ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² ஷஷ்டிதமஸ்ஸர்க:³ ।
ஸப்ரவிஶ்யபுரீம்லங்காம்ராமபா³ணப⁴யார்தி⁴த: ।
ப⁴க்³னத³ர்பஸ்ததா³ராஜாப³பூ⁴வவ்யதி²தேந்த்³ரிய: ॥ 1 ॥
மாதங்க³ இவ ஸிம்ஹேன க³ருடே³னேவ பன்னக:³ ।
அபி⁴பூ⁴தோப⁴வத்³ராஜா ராக⁴வேண மஹாத்மனா ॥ 2 ॥
ப்³ரஹ்மத³ண்ட³ப்ரதீகானாம்வித்³யுத்ஸத்³ருஶவர்சஸாம் ।
ஸ்மரன்ராக⁴வபா³ணானாம்விவ்யதே²ராக்ஷஸேஶ்வர: ॥ 3 ॥
நகாஞ்சனமயந்தி³வ்யமாஶ்ரித்யபரமாஸனம் ।
விப்ரேக்ஷமாணோரக்ஷாம்ஸிராவணோவாக்யமப்³ரவீத் ॥ 4 ॥
ஸர்வந்தத்க²லுமேமோக⁴ம்யத்தப்தம்பரமந்தப: ।
யத்ஸமானோமஹேந்த்³ரேணமானுஷேணாஸ்மிர்ஜித: ॥ 5 ॥
இத³ந்தத்³ப்³ரஹ்மணோகோ⁴ரம்வாக்யம்மாமப்⁴யுபஸ்தி²தம் ।
மானுஷேப்⁴யோவிஜானீஹிப⁴யந்த்வமிதிதத்ததா² ॥ 6 ॥
தே³வதா³னவக³ந்த⁴ர்வைர்யக்ஷராக்ஷஸபன்னகை³: ।
அவத்⁴யத்வம்மயாப்ராப்தம்மானுஷேப்⁴யோனயாசிதம் ॥ 7 ॥
விதி³தம் மானுஷம் மன்யே ராமம் த³ஶரதா²த்மஜம் ।
இக்ஷ்வாகுகுலஜாதேன அனர்ண்யேன யத் புரா ॥ 8 ॥
உத்பத்ஸ்யதேஹிமத்³வம்ஶேபுருஷோராக்ஷஸாத⁴னு ।
யஸ்த்வாம்ஸபுத்ரம்ஸாமாத்யம்ஸப³லம்ஸாஶ்வஸாரதி²ம் ॥ 9 ॥
நிஹனிஷ்யதிஸங்க்³ராமேத்வாங்குலாத⁴ம து³ர்மதே ।
ஶப்தோஹம்வேத³வத்யாசயதா³ஸாத⁴ர்ஷிதாபுரா ॥ 1௦ ॥
ஸேயம்ஸீதாமஹாபா⁴கா³ஜாதாஜனகனந்தி³னீ ।
உமானந்தீ³ஶ்வரஶ்சாபிரம்பா⁴வருணகன்யகா ॥ 11 ॥
யதோ²க்தாஸ்தன்மயாப்ராப்தம்னமித்²யாருஷிபா⁴ஷிதம் ஏததே³வாப்⁴யுபாக³ம்யயத்னங்கர்துமஹார்ஹத² ॥ 12 ॥
ராக்ஷஸாஶ்சாபிதிஷ்ட²ந்துசர்யாகோ³புரமூர்த²ஸு ।
ஸசாப்ரதிமகா³ம்பீ⁴ர்யோதே³வதா³னவத³ர்பஹா ॥ 13 ॥
ப்³ரஹ்மஶாபாபி⁴பூ⁴தஸ்துகும்ப⁴கர்ணோவிபோ³த்⁴யதாம் ।
ஸபராஜிதமாத்மானம்ப்ரஹஸ்தஞ்சனிஷூதி³தம் ॥ 14 ॥
ஜ்ஞாத்வாரக்ஷோப³லம்பீ⁴மமாதி³தே³ஶமஹாப³ல: ।
