোদৃষ্টবাবানরভীষণম্ ।
ঋক্ষরাজংমহাত্মানংসমীপস্থমুবাচহ ॥ 8 ॥
বিভীষণোঽযংসংপ্রাপ্তোযংদৃষ্টবাবানরর্ষভাঃ ।
বিদ্রবংতিপরিতত্রসরাবণাত্মজশংকযা ॥ 9 ॥
শীঘ্রমেতান্ সুসংত্রস্তান্বহুধাবিপ্রধাবিতান্ ।
পর্যবস্থাপযাখ্যাহিবিভীষণমুপস্থিতম্ ॥ 10 ॥
সুগ্রীবেণৈবমুক্তস্তুজাংববানৃক্ষপার্থিবঃ ।
বানরান্সাংত্বযামাসসন্নিরুধ্যপ্রধানতঃ ॥ 11 ॥
তেনিবৃত্তাঃপুনঃসর্বেবানরাস্ত্যক্তসংভ্রমাঃ ।
ঋক্ষরাজবচশ্শ্রুত্বাতংচদৃষ্টবাবিভীষণম্ ॥ 12 ॥
বিভীষণস্তুরামস্যদৃষ্টবাগাত্রংশরৈশ্চিতম্ ।
লক্ষ্মণস্যচধর্মাত্মাবভূবব্যথিতস্তদা ॥ 13 ॥
জলক্লিন্নেনহস্তেনতযোর্নেত্রেপ্রমৃজ্যচ ।
শোকসংপীডিতমনারুরোদবিললাপচ ॥ 14 ॥
ইমৌতৌসত্ত্বসংপন্নৌবিক্রাংতৌপ্রিযসম্যুগৌ ।
ইমামবস্থাংগমিতৌরাক্ষসৈঃকূটযোধিভিঃ ॥ 15 ॥
ভ্রাতুঃপুত্রেণমেতেনদুষ্পুত্রেণদুরাত্মনা ।
রাক্ষস্যাজিহ্মযাবুধ্যাচালিতাবৃজুবিক্রমৌ ॥ 16 ॥
শরৈরিমাবলংবিদ্ধৌরুধিরেণসমুক্ষিতৌ ।
বসুধাযামিমৌসুপ্তৌদৃশ্যেতেশল্যকাবিব ॥ 17 ॥
যযোর্বীর্যমুপাশ্রিত্যপ্রতিষ্ঠাকাংক্ষিতামযা ।
তাবুভৌদেহনাশাযপ্রসুপ্তৌপুরুষর্ষভৌ ॥ 18 ॥
জীবন্নদ্যবিপন্নোঽস্মিনষ্টরাজ্যমনোরথঃ ।
প্রাপ্তপ্রতিজ্ঞশ্চরিপুঃসকামোরাবণঃকৃতঃ ॥ 19 ॥
এবংবিলপমানংতংপরিষ্বজ্যবিভীষণম্ ।
সুগ্রীবঃসত্ত্বসংপন্নোহরিরাজোঽব্রবীদিদম্ ॥ 20 ॥
রাজ্যংপ্রাপ্স্যসিধর্মজ্ঞ লংকাযাংনাত্রসংশযঃ ।
রাবণস্সহপুত্রেণস্বকামংনেহলপ্স্যতে ॥ 21 ॥
নরুজাপীডিতাবেতাবুভৌরাঘবলক্ষ্মণৌ ।
ত্যক্ত্বামোহংবধিষ্যেতেসগণংরাবণংরণে ॥ 22 ॥
তমেবংসাংত্বযিত্বাতুসমাশ্বাস্যচরাক্ষসম্ ।
সুষেণংশ্বশুরংপার্শ্বেসুগ্রীবস্তমুবাচহ ॥ 23 ॥
সহশূরৈর্হরিগণৈর্লব্ধসংজ্ঞাবরিংদমৌ ।
গচ্ছত্বংভ্রাতরংগৃহ্যকিষ্কিংধাংরামলক্ষ্মণৌ ॥ 24 ॥
অহংতুরাবণংহত্বাসপুত্রংসহবাংধবম্ ।
মৈথিলীমানযিষ্যামিশক্রোনষ্টামিবশ্রিযম্ ॥ 25 ॥
শ্রুত্বৈতদ্বানরেংদ্রস্যসুষেণোবাক্যমব্রবীত্ ।
দৈবাসুরংমহদ্যুদ্ধমনুভূতংসুদারুণম্ ॥ 26 ॥
তদাস্মদানবাশরসম্স্পর্শকোবিদাঃ ।
