ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಷಷ್ಟಿತಮಸ್ಸರ್ಗಃ ।
ಸಪ್ರವಿಶ್ಯಪುರೀಂಲಙ್ಕಾಂರಾಮಬಾಣಭಯಾರ್ಧಿತಃ ।
ಭಗ್ನದರ್ಪಸ್ತದಾರಾಜಾಬಭೂವವ್ಯಥಿತೇನ್ದ್ರಿಯಃ ॥ 1 ॥
ಮಾತಙ್ಗ ಇವ ಸಿಮ್ಹೇನ ಗರುಡೇನೇವ ಪನ್ನಗಃ ।
ಅಭಿಭೂತೋಽಭವದ್ರಾಜಾ ರಾಘವೇಣ ಮಹಾತ್ಮನಾ ॥ 2 ॥
ಬ್ರಹ್ಮದಣ್ಡಪ್ರತೀಕಾನಾಂವಿದ್ಯುತ್ಸದೃಶವರ್ಚಸಾಮ್ ।
ಸ್ಮರನ್ರಾಘವಬಾಣಾನಾಂವಿವ್ಯಥೇರಾಕ್ಷಸೇಶ್ವರಃ ॥ 3 ॥
ನಕಾಞ್ಚನಮಯನ್ದಿವ್ಯಮಾಶ್ರಿತ್ಯಪರಮಾಸನಮ್ ।
ವಿಪ್ರೇಕ್ಷಮಾಣೋರಕ್ಷಾಂಸಿರಾವಣೋವಾಕ್ಯಮಬ್ರವೀತ್ ॥ 4 ॥
ಸರ್ವನ್ತತ್ಖಲುಮೇಮೋಘಂಯತ್ತಪ್ತಮ್ಪರಮನ್ತಪಃ ।
ಯತ್ಸಮಾನೋಮಹೇನ್ದ್ರೇಣಮಾನುಷೇಣಾಸ್ಮಿರ್ಜಿತಃ ॥ 5 ॥
ಇದನ್ತದ್ಬ್ರಹ್ಮಣೋಘೋರಂವಾಕ್ಯಮ್ಮಾಮಭ್ಯುಪಸ್ಥಿತಮ್ ।
ಮಾನುಷೇಭ್ಯೋವಿಜಾನೀಹಿಭಯನ್ತ್ವಮಿತಿತತ್ತಥಾ ॥ 6 ॥
ದೇವದಾನವಗನ್ಧರ್ವೈರ್ಯಕ್ಷರಾಕ್ಷಸಪನ್ನಗೈಃ ।
ಅವಧ್ಯತ್ವಮ್ಮಯಾಪ್ರಾಪ್ತಮ್ಮಾನುಷೇಭ್ಯೋನಯಾಚಿತಮ್ ॥ 7 ॥
ವಿದಿತಂ ಮಾನುಷಂ ಮನ್ಯೇ ರಾಮಂ ದಶರಥಾತ್ಮಜಮ್ ।
ಇಕ್ಷ್ವಾಕುಕುಲಜಾತೇನ ಅನರ್ಣ್ಯೇನ ಯತ್ ಪುರಾ ॥ 8 ॥
ಉತ್ಪತ್ಸ್ಯತೇಹಿಮದ್ವಂಶೇಪುರುಷೋರಾಕ್ಷಸಾಧನು ।
ಯಸ್ತ್ವಾಂಸಪುತ್ರಂಸಾಮಾತ್ಯಂಸಬಲಂಸಾಶ್ವಸಾರಥಿಮ್ ॥ 9 ॥
ನಿಹನಿಷ್ಯತಿಸಙ್ಗ್ರಾಮೇತ್ವಾಙ್ಕುಲಾಧಮ ದುರ್ಮತೇ ।
ಶಪ್ತೋಽಹಂವೇದವತ್ಯಾಚಯದಾಸಾಧರ್ಷಿತಾಪುರಾ ॥ 10 ॥
ಸೇಯಂಸೀತಾಮಹಾಭಾಗಾಜಾತಾಜನಕನನ್ದಿನೀ ।
ಉಮಾನನ್ದೀಶ್ವರಶ್ಚಾಪಿರಮ್ಭಾವರುಣಕನ್ಯಕಾ ॥ 11 ॥
ಯಥೋಕ್ತಾಸ್ತನ್ಮಯಾಪ್ರಾಪ್ತನ್ನಮಿಥ್ಯಾಋಷಿಭಾಷಿತಂ ಏತದೇವಾಭ್ಯುಪಾಗಮ್ಯಯತ್ನಙ್ಕರ್ತುಮಹಾರ್ಹಥ ॥ 12 ॥
ರಾಕ್ಷಸಾಶ್ಚಾಪಿತಿಷ್ಠನ್ತುಚರ್ಯಾಗೋಪುರಮೂರ್ಥಸು ।