த்³வாரேஷுயத்ன:க்ரியதாம்ப்ராகாரஶ்சாதி⁴ருஹ்யதாம் ॥ 15 ॥
நித்³ராவஶஸமாவிஷ்ட:கும்ப⁴கர்ணோவிபோ³த்³யதாம் ।
ஸுக²ம்ஸ்வபிதினிஶ்சிந்த:காலோபஹதசேதன: ॥ 16 ॥
நவஷட் ஸப்தசாஷ்டௌசமாஸான் ஸ்வபிதிராக்ஷஸ: ।
மந்த்ரயித்வாப்ரஸுப்தோயமிதஸ்துனவமேஹனி ॥ 17 ॥
தந்துபோ³த⁴யதக்ஷிப்ரங்கும்ப⁴கர்ணம்மஹாப³லம் ।
ஸதுஸங் க்²யேமஹாபா³ஹு:ககுத³ஸ்ஸர்வரக்ஷஸாம் ॥ 18 ॥
வானரான் ராஜபுத்ரௌசக்ஷிப்ரமேவஹனிஷ்யதி ஏஷ:கேது:பரம்ஸங் க்²யேமுக்²யோவைஸர்வரக்ஷஸாம் ॥ 19 ॥
கும்ப⁴கர்ண:ஸதா³ஶேதேமூடோ⁴க்³ராம்யஸுகே²ரத: ।
ராமேணஹினிரஸ்தஸ்யஸங்க்³ராமேஸ்மின் ஸுதா³ருணே ॥ 2௦ ॥
ப⁴விஷ்யதினமேஶோக:கும்ப⁴கர்ணேவிபோ³தி⁴தே ।
கிங்கரிஷ்யாம்யஹந்தேனஶக்ரதுல்யப³லேனஹி ॥ 21 ॥
ஈத்³ருஶேவ்யஸனேகோ⁴ரேயோனஸாஹ்யாயகல்பதே ।
தேதுதத்³வசனம்ஶ்ருத்வாராக்ஷஸேந்த்³ரஸ்யராக்ஷஸா: ॥ 22 ॥
ஜக்³மு:பரமஸம்ப்⁴ராந்தா:கும்ப⁴கர்ணனிவேஶனம் ।
தாம்ப்ரவிஶ்யமஹாத்³வாரம்ஸர்வதோயோஜனாயதாம் ॥ 23 ॥
கும்ப⁴கர்ணகு³ஹாம்ரம்யாம்ஸர்வக³ந்த⁴ப்ரவாஹினீம் ।
கும்ப⁴கர்ணஸ்யனி:ஶ்வாஸாத³வதூ⁴தாமஹாப³லா: ॥ 24 ॥
ப்ரதிஷ்ட²மானா:க்ருச்ச்²ரேணயத்னாத்ப்ரவிவிஶுர்கு³ஹாம் ।
தாம்ப்ரவிஶ்யகு³ஹாம்ரம்யாம்ஶுபா⁴ங்காஞ்சனகுட்டிமாம் ॥ 25 ॥
த³த்³ருஶுர்னைர்ருதவ்யாக்⁴ரம்ஶயானம்பீ⁴மவித³ர்ஶனம் ।
தேதுதம்விக்ருதம்ஸுப்தம்விகீர்ணமிவபர்வதம் ॥ 26 ॥
கும்ப⁴கர்ணம்மஹானித்³ரம்ஸஹிதா:ப்ரத்யபோ³த⁴யன் ।
ஊர்த்⁴வரோமாஞ்சிததனும்ஶ்வஸந்தமிவபன்னக³ம் ।
ப்⁴ராமயந்தம் ந்விஶ்ஶ்வஸை:ஶயானம் பீ⁴மவித³ர்ஶமம் ॥ 27 ॥
பீ⁴மனாஸாபுடந்தந்துபாதாலோவிபுலானநம் ।
ஶயனேன்யஸ்தஸர்வாங்க³ம்மேதோ³ருதி⁴ரக³ந்தி⁴னம் ॥ 28 ॥
காஞ்சனாங்க³த³னத்³தா⁴ங்க³ங்கிரீடினமரிந்த³மம் ।