নিজঘ্নুশ্শস্ত্রবিদুষশ্চাদযংতোমুহুর্মুহুঃ ॥ 27 ॥
তানার্তান্নষ্টসংজ্ঞাংশ্চগতাসূংশ্চবৃহস্পতিঃ ।
বিদ্যাভির্মংত্রযুক্তাভিরোষধীভিশ্চিকিত্সতি ॥ 28 ॥
তান্যৌষধান্যানযিতুংক্ষীরোদংযাংতুসাগরম্ ।
জবেনবানরাঃশীঘ্রংসংপাতিপনসাদযঃ ॥ 29 ॥
হরযস্তুবিজানংতিপার্বতীস্তামহৌষধীঃ ।
সংজীবকরণীংদিব্যাংবিশল্যাংদেবনির্মিতাম্ ॥ 30 ॥
চংদ্রশ্চনামদ্রোণশ্চক্ষীরোদেসাগরোত্তমে ।
অমৃতংযত্রমথিতংতত্রতেপরমৌষধী ॥ 31 ॥
তৌতত্রবিহিতেদেবৈঃপর্বতৌমহোদধৌ ।
অযংবাযুসুতোরাজন্ হনূমাংস্তত্রগচ্ছতু ॥ 32 ॥
এতস্মিন্নংতরেবাযুর্মেগাংশ্চাপিসবিদ্যুতঃ ।
পর্যস্যসাগরেতোযংকংপযননিবমেদিনীম্ ॥ 33 ॥
মহতাপক্ষবাতেনসর্ববদীপমহাদ্রুমাঃ ।
নিপেতুর্ভগ্নবিটপাঃসলিলেলবণাংভসি ॥ 34 ॥
অভবন্ পন্নগাস্ত্রস্তাভোগিনস্তত্রবাসিনঃ ।
শীঘ্রংসর্বাণিযাদাংসিজগ্মুশ্চলবণার্ণবম্ ॥ 35 ॥
ততোমুহূর্তার্গরুডংবৈনতেযংমহাবলম্ ।
বানরাদদৃশুঃসর্বেজ্বলংতমিবপাবকম্ ॥ 36 ॥
তমাগতমভিপ্রেক্ষ্যনাগাস্তেসংপ্রদুদ্রুবুঃ ।
যৈস্তৌসত্পুরুষৌবদ্ধৌশরভূতৈর্মহাবলৌ ॥ 37 ॥
ততস্সুপর্ণঃকাকুত্স্থৌস্পৃষ্টবাপ্রত্যভিনদনিতঃ ।
বিমমর্শচপাণিভ্যাংমুখেচংদ্রসমপ্রভে ॥ 38 ॥
বৈনতেযেনসম্স্পৃষ্টাস্তযোঃসম্রুরুহুর্ব্রণাঃ ।
সুবর্ণেচতনূস্নিগ্ধেতযোরাশুবভূবতুঃ ॥ 39 ॥
তেজো বীর্যং বলং চ ওজ;উত্সাহশ্ চ মহা গুণাঃ ।
প্রদর্শনং চ বুদ্ধিশ্ চ স্মৃতিশ্ চ দ্বিগুণং তযোঃ ॥ 40 ॥
তাবুত্থাপ্যমহাতেজাগরুডোবাসবোপমৌ ।
উভৌতৌসস্বজেহৃষ্টোরামশ্চৈনমুবাচহ ॥ 41 ॥
ভবত্প্রসাদাদ্ ব্যসনংরাবণিপ্রভবংমহত্ ।
আবামিহব্যতিক্রাংতৌপূর্ববদ্ বলিনৌকৃতৌ ॥ 42 ॥
যথাতাতংদশরথংযথাঽজংচপিতামহম্ ।
তথাভবংতমাসাদ্যহৃদযংমেপ্রসীদতি ॥ 43 ॥
কোভবান্রূপসংপন্নোদিব্যস্রগনুলেপনঃ ।
বসানোবিরজেবস্ত্রদিব্যাভরণভূষিতঃ ॥ 44 ॥
তমুবাচমহাতেজাবৈনতেযোমহাবলঃ ।
পতত্ত্রিরাজঃপ্রীতাত্মাহর্ষপর্যাকুলেক্ষণঃ ॥ 45 ॥
অহংসখাতেকাকুত্স্থ প্রিযঃপ্রাণোবহিশ্চরঃ ।
গরুত্মানিহসংপ্রাপ্তোযুবযোঃসাহ্যকারণাত্ ॥ 46 ॥