ಸಚಾಪ್ರತಿಮಗಾಮ್ಭೀರ್ಯೋದೇವದಾನವದರ್ಪಹಾ ॥ 13 ॥
ಬ್ರಹ್ಮಶಾಪಾಭಿಭೂತಸ್ತುಕುಮ್ಭಕರ್ಣೋವಿಬೋಧ್ಯತಾಮ್ ।
ಸಪರಾಜಿತಮಾತ್ಮಾನಮ್ಪ್ರಹಸ್ತಞ್ಚನಿಷೂದಿತಮ್ ॥ 14 ॥
ಜ್ಞಾತ್ವಾರಕ್ಷೋಬಲಮ್ಭೀಮಮಾದಿದೇಶಮಹಾಬಲಃ ।
ದ್ವಾರೇಷುಯತ್ನಃಕ್ರಿಯತಾಮ್ಪ್ರಾಕಾರಶ್ಚಾಧಿರುಹ್ಯತಾಮ್ ॥ 15 ॥
ನಿದ್ರಾವಶಸಮಾವಿಷ್ಟಃಕುಮ್ಭಕರ್ಣೋವಿಬೋದ್ಯತಾಮ್ ।
ಸುಖಂಸ್ವಪಿತಿನಿಶ್ಚಿನ್ತಃಕಾಲೋಪಹತಚೇತನಃ ॥ 16 ॥
ನವಷಟ್ ಸಪ್ತಚಾಷ್ಟೌಚಮಾಸಾನ್ ಸ್ವಪಿತಿರಾಕ್ಷಸಃ ।
ಮನ್ತ್ರಯಿತ್ವಾಪ್ರಸುಪ್ತೋಽಯಮಿತಸ್ತುನವಮೇಽಹನಿ ॥ 17 ॥
ತನ್ತುಬೋಧಯತಕ್ಷಿಪ್ರಙ್ಕುಮ್ಭಕರ್ಣಮ್ಮಹಾಬಲಮ್ ।
ಸತುಸಙ್ ಖ್ಯೇಮಹಾಬಾಹುಃಕಕುದಸ್ಸರ್ವರಕ್ಷಸಾಮ್ ॥ 18 ॥
ವಾನರಾನ್ ರಾಜಪುತ್ರೌಚಕ್ಷಿಪ್ರಮೇವಹನಿಷ್ಯತಿ ಏಷಃಕೇತುಃಪರಂಸಙ್ ಖ್ಯೇಮುಖ್ಯೋವೈಸರ್ವರಕ್ಷಸಾಮ್ ॥ 19 ॥
ಕುಮ್ಭಕರ್ಣಃಸದಾಶೇತೇಮೂಢೋಗ್ರಾಮ್ಯಸುಖೇರತಃ ।
ರಾಮೇಣಹಿನಿರಸ್ತಸ್ಯಸಙ್ಗ್ರಾಮೇಽಸ್ಮಿನ್ ಸುದಾರುಣೇ ॥ 20 ॥
ಭವಿಷ್ಯತಿನಮೇಶೋಕಃಕುಮ್ಭಕರ್ಣೇವಿಬೋಧಿತೇ ।
ಕಿಙ್ಕರಿಷ್ಯಾಮ್ಯಹನ್ತೇನಶಕ್ರತುಲ್ಯಬಲೇನಹಿ ॥ 21 ॥
ಈದೃಶೇವ್ಯಸನೇಘೋರೇಯೋನಸಾಹ್ಯಾಯಕಲ್ಪತೇ ।
ತೇತುತದ್ವಚನಂಶ್ರುತ್ವಾರಾಕ್ಷಸೇನ್ದ್ರಸ್ಯರಾಕ್ಷಸಾಃ ॥ 22 ॥
ಜಗ್ಮುಃಪರಮಸಮ್ಭ್ರಾನ್ತಾಃಕುಮ್ಭಕರ್ಣನಿವೇಶನಮ್ ।
ತಾಮ್ಪ್ರವಿಶ್ಯಮಹಾದ್ವಾರಂಸರ್ವತೋಯೋಜನಾಯತಾಮ್ ॥ 23 ॥
ಕುಮ್ಭಕರ್ಣಗುಹಾಂರಮ್ಯಾಂಸರ್ವಗನ್ಧಪ್ರವಾಹಿನೀಮ್ ।
ಕುಮ್ಭಕರ್ಣಸ್ಯನಿಃಶ್ವಾಸಾದವಧೂತಾಮಹಾಬಲಾಃ ॥ 24 ॥
ಪ್ರತಿಷ್ಠಮಾನಾಃಕೃಚ್ಛ್ರೇಣಯತ್ನಾತ್ಪ್ರವಿವಿಶುರ್ಗುಹಾಮ್ ।
ತಾಮ್ಪ್ರವಿಶ್ಯಗುಹಾಂರಮ್ಯಾಂಶುಭಾಙ್ಕಾಞ್ಚನಕುಟ್ಟಿಮಾಮ್ ॥ 25 ॥