த³த்³ருஶுர்னைர்ருதவ்யாக்⁴ரங்கும்ப⁴கர்ணமரிந்த³மம் ॥ 29 ॥
ததஶ்சக்ருர்மஹாத்மானங்கும்ப⁴கர்ணாக்³ரதஸ்ததா³சாக்³ரத: ॥ 3௦ ॥
மாம்ஸானாம்மேருஸங்காஶம்ராஶிம்பரமதர்பணம் ।
ம்ருகா³ணாம்மஹிஷாணாஞ்சவராஹாணாஞ்சஸஞ்சயான் ॥ 31 ॥
சக்ருர்னைர்ருதஶார்தூ³லாராஶிமன்னஸ்யசாத்³பு⁴தம் ।
ததஶ்ஶோணிதகும்பா⁴ம்ஶ்சமத்³யானிவிவிதா⁴னிச ॥ 32 ॥
புரஸ்தாத்கும்ப⁴கர்ணஸ்யசக்ருஸ்த்ரித³ஶஶத்ரவ: ।
லிலிபுஶ்சபரார்த்⁴யேனசந்த³னேனபரந்தபம் ॥ 33 ॥
தி³வ்யைராஶ்வாஸயாமாமாஸுர்மால்யைர்க³ந்தை⁴ஸ்ஸுக³ந்தி⁴பி⁴: ।
தூ⁴பம்ஸுக³ந்தா⁴ம்ஶ்சஸஸ்ருஜுஸ்துஷ்டவுஶ்சபரந்ததம் ॥ 34 ॥
ஜலதா³இவசானேது³ர்யாதுதா⁴னாஸ்ததஸ்தத: ।
ஶங்கா²ம்னாபூரயாமாஸுஶ்ஶஶாங்கஸத்³ருஶப்ரபா⁴ன் ॥ 35 ॥
துமுலம்யுக³பச்சா²பிவினேது³ஶ்சாப்யமர்ஷிதா: ।
நேது³ராஸ்போ²டயாமாஸுஶ்சிக்ஷிபுஸ்தேனிஶாசரா: ॥ 36 ॥
கும்ப⁴கர்ணவிபோ³தா⁴ர்த²ம் சக்ருஸ்தேவிபுலம் ஸ்வனம் ।
ஸஶங்க²பே⁴ரீபணவப்ரணாத³ ।
மாஸ்போ²டிதக்ஷ்வேலிதஸிம்ஹனாத³ம் ।
தி³ஶோ த்³ரவந்தஸ்த்ரிதி³வம் கிரந்த: ।
ஶ்ருத்வா விஹம்கா³: ஸஹஸா நிபேது: ॥ 37 ॥
யதா³ப்⁴ருஶந்தைர்னினதை³ர்மஹாத்மானகும்ப³கர்ணோபு³பு³தே⁴ப்ரஸுப்த: ।
ததோமுஸுண்டீ²ர்முஸலானிஸர்வேரக்ஷோக³ணாஸ்தேஜக்³ருஹுர்க³தா³ஶ்ச ॥ 38 ॥
தம்ஶைலஶ்ருங்கை³ர்முஸலைர்க³தா³பி⁴ர்வ்ருக்ஷைஸ்தரைர்முத்³க³ரமுஷ்டிபி⁴ஶ்ச ।
ஸுக²ப்ரஸுப்தம்பு⁴விகும்ப⁴கர்ணம்ரக்ஷாம்ஸ்யுத³க்³ராணிததா³னிஜக்⁴னு: ॥ 39 ॥
தஸ்யனி:ஶ்வாஸவாதேனகும்ப⁴கர்ணஸ்யரக்ஷஸ: ।
ராக்ஷஸாப³லவந்தோபிஸ்தா²துனாஶக்னுவன்புர: ॥ 4௦ ॥
தத:பரிஹிதாகா³ட⁴ம்ராக்ஷஸாபீ⁴மவிக்ரமா: ।
ம்ருத³ங்க³பணவான் பே⁴ரீஶ்ஶங்க²கும்ப⁴க³ணாம்ஸ்ததா² ॥ 41 ॥
த³ஶராக்ஷஸஸாஹஸ்ரம்யுக³பத்பர்யவாரயன் ।
நீலாஞ்ஜனசயாகாரந்தேதுதம்ப்ரத்யபோ³த⁴யன் ॥ 42 ॥