অসুরাবামহাবীর্যাবানরাবামহাবলাঃ ।
সুরাশ্চাপিসগংধ্বর্বাঃপুরস্কৃত্যশতক্রতুম্ ॥ 47 ॥
নেমংমোক্ষযিতুংশক্তাশ্শরবংধংসুদারুণম্ ।
মাযাবলাদিংদ্রজিতানির্মিতংক্রূরকর্মণা ॥ 48 ॥
এতেনাগাঃকাদ্রবেযাস্তীক্ষ্ণদংষ্ট্রাবিষোল্বণাঃ ।
রক্ষোমাযাপ্রভাবেণশরাভূত্বাস্ত্বদাশ্রিতাঃ ॥ 49 ॥
সভাগ্যশ্চাসিধর্মজ্ঞ রাম সত্যপরাক্রম ।
লক্ষ্মণেনসহভ্রাত্রাসমরেরিপুঘাতিনা ॥ 50 ॥
ইমংশ্রুত্বাতুবৃত্তাংতংত্বরমাণোঽহমাগতঃ ।
সহসাযুবযোঃস্নেহাত্সখিত্বমনুপালযন্ ॥ 51 ॥
মোক্ষিতৌচমহাঘোরাদস্মাত্সাযকবংধনাত্ ।
অপ্রমাদশ্চকর্তব্যোযুবাভ্যাংনিত্যমেবচ ॥ 52 ॥
প্রকৃত্যারাক্ষসাঃসর্বেসংগ্রামেকূটযোধিনঃ ।
শূরাণাংশুদ্ধভাবানাংভবতামরার্জবংবলম্ ॥ 53 ॥
তন্নবিশ্বসনীযংবোরাক্ষসানাংরণাজিরে ।
এতেনৈবোপমানেননিত্যংজিহ্মাহিরাক্ষসাঃ ॥ 54 ॥
এবমুক্ত্বাতদারামংসুপর্ণস্সুমহাবলঃ ।
পরিষ্বজ্যচসুহৃত্স্নিগ্ধমাপ্রষ্টুমুপচক্রমে ॥ 55 ॥
সখে রাঘব ধর্মজ্ঞ রিপূণামপিবত্সল ।
অভ্যনুজ্ঞাতুমিচ্ছামিগমিষ্যামিযথামতম্ ॥ 56 ॥
নচকৌতূহলংকার্যংসখিত্বংপ্রতিরাঘব ।
কৃতকর্মারণেবীর সখিত্বংপ্রতিবেত্স্যসি ॥ 57 ॥
বালবৃদ্ধাবশেষাংতুকৃত্বালংকাংশরোর্মিভিঃ ।
রাবণংচরিপুংহত্বাসীতাংত্বংসমুলপ্স্যতে ॥ 58 ॥
প্রদক্ষিণংততঃকৃত্বাপরিষ্বজ্যচবীর্যবান্ ।
জগামাকাশমাবিশ্যসুপর্ণঃপবনোযথা ॥ 59 ॥
বিরুজৌরাঘবৌদৃষ্টবাততোবানরযূথপাঃ ।
সিংহনাদাংস্তদানেদুর্লংগূলংংদুধুবুস্তদা ॥ 60 ॥
ততোভেরীস্সমাজঘ্নুর্মৃদংগাংশ্চাপ্যনাদযন্ ।
দধ্মুশ্শংখান্সংপ্রহৃষ্টাঃক্ষেবলংত্যপিযথাপুরম্ ॥ 61 ॥
আস্ফোট্যাঃস্পোট্যবিক্রাংতাঃবানরাঃনগযোধিনঃ ।
দ্রুমানুত্পট্যবিবিধাংস্তস্থুশ্শতসহস্রশঃ ॥ 62 ॥
বিসৃজংতোমহানাদাংস্ত্রাসযংতোনিশাচরান্ ।
লংকাদ্বারাণ্যুপাজগ্মুর্যুদ্ধকামাঃপ্লবংগমাঃ ॥ 63 ॥
তেষাংসুখীমস্তুমুলোনিনাদোবভূবশাখামৃগযূথপানাম্ ।
ক্ষযেনিদাঘস্যযথাঘনানাংনাদস্সুভীমোনদতাংনিশীথে ॥ 64 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে পংচাশস্সর্গঃ ॥