ದದೃಶುರ್ನೈರೃತವ್ಯಾಘ್ರಂಶಯಾನಮ್ಭೀಮವಿದರ್ಶನಮ್ ।
ತೇತುತಂವಿಕೃತಂಸುಪ್ತಂವಿಕೀರ್ಣಮಿವಪರ್ವತಮ್ ॥ 26 ॥
ಕುಮ್ಭಕರ್ಣಮ್ಮಹಾನಿದ್ರಂಸಹಿತಾಃಪ್ರತ್ಯಬೋಧಯನ್ ।
ಊರ್ಧ್ವರೋಮಾಞ್ಚಿತತನುಂಶ್ವಸನ್ತಮಿವಪನ್ನಗಮ್ ।
ಭ್ರಾಮಯನ್ತಂ ನ್ವಿಶ್ಶ್ವಸೈಃಶಯಾನಂ ಭೀಮವಿದರ್ಶಮಮ್ ॥ 27 ॥
ಭೀಮನಾಸಾಪುಟನ್ತನ್ತುಪಾತಾಲೋವಿಪುಲಾನನಮ್ ।
ಶಯನೇನ್ಯಸ್ತಸರ್ವಾಙ್ಗಮ್ಮೇದೋರುಧಿರಗನ್ಧಿನಮ್ ॥ 28 ॥
ಕಾಞ್ಚನಾಙ್ಗದನದ್ಧಾಙ್ಗಙ್ಕಿರೀಟಿನಮರಿನ್ದಮಮ್ ।
ದದೃಶುರ್ನೈರೃತವ್ಯಾಘ್ರಙ್ಕುಮ್ಭಕರ್ಣಮರಿನ್ದಮಮ್ ॥ 29 ॥
ತತಶ್ಚಕ್ರುರ್ಮಹಾತ್ಮಾನಙ್ಕುಮ್ಭಕರ್ಣಾಗ್ರತಸ್ತದಾಚಾಗ್ರತಃ ॥ 30 ॥
ಮಾಂಸಾನಾಮ್ಮೇರುಸಙ್ಕಾಶಂರಾಶಿಮ್ಪರಮತರ್ಪಣಮ್ ।
ಮೃಗಾಣಾಮ್ಮಹಿಷಾಣಾಞ್ಚವರಾಹಾಣಾಞ್ಚಸಞ್ಚಯಾನ್ ॥ 31 ॥
ಚಕ್ರುರ್ನೈರೃತಶಾರ್ದೂಲಾರಾಶಿಮನ್ನಸ್ಯಚಾದ್ಭುತಮ್ ।
ತತಶ್ಶೋಣಿತಕುಮ್ಭಾಂಶ್ಚಮದ್ಯಾನಿವಿವಿಧಾನಿಚ ॥ 32 ॥
ಪುರಸ್ತಾತ್ಕುಮ್ಭಕರ್ಣಸ್ಯಚಕ್ರುಸ್ತ್ರಿದಶಶತ್ರವಃ ।
ಲಿಲಿಪುಶ್ಚಪರಾರ್ಧ್ಯೇನಚನ್ದನೇನಪರನ್ತಪಮ್ ॥ 33 ॥
ದಿವ್ಯೈರಾಶ್ವಾಸಯಾಮಾಮಾಸುರ್ಮಾಲ್ಯೈರ್ಗನ್ಧೈಸ್ಸುಗನ್ಧಿಭಿಃ ।
ಧೂಪಂಸುಗನ್ಧಾಂಶ್ಚಸಸೃಜುಸ್ತುಷ್ಟವುಶ್ಚಪರನ್ತತಮ್ ॥ 34 ॥
ಜಲದಾಇವಚಾನೇದುರ್ಯಾತುಧಾನಾಸ್ತತಸ್ತತಃ ।
ಶಙ್ಖಾನ್ನಾಪೂರಯಾಮಾಸುಶ್ಶಶಾಙ್ಕಸದೃಶಪ್ರಭಾನ್ ॥ 35 ॥
ತುಮುಲಂಯುಗಪಚ್ಛಾಪಿವಿನೇದುಶ್ಚಾಪ್ಯಮರ್ಷಿತಾಃ ।
ನೇದುರಾಸ್ಫೋಟಯಾಮಾಸುಶ್ಚಿಕ್ಷಿಪುಸ್ತೇನಿಶಾಚರಾಃ ॥ 36 ॥
ಕುಮ್ಭಕರ್ಣವಿಬೋಧಾರ್ಥಂ ಚಕ್ರುಸ್ತೇವಿಪುಲಂ ಸ್ವನಮ್ ।
ಸಶಙ್ಖಭೇರೀಪಣವಪ್ರಣಾದ ।
ಮಾಸ್ಫೋಟಿತಕ್ಷ್ವೇಲಿತಸಿಮ್ಹನಾದಮ್ ।
ದಿಶೋ ದ್ರವನ್ತಸ್ತ್ರಿದಿವಂ ಕಿರನ್ತಃ ।
ಶ್ರುತ್ವಾ ವಿಹಮ್ಗಾಃ ಸಹಸಾ ನಿಪೇತುಃ ॥ 37 ॥