அபி⁴க்⁴னந்தோனத³ந்தஶ்சனைவஸம்விவிதே³துஸ: ।
யதா³சைனம்னஶேகுஸ்தேப்ரதிபோ³த⁴யிதுந்ததா³ ॥ 43 ॥
ததோகு³ருதரம்யத்னந்தா³ருணம்ஸமுபாக்ரமன் ।
ஆஶ்வானுஷ்ட்ரான் க²ரன்னாகா³ன் ஜக்⁴னுர்த³ண்ட³கஶாங்குஶை: ॥ 44 ॥
பே⁴ரீஶங்க²ம்ருத³ங்கா³ம்ஶ்சஸர்வப்ராணைரவாத³யன் ।
நிஜக்⁴னுஶ்சாஸ்யகா³த்ராணிமஹாகாஷ்ட²கங்கரை: ॥ 45 ॥
முத்³க³ரைர்முஸலைஶ்சாபிஸர்வப்ராணஸமுத்³யதை: ।
தேனநாதே³வமஹதாலங்காஸமபி⁴பூரிதா ॥ 46 ॥
ஸபர்வதவனாஸர்வாஸோபினைவப்ரபு³த்⁴யதே ।
ததஸ்ஸஹஸ்ரம்பே⁴ரீணாம்யுக³ஸத்ஸமஹன்யத ॥ 47 ॥
ம்ருஷ்டகாஞ்சனகோணானாமாஸக்தானாம்ஸமந்தத: ।
ஏவமப்யந்தித்³ரிஸ்துயதா³னைவப்ரபு³த்⁴யத ॥ 48 ॥
ஶாபஸ்யவஶமாபன்னஸ்தத:க்ருத்³தா⁴னிஶாசரா: ।
மஹாக்ரோத⁴ஸமாவிஷ்டாஸ்ஸர்வேபீ⁴மபராக்ரமா: ॥ 49 ॥
தத்³ரக்ஷோபோ³த⁴யிஷ்யந்தஶ்சக்ருரன்யேபராக்ரமம் ।
அன்யேபே⁴ரீஸ்ஸமாஜக்⁴னுரன்யேசக்ருர்மஹாஸ்வனம் ॥ 5௦ ॥
கேஶானந்யேப்ரலுலுபு:கர்ணாவன்யேத³ஶந்திச ।
உத³கும்ப³ஶதான்யன்யேஸமஸிஞ்சந்தகர்ணயோ: ॥ 51 ॥
நகும்ப⁴கர்ண:பஸ்பந்தே³மஹானித்³ராவஶங்க³த: ।
அன்யேசப³லினஸ்தஸ்யகூடமுத்³க³ரபாணய: ॥ 52 ॥
மூர்த்⁴னிவக்ஷஸிகா³த்ரேஷுபாதன் கூடமுத்³க³ரான் ।
ரஜ்ஜுப³ந்த⁴னப³த்³தா⁴பி⁴ஶ்ஶதக்⁴னீபி⁴ஶ்சஸர்வஶ: ॥ 53 ॥
வத்⁴யமானோமஹாகாயோனப்ராபு³த்⁴யதராக்ஷஸ: ।
வாரணானாம்ஸஹஸ்ரஞ்சஶரீரேஸ்யப்ரதா⁴விதம் ॥ 54 ॥
கும்ப³கர்ணஸ்ததா³பு³த்³ த்⁴வாஸ்பர்ஶம்பரமபு³த்⁴யத ।
ஸபாத்யமானைர்கி³ரிஶ்ருங்க³வ்ருக்ஷைரசிந்தயம்ஸ்தான்விபுலான் ப்ரஹாரான் ।
நித்³ராக்ஷ்யாத் க்ஷுத்³ப⁴யபீடி³தஶ்சவிஜ்ரும்ப⁴மாணஸ்ஸஹஸோத்பபாப ॥ 55 ॥
ஸனாக³போ⁴கா³சலஶ்ருங்க³கல்பௌவிக்ஷிப்யபா³ஹூகி³ரஶ்ருங்க³ஸாரௌ ।
நிவ்ருத்யவக்த்ரம்வட³வாமுகா²ப⁴ம்னிஶாசரோஸௌவிக்ருதஞ்ஜஜ்ரும்பே⁴ ॥ 56 ॥