ಯದಾಭೃಶನ್ತೈರ್ನಿನದೈರ್ಮಹಾತ್ಮಾನಕುಮ್ಬಕರ್ಣೋಬುಬುಧೇಪ್ರಸುಪ್ತಃ ।
ತತೋಮುಸುಣ್ಠೀರ್ಮುಸಲಾನಿಸರ್ವೇರಕ್ಷೋಗಣಾಸ್ತೇಜಗೃಹುರ್ಗದಾಶ್ಚ ॥ 38 ॥
ತಂಶೈಲಶೃಙ್ಗೈರ್ಮುಸಲೈರ್ಗದಾಭಿರ್ವೃಕ್ಷೈಸ್ತರೈರ್ಮುದ್ಗರಮುಷ್ಟಿಭಿಶ್ಚ ।
ಸುಖಪ್ರಸುಪ್ತಮ್ಭುವಿಕುಮ್ಭಕರ್ಣಂರಕ್ಷಾಂಸ್ಯುದಗ್ರಾಣಿತದಾನಿಜಘ್ನುಃ ॥ 39 ॥
ತಸ್ಯನಿಃಶ್ವಾಸವಾತೇನಕುಮ್ಭಕರ್ಣಸ್ಯರಕ್ಷಸಃ ।
ರಾಕ್ಷಸಾಬಲವನ್ತೋಽಪಿಸ್ಥಾತುನಾಶಕ್ನುವನ್ಪುರಃ ॥ 40 ॥
ತತಃಪರಿಹಿತಾಗಾಢಂರಾಕ್ಷಸಾಭೀಮವಿಕ್ರಮಾಃ ।
ಮೃದಙ್ಗಪಣವಾನ್ ಭೇರೀಶ್ಶಙ್ಖಕುಮ್ಭಗಣಾಂಸ್ತಥಾ ॥ 41 ॥
ದಶರಾಕ್ಷಸಸಾಹಸ್ರಂಯುಗಪತ್ಪರ್ಯವಾರಯನ್ ।
ನೀಲಾಞ್ಜನಚಯಾಕಾರನ್ತೇತುತಮ್ಪ್ರತ್ಯಬೋಧಯನ್ ॥ 42 ॥
ಅಭಿಘ್ನನ್ತೋನದನ್ತಶ್ಚನೈವಸಂವಿವಿದೇತುಸಃ ।
ಯದಾಚೈನನ್ನಶೇಕುಸ್ತೇಪ್ರತಿಬೋಧಯಿತುನ್ತದಾ ॥ 43 ॥
ತತೋಗುರುತರಂಯತ್ನನ್ದಾರುಣಂಸಮುಪಾಕ್ರಮನ್ ।
ಆಶ್ವಾನುಷ್ಟ್ರಾನ್ ಖರನ್ನಾಗಾನ್ ಜಘ್ನುರ್ದಣ್ಡಕಶಾಙ್ಕುಶೈಃ ॥ 44 ॥
ಭೇರೀಶಙ್ಖಮೃದಙ್ಗಾಂಶ್ಚಸರ್ವಪ್ರಾಣೈರವಾದಯನ್ ।
ನಿಜಘ್ನುಶ್ಚಾಸ್ಯಗಾತ್ರಾಣಿಮಹಾಕಾಷ್ಠಕಙ್ಕರೈಃ ॥ 45 ॥
ಮುದ್ಗರೈರ್ಮುಸಲೈಶ್ಚಾಪಿಸರ್ವಪ್ರಾಣಸಮುದ್ಯತೈಃ ।
ತೇನನಾದೇವಮಹತಾಲಙ್ಕಾಸಮಭಿಪೂರಿತಾ ॥ 46 ॥
ಸಪರ್ವತವನಾಸರ್ವಾಸೋಽಪಿನೈವಪ್ರಬುಧ್ಯತೇ ।
ತತಸ್ಸಹಸ್ರಮ್ಭೇರೀಣಾಂಯುಗಸತ್ಸಮಹನ್ಯತ ॥ 47 ॥
ಮೃಷ್ಟಕಾಞ್ಚನಕೋಣಾನಾಮಾಸಕ್ತಾನಾಂಸಮನ್ತತಃ ।
ಏವಮಪ್ಯನ್ತಿದ್ರಿಸ್ತುಯದಾನೈವಪ್ರಬುಧ್ಯತ ॥ 48 ॥
ಶಾಪಸ್ಯವಶಮಾಪನ್ನಸ್ತತಃಕ್ರುದ್ಧಾನಿಶಾಚರಾಃ ।
ಮಹಾಕ್ರೋಧಸಮಾವಿಷ್ಟಾಸ್ಸರ್ವೇಭೀಮಪರಾಕ್ರಮಾಃ ॥ 49 ॥
ತದ್ರಕ್ಷೋಬೋಧಯಿಷ್ಯನ್ತಶ್ಚಕ್ರುರನ್ಯೇಪರಾಕ್ರಮಮ್ ।
ಅನ್ಯೇಭೇರೀಸ್ಸಮಾಜಘ್ನುರನ್ಯೇಚಕ್ರುರ್ಮಹಾಸ್ವನಮ್ ॥ 50 ॥
ಕೇಶಾನನ್ಯೇಪ್ರಲುಲುಪುಃಕರ್ಣಾವನ್ಯೇದಶನ್ತಿಚ ।
ಉದಕುಮ್ಬಶತಾನ್ಯನ್ಯೇಸಮಸಿಞ್ಚನ್ತಕರ್ಣಯೋಃ ॥ 51 ॥
ನಕುಮ್ಭಕರ್ಣಃಪಸ್ಪನ್ದೇಮಹಾನಿದ್ರಾವಶಙ್ಗತಃ ।
ಅನ್ಯೇಚಬಲಿನಸ್ತಸ್ಯಕೂಟಮುದ್ಗರಪಾಣಯಃ ॥ 52 ॥
ಮೂರ್ಧ್ನಿವಕ್ಷಸಿಗಾತ್ರೇಷುಪಾತನ್ ಕೂಟಮುದ್ಗರಾನ್ ।
ರಜ್ಜುಬನ್ಧನಬದ್ಧಾಭಿಶ್ಶತಘ್ನೀಭಿಶ್ಚಸರ್ವಶಃ ॥ 53 ॥
ವಧ್ಯಮಾನೋಮಹಾಕಾಯೋನಪ್ರಾಬುಧ್ಯತರಾಕ್ಷಸಃ ।
ವಾರಣಾನಾಂಸಹಸ್ರಞ್ಚಶರೀರೇಽಸ್ಯಪ್ರಧಾವಿತಮ್ ॥ 54 ॥
ಕುಮ್ಬಕರ್ಣಸ್ತದಾಬುದ್ ಧ್ವಾಸ್ಪರ್ಶಮ್ಪರಮಬುಧ್ಯತ ।
ಸಪಾತ್ಯಮಾನೈರ್ಗಿರಿಶೃಙ್ಗವೃಕ್ಷೈರಚಿನ್ತಯಂಸ್ತಾನ್ವಿಪುಲಾನ್ ಪ್ರಹಾರಾನ್ ।
ನಿದ್ರಾಕ್ಷ್ಯಾತ್ ಕ್ಷುದ್ಭಯಪೀಡಿತಶ್ಚವಿಜೃಮ್ಭಮಾಣಸ್ಸಹಸೋತ್ಪಪಾಪ ॥ 55 ॥
ಸನಾಗಭೋಗಾಚಲಶೃಙ್ಗಕಲ್ಪೌವಿಕ್ಷಿಪ್ಯಬಾಹೂಗಿರಶೃಙ್ಗಸಾರೌ ।
ನಿವೃತ್ಯವಕ್ತ್ರಂವಡವಾಮುಖಾಭನ್ನಿಶಾಚರೋಽಸೌವಿಕೃತಞ್ಜಜೃಮ್ಭೇ ॥ 56 ॥
ತಸ್ಯ ಜಾಜೃಮ್ಭಮಾಣಸ್ಯ ವಕ್ತ್ರಂ ಪಾತಾಲಸಮ್ನಿಭಮ್ ।
ದದ್Rಉಶೇ ಮೇರುಶೃಙ್ಗಾಗ್ರೇ ದಿವಾಕರ ಇವೋದಿತಃ ॥ 57 ॥
ಸಜೃಮ್ಭಮಾಣೋಽತಿಬಲಃಪ್ರದ್ಧೋನಿಶಾಚರಃ ।
ನಿಃಶ್ವಾಸಶ್ಚಾಸ್ಯಸಞ್ಜಜ್ಞೇಪರ್ವತಾದಿವಮಾರುತಃ ॥ 58 ॥
ರೂಪಮುತ್ತಿಷ್ಠತಸ್ತಸ್ಯಕುಮ್ಭಕರ್ಣಸ್ಯತದ್ಬಭೌ ।
ತಪಾನ್ತೇಸಬಲಾಕಸ್ಯಮೇಘಸ್ಯೇವವಿವರ್ಷತಃ ॥ 59 ॥
ತಸ್ಯದೀಪ್ತಾಗ್ನಿಸದೃಶೇವಿದ್ಯುತ್ಸದೃಶವರ್ಚಸೀ ।
ದದೃಶಾತೇಮಹಾನೇತ್ರೇದೀಪ್ತಾವಿವಮಹಾಗ್ರಹೌ ॥ 60 ॥
ತತಸ್ತ್ವದರ್ಶಯನ್ ಸರ್ವಾನ್ಭಕ್ಷ್ಯಾಂಶ್ಚವಿವಿಧಾನ್ ಬಹೂನ್ ।
ವರಾಹಾನ್ಮಹಿಷಾಂಶ್ಚೈವಬಭಕ್ಷಸಮಹಾಬಲಃ ॥ 61 ॥
ಆದದುನ್ಭುಕ್ಷಿತೋಮಾಂಸಂಶೋಣಿತನ್ತೃಷಿತಃಪಿಬನ್ ।