தஸ்ய ஜாஜ்ரும்ப⁴மாணஸ்ய வக்த்ரம் பாதாலஸம்னிப⁴ம் ।
த³த்³Rஉஶே மேருஶ்ருங்கா³க்³ரே தி³வாகர இவோதி³த: ॥ 57 ॥
ஸஜ்ரும்ப⁴மாணோதிப³ல:ப்ரத்³தோ⁴னிஶாசர: ।
நி:ஶ்வாஸஶ்சாஸ்யஸஞ்ஜஜ்ஞேபர்வதாதி³வமாருத: ॥ 58 ॥
ரூபமுத்திஷ்ட²தஸ்தஸ்யகும்ப⁴கர்ணஸ்யதத்³ப³பௌ⁴ ।
தபாந்தேஸப³லாகஸ்யமேக⁴ஸ்யேவவிவர்ஷத: ॥ 59 ॥
தஸ்யதீ³ப்தாக்³னிஸத்³ருஶேவித்³யுத்ஸத்³ருஶவர்சஸீ ।
த³த்³ருஶாதேமஹானேத்ரேதீ³ப்தாவிவமஹாக்³ரஹௌ ॥ 6௦ ॥
ததஸ்த்வத³ர்ஶயன் ஸர்வான்ப⁴க்ஷ்யாம்ஶ்சவிவிதா⁴ன் ப³ஹூன் ।
வராஹான்மஹிஷாம்ஶ்சைவப³ப⁴க்ஷஸமஹாப³ல: ॥ 61 ॥
ஆத³து³ன்பு⁴க்ஷிதோமாம்ஸம்ஶோணிதந்த்ருஷித:பிப³ன் ।
மேத:³கும்பா⁴ம்ஶ்சமத்³யாம்ஶ்சபபௌஶக்ரரிபுஸ்ததா³ ॥ 62 ॥
ததஸ்த்ருப்த இதி ஜ்ஞாத்வா ஸமுத்பேருர்னிஶாசரா: ।
ஶிரோபி⁴ஶ்ச ப்ரணம்யைனம் ஸர்வத: பர்யவாரயன் ॥ 63 ॥
நித்³ராவிஶத³னேத்ரஸ்துகலுஷீக்ருதலோசன: ।
சாரயன் ஸர்வதோத்³ருஷ்டிந்தான் த³த³ர்ஶனிஶாசரான் ॥ 64 ॥
ஸஸர்வான் ஸாந்த்வயாமாஸனைர்ருதான் நைர்ருதர்ஷப:⁴ ।
போ³த⁴னாத்³விஸ்மிதஶ்சாபிராக்ஷஸானித³மப்³ரவீத் ॥ 65 ॥
கிமர்த²மஹமாத்³ருத்யப⁴வத்³பி⁴:ப்ரதிபோ³தி⁴த: ।
கச்சி²த்ஸுகுஶலம்ராஜ்ஞோப⁴யம்வானேஷனகிம் ॥ 66 ॥
அத²வாத்⁴ருவமன்யேப்⁴யோப⁴யம்பரமுபஸ்தி²தம் ।
யத³ர்த²மேவத்வரிதைர்ப⁴வத்³பி⁴:ப்ரதிபோ³தி⁴த: ॥ 67 ॥
அத்³யராக்ஷஸராஜஸ்யப⁴யமுத்பாடயாம்யஹம் ।
தா³ரயிஷ்யேமஹேந்த்³ரம்வாஶாதயிஷ்யேததா²னலம் ॥ 68 ॥
நஹ்யல்பகாரணேஸுப்தம்போ³த⁴யிஷ்யதிமாங்கு³ரு: ।
ததா³க்²யாதார்த²தத்த்வேனமத்ப்ரபோ³த⁴னகாரணம் ॥ 69 ॥
ஏவம்ப்³ருவாணம்ஸம்ரப்³த⁴ங்கும்ப⁴கர்ணமரிந்த³மம் ।
யூபாக்ஷ:ஸசிவோராஜ்ஞ:க்ருதாஞ்ஜலிரபா⁴ஷத ॥ 7௦ ॥
நனோதே³வக்ருதங்கிஞ்சித்³ப⁴யமஸ்திகதா³சன ।