ಮೇದಃಕುಮ್ಭಾಂಶ್ಚಮದ್ಯಾಂಶ್ಚಪಪೌಶಕ್ರರಿಪುಸ್ತದಾ ॥ 62 ॥
ತತಸ್ತೃಪ್ತ ಇತಿ ಜ್ಞಾತ್ವಾ ಸಮುತ್ಪೇರುರ್ನಿಶಾಚರಾಃ ।
ಶಿರೋಭಿಶ್ಚ ಪ್ರಣಮ್ಯೈನಂ ಸರ್ವತಃ ಪರ್ಯವಾರಯನ್ ॥ 63 ॥
ನಿದ್ರಾವಿಶದನೇತ್ರಸ್ತುಕಲುಷೀಕೃತಲೋಚನಃ ।
ಚಾರಯನ್ ಸರ್ವತೋದೃಷ್ಟಿನ್ತಾನ್ ದದರ್ಶನಿಶಾಚರಾನ್ ॥ 64 ॥
ಸಸರ್ವಾನ್ ಸಾನ್ತ್ವಯಾಮಾಸನೈರೃತಾನ್ ನೈರೃತರ್ಷಭಃ ।
ಬೋಧನಾದ್ವಿಸ್ಮಿತಶ್ಚಾಪಿರಾಕ್ಷಸಾನಿದಮಬ್ರವೀತ್ ॥ 65 ॥
ಕಿಮರ್ಥಮಹಮಾದೃತ್ಯಭವದ್ಭಿಃಪ್ರತಿಬೋಧಿತಃ ।
ಕಚ್ಛಿತ್ಸುಕುಶಲಂರಾಜ್ಞೋಭಯಂವಾನೇಷನಕಿಮ್ ॥ 66 ॥
ಅಥವಾಧ್ರುವಮನ್ಯೇಭ್ಯೋಭಯಮ್ಪರಮುಪಸ್ಥಿತಮ್ ।
ಯದರ್ಥಮೇವತ್ವರಿತೈರ್ಭವದ್ಭಿಃಪ್ರತಿಬೋಧಿತಃ ॥ 67 ॥
ಅದ್ಯರಾಕ್ಷಸರಾಜಸ್ಯಭಯಮುತ್ಪಾಟಯಾಮ್ಯಹಮ್ ।
ದಾರಯಿಷ್ಯೇಮಹೇನ್ದ್ರಂವಾಶಾತಯಿಷ್ಯೇತಥಾನಲಮ್ ॥ 68 ॥
ನಹ್ಯಲ್ಪಕಾರಣೇಸುಪ್ತಮ್ಬೋಧಯಿಷ್ಯತಿಮಾಙ್ಗುರುಃ ।
ತದಾಖ್ಯಾತಾರ್ಥತತ್ತ್ವೇನಮತ್ಪ್ರಬೋಧನಕಾರಣಮ್ ॥ 69 ॥
ಏವಮ್ಬ್ರುವಾಣಂಸಮ್ರಬ್ಧಙ್ಕುಮ್ಭಕರ್ಣಮರಿನ್ದಮಮ್ ।
ಯೂಪಾಕ್ಷಃಸಚಿವೋರಾಜ್ಞಃಕೃತಾಞ್ಜಲಿರಭಾಷತ ॥ 70 ॥
ನನೋದೇವಕೃತಙ್ಕಿಞ್ಚಿದ್ಭಯಮಸ್ತಿಕದಾಚನ ।
ಮಾನುಷಾನ್ನೋಭಯಂರಾಜಂಸ್ತುಮುಲಂಸಮ್ಪ್ರಬಾಧತೇ ॥ 71 ॥
ನದೈತ್ಯದಾನವೇಭ್ಯೋವಾಭಯಮಸ್ತಿಹಿತಾದೃಶಮ್ ।
ಯಾದೃಶಮ್ಮಾನುಷಂರಾಜನ್ ಭಯಮಸ್ಮಾನುಪಸ್ಥಿತಮ್ ॥ 72 ॥
ವಾನರೈಃಪರ್ವತಾಕಾರೈರ್ಲಙ್ಕೇಯಮ್ಪರಿವಾರಿತಾ ।
ಸೀತಾಹರಣಸನ್ತಪ್ತಾದ್ರಾಮಾನ್ನಸ್ತುಮುಲಮ್ಭಯಮ್ ॥ 73 ॥
ಏಕೇನವಾನರೇಣೇಯಮ್ಪೂರ್ವನ್ದಗ್ಧಾಮಹಾಪುರೀ ।
ಕುಮಾರೋನಿಹತಶ್ಚಾಕ್ಷಸ್ಸಾನುಯಾತ್ರಃಸಕುಞ್ಜರಃ ॥ 74 ॥
ಸ್ವಯಂರಕ್ಷೋಧಿಪಶ್ಚಾಪಿಪೌಲಸ್ತ್ಯೋದೇವಕಣ್ಟಕಃ ।
ಮೃತೇತಿಸಂಯುಗೇಮುಕ್ತೋರಾಮೇಣಾದಿತ್ಯತೇಜಸಾ ॥ 75 ॥
ಯನ್ನ ದೇವೈಃ ಕೃತೋ ರಾಜಾ ನಾಪಿ ದೈತ್ಯೈರ್ನ ದಾನವೈಃ ।
ಕೃತಃ ಸ ಇಹ ರಾಮೇಣ ವಿಮುಕ್ತಃ ಪ್ರಾಣಸಂಶಯಾತ್ ॥ 76 ॥
ಸಯೂಪಾಕ್ಷ್ವಚಶ್ಶ್ರುತ್ವಾಭ್ರಾತುರ್ಯುಧಿಪರಾಭವಮ್ ।
ಕುಮ್ಭಕರ್ಣೋವಿವೃತ್ತಾಕ್ಷೋಯೂಪಾಕ್ಷಮಿದಮಬ್ರವೀತ್ ॥ 77 ॥
ಸರ್ವಮದ್ಯೈವಯೂಪಾಕ್ಷಹರಿಸೈನ್ಯಂಸಲಕ್ಷ್ಮಣಮ್ ।
ರಾಘವಞ್ಚರಣೇಜಿತ್ವಾತತೋದ್ರಕ್ಷ್ಯಾಮಿರಾವಣಮ್ ॥ 78 ॥
ರಾಕ್ಷಸಾಂಸ್ತರ್ಪಯಿಷ್ಯಾಮಿಹರೀಣಾಮ್ಮಾಂಸಶೋಣಿತೈಃ ।
ರಾಮಲಕ್ಷ್ಮಣಯೋಶ್ಚಾಪಿಸ್ವಯಮ್ಪಾಸ್ಯಾಮಿಶೋಣಿತಮ್ ॥ 79 ॥
ತತ್ತಸ್ಯವಾಕ್ಯಮ್ಬ್ರುವತೋನಿಶಮ್ಯಸಗರ್ವಿತಂರೋಷವಿವೃದ್ಧದೋಷಮ್ ।
ಮಹೋದರೋನೈರೃತಯೋಧಮುಖ್ಯಃಕೃತಾಞ್ಜಲಿರ್ವಾಕ್ಯಮಿದಮ್ಬಭಾಷೇ ॥ 80 ॥
ರಾವಣಸ್ಯವಚಃಶ್ರುತ್ವಾಗುಣದೋಷೌವಿಮೃಶ್ಯಚ ।
ಪಶ್ಚಾದಪಿಮಹಾಬಾಹೋ ಶತ್ರೂನ್ಯುಧಿವಿಜೇಷ್ಯಸಿ ॥ 81 ॥
ಮಹೋದರವಚಶ್ಶ್ರುತ್ವಾರಾಕ್ಷಸೈಃಪರಿವಾರಿತಃ ।
ಕುಮ್ಭಕರ್ಣೋಮಹಾತೇಜಾಸ್ಸಮ್ಪ್ರತಸ್ಥೇಮಹಾಬಲಃ ॥ 82 ॥
ಸುಪ್ತಮುತ್ಥಾಪ್ಯಭೀಮಾಕ್ಷಮ್ಭೀಮರೂಪಪರಾಕ್ರಮಮ್ ।
ರಾಕ್ಷಸಾಸ್ತ್ವರಿತಾಜುಗ್ಮರ್ದಶಗ್ರೀನ್ವಿವೇಶನಮ್ ॥ 83 ॥
ತತೋಗತ್ವಾದಶಗ್ರೀವಮಾಸೀನಮ್ಪರಮಾಸನೇ ।
ಊಚುರ್ಬದ್ಧಾಞ್ಜಲಿಪುಟಾಸ್ಸರ್ವಏವನಿಶಾಚರಾಃ ॥ 84 ॥
ಪ್ರಬುದ್ಧೋಽಯಙ್ಕುಮ್ಭಕರ್ಣಭ್ರಾತಾತೇರಾಕ್ಷಸೇಶ್ವರ ।
ಕಥನ್ತತ್ರೈವನಿರ್ಯಾತುದ್ರಕ್ಷ್ಯಸೇತಮಿಹಾಗತಮ್ ॥ 85 ॥
ರಾವಣಸ್ತ್ವಬ್ರವೀದ್ಧೃಷ್ಟೋರಾಕ್ಷಸಾಂಸ್ತಾನುಪಸ್ಥಿತಾನ್ ।
ದ್ರಷ್ಟುಮೇನಮಿಹೇಚ್ಛಾಮಿಯಥಾನ್ಯಾಯಞ್ಚಪೂಜ್ಯತಾಮ್ ॥ 86 ॥
ತಥೇತ್ಯುಕ್ತ್ವಾತುತೇಸರ್ವೇಪುನರಾಗಮ್ಯರಾಕ್ಷಸಾಃ ।
ಕುಮ್ಭಕರ್ಣಮಿದಂವಾಕ್ಯಮೂಚೂರಾವಣಚೋದಿತಾಃ ॥ 87 ॥