மானுஷான்னோப⁴யம்ராஜம்ஸ்துமுலம்ஸம்ப்ரபா³த⁴தே ॥ 71 ॥
நதை³த்யதா³னவேப்⁴யோவாப⁴யமஸ்திஹிதாத்³ருஶம் ।
யாத்³ருஶம்மானுஷம்ராஜன் ப⁴யமஸ்மானுபஸ்தி²தம் ॥ 72 ॥
வானரை:பர்வதாகாரைர்லங்கேயம்பரிவாரிதா ।
ஸீதாஹரணஸந்தப்தாத்³ராமான்னஸ்துமுலம்ப⁴யம் ॥ 73 ॥
ஏகேனவானரேணேயம்பூர்வந்த³க்³தா⁴மஹாபுரீ ।
குமாரோனிஹதஶ்சாக்ஷஸ்ஸானுயாத்ர:ஸகுஞ்ஜர: ॥ 74 ॥
ஸ்வயம்ரக்ஷோதி⁴பஶ்சாபிபௌலஸ்த்யோதே³வகண்டக: ।
ம்ருதேதிஸம்யுகே³முக்தோராமேணாதி³த்யதேஜஸா ॥ 75 ॥
யன்ன தே³வை: க்ருதோ ராஜா நாபி தை³த்யைர்ன தா³னவை: ।
க்ருத: ஸ இஹ ராமேண விமுக்த: ப்ராணஸம்ஶயாத் ॥ 76 ॥
ஸயூபாக்ஷ்வசஶ்ஶ்ருத்வாப்⁴ராதுர்யுதி⁴பராப⁴வம் ।
கும்ப⁴கர்ணோவிவ்ருத்தாக்ஷோயூபாக்ஷமித³மப்³ரவீத் ॥ 77 ॥
ஸர்வமத்³யைவயூபாக்ஷஹரிஸைன்யம்ஸலக்ஷ்மணம் ।
ராக⁴வஞ்சரணேஜித்வாததோத்³ரக்ஷ்யாமிராவணம் ॥ 78 ॥
ராக்ஷஸாம்ஸ்தர்பயிஷ்யாமிஹரீணாம்மாம்ஸஶோணிதை: ।
ராமலக்ஷ்மணயோஶ்சாபிஸ்வயம்பாஸ்யாமிஶோணிதம் ॥ 79 ॥
தத்தஸ்யவாக்யம்ப்³ருவதோனிஶம்யஸக³ர்விதம்ரோஷவிவ்ருத்³த⁴தோ³ஷம் ।
மஹோத³ரோனைர்ருதயோத⁴முக்²ய:க்ருதாஞ்ஜலிர்வாக்யமித³ம்ப³பா⁴ஷே ॥ 8௦ ॥
ராவணஸ்யவச:ஶ்ருத்வாகு³ணதோ³ஷௌவிம்ருஶ்யச ।
பஶ்சாத³பிமஹாபா³ஹோ ஶத்ரூன்யுதி⁴விஜேஷ்யஸி ॥ 81 ॥
மஹோத³ரவசஶ்ஶ்ருத்வாராக்ஷஸை:பரிவாரித: ।
கும்ப⁴கர்ணோமஹாதேஜாஸ்ஸம்ப்ரதஸ்தே²மஹாப³ல: ॥ 82 ॥
ஸுப்தமுத்தா²ப்யபீ⁴மாக்ஷம்பீ⁴மரூபபராக்ரமம் ।
ராக்ஷஸாஸ்த்வரிதாஜுக்³மர்த³ஶக்³ரீன்விவேஶனம் ॥ 83 ॥
ததோக³த்வாத³ஶக்³ரீவமாஸீனம்பரமாஸனே ।
ஊசுர்ப³த்³தா⁴ஞ்ஜலிபுடாஸ்ஸர்வஏவனிஶாசரா: ॥ 84 ॥
ப்ரபு³த்³தோ⁴யங்கும்ப⁴கர்ணப்⁴ராதாதேராக்ஷஸேஶ்வர ।
கத²ந்தத்ரைவனிர்யாதுத்³ரக்ஷ்யஸேதமிஹாக³தம் ॥ 85 ॥