ದ್ರಷ್ಟುನ್ತ್ವಾಙ್ಕಾಙ್ಕ್ಷತೇರಾಜಾಸರ್ವರಾಕ್ಷಸಪುಙ್ಗವಃ ।
ಗಮನೇಕ್ರಿಯತಾಮ್ಬುದ್ಧಿರ್ಭ್ರಾತರಂಸಮ್ಪ್ರಹರ್ಷಯಃ ॥ 88 ॥
ಕುಮ್ಭಕರ್ಣಸ್ತುದುರ್ಧರ್ಷೋಭ್ರಾತುರಾಜ್ಞಾಯಶಾಸನಮ್ ।
ತಥೇತ್ಯುಕ್ತ್ವಾಮಹಾವೀರ್ಯಶ್ಶಯನಾದುತ್ಪಪಾತಹ ॥ 89 ॥
ಪ್ರಕ್ಷಾಲ್ಯ ವದನಂ ಹ್Rಷ್ಟಃ ಸ್ನಾತಃ ಪರಮಭೂಷಿತಃ ।
ಪಿಪಾಸುಸ್ತ್ವರಯಾಮಾಸ ಪಾನಂ ಬಲಸಮೀರಣಮ್ ॥ 90 ॥
ತತಸ್ತೇತ್ವರಿತಾಸ್ತತ್ರರಾಕ್ಷಸಾರಾವಣಾಜ್ಞಯಾ ।
ಮದ್ಯಕುಮ್ಭಾಂಶ್ಚವಿವಿಧಾನ್ ಕ್ಷಿಪ್ರಮೇವೋಪಹಾರಯನ್ ॥ 91 ॥
ಪೀತ್ವಾಘಟಸಹಸ್ರೇದ್ವೇಗಮನಾಯೋಪಚಕ್ರಮೇ ।
ಈಷತ್ಸಮುತ್ಕಟೋಮತ್ತಸ್ತೇಜೋಬಲಸಮನ್ವಿತಃ ॥ 92 ॥
ಕುಮ್ಭಕರ್ಣೋಬಭೌಹೃಷ್ಟಃಕಾಲಾನ್ತಕಯಮೋಪಮಃ ।
ಭ್ರಾತುಸ್ಸಭವನಙ್ಗಚ್ಛನ್ರಕ್ಷೋಬಲಸಮನ್ವಿತಃ ॥ 93 ॥
ಕುಮ್ಭಕರ್ಣಃ ಪದನ್ಯಾಸೈರಕಮ್ಪಯತ ಮೇದಿನೀಮ್ ।
ಸ ರಾಜಮಾರ್ಗಂ ವಪುಷಾ ಪ್ರಕಾಶಯನ್ ।
ಸಹಸ್ರರಸ್ಮಿರ್ಧರಣೀಮಿವಾಂಶುಭಿಃ ।
ಜಗಾಮ ತತ್ರಾಞ್ಜಲಿಮಾಲಯಾ ವೃತಃ ।
ಶತಕ್ರತುರ್ಗೇಹಮಿವ ಸ್ವಯಮ್ಭುವಃ ॥ 94 ॥
ತಂರಾಜಮಾರ್ಗಸ್ಥಮಮಿತ್ರಘಾತಿನಂವನೌಕಸಸ್ತೇಸಹಸಾಬಹಿಸ್ಸ್ಥಿತಾಃ ।
ದೃಷ್ಟವಾಽಪ್ರಮೇಯಙ್ಗಿರಿಶೃಙ್ಗಕಲ್ಪಂವಿತತ್ರಸುಸ್ತೇಹರಿಯೂಥಪಾಲಾಃ ॥ 95 ॥
ಕೇಚಿಚ್ಛರಣ್ಯಂಶರಣಂಸ್ಮರಾಮಂವ್ರಜನ್ತಿಕೇಚಿದ್ ವ್ಯಥಿತಾಃಪತನ್ತಿ ।
ಕೇಚಿದ್ಧಶಸ್ಮವ್ಯಥಿತಾಃಪತನ್ತಿಕೇಚಿದ್ಭಯಾರ್ತಾಭುವಿಶೇರತೇಸ್ಮ ॥ 96 ॥
ತಮದ್ರಿಶೃಙ್ಗಪ್ರತಿಮಙ್ಕಿರೀಟಿನಂಸ್ಪೃಶನ್ತಮಾದಿತ್ಯಮಿವಾಽತ್ಮತೇಜಸಾ ।
ವನೌಕಸಃಪ್ರೇಕ್ಷ್ಯವಿವೃದ್ಧಮದ್ಭುತಂ 3 ಭಯಾರ್ಧಿತಾದುದ್ರುವಿರೇತತಸ್ತತಃ ॥ 97 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಷಷ್ಟಿತಮಸ್ಸರ್ಗಃ ॥