ராவணஸ்த்வப்³ரவீத்³த்⁴ருஷ்டோராக்ஷஸாம்ஸ்தானுபஸ்தி²தான் ।
த்³ரஷ்டுமேனமிஹேச்சா²மியதா²ன்யாயஞ்சபூஜ்யதாம் ॥ 86 ॥
ததே²த்யுக்த்வாதுதேஸர்வேபுனராக³ம்யராக்ஷஸா: ।
கும்ப⁴கர்ணமித³ம்வாக்யமூசூராவணசோதி³தா: ॥ 87 ॥
த்³ரஷ்டுந்த்வாங்காங்க்ஷதேராஜாஸர்வராக்ஷஸபுங்க³வ: ।
க³மனேக்ரியதாம்பு³த்³தி⁴ர்ப்⁴ராதரம்ஸம்ப்ரஹர்ஷய: ॥ 88 ॥
கும்ப⁴கர்ணஸ்துது³ர்த⁴ர்ஷோப்⁴ராதுராஜ்ஞாயஶாஸனம் ।
ததே²த்யுக்த்வாமஹாவீர்யஶ்ஶயனாது³த்பபாதஹ ॥ 89 ॥
ப்ரக்ஷால்ய வத³னம் ஹ்Rஷ்ட: ஸ்னாத: பரமபூ⁴ஷித: ।
பிபாஸுஸ்த்வரயாமாஸ பானம் ப³லஸமீரணம் ॥ 9௦ ॥
ததஸ்தேத்வரிதாஸ்தத்ரராக்ஷஸாராவணாஜ்ஞயா ।
மத்³யகும்பா⁴ம்ஶ்சவிவிதா⁴ன் க்ஷிப்ரமேவோபஹாரயன் ॥ 91 ॥
பீத்வாக⁴டஸஹஸ்ரேத்³வேக³மனாயோபசக்ரமே ।
ஈஷத்ஸமுத்கடோமத்தஸ்தேஜோப³லஸமன்வித: ॥ 92 ॥
கும்ப⁴கர்ணோப³பௌ⁴ஹ்ருஷ்ட:காலாந்தகயமோபம: ।
ப்⁴ராதுஸ்ஸப⁴வனங்க³ச்ச²ன்ரக்ஷோப³லஸமன்வித: ॥ 93 ॥
கும்ப⁴கர்ண: பத³ன்யாஸைரகம்பயத மேதி³னீம் ।
ஸ ராஜமார்க³ம் வபுஷா ப்ரகாஶயன் ।
ஸஹஸ்ரரஸ்மிர்த⁴ரணீமிவாம்ஶுபி⁴: ।
ஜகா³ம தத்ராஞ்ஜலிமாலயா வ்ருத: ।
ஶதக்ரதுர்கே³ஹமிவ ஸ்வயம்பு⁴வ: ॥ 94 ॥
தம்ராஜமார்க³ஸ்த²மமித்ரகா⁴தினம்வனௌகஸஸ்தேஸஹஸாப³ஹிஸ்ஸ்தி²தா: ।
த்³ருஷ்டவாப்ரமேயங்கி³ரிஶ்ருங்க³கல்பம்விதத்ரஸுஸ்தேஹரியூத²பாலா: ॥ 95 ॥
கேசிச்ச²ரண்யம்ஶரணம்ஸ்மராமம்வ்ரஜந்திகேசித்³ வ்யதி²தா:பதந்தி ।
கேசித்³த⁴ஶஸ்மவ்யதி²தா:பதந்திகேசித்³ப⁴யார்தாபு⁴விஶேரதேஸ்ம ॥ 96 ॥
தமத்³ரிஶ்ருங்க³ப்ரதிமங்கிரீடினம்ஸ்ப்ருஶந்தமாதி³த்யமிவாத்மதேஜஸா ।
வனௌகஸ:ப்ரேக்ஷ்யவிவ்ருத்³த⁴மத்³பு⁴தம் 3 ப⁴யார்தி⁴தாது³த்³ருவிரேததஸ்தத: ॥ 97 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ ஷஷ்டிதமஸ்ஸர்க:³ ॥
